انقذوااااااا أجيالنا من معلمات اليوم ..!!!

[سمو ذات]

بسم الله الرحمن الرحيم ..
مسائكم / صباحكم مسرات ..

الموضوع ومايحوي هو أن بعض (( لاحظوا إني قلت بعض من كل ))
المدرسات تخرجت بكالوريوس ومع هذا لاتتمتع بأدنى متطلبات الثقافه العامه
الهدف عندها التخرج والحصول على الوظيفه ..
.
.
ماأبي اطول عليكم هذي السالفه صارت عند اختي باحدى المدارس المتوسطه وانتم احكموا..
.
.
السالفه سلمكم الله إن الإداره وزعوا على الطالبات اوراق تتطلب من الأهل ملئ بياناتها تخص الحاله الاجتماعيه وغيره ,,
وكان من ضمن الأسئله سؤال يقول :
نوع السكن : (فيلا - بيت مسلح -بيت شعبي - خيمه )
وحده من البنات سألت المعلمه وش معنى بيت مسلح ؟؟
ناظرتها المعلمه بعين الاحتقار وقالت : ليش تسألين انتي ارهابيه؟؟!!!!!!!!
.
.
السؤال اللي يطرح نفسه هل المعلمه تجهل معنى البيت المسلح ؟؟
وإذا كانت الإجابه نعم .. وهذا الأكيد والواضح ..
فهذي مصيبه حلت على عقول اجيال الغد..
وللمعلوميه المدرسه متخصصه بمادة الدين؟؟؟؟؟؟؟؟؟
إذا هذا مستوى عقلية معلمة الدين فعلى البقيه السلااااام..

ولا ابخس حق جميع المعلمات
فهناك الكثيييير وضعوا بصمات واااضحه لحياتنا الشخصيه زياده على البصمه العلميه

فشكرا من الأعماق لكل مجتهده ترجوا انشاء جيل واعي ومثقف..

[سمو ذات]

اف اف اف
شدعوى الموضوع من يومين هنا والمشاهدات 25 ؟؟؟
ولا واحد قال اقول اكتب اللي طرى على خاطري وهو يقرأ الموضوع..
.
.
بلاااااش لا تردون مو غصب ..
بس بليييييييز يامشرفين القسم قفلوا الموضوع او احذفوه ولا يبقى كذا ..


..........

[أبو الريش]

الجهل وارد,, وياما وياما حجّرت لبعض الاساتذه ماعندهم ثقافه ابد

ياخي بعض المعلمات ماتعرف تتحمل وضع الطالبات بالفصل وتحاول تتلاشى اي شي يجي منهن

كلام كثييير بقوله لكن ماقول الا الله يخلف

[نـــNAــونا]

كلامك صحيح وغالبا أسمع أردى من هذا الكلام

كلمات مسيئة للطالبة وتشبيهها بالحيوانات

ومثل ما قلتي ما نبخس حق البقية الكثير أيضا لهم بصمات رااائعه

بس المفروض الأم ما تتنازل عن حق بنتها وتذهب للمدرسة وتشكو تصرف المعلمة خصوصا إنها تدرس مواد الدين وهي تجهل إن الكلمة الطيبة صدقة

ترى أنا معلمة خخخ >>> بس والله إني حبيبه ما أذي احد

[الـريـــــــــم]

اهلا بك والمعلمات اغلبهن اسلوبهن جميل ولكن المشكلة بالجامعات وكيف خرجهن البعض وايضا التربية لها اساس بتعامل المعلمة مع طالبتها ومن واقع تجربة كمرشدة طلابية نعنى من بعض المعلمات االفاقدات لحسن التربية وكيفية التعامل مع الطالبات

[X 7oor S3od X]

اقتباس: شدعوى الموضوع من يومين هنا والمشاهدات 25 ؟؟؟ ولا واحد قال اقول اكتب اللي طرى على خاطري وهو يقرأ الموضوع..

أفا ياسمو ,, زعلتي ,,
لا تراي توي أشوفه ,, بس شد إنتباهي الموضوع
أحسب معهن متفجرات وإلا هفوه خخخخخ

اقتباس: ناظرتها المعلمه بعين الاحتقار وقالت : ليش تسألين انتي ارهابيه؟؟!!!!!!!!

يالله لك الحمد على نعمة العقل ,,
أجل إرهابيه ,,

يامل الثانكيو سمو ,,

[ROZA]

[align=center]يمكن تبي تغير جو الحصه وتضحك البنات
ماتوقع فيها شئ
شكلها قالتها من باب الدعابه[/align]

[فجــر]

هههههه أنا على وشك تخرج ولا أعرف عن البيت المسلح شيء!
يعني أنا من الفئة المذكورة آنفاً !

[سمو ذات]

اقتباس:  المشاركة الأصلية كتبت بواسطة أبو الريش     الجهل وارد,, وياما وياما حجّرت لبعض الاساتذه ماعندهم ثقافه ابد ياخي بعض المعلمات ماتعرف تتحمل وضع الطالبات بالفصل وتحاول تتلاشى اي شي يجي منهن كلام كثييير بقوله لكن ماقول الا الله يخلف

صحيح الجهل وارد وبعضهم لو مهما وحجرت له أو حتى حاولت تفهمه يبقى عوج

شكرا ابو الريش لطلتك

[سمو ذات]

اقتباس:  المشاركة الأصلية كتبت بواسطة نـــnaــونا     كلامك صحيح وغالبا أسمع أردى من هذا الكلام كلمات مسيئة للطالبة وتشبيهها بالحيوانات ومثل ما قلتي ما نبخس حق البقية الكثير أيضا لهم بصمات رااائعه بس المفروض الأم ما تتنازل عن حق بنتها وتذهب للمدرسة وتشكو تصرف المعلمة خصوصا إنها تدرس مواد الدين وهي تجهل إن الكلمة الطيبة صدقة ترى أنا معلمة خخخ >>> بس والله إني حبيبه ما أذي احد

هلا والله بالمعلمه الحبيبه الكلمات المسيئه على قولتك أعتقد ان بنات هالجيل
مايسكتون لها لو قالتها يردون الصاع صاعين ملسونات الله يهدي الجميع
شكري لك نونا لطلتك اللطيفه

[سمو ذات]

اقتباس:  المشاركة الأصلية كتبت بواسطة الـريـــــــــم     اهلا بك والمعلمات اغلبهن اسلوبهن جميل ولكن المشكلة بالجامعات وكيف خرجهن البعض وايضا التربية لها اساس بتعامل المعلمة مع طالبتها ومن واقع تجربة كمرشدة طلابية نعنى من بعض المعلمات االفاقدات لحسن التربية وكيفية التعامل مع الطالبات

اللباقه والذوق بدأت تتلاشى واصبحت سلاطة اللسان سيدة الموقف
.
.
شكرا الريم وأهلا بطلتك

[سمو ذات]

اقتباس:  المشاركة الأصلية كتبت بواسطة حـــور سعود     أفا ياسمو ,, زعلتي ,, لا تراي توي أشوفه ,, بس شد إنتباهي الموضوع أحسب معهن متفجرات وإلا هفوه خخخخخ يالله لك الحمد على نعمة العقل ,, أجل إرهابيه ,, يامل الثانكيو سمو ,,

لا زعلت ولاشي بس تدرين يوم ماشفت ردود طرا على المثل اللي يقول ((الحي يحييك والميت يزيدك غبن)) عشان كذا قلت احذفوه ..

وانتي الظاهر ماعليك خوف لأن جيلك محو أميه ماعندكم شكاوي على معلماتكم
بس الظاهر هن عندهن شكاوي عليكم خخخخخخخ

شكرا حواري لوجودك ..
كالعاده طلاتك لطيفه

[سمو ذات]

اقتباس:  المشاركة الأصلية كتبت بواسطة roza     [align=center]يمكن تبي تغير جو الحصه وتضحك البنات ماتوقع فيها شئ شكلها قالتها من باب الدعابه[/align]

مااعتقد انه هذا المقصد وإلا كان ردت الجواب على البنت بعد المزحه
ولااعتقد دعابه تجي بنظرة احتقار ؟؟؟

شكرا روزا لوجودك

[سمو ذات]

اقتباس:  المشاركة الأصلية كتبت بواسطة فجــر     هههههه أنا على وشك تخرج ولا أعرف عن البيت المسلح شيء! يعني أنا من الفئة المذكورة آنفاً !

أهلا فجر إذا كنتي على وشك تخرج شدي حيلك قبل التخرج وتعلمي وش معنى كلمة بيت مسلح عشان ماتصيرين من الفئه المذكوره أنفا خخخخخخخخخخخخخ

[صـاحي و رايـق]

مشكوووووووووووووووره