فتحية ... ياحياة الشقا !!

[فتحـية]

السلام عليكم


وش فيه منتداكم علي !!
الإدارة ماتبين ماقلت شي ..
بعض الاعضاء مالهم خلقي برضو ما قلت شي ..
بس المتصفح عاد بكبره مايبين هذي اللي بيفرط المر بتسبدي !!!

إليكم مشكلتي بالصور ..
أول مادخلت المنتدى وماعندي من الشيطان طريق






بعد ثواني معدودة قد تصل لدقيقة تنشل حركة المؤشر
وتطلع لي ذيك الرسالة اللي تضيق صدر اللي ماعمره ضاق صدره ..




وطباقته والمسامير تجين الرسالة ذي ..يقاله يفهمن السبب الحين !




ماأواجه هالمشكلة إلا في منتدى بريدة .. حتى بالعمل دون اتصال تظهر لي المشكلة ..!!
وش الحل ..تراي ضافة عفشي .. ومتولمة للروحة بس قلت أتعوذ من إبليس وأسألكم ..



طبعاً هالموضوع يبي له ساعه عشان أعتمده ..هذا غير إني منسقته بمنتدى مجاور ..
يعني ماأضفته وبعيوني قطرة ..
لذلك رجاء شوفوا لي صرفة .. وراح أكون شاكرة جدا لكم

[الحصان الأسود]

خخخخخخخ

كمبيوترك يمكنه ,,,,,



مضطهد حد الإحباط !





عاد ياستي والله أن الصوره الأوله ذي ماتفارق جهازي أبد ومنكم نستفيد

[هامة حاسوبية]

[align=center]

هماك منتب فتحية شلون صرتي فتحية

عموما يالغلا النافذتين الأخيرتين يطلعن لي بس مادري هو بمنتدى بريدة أو غيره

امممممممم مدري أفكر أحمل إكسبلورير 7 يمكن يحل المشكلة





تحيتي

هامة حاسوبية

[/align]

[عبدالله الوشمي]

هههههههههههههههههههههههههههههههههههه

هههههههههههههههههههههه

سببتي لي احباط من طريقة سؤالك ، ومن هالصعوبات اللي تواجهك .

عموماً يا حياة الشقا اضغطي على هالرابط وانشاءالله تنحل مشكلتك

http://windowsupdate.microsoft.com/

تحياتي


لا يأس مع الحياة ولا حياة مع اليأس

[فتحـية]

[align=center]وعليكم السلام والرحمه أختي فتحية << محد رد السلام قلت أرد عنكم


يالله يا يوزري سرينا ..
ضاق المنتدى علينا !!

سبحان الله كل عمري أشوف المواضيع وأتعيجز أفتحهن واليوم نفق* المنتدى أحس كل المواضيع تهبل .. !!

اقتباس:  المشاركة الأصلية كتبت بواسطة الحصان الأسود     خخخخخخخ كمبيوترك يمكنه ,,,,, مضطهد حد الإحباط ! عاد ياستي والله أن الصوره الأوله ذي ماتفارق جهازي أبد ومنكم نستفيد

عاد إن جيت للصراحة فكمبيوتري أكثر حاجة صبرت عليّ بعد جوالي !
يعني عادي جدا يصبخ بالأرض عند أدنى تعليق ..
تحلف إني بنت الوليد على هالصبخة اللامبالية بالخساير !!
بخصوص إن النافذة الأولى ماتفارق جهازك فهذا شيء طبيعي البلاء لاصارت تطلع وتخرب كل شي .. ودك تكسر الشاشة من القهر ..

ياصبر أيوب بس



* كلمة قصيمية بحته تقال حينما تتعلق بشيء أهملته سابقاً وأهملك هو حالياً << أم الخليل الفراهيدي على هالشرح خخخخ [/align]

[فتحـية]

[align=center]

اقتباس:  المشاركة الأصلية كتبت بواسطة هامة حاسوبية     [align=center] هماك منتب فتحية شلون صرتي فتحية عموما يالغلا النافذتين الأخيرتين يطلعن لي بس مادري هو بمنتدى بريدة أو غيره امممممممم مدري أفكر أحمل إكسبلورير 7 يمكن يحل المشكلة تحيتي هامة حاسوبية [/align]

هلا وغلا
من اللي قال إني مو فتحية ..
لايغرك المعرّف هذا تمويه * بس تخبرين شعرتي برتقالية !


أنا ماقلت شيء خليهن يطلعن براحتهن بس واللي يرحم والديهن لا يقفلن المتصفح عليّ ..
جربت أحمل النسخة 7 من الإكسبلورير بس يقول نسخة الويندوز عندي مو أصلية يعني الشقا مخاوين وين مارحت ..


* والله وأعرف أموّه بعد ...[/align]

[فتحـية]

[align=center]

اقتباس:  المشاركة الأصلية كتبت بواسطة عبدالله الوشمي     هههههههههههههههههههههههههههههههههههه هههههههههههههههههههههه سببتي لي احباط من طريقة سؤالك ، ومن هالصعوبات اللي تواجهك . عموماً يا حياة الشقا اضغطي على هالرابط وانشاءالله تنحل مشكلتك http://windowsupdate.microsoft.com/ تحياتي لا يأس مع الحياة ولا حياة مع اليأس

ياهلا ومرحبا
ماشاءالله عليك هذا وأنت محبط كل هالكركرة أجل
لو مستانس وش بتسوي ..
إلا ياخيي حسيت أنك متفاعل وتقل بدأ الأمل يدب في نفسي من جديد
بس يوم ضغطت على الرابط وتروح كل المعنويات وطي ..
ياشيخ طلع حتى التحديثات مايقدر يكمل البحث عنها ..قال إيش قال واجه صعوبات ..نعنبو إبليس وش هالحظ لي ..



السؤال اللي شاطب رأسي نصفين ليش بس منتدى بريدة ..
لو هو منتدى بريدة ستي ماقلت شي >> أبوك يالتمصلح
بس منتداكم لا .. ثم لا .. ثم لا << لا يجي أحد يستخف دمه ويقول للمخدارت
يالله عاد وقسم بالله شفت الأمرّين .. ماصارت من اليوم وأنا وإياه شيل وحط ..عطونا الحل [/align]

[تلميذة الحياة]

مهب فتحية ماشاء الله عليك محافظه على حجابك الشرعي حتى بالمنتديات اهنيك والله ههههههههه

ممممم انا من رايي انك تسوين صيانة لجهازك وتحذفين مخلفات الانترنت ..,,,,

واذا طولت المشكله معك سوي له فورمات وارتاحي

[هامة حاسوبية]

[align=center]



فتحية

استخدمي البرنامج هذا لجعل الويندوز لديك أصلي

هـنـا



[/align]

[فتحـية]

[align=center]

اقتباس:  المشاركة الأصلية كتبت بواسطة تلميذة الحياة     مهب فتحية ماشاء الله عليك محافظه على حجابك الشرعي حتى بالمنتديات اهنيك والله ههههههههه ممممم انا من رايي انك تسوين صيانة لجهازك وتحذفين مخلفات الانترنت ..,,,, واذا طولت المشكله معك سوي له فورمات وارتاحي

شفتي عاد الستر زين وأنا أختك .. وشو له نفتن يوزرات خلق الله ..
شورك وهداية الله نسوي صيانه .. بس الفرمتة قوية ياشيخة جهازي مليان ملفات ولا لي خلق أقعد أنسخ وأحوس..
بعدين إلى متى أبظل كمخة وماأعرف أحل مشاكل جهازي ..
ترى التعلم عن طريق حل المشكلات أحلى شي ..صحيح بيرتفع السكر والضغط عندك بس كله فداء التعلم << إيه هين بس[/align]

[فتحـية]

اقتباس:  المشاركة الأصلية كتبت بواسطة هامة حاسوبية     [align=center] فتحية استخدمي البرنامج هذا لجعل الويندوز لديك أصلي هـنـا [/align]

وعليكم السلام ورحمة الله وبركاته

هلا والله بالأجوديه
بجرب وشوف والله يستر ماتطلع لي بلوى ثانية
تسلمين

[فتحـية]

[align=center]


بحمد من الله وفضل تمكنت أنا المدعوة بـ فتحية مصطفى حسنين
من حل المشكلة العويصه التي اعترت جهازي المتواضع ذو السحنة
التايوانية .. وذلك نظراً لذهانتي المفرطة في العبقرية ..
المشكلة انحلت _ ولله الحمد _ باستعادة النظام إلى نقطة سابقة
وتحديدا إلى 9 شوال من عام 1428 للهجرة ..



بس إلى الحين ودي أعرف سبب المشكلة فعلاً
ياليت جهابذة * التقنية يتكرمون علي بتشخيص الحالة


سلملم


* قايلة لكم أنا أم الخليل الفراهيدي ..بس ماحولي أحد[/align]

[العندليب]

أختي هذا فايروس يجي من ذاكرة الجوال غالباً ..

يعني مجرد ما تنقلين أي ملف من الجوال للكمبيوتر كصورة أو غيره تظهر هذه المشاكل بحدوث نقل لبعض الفايروسات ..

تحيتي

[فتحـية]

[align=center]

اقتباس:  المشاركة الأصلية كتبت بواسطة العندليب     أختي هذا فايروس يجي من ذاكرة الجوال غالباً .. يعني مجرد ما تنقلين أي ملف من الجوال للكمبيوتر كصورة أو غيره تظهر هذه المشاكل بحدوث نقل لبعض الفايروسات .. تحيتي

أهلا بالسيد الخبير ..
ياشيخ تحملن شوي ..تراي نشبة أباً عن جد .. وإذا عطيتن أشكل ترى عادي متعودة .. يعني لاتسحتي بتاتاً البته ..


الحين الفايروس هذا ليش ماظهