>> لو تسمحين :
ابغاك لو ربع ساعه ,,
ولا تودي بك افكارك ولا تجيب ..
قبلك ابنطقها وعندي شجاعه
عادي فقير وليه هو (( الفقر عيب )) ..
فقير يا بنت الترف والمياعه
لكن غني بعزتي والمووواجيب ..
ماني كذوب وينكشفلك قناعه
هذي من اولها بدون اي ترتيب ..
كذب المظاهر اعتبرها صياعه
ولا اسوق لكزس .. او بي ام .. او جيب ..
انسان عادي والزمن *حييييييييييييل لاعه*
عيت جروحه لا تداوي ولا تطيب ..
بس واللذي سواك ماهي بضاعه
كرامتي والصدق والفعل والطيب ..
حب المرااااجل منزرع بي زراعه
كذا تربينا وكذا راح نشيب ..
ولامر ربي قلت : سمع وطاعه
ولاهمني الدنيا وزيف الاكاذيب ..
وان كان حكيي ما يسرك سماعه
ما ازعل اذا يعني مقامك نوى يغيب ..
بلقى بدالك شخص بيغى القناعه
ورزقي ورزقه بيد الاقدار والغيب ..
يابنت انا وقتي لعب بي (ببشاعه)
وما اظن ظن وللاسف يمكن يصيب ..
بيني وبين الفرح كره وقطاعه
حتى شبابي مات مع طلعت الشيب ..
فيني حزن يوصل لحد الفضاعه
وفيني امل ياسرع ما يموت ويخيب ..
انا اللذي خانه حبيبه وباعه
وهذي بقايا طعنته والمخاليب ..
حسبي عليه الله لحظه وداعه
راح وتركني للورق والمكاتيب ..
واللي لعمرك شمس خانه شعاعه
عادي يخونكقبل حتى الاجانيب ..
رغم اتساع الكون وين اتساعه
ياقله الحيله وقل الاساليب ..
ياحزن هذا الليل اسدل شراعه
وكني معك اسهر بليل وتراحيب..
احلام عمري معتبرها اشاعه
في واقعي احسها بس تعذيب ..
>> آسف اذا طولت (بالربع ساعه)
قصه *فقير* وعندكم فقرنا عيب ...