طفيت لمبة الاسلوب000000000

[عاشق عبير]

من الامس رعصت الحبة وطفيت لمبة الاسلوب وتخلصت من المجاملات وخوى

الراس وكانت اول دقه بصاحبي في الاستراحة اللي كل ماجيت ولاه حاط اكشن

او فيلم اجنبي ياجماعه اول مرة اشوف واحد يتابع اربعة افلام دفعة وحده يتنقل

ويناقز من فيلم لفلم ونا مسكت ومتحمل وصابر والكثير غيري متحملين بس انا

امس طينته وخربته واول مادخلت قلت له قش فيلمك وجب الريموت ورح تابع

ابيتكم ملينا ياخوي

نبي مباريات كاس العالم اوه نبي الارجنتين والبارغواي والارغواي نبي

نستمتع بلعب منتخبات امريكا اللاتينية اللي يلعبون وكأنهم في ساحات الوغى

نبي افلام وثايقية واشياء خفيفة على المعدة وش افلام وخرابيط

نبي نشوف وبرامج حيوانات توسع الصدر اموت وشوف اسد يلعن طوايف

الضبعة ويغبر بمرسول مرسوله

والله اكثرنا يجامل على حساب نفسه واحراق روحه بروحه بمجتمع بعض

افراده لايفهم التلميح ولا يشعر بالتململ

والله ملينا بكل مكان نجامل ونداري والعالم نصه كراتين

خلاص لقيت افضل حل تسكير لمبة الاسلوب وفتح باب العربجة وهذا افضل

حل للتعايش السلمي مع ربعنا

[أحاسيس مبعثره]

والله اخوي على حسب الشخص اللي امامك اذا كان

وجهه مغسول بمرق وماعليه والله اطفي المبه ونص

واذا كان غير كذاا مااطفي المبه,,

وفعلا يااكثر اللي يحتاجون تطفيت اللمبه عليهم بسسسسسسسس والله مافيه احلى من

اسلوب التسليك المفهوم لهولاء الاشخاص,

تحيتي,,

[كلام الليل]

مجامله مجامله مجامله مجامله .....!!!!!

[وَجدُ الْكِتَابَة]

وتعيش في ظلام ؟!!

[احمد النجم]

اقتباس: والله اكثرنا يجامل على حساب نفسه واحراق روحه بروحه بمجتمع بعض افراده لايفهم التلميح ولا يشعر بالتململ والله ملينا بكل مكان نجامل ونداري والعالم نصه كراتين

حياك عاشق عبير
أعجبتني جدا(نرفزتك) العفويه مع صاحبك المدمن على أفلام الاكشن!
وأنا اقراء حروفك رجع بي شريط الذكريات لنفس الطقوس التي مرت عليك مع أصحابك!

ومشكله صاحب الطبع_المجامل_ انه يخسر كثير من اجل رضاء من لايهمه الا نفسه!!

لــــــــذا -ولله الحمد- قررت ان اكون اكثر(صراحه) منك وأكثر جراءه ..فأبتعدت كليا
عن جلسات الاصحاب بشكلها _اليومي_!!ّ
فليس هناك أغلى من الحريه ! وليس هناك اجمل من الهدوء واشباع الرغبات الشخصيه
بلا كـــــدر!

لك كل الاحترام

[الضمير مجاز]

[read]شكلك ماقريت موضوعي والا كان شاكرني

حيث كتبت قبل عشرة أيام موضوع تحت عنوان المتمرد

وهي اننا لازم نتمرد على كل شيء ونترك المجاملة حتى مع اقرب الناس لنا

لأننا خلاص وش رايح نستفيد لاجاملت هذا وهذا على حساب نفسك وصحتك


عاد اللي يتابع فيلم مابه ملح وخاصة انك تجي والفيلم رايح نصه ولازم تنتظر لين يخلص

أجل اربعة افلام دفعة وحدة

لايكون له محل فديو ووده يشوف الجديد خخخ يسويها [/read]

