قصه عجيــــــــــــــــبه عن الايتام .. وكافلهم

[م ج فايف]

منقول للعبرة والفائدة ...

تجربتي مع الأيتام .. من الفقر للغنى
(اللهم اجعل عملي خالصا لوجهك الكريم )

أدري انكم تعرفون الحديث بس تأملوه
(انا وكافل اليتيم كهاتين واشار باصبعيه .... الحديث )
تخيلتوا .. كفالة اليتيم تعني مرافقة النبي صلى االله عليه وسلم
-وش بينك وبينها 120 ريال في الشهر –

كنت شخص على قد حالي واحوالي مصلحه واطرد الراتب بالراتب ففتح الله علي وانعم علي ان هداني وكفلت يتيم "طفله من الصومال".. من هيئة الاغاثه الاسلاميه بمية وعشرين شهريا .. وكنت اعلم يقينا ان الله سيفتحها بوجهي .. ومضت 3 و4 سنوات والله مبارك لي بمالي وراتبي يبقا لي منه بعد الاجار 1500 وعندي بنت واموري طيبه لله الحمد .. واحسست براحه بال وبانسجام مع زوجتي وخير وفلاح ..
-وأقسم بالله انها ماتضيق علي الا تفرج بقدره قادر على اني على قد حالي -


ثم جاني واحد من اصدقائي اغناه الله فقلت له يابو احمد وش القصه غناتك ماشاء الله سريعه قال لي السر اللي غير حياتي :
يقول الرجال كفلت لي ايتام بحي حول بيتي بالرياض واعطيهم مما قسم الله يقول ففتح الله علي ابواب السماء بخير ورزق يقول والله اني لابغيت زود زودت باللي اعطيهم

المهم قلت لله الحمد مع كفالتي لليتيمه بمبلغ رمزي 120 بالشهر خلنا نجرب باحيائنا اللي حولنا .. وبحثت ولقيت بيت ايتام .. وبديت اعطيهم مما قسم الله فوالله يااخوان انها تحققت كل امنياتي .. وشعرت انا وزوجتي بالخير والرزق وزياده الراتب وصلاح بناتي الصغيرات .. وانا الان لله الحمد لدي خير بديت تجاره بسيطه وزادها الله وبسطها لي بفضل من الله

((لانويت ... تقدم خطوة .. لاتسوف وتقول بكره بعدين .. ترا تروح الايام وابليس ماينهى الا عن خير ))

ومن خلال هذه التجربه صرت انصح سرا وتلميحا من حولي واتحدث عن الهيئة والكفالات والايتام .. طمعا في ماعند الله .. فجاء الي واحد من معارفي وقال امي مرضت وفيها ورم بالراس خفيف ونظرها تعب .. وفيها سكر والدكتور يقول يبي لها 6 شهور مع انتظام السكر و... و... وتعبان من وضع امه وفيه قلق ..خصوصا وانه امه ماتحب العلاج ولا تنتظم فيه ... قلت الحل عندي .. قال هاته... قلت هيئة الاغاثه واكفل لامك يتيمه ضعيفه مسيكينه لها ببلد فقير .. يرحمكم الله بها وبرحمتكم لها وبدعاء اهلها ..ويشفي الله بها مرضاكم .. الشخص هذا قال انا مااعرف خذ الفلوس واكفل لها يتيم ..

رحت للهيئة وكفلت لها (بنت يتيمه ) ببلد افريقي ..
اقسم بالله العظيم ان العجوز المريضه ...شفيت في تقريبا شهرين
وهي مازالت الى الان بخير وعافيه ولم يعاودها المرض بفضل الله

يااخواني واخواتي انتم لاتعرفونني ومابيننا الا التناصح بالله
يااخوان بيت كافل اليتيم بيت مرحوم باذن الله
يااخوان بيت كافل اليتيم بيت خير ورزق وجود وعمل صالح
يااخوان رزق كافل الايتام رزق مبارك لانه له ولاولاده ولايتامه
يااخوان كافل الايتام مرحوم برحمه الله هذه الرحمه اللتي تصلح بها اولادك وتشفي بها امراضك وتبعد بها الشرور والفتن عن نفسك واهل بيتك

يااخواني واخواتي وش الــ120 ريال .. او 150 ريال بالشهر للمقتدر منا
يااخواني من قصر عليه رزقه يخليها 50 ريال او 20 ريال بالشهر لحساب كفاله الايتام المنتشر بكل مكان
(هيئة الاغاثه –جمعية انسان – وغيرها كثير)

يسهم بها في كفاله يتيم مسكين او سد حاجته او اطعامه ..
والرحماء يرحمهم الرحمن ..
والله العظيم ماوضعت هذه السطور الا طمعا فيما عند الله اولا
ونشرا للخير والفلاح والدلاله على العمل الصالح
ونيه طيبه لاخواني اللذين يعانون بعض الامراض او قل الرزق او المشاكل الزوجيه في بيوتهم او عدم الاستقرار .. او من عندها مشاكل مع زوجها .. او اهله وتشعر بالقلق ..

اختي الكريمه ..
اخي الكريم ...
كم تعشينا بمطاعم بـ200 ريال او اكثر .. كم شرينا فستان بالف او اكثر .. كم شرينا اكسسوارات واشياء لانحتاجها بالمئات او الالوف .. كم شرينا العاب بالمئات ...
خل لك الف ريال بالسنه كلها يبقى ذخر للحياة والممات ... فالليالي سريعه ..

وماعند الله خير وابقى ..
اخي / اختي ان لم تكفل يتيما .. فساهم في نشر هالموضوع فلربما كفل بسببه يتيم فتكون دال على الخير والدال كالفاعل ..
والسلام عليكم ورحمه الله

اخوكم فاعل خير

**** منقول من موقع اسلامي