هل انت من الحريم اللي يكاسرن الباعه!!

[القلم الصريح]

بعض الحريم يستحن من ظلالهن لما يقولهن التاجر هذا بالهقيمه يشرونه من غير مكاسره ولا يخلنه ويمسكن الباب وخاصه لما يكون سعودي ولا سوري او لبناني وبعض الحريم نشميه سنعه ذيبه عن عشر رجال لما يقول له بهالقيمه تخفس به سبع الارض فلو قال لها مثلا بــــ 100 ريال قالت آخذه بـــــــ 50 ريال !! وبعد شد ومد تاخذه بــ 70 ريال
فكما تخدر برفع القيمه دبل عليك ان تخدرهم بخفص القيمه دبل لتفوز بخصم دسم على اقل تقدير ..
طبعا استثنيت الرجاجيل لانهم كلهم يكاسرون ومايحتاج يوصون ابد ابد ههههههههههه
وطبعا للمكاسره فنيات من أخطرها على الباعه انك تقوله بكيفك وتمشي ولما
يشوفك وصلت الباب يناديك .. تعال صديق شيل .. تعالن يالحريم السنعات نشوف مغامراتكن بالمكاسر أغدي الدقم اللي يستحن وصايرات ملعابه للتجار الجشعين يستفيدن ويسلكن طريقكن في قادم الايام .

[نبض قلب]

موضوعك على الجرح اخوي

فأنا من النوع اللي الاقي احراج بالمكاسر ,, اللي يبي ريال اعطيه ريالين << كناية عن شدة مبالغتي بالاحراج

محلات الماركات مستحيل ينزل لك ريال واحد وهذي مافيها شك

وبعض المولات الكبيره مسعّرات بضايعهم

يعني مافيه امكانيّه للمكاسر احياناً

اخوي القلم الصريح بما انك صريح وجبت طاري السوق والبيع والشراء ,, بودي أن أستمتع لو مره بالشوبينق من غير أعين جائعه 00

شكرا لك 00

[الحـوراء]

/
/
وَالْلَّه عَلَى حَسَب الْبِضَاعَه إِذَا كَانَت تُسَوَّى سِعْرُه .. اكاسِر عَن قَوْلَة
امّا لُاصَارَت الْبِضَاعَه مَاتَسْوَى اكاسِرِه ولاركِز رَاسَه وَعَانَد اصُيّر اعْنَد مِنْه ..
يَعْنِي انَا بِالْعَرَبِي اقَيِّم الْبَضَايِع وَاعْرِف هالْبْضَاعِه هَذِه تُسَوَّى هالِقِيمُه وَإِلَا مَاتَسْوَى ..
وَفِيْه مَحَلَّات مَااكاسِرِهُم عَشَانُه مَارْكَه او تَبِع مَرْكَز

[رمز الحياة]

والله المكاسره لها مفعولها الايجابي خصوصاً
اذا صار البائع يمني

[مجرد إنسانه]

والله اذا معي الميزانيه حلوه ما أكاسر
اما اذا كنت ابغى الحاجه ضروري وتنقص القيمه بشي بسيط مايوصل 10 ريال

ذيك الساعة اكاسر (بمعنى اني باخر محل خلال تسوقي )

اما نصف القيمه لا والله ماعمري فكرت
بس ياليت اقدر مثل هالحريم الي يخسفن بالسعر

[....e7sas]

يازمان المكاسر اللي راح !

الحين شوفي سعر القطعه على التكت أعجبك ( عليك بالعافيه )،
ما أعجبك ( مع السلامه ) !


- لوقلت هل تستغلين فرص الخصومات لكان أنسب !

[عاشق ديرتي بريده]

ميخالف اصير بنت بالموضوع !!

ايه ميخالف

انا اجدعه بوجهه اذا شفته غالي ومايستاهل

<<< تحمق على طول

[كروومه]

انا استحي وارحمهم لابدو يدربون هالدميجه بس اختي ماشالله عليه كد وصلت ساعه من 100 ريال الى15ريال وزيدكم من الشعر بيت ماشرته ليش تقول لو به خير ماوصلت هالسعر مشكور ين موضوع حلووووو الله يعطيكم العافيه

[نــف نــف]

مـآحب آلمكـآسر .. وآحس لو جيت بكـآسر بقعد آضـحك

[باسم الثغر]

نصيحة للحريم

بدل هالمكاسر ووجع الراس
فيه بالسنة موسمين تخفيضات
ازبنن السوق بهالموسمين
والسلعة تكون بأقل من سعر المكاسر

وتوفرن وجع الحلق بغير الموسمين

[عاشق ديرتي بريده]

اقتباس:  المشاركة الأصلية كتبت بواسطة باسم الثغر     نصيحة للحريم بدل هالمكاسر ووجع الراس فيه بالسنة موسمين تخفيضات ازبنن السوق بهالموسمين والسلعة تكون بأقل من سعر المكاسر وتوفرن وجع الحلق بغير الموسمين

وش مدخلك بموضوعنا !!!

<<<< لابس غدفه وعباة وداخل معهن

[تذكار العمر]

مـآحب آلمكـآسر .. وآحس لو جيت بكـآسر بقعد آضـحك

[باسم الثغر]

اقتباس:  المشاركة الأصلية كتبت بواسطة عاشق ديرتي بريده     وش مدخلك بموضوعنا !!! <<<< لابس غدفه وعباة وداخل معهن

أنا قاعد أشرح عن طريق الشبكة الداخلية ( التلفزيون )
زي الدكاترة حقين جامعات البنات


بعدين
تراي علمت إن فيه رجال مغاتير بالموضوع

[الصرح العالي]

معليش ابتلقف وادخل معكم ,,

بس بعض الحريم اللي يهديهن إذا بغت تكاسر تجلس تذلل له وتطلبه وترجاه بشكل مو معقول عشان خمسه ريال ..

اعتقد انه مو لهدرجه يعني خلاص الوحده تكون عنده كرامه شوي مايصير كذا >> دايم ينقهر منهن .

[ام الزعيم]

انا لااحب المكاسره ووالله ان ارى حريم من كثر ما يكاسرن

كانهن شحاذات ياختى اعجبتك القطعه خذيها واذا ما اعجبتك اتركيها

وبلا ما تنشفين ريقك وريق البائع