[أبو الريش]

[align=center]انا اتهاوش أنا وواحد عندي اذا طلعنا للأستراحه هو يبي قناة غنوه وأنا ابي الجزيره الوثائقيه عجزنا نتفاهم هو عنيد وانا اعند ويحس انه يرتاح معي لكن يعيد العناد كم مره ويغثن احيانا اتهاوش انا وياه واي شي بجنبي احلته عليه واهج لان لامسكن بيدفنن بالارض اخاف من عصبيته
[/align]

["غرك غلاك"]

خير ما سويت , وفيه ناس لا دخلت ألاقيه متابع فلم للمرة الألف يشوفه !!

يمكن عنده تسميع له

[بنت منيره]

والله يا انتم فاضين يالشباب
هالحين طالع مع خوياك عشان تناظر فلم
العبوو بلووت احسن لك من هالافلااام>>يقاله تفهم بالبلوت

>>صزز ليه العيال يطلعون لـ الاستراحه ونصهم على الاب ونصهم عند الـتلفزيون...؟؟

ايه نرجع لموضوعك خلك صريحة بس بدون ماتجب العيد
يعني

كون صريح لطيف
ولاتكون صريح شرس

[الفتـ الذهبي ـى]

هههههههههههههههه

نفس المشكله مثلك واحياناً حاطين مسلسل يجيب المغص
والمباراه باديه له شوي مالك الا تسسرق الريموت وتحط الي تبي
والي يبي يجلس والي مايعجبه يقووم يطلع

[To Be]

[align=center]ههههههههههههههـ [/align][align=center]

حياك اخوي عاشق عبير

تصدق عاد

اصعب شئ متابعة ثلاثة افلام في وقت واحد

خاصة لاصار فترة التنقل بينها وقت الاعلانات التجارية

اعوذب الله تبدأ تتلخبط عندك الاحداث

ما تدري !!

البعاريين طلعن على اللي راكب يخت

او رئيس المافيا انجب تؤام

عمومــــــــــــــاً

إن استطعت تلبية رغبات الاخرين
دون ان تتعارض مع رغبات نفسك

ستستمر شمعة الاسلوب شاعله

تحيتي لك[/align]

[عاشق عبير]

اقتباس: والله اخوي على حسب الشخص اللي امامك اذا كان وجهه مغسول بمرق وماعليه والله اطفي المبه ونص واذا كان غير كذاا مااطفي المبه,, وفعلا يااكثر اللي يحتاجون تطفيت اللمبه عليهم بسسسسسسسس والله مافيه احلى من اسلوب التسليك المفهوم لهولاء الاشخاص,

والكلام عن نماذج تستحق اغلاق لمبة المجاملة وكسره للابد

[عاشق عبير]

اقتباس: مجامله مجامله مجامله مجامله .....!!!!!

لحد الملل واخرته ضغط وسكر

[عاشق عبير]

اقتباس: وتعيش في ظلام ؟!!

في الظلام رحمة وستر

[عاشق عبير]

اقتباس: حياك عاشق عبير أعجبتني جدا(نرفزتك) العفويه مع صاحبك المدمن على أفلام الاكشن! وأنا اقراء حروفك رجع بي شريط الذكريات لنفس الطقوس التي مرت عليك مع أصحابك! ومشكله صاحب الطبع_المجامل_ انه يخسر كثير من اجل رضاء من لايهمه الا نفسه!! لــــــــذا -ولله الحمد- قررت ان اكون اكثر(صراحه) منك وأكثر جراءه ..فأبتعدت كليا عن جلسات الاصحاب بشكلها _اليومي_!!ّ فليس هناك أغلى من الحريه ! وليس هناك اجمل من الهدوء واشباع الرغبات الشخصيه بلا كـــــدر! لك كل الاحترام

وكل انسان له خياراته حسب مقدرته كطريقة الدعوة من التغيير باليد الى اللسان

الى القلب