والله من شين الطعم يالدريم ويب

[قـتـالـه]

عندنا غوالي يوم السبت
وبصلح حلا بعد العشا أكواب كبتشينو
واللي مدقر لي هالدريم ويب
والله ياعليه طعم تقل علاج
ينطبق عليه المثل هب بليا لب :|

^

كيف أحسن سمعة المآخوذ اللي فوق وطعمه وريحة العلاج اللي
مخلوطه معوه :|
وش احط بالخلاط جبن كيري او جلي او وش ؟
ماابي لونه يتغير ولا ابي طعمه يعطي بمذاق آخر
لأن الحلى بطعم القهوه
المآخوذ بيصير رغوه كثيفه فوق الاكواب

^
زي ذا وش حليله

[(*§ حـــــور §*)]

عندي طريقة جهنمية
تخلي المااخوذ طعمه عسل مصفى
بس ماانب قاايلتن لتس
لما تعزمينن معهم ض1
شوفي ياابنت عمي
حطي معه فاانيليا واخلطيه بمااء باارد لمدة عشر دقااائق
وان ماااضبط معتس
هاااتيه اكله انا

بالتوفيق لش ولضيوفش
والله يعين على ضيووفي يوم الاحد

[قـتـالـه]

اقتباس:  المشاركة الأصلية كتبت بواسطة (*§ حـور §*)     حطي معه فاانيليا واخلطيه بمااء باارد لمدة عشر دقااائق

حياتس والله
ان ماجيتي وصلك حقك وماهو قدرك
بس كيف احط معه فانيلا وهو ماخلا طعمه علاج الا الفانيلا
انتي تقصدين الفانيلا البودره او السايل او هذاك البني ؟

[كروومه]

هلا وغلا بقتااله

منووره يااخلفهم المطبخ

شوفي يالغاليه انا اعتقد ولا اجزم ان علبه قشطة التاج تضيع



شوي من طعمه موفقه يالغلا !!

[(*§ حـــــور §*)]

اقتباس:  المشاركة الأصلية كتبت بواسطة قـتـالـه     حياتس والله ان ماجيتي وصلك حقك وماهو قدرك بس كيف احط معه فانيلا وهو ماخلا طعمه علاج الا الفانيلا انتي تقصدين الفانيلا البودره او السايل او هذاك البني ؟

الله يحييتس
ويشرف قدرتس
لا
اقصد البودرة
اجل شوفي يااحبي لتس
ماافيه حل الا انتس تسوين حلا ماافيه دريم ويب اصلا
او كريمااات ومهلبيااات ساادة

[قـتـالـه]

اقتباس:  المشاركة الأصلية كتبت بواسطة كروومه     شوفي يالغاليه انا اعتقد ولا اجزم ان علبه قشطة التاج تضيع

نور المطبخ بضيانه
هلا بكرومه مية تهلاة
وهذي نواياي بخلطه مع قشطه فرش ويارب يروح طعم العلاج :|

[قـتـالـه]

اقتباس:  المشاركة الأصلية كتبت بواسطة (*§ حـور §*)     ماافيه حل الا انتس تسوين حلا ماافيه دريم ويب اصلا

معهم واحد يموت بأكواب الكبتشينو

[أسيل محمد]

.
.
.
.

طيب ليش ماتضيفين عليه دمعة ماء ورد او شوية هيل وياعزيلي لو مايضبط معك لاني بصراحه ماعمري جربت بس قلت خن نحط التجربه فيك

شوفي هو راح تتغير النكهه لكن ماظنتي يتغير الطعم
او اخلطي معه كريم كراميل
وعلمينا وش ضبط معك

[دلـع الحـلا]

انا مثلتس مير لاتزينينه ساده ترى موب ماكول


شوفي انا اخر مره خلطت معه كريمه


بس صار كانه اسكريم يعني ماناسب مررره

[قـتـالـه]

اقتباس:  المشاركة الأصلية كتبت بواسطة أسيل محمد     . او اخلطي معه كريم كراميل وعلمينا وش ضبط معك

هلا أسيل محمد
طمنيني على الوالد يارب أحسن
أخاف أحط كريمه يتغير لون المآخوذ
نداريه هو ولونه وهو أشين ماخلق الله :|
ودتس يدري راعي المصنع اننا بلشين بتحسين طعمه

[قـتـالـه]

اقتباس:  المشاركة الأصلية كتبت بواسطة جبنة كيري     انا مثلتس مير لاتزينينه ساده ترى موب ماكول

ابخلطه معتس يالجبنه ويارب يزبط
عاد هو وجه حلاي لابارك الله بوجه اللي صنعوه وش هالذوق له :|

[ام يزن]

افضل طريقة للتعامل معاه
هو انك تضيفي قشطه
و قشطة المراعي افضل من التاج لانها بيضاء ما تخرب اللون

وهنا
http://www.buraydh.com/forum/showthread.php?t=316963
طريقه مره حلوه
بالتوفيق

[أسيل محمد]

الوالد برجاء الكريم
عندي لتس راي اسمه راشد
جربي وحطي كفي ميت بدال الدريم ويب
لان الكوفي ميت مثل ماخوذتس هذا يسوي رغوه

او جربي هذه
علبتين كريم كراميل ( البودرة وليس الكراميل )
كيسين دريم ويب
3 ملاعق حليب بودرة ( نيدو )
علبتين قشطة ( باردة من الثلاجة )
1 حليب أبو قوس ( بفضل بارد )
تحلط بالمضرب الكهربائي لين تتكااثف ويصير لونه ليموني ولاجيتي تقدمين الحلا طفي النور وافتحي الشموع منه ماينتبهون للون ومنه يصير الجو رومنسي
طيب قولي لنا وش اسم حلاك عشان نقدر نفيدك اكثر

[قـتـالـه]

اقتباس:  المشاركة الأصلية كتبت بواسطة صبا مبارك     افضل طريقة للتعامل معاه هو انك تضيفي قشطه و قشطة المراعي افضل من التاج لانها بيضاء ما تخرب اللون وهنا http://www.buraydh.com/forum/showthread.php?t=316963 طريقه مره حلوه بالتوفيق

لباتس والله توي انتبه لموضوعك السموحه :/
طريقتي تشبه شغلتس بس انا فيه داجستيف بدل الكيك
والخلطه فيها ظروف كبتشينو
بجرب خلطتك الفوقيه شكلها لذيذه
ماقصرتي ياعوين

[قـتـالـه]

اقتباس:  المشاركة الأصلية كتبت بواسطة أسيل محمد     ولاجيتي تقدمين الحلا طفي النور وافتحي الشموع منه ماينتبهون للون ومنه يصير الجو رومنسي طيب قولي لنا وش اسم حلاك عشان نقدر نفيدك اكثر

لبى الفزايع
مااقدر اطفي اخاف اتهور بالظلما
اسم حلاي اكواب الكبتشينو يالبان انا وحلاي
مادري وراي مااغط اصبعي بقوارير مي وأوزعهن مع ملاعق
ويسد :|