يملك جواز سفر .. لاأريده زوجا ..

[زمن الغرباء]

بسم الله الرحمن الرحيم ..

من اخبار اليوم ..

نسبة مرضى الايدز في السعودية : 400 مريض كل عام !!

لانتشار الايدز اكثر من سبب
لكن اقوى سبب هو العلاقات المحرمة ..

من الاسباب اللي نشره في مجتمعنا سفر الرجال للخارج ..

أولـ ..
كانوا اجدادنا يسافرون لطلب الرزق .. وماكانت الدنيا مثل الان
خلاعة _ عري _ خمور _ مراقص

أما الان !!



لو يروح الواحد لكثير من البلاد العربية ويسألهم عن اسباب مجيء السعوديين والخليجين لبلدهم
الجواب معروف ..؟!

افتحوا اليوتيوب فيه مايكفي من الشواهد على افعال كثييير من شبابنا هناك !!

ومازال الشاب كثير السفر لما يخطب ويرفض يستغرب ؟!
غريبة ..
حتى الان ماعرف السبب ؟!

انا ماأعمم .. فيه شباب الحمدلله حتى الان ماوقعوا في المحرمات اثناء سفرهم .. لكن انا مثلا كفتاة مخطوبة كيف أعرف؟!
الرسول عليه الصلاة والسلام يقول ((من حام حول الحمى يوشك ان يقع فيه )) وقال عليه الصلاة والسلام { فاتقوا الدنيا واتقوا النساء فإن أول فتنة بني إسرائيل كانت في النساء }
والله ان الرجل ضعييف جدا قدام الحريم اللي عباياتهن فاتنة فكيف باللي لبسهن عاري يمشن قدامه بالشوارع في البلاد اللي يسافر لها ..
ليش يلعب على نفسه ؟!

من الاشياء اللي تخلي سفر الرجال مشكوك فيه ..
* الرجال اللي يسافرون _ بعضهم _ لو يقوله احد ليه ماتاخذ أهلك رفض ؟!
انا اتوقع الدولة اللي بيروح له مكتوب عليها للرجال فقط !!
* الدول اللي يسافر لها كثيير مافيها ذاك الطبيعة الخلابة ولاذاك الجو الساحر .. بعض مناطق المملكة احسن منها بكثيير ولاعمره راح لها !
* تكرار سفره بالسنة الوحدة يسافر اكثر من مرة
* اذا كانت السعودية اللي هي اقل الدول فتن بالشكل اللي نشوفه الان فكيف راح يكون الوضع بغيرها
* نسمع ان فيه رجال اعمارهم تعدت الاربعين ومتزوجين وقعوا بالحرام وماأستطاعوا يتخلصون منه .. فكيف باللي بقمة شبابه وماتزوج !
بعض الشباب يقولون انتشر السفر الحرام بسبب صعوبة الزواج
الكلام هذا _ يمكن _ يدخل المخ لو كان هالانفتاح في البلاد اللي انت عايش فيها .. لكنك تقطع مئات الكيلوات وتروح للحرام عشان هالحجة هذا شي غير منطقي ..

همسة للشاب
لاتتضايق اذا تقدمت لخطبة بنت ورفضتك عشان السفر _ مثل ماانا سويت وماندمت الحمدلله
جاء الوقت اللي لازم البنت تفكر في صحتها حتى لو تقدمت بالعمر
الصحة ماتنشرى بفلوس
وجاء الوقت ان البنت تبي العفاف من الرجل مثل ماانه هو يبيه منها (( وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ )) سورة النور .

التوبة _ الاستغفار _ الدعاء _ الصوم كلها ابواب مفتوحة قدامك ..


الحمدلله الذي عافاني مما ابتلى به كثيرا من خلقه
اللهم عافنا وجنبنا الفتن ماظهر منها ومابطن
..

[الصيااد]

اختي زمن الغرباء اذا رفضك بسبب جواز السفر فهذا خطأ منك وغير مقبول .
فجواز السفر مهم في وقتنا هذا فمنهم من جلب العلم والمعرفة والخبرة والفائدة بسبب جواز سفر .

ومع ذلك لا الومك بما يفعله معظم الشعب السعودي ليس بالشاب بل المتزوجين الكبار ادهى وامر بالخارج شيء يندى له الجبين .

[ألمــاس]

بس اختي فيه كشف وتحاليل قبل الزواج
فيه شباب ماسافروا ابد للخارج ومسوين كل شي يخطر في بالك
اقصد وشيبان بعد لان اغلب المتزوجين يخونون الله لايبلانا

[سوااح]

اختي الموضوع ليس له علاقه بجواز السفر
ففكرة (عنده جواز ) عثا عليها الزمن ،،
فيه كثير ناس تسافر للعلم والسياحه وغيره
مايعني انه الشاب يسافر كل سنه انه خربان لازم نفرق بين السفر المباح والسفر المشبوه،،،،
وعلي قولتك الفتنه اقسم بالله ان الفتنه اللي يسونه بناتنا بطريقة لبس العبايه ومكياج العيون اشد علي قلب الرجل من فتاة مستلقيه علي الشاطى بميوه!؟!؟!؟*

[زمن الغرباء]

اقتباس:  المشاركة الأصلية كتبت بواسطة الصيااد     اختي زمن الغرباء اذا رفضك بسبب جواز السفر فهذا خطأ منك وغير مقبول . فجواز السفر مهم في وقتنا هذا فمنهم من جلب العلم والمعرفة والخبرة والفائدة بسبب جواز سفر . ومع ذلك لا الومك بما يفعله معظم الشعب السعودي ليس بالشاب بل المتزوجين الكبار ادهى وامر بالخارج شيء يندى له الجبين .

جاوبت على نفسك يااستاذ الصياد

مشكوور جدا

[زمن الغرباء]

اقتباس:  المشاركة الأصلية كتبت بواسطة اخت القمر     بس اختي فيه كشف وتحاليل قبل الزواج فيه شباب ماسافروا ابد للخارج ومسوين كل شي يخطر في بالك اقصد وشيبان بعد لان اغلب المتزوجين يخونون الله لايبلانا

طيب وبعد الزواج ؟
صحيح يالغالية فيه شباب ماسافروا ويسوون محرمات
لكن اللي باستطاعتنا نسويه بدرء المفاسد
لان السفر المحرم من الاشياء الواضحة

منوورة يالغالية

[زمن الغرباء]

اقتباس:  المشاركة الأصلية كتبت بواسطة سوااح     اختي الموضوع ليس له علاقه بجواز السفر بل له علاقة وثيقة يااستاذ سوااح مو انا اللي اقول الاحصائيات هي اللي تقول ففكرة (عنده جواز ) عثا عليها الزمن ،، عندي انا لا يااستاذي فيه كثير ناس تسافر للعلم والسياحه وغيره أكيد مايعني انه الشاب يسافر كل سنه انه خربان لازم نفرق بين السفر المباح والسفر المشبوه،،، مافيه شي يخليني افرق اذا عندك طريقة تخليني افرق علمني ارجوك وعلي قولتك الفتنه اقسم بالله ان الفتنه اللي يسونه بناتنا بطريقة لبس العبايه ومكياج العيون اشد علي قلب الرجل من فتاة مستلقيه علي الشاطى بميوه!؟!؟!؟*

ذكرت انا ان البنات اللي يلبسون العبايات بطريقة مغرية انهم فاتنات
لكن اشد من المايوه ؟؟!!
غريبة

شكرا جزيلا استاذ سواح
يبدو من اسمك انك لاف الدنيا الله لايضرك بشر

[سوااح]

اقتباس:  المشاركة الأصلية كتبت بواسطة زمن الغرباء     ذكرت انا ان البنات اللي يلبسون العبايات بطريقة مغرية انهم فاتنات لكن اشد من المايوه ؟؟!! غريبة

ايه اشد من اللي لابسه ميوه بل على العكس شكل الانسان متعري مقزز،،،
وجدتي تقول ( كل مغطى يشفى عليه وكل مكشر مابه شفاة)

[عاشق ديرتي بريده]

اذا البنت ماراح تتزوج شخص معه جواز سفر

والرجل ماراح يتزوج بنت تدخل النت

اجل اقعدوا ببيوتكم مافيه عروس

من يخاف الله فلا جواز سفر او نت يغيره

[سكوفلد]

65 إصابة بالإيدز سنوياً يكشفها فحص ما قبل الزواج


عبير الرجباني - سبق - الرياض: كشف مدير عام الإدارة العامة للأمراض غير المعدية ومدير الفحص المبكر قبل الزواج الدكتور محمد صعيدي عن أن حالات "الإيدز" المكتشفة بين المقبلين على فحص ما قبل الزواج تبلغ نحو 65 حالة سنوياً.

وأوضح صعيدي لـ"سبق" أن نسبة الإيدز المكتشفة بين الذكور أعلى بكثير من نسبة الإناث، كاشفاً أن المنطقة الوسطى تصدرت مناطق المملكة في معدلات الإصابة بالمرض، وتلتها تباعاً المنطقة الغربية ومن ثم الجنوبية وبعدها الشرقية، وأخيراً الشمالية.

وأشار إلى أن عدد مراكز الفحص في المملكة بلغ 130 مركزاً تابعاً لوزارة الصحة، بينما هناك 20 مركزاً خارج وزارة الصحة.

[نـدى الـورد]

:



لا عزيزتي


ليس هكذا تكون موازين الامور التي تنبلج منها القرارات المصيرية


الجواز ليس مقياس لتواجد اي مرض


بل الكشف الطبي


اذا تقدم شاب لاي فتاة ومعه جواز سفر وهذا المتعارف عليه لانه لم يعد يوجد احد بلاه


وفيه ختم عشرات الدول التي زارها


لاتهتم بهذا الامر


بل توجب ان تحرص ع الكشف الطبي فقط


والله يهني سعيد بسعيده

[طقاقة بدون مايك]

يَ ويلي...آوف كل هَ النسب عندنا بِ آيدز.!!!..‘‘..‘‘!!~


والله الفآسد فآسد...بِ جوآز وإلآ بِ طاقة آحوال ...‘‘..‘‘!!~

[طقاقة بدون مايك]

اقتباس:  المشاركة الأصلية كتبت بواسطة سكوفلد     وأوضح صعيدي لـ"سبق" أن نسبة الإيدز المكتشفة بين الذكور أعلى بكثير من نسبة الإناث، كاشفاً أن المنطقة الوسطى تصدرت مناطق المملكة في معدلات الإصابة بالمرض، وتلتها تباعاً المنطقة الغربية ومن ثم الجنوبية وبعدها الشرقية، وأخيراً الشمالية. .

ُحلوين ..يَ ليت لو يكون السبب بِ هذ1 بعد رحمة الكريم آنه توعية وجهود منطقة الشرقية والشمالية بِ هذا الامر وَ مَ تكون مُصادفة فقط ..لآنه آستغربت آنهم بِ المراتب الاخيرة ..‘‘..‘‘!!~
نقول الحمد الله ..‘‘..‘‘!!~
الله ينهض عن البقية وعنًآ ..‘‘..‘‘!!~

[شاها]

آغلبهم يسافرون براا معقوله يطبق عدم تزويجهم
عند اغلب العوائل مااعتقد موجود
هالشي آسمع فيه بآس كتطبيق ماكو والله يهدي الجمميع ..~

[ما فارقة خيالي]

من لا يراقب الله في تصرفاته .. لا يمنعه لا جواز ولا غيره

من ارتكاب الحرام ..