!_§=½‰ـدررر§®½‰±«BadeR»±‰®§البـ‰=½§

[البـــBADERـــدر B.D.Q]

تروح مع مناك

اذا جتك البقاله خله ورح مع مناك << اذا سمعت هالكلمه تأكد ان الي قايلها ( مره ) تحاول توصف .

والمشكله لو تسئله مع وين مناك .. تقول رح انت وتدري معين << ودوه يدخل مع الجوال ويزنطه الين تطلع عيونه

يعني كلمه( مع مناك ) ولا كلمه ( هماه ) هذي كلمه لازم تدخل بتوصيف الحريم

وياويلك سواد ليلك لو ماتدل الوصف

لكن احقاق للحق .. فيه بعض الحريم اذا وصفت تقول عن 10 رجال .. < حقاني

[البـــBADERـــدر B.D.Q]

أكثر امرأه يهابونها الرجال ويحترمونها وهم لا يعرفونها

فعلا المره المحتشمه ( قفاز وشراب رجلين ) تكون اكثر انسانه في السوق او الاماكن العامه لها هيبه ولها حضور ملفت وقوي للدرجه ان لا احد يتجرأ ويحط عينه عليهم .. احترام وتقدير لها

للأسف الحين اذا رحت للسوق او الاماكن العامه نادر ماتلقى مثل هالعينه
وصارت بعض العبايات للأسف بعيده كل البعد عن الستر والعفه .
حتى اذا لقيت مثل هالعينه تحصل ان حضوره ملفت للنظر .. يعني صرنا نستغرب المحتشمه ونرضى ومتعودين على الي غيره .!

احترامي وتقديري لمن لبس مثل هاللباس عن اقتناع وارضاء خالق وبعيد عن رضا مخلوق

[البـــBADERـــدر B.D.Q]

تكفىىى لاااا

وانا اقول ليش مالنا معجبات اثر قرد امه مسيطر ع الوضع

الحمد الله والشكر .. مادري من وين يطلعون هالاشكال هم وعقلياتهم

[البـــBADERـــدر B.D.Q]

خذها بالقصيمي إذا أنت ماتبلعن

بوه غيرك من زود المحبه ودوه ياكلن
~

[البـــBADERـــدر B.D.Q]

نطلوا (سرقوا ) نعالي


بهالديره لازم تحط لوحه على اي شي تملكه وتكتب عليه ( هن احد يقرب هالقش ) او تكتب ( الي يقول انا ولد ابوي يجي ذولي ) وتصير مثلك مثل الشيبان تفقد كل قشك

اليوم بالنادي بدلت الشحاطات بالجزمه ( عزكم الله ) , رحت اتدرب ورجعت ولقيتهن منطولات

[البـــBADERـــدر B.D.Q]

مركز تحميل الملفات

اللهم ارزقني مبرتهم

الواحد من يطلع على هالدنيا وهو اي شي يحتاجه او يوجعه تلقاه لا شعوريا ينادي يمه او يبه .!
تربى وشاف ان والديه هم ملجأه وملاذه في كل الاحوال .. وعنده ايقان تام انهم يعرفون مصلحته وانهم يعرفون لكل شي .

اليوم بعد ماكبرنا وكبر والدينا معنا وصاروا يفقدون بعض من كفائه حواسهم مثل السمع والبصر

تأملت في حالهم كيف كانت وكيف اليوم صارت ( الحمد الله مازالوا شباب ويخدمون انفسهم ومهوب بحاجه احد ) بس لما تشوف احد كبر وبان عليه الكبر والشيب طلع براسه.
بعد ماكان يشيلك على كفوف اديه .. واليوم يتوسد ايدك علشان يقوم من مقعده .

دنيا ماتسوى شي والله العظيم ماتسوى شي

الله يرزقني مبرتهم ويقدرني على رد لو شي بسيط من جمايلهم علي .. امين

[البـــBADERـــدر B.D.Q]

مركز تحميل الملفات

حليب البعارين

كنت صغير وكنت مدمن حليب بعارين .. اذا رحت للمزرعه انشب للجدي الا ابي حليب .. ولا يهنى لي الا انه مايكون معقم يعني من المصدر الى بطني

ذاك اليوم جاز لي بلحيل الحليب وكثرت كثرت مره .. وعقب نص ساعه انتفخ بطني وورم قوه (تقل بالعن حصاه ) وصرت يالله انفس .. حتى المشي منب امشي وقعدت

جا عمي المطوع ( الله يفك اسره ) يناظر بي وميت ضحك ويقرا وانا عيوني تغورق دموع واحتري احد يقول لي ياحول منتفخ بطنه ابصيح عليه هه << ضاق صدره يحسبه يبي يموت

عاد لو انا ميت من وين لكم بدر
مابوش

عقبه لا شفت البعارين امغصن بطني ( على الريحه الظاهر ) وحرمت اشرب حليب

[البـــBADERـــدر B.D.Q]

هذا انا لاحطيت راسي تحت الدش وطلع ماء بارد ابتل اناقز مالي خلقه ابد

[البـــBADERـــدر B.D.Q]

هوشه بنات . ( اوريس يابنت السلب انعن اوم اومسس )

[البـــBADERـــدر B.D.Q]

ام عبداللطيف (الله يطول بعمره ) الي عنده مثل هالانسانه نصيحتي له لا يفارق مجلسه ابد ..والله انه تسوى ذهب وكلامه كله درر وحكم

!

[البـــBADERـــدر B.D.Q]

مركز رفع الملفات

من الطبيعي جدا انك تصادف اشخاص كانت لك معهم مواقف سيئه قديما . او انك شلت بخاطرك عليهم نتيجه فعل معين
وبما ان الدنيا صدف وبيمر يوم من الايام وتلتقي احد منهم ,انتهجت سلوك معين اني انسى الموقف السيء او فعلهم واقابلهم بصدر رحب لعل وعسى ان الامور تتغير .

اقدر اقول :
تجاهللك لمواقف سابقه سيئه مع اشخاص التقيت بهم ، نافذه لفتح صفحه جديده بيضا معهم .

فهل انتم مثلي , ام ان نسيان الجرح امر صعب بالنسبه للبعضكم ؟

[البـــBADERـــدر B.D.Q]

ومضه

يامملوح يامملوح
ياسكر شلون مملوح
دام العسل منك يحلا
كيف البحر منك مملوح
لا تروح دونك حياتي بلا روح
والورد من غير همسك عطره ولا يمكن يفوح

[البـــBADERـــدر B.D.Q]

ركعتين قبل اذان الفجر

من الاعمال الي لها فضل كبير .. لا تخلونها

تصبحون ع ماتحبون

Bader

[البـــBADERـــدر B.D.Q]

فيديو تم تصويره بدقة عالية للبعوضة وهي تمتص الدم من جلد الإنسان، لاحظ في الفيديو مؤخرة البعوضة كيف تمتلئ بالدم، سبحان الله.

[البـــBADERـــدر B.D.Q]

رفع الصور

خبز تميس

مافيه سعودي ع وجه الارض راح يجيب خبز تميس وماكل منه , لازم يسلي روحه باطراف الخبز ( العجين ) الين ياصل بيتهم

مع ان بعض العجين توجع الحنتس ( الفك ) يروح يومك وانت تعلك به هه

بس مادري ليش احس انقطع التميس وصار من الماضي << يحاول يتذكر متى اخر مره شرا تميس

زمان والله