مقالب كويتي::::

[صريح]

مقالب
-في يوم من الأيام راح رجل إلى السوبر ماركت عشان يتبضع على قولتهم وبينما هو يشتري أغراضه ... كان ملاحظ حرمه عجوز تحوم حواليه وتراقبه من بعيد لبعيد !!!! واستغرب منها وقال في نفسه من هالحرمه وليش تراقبني بنظراتها ؟؟؟؟ وبعد ما خلص وأخذ كل مايلزمه راح عند (الكيشر) المحاسب وإذا بالحرمه كانت هناك قبله وتحاسب على الأغراض اللي اشترتها ... في هالأثناء سألت الرجل وقالت له : أنت شنو أسمك ؟ قال لها: فلان قالت له : آآآآآآآه تعرف ياوليدي أنك ذكرتني بولدي المرحوم هني بدأ يفهم سبب نظراتها له قال لها اوووو الله يرحمه ويعطيج طول العمر قالت له بس أنت تشبهه بشكل رهييييييب ياوليدي قال لها : يخلق من الشبه أربعين قالت له : ممكن أطلب منك طلب .. بس لاتردني أرجوك قال لها : خير شنو طلبج وإنشاءالله أقدر البيه لج؟؟ قالت له : هو طلب واحد وأنا متأكده إنك تقدر تنفذه وماراح يصعب عليك قال لها : خير قالت له : خير بويهك ياوليدي بس كل المطلوب منك وبما أنك تشبه ولدي وااايد أطلب منك تناديني يمّه قال لها بس جذي !!! ( يمّه) قالت له لالالالالا مو هذا قصدي .... قصدي وأنا ماشيه الحين تودعني وتقول لي مع السلامه يمّه وتكررها كم مره أرجوك ياوليدي لاتحرمني من هالطلب تكفى وبعد ماخلصت مشت وهو نفذ طلبها وقام يقول لها ( مع السلامه يمّه ) عدّة مرات ولما جاء دوره يحاسب طلع له الحساب فوق مايتصور وأكثر من اللازم أستغرب وإستفسر منهم قال له الكيشير أن والدتك طلبت منّي أسجل الفاتوره على حسابك انصدم الرجل وعرف سر كل هالمسرحيه اللي مثلتها عليه العجوووووووز وفعلاً أن كيدهن عظيم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
وأنا في سنه ثانية متوسط كان مدرس الإنجليزي يموت في ضرب الطلاب .. الله يسامحه .. وفي يوم من الأيام جاء مدرس الإنجليزي وجلس يسولف معانا ويقول ويش رأيكم بتدريسي طبعا قلنا له تدريسك ممتاز قال ابي كل واحد يأخذ ورقه صغيره ويكتب فيها نعم أو لا إذا كان يعجبك تدريسي اكتب نعم وإذا كان ما يعجبك تدريسي اكتب لا فقط ولا أحد يكتب أسمه حتى تكون الإجابات حقيقية طبعا أخذت ورقة وكتبت فيه ( لا ) لأني عارف انه أكثر الطلاب حيكون جوابهم ( لا ) لأننا ما نحب المدرس بسبب الضرب المستمر والمبرح وبعد ما كلنا كتبنا طلب من أحد الطلاب تجميع الأوراق في كيس وسلمها للأستاذ قام الأستاذ يفتح الأوراق وتطلع الأوراق



عارفين ايش طلعت الأوراق



طلعت كلها ( نعم ) ماعدا ورقة واحدة ( لا ) ـ



طبعا ورقتي الوحيدة



قلت لنفسي ما يهمك الأستاذ مش حيعرف هي ورقة مين

قام الأستاذ يقول هذي ورقة مين

مين كتب ( لا ) في ورقته

طبعا جميعنا انكرنا علاقتنا بهذه الورقة

قام الأستاذ يرص الأوراق على الطاولة وطلب من كل طالب يحدد ورقته ويقوم الأستاذ يكتب اسم الطالب عليها ويخليها معاه طبعا جا دوري واخترت ورقه مكتوب فيها نعم وقلت له هذه



لكن تدرون ويش صار بعدها



اللي صار انه واحد من الطلاب ما حصل ورقته وخلاه يشوف في الأوراق اللي اخترناها طبعا هو يعرف خطه فقال هذه ورقتي يا أستاذ والورقة الأستاذ قد كتب اسمي عليها



طبعا انكشفت



عارفين ويش صار



قام الأستاذ ويأخذ العصا وهات يا ضرب



ايش من ضرب



ضرب عمري ما انضربته ولا عمري شفت احد أنضرب زي هذا الضرب

ويضرب ويقول ما يعجبك تدريسي هاه



تدرون بعدها ايش اللي صار



اللي صار انه بعد يومين قامت وزارة المعارف بتوزيع استمارات على الطلاب فيها أسئلة كثيرة من بينها مين من المدرسين يعجبك تدريسه وما هي الأسباب

ومين من المدرسين ما يعجبك تدريسه وما هي الأسباب ؟

وغيرها كثير من الأسئلة

وطلبوا من الطلبة الإجابة الصحيحة وطلبوا من المدرسين عدم التواجد داخل الفصول حتى يأخذ الطلبة راحتهم



ويش تتوقعون كانت إجاباتي



طبعا جاوبت قلت كل المدرسين ممتازين خاصة مدرس الإنجليزي

والأسباب لأنه ما يضرب !َ!!!ـ



أكيد انتم زعلانين ليش جاوبت شذي



عارف إنكم زعلانين بس مو مشكله



لأنكم ما ذقتوا الضرب اللي أنا ذقته



المهم طولت عليكم وبعد ما تخرجت من المتوسطة ودخلت الثانوية

كنت اسأل الطلاب اللي يتخرجون من نفس المدرسة عن مدرس الإنجليزي طبعا كانت الأخبار تجي وتقول عنه انه مستمر في ضرب الطلاب حتى وردت أخبار أنه صار له حادث في طريق جده - مكه وانقلبت فيه السيارة لكن جت سليمة وبعدها صار ما يضرب الطلاب والله يسامحه

لكن هذا المقلب اللي سواه فيني ما أنساه


__________________
منقول


:3: :4:

[الطيف]

مشاركة حلو ياصريح