المقادير / ..
آيس كريم فانيلا .. ( أنا غرفت 4 غرفات )
مارس ( أنا حطيت 1 ممكن اللي يحب طعم المارس يكون واضح يحط 2 )
كريمة خفق ( نص كاس )
ملعقة نسكافيه ( اللي يبي طعمه واضح يحط ملعقة كبيرة .. اللي يبيه خفيف يحط صغيره )
سكر بودرهـ ( الكمية على حسب الشخص .. تزيد وتنقص حسب الحلاوة المطلوبة )
ومايحتاج نكثر لأن السكر اللي في الباقي ممكن يكفي ..,
ثلج ( حطيت تقريبا 6 حبات )
كراميل ( اللي يجي مع الكريم كراميل )
الطريقة / ..
أول شي نذوب النسكافيه والسكر في ماي دافي .. ( كمية الماي ربع كأس أو أقل شوي )
ونخليه ..
نحط الثلج مع الآيس كريم بالخلاط ..
لما يصير الخليط متجانس ونحس الثلج راح فيها 
بعدها نحط المارس والكريمة ..
مع ملاحظة / إن المارس يكون بدرجة حرارة الغرفة عشان ينخلط زين ..,
ونحط النسكافيه والسكر اللي ذوبناهم ..,
ونخلط ..
على ماينخلطون
نجيب كأس التقديم ..
ونحط فيه الكراميل بشكل خطوط مثل الصورة ..
ونصب اللي سويناه فيه ..
ونزينهم بكريمة مخفوقة + دارك شوكلت مبشور
ونقدمهم ..
وبالعافية
[ موكا بارد ] ..
المقادير / ..
آيس كريم كاكاو ( غرفت 4 غرفات )
كريمة خفق ( نص كأس )
دارك شوكلت ( الكاكاو العادي مو البودرة .. حطيت تقريبا من 30 إلى 20 جرام )
سكر بودرة ( الكمية حسب الرغبة )
ثلج ( الكمية حسب الرغبة )
ملعقة نسكافيه ( اللي يبي طعمه واضح يحط ملعقه كبيرة .. اللي يبيه خفيف يحط صغيرة )
كراميل ( اللي يجي بعلبة كريم كراميل )
,
الطريقة / ..
أول شي نذوب النسكافيه والسكر في ماي دافي .. ( كمية الماي ربع كأس أو أقل شوي )
ونخليه ..
بعدين نحط الثلج مع الآيس كريم بالخلاط ..
لين يصير مثل اللي قبل 
بعدها نحط الشوكولاته والكريمة ..
ونحط النسكافيه والسكر اللي ذوبناهم ..,
ونخلط ..
على ماينخلطون
نجيب كاس التقديم ..
ونحط فيه الكراميل بشكل خطوط مثل الصورة ..
ونصب اللي سويناه فيه ..
ونزينهم مثل اللي قبل /
بكريمة مخفوقة + دارك شوكلت مبشور
ونقدمهم ..
[ strawberry milkshake ]
يارب إني كاتبته صح ..
عاد هذا لا جديد فيه ..
ترددت احطه .. بس قلت زيادة عدد بما إني سويته ..
المقادير / ..
فراولة ( 6 إلى 7 حبات )
آيس كريم فانيلا ( 3 مغرفات ) .. _ مره غرفات مره مغرفات مدري وش أسوي بعمري _
رشة فانيلا
سكر بودرة ( 3 ملاعق كبيرة .. ممكن تزيدين وتقللين على كيفك )
كريمة خفق ( نص كاس )
ثلج ( المئدار اللي انتو عاوزينو ياقماعه بئه )
الطريقة / ..
نحذف الفراولة مع الثلج ونحط ملعقه كبيرة من كريمة الخفق
ونخليهم ينخلطون لين توبون ..
لا صارو منخلطين زين نضيف عليه الباقي ..
ونقدمه ..
في اسهل من كذا .. ؟
ونلاحظ في الصورة الثانية إن فيه فراولة طافحة شوي بس عادي حركه ..
[ Special juice ]
المقادير / ..
حبة فاكهة من هالنوع
جح .. ( مقدار كأس مقطع ومصفى من الحبوب اللي داخله )
ملعقة عصير ليمون .. ( تبون يكون طعمه واضح شويه حطو كبيره تبونه خفيف حطو صغيرة )
سكر .. ( الكميه حسب الرغبة )
ثلج .. ( الكميه حسب الرغبة )
ملعقة حليب بودرة _ اختياري _
الطريقة / ..
نحط الثلج مع الجح والفاكهة اللي مدري وش اسمها
ونخلطهم ..
بعدين نحاول نذوب السكر مع الليمون وشوية مويه ..
ونضيفها للباقي بالخلاط ..
ولا انخلطو ..
نقدمهم ,
[ سلاش ]
هذا سويته يوم اني مشتهيه جح وذاكره تحرني من صبح الله
يوم جابو الجح العصر مافيه إلا قوة بلع وعصيرات ..
المقادير / ..
جح ( مقطع وشايلين منه الحبوب اللي فيه .. مقدار كاسين )
سفن اب ( نص كاس )
سكر _ اختياري _ أنا ماحطيت 
.. بس اللي يحب يحط عادي
ثلج ( الكميه اللي تبونها .. انا كثرت عشان كانو توهم جايبن الجح وكان حار )
ملعقة كبيرة عصير ليمون ..
,
الطريقة / ..
بالخلاط نحط الثلج والجح ..
وهاتك يا خلط ..
بعدين نضيف السفن أب والليمون ..,
ونقدمه ..
[ Summer Juice ]
هذا سويته لوحده من البنات وتقول طعمه غريب وحلو ..
عاد مدري عنها جاز لها وإلا تبي ترقع لي
اصلا حسنا فيها ونقصنا وزدنا لين طلع كذا ..
اخلط الأشياء اللي تعجبني واقول على الله يعجب غيري
لحد يتعب نفسه ويقز بالصور .. مافيه شي عاكس .. 
لو تشوفون وش اسوي عشان مايعكس شي تضحكون
,
المقادير / ..
ملعقة صغيرة حليب بودره ..
بطيخ ( مقدار كاس ونص تقريبا .. مخلي من الحبوب ومقطع )
عصير رمان طازج ( نص كاس )
سفن اب ( نص كاس )
ثلج ( الكمية اللي تبونها .. الأفضل يكون كثير عشان يسرسح ع القلب 
)
,
الطريقة / ..
نحط الثلج مع البطيخ ..
لين ينخلطون زين
عقبها نحط عصير الرمان ..
والسفن اب والليمون
ونخلطهم
ونقدمه ..,
ملاحظة / ..
عصير الرمان الأفضل يكون طازج ومن نوعية زينة ..
بعض المحلات يكون فيه طعم مر ومو حلو .. وبعضها الحبوب اللي فيه ماتكون مخلوطه زين للأسف ..
ملطووووووش لعنوووونكم
العرض العادي
