قم ولّم الاحساس جانا الليل ..!
رتّب حنينه .. شبّ مصباحه !!
الصب ... صب وأغرق المنديل !
والموت عينه .. عين لّمــاحه !
لانام جرحه .. اشعل القنديل !
شف كيف تصحى باقي جراحه !؟
ولاحط ( آهه ) في يدينك / شيل !
يا شين ! حسّ شلون صدّاحه !!
واحضن دموعك بالخفا / لا قيل :
( ما كل ورده حب ... فواحه ) !
وقل للمواجع : اصبري .. والويل !
للي خذاه البعد .... وارياحه!
وقل للأماني : لا عطاك السيل !!
للحين فينا ... منّتي مرتاحه !!!
قلّي : احبك : قل : احبك حيل !
خل الطعون اتعيش في راحه !
تعال اقهويك الهلا والهيل !
وافتح لك الخفاق .. واجتاحه !
عاشقك شاعر من ظهور الخيل !
شاعرك عاشق حبّ ذبّاحه !!
يبرق لك الاوجاع كان تخييل !
وبرق المواصل فيك ما لاحه !!
ذبح لك عيونه عشان تسيل !!
ولحنك ( غنوه مأتم افراحه ) !!
يرسم عيونك للجدي وسهيل !
ويعدْ بسمك حبْ مسباحه !!!
اغناه حظه بالتعب / وبْخيل !؟
حظٍ حرمه يموت في راحه !
يالله تعال اموت / جانا الليل ..!
خل الحنين .. وخل مصباحه !
ما طاح من كتف الليالي حيل !!
بس طاحت الروح تفّاحه ..!!
...
العرض العادي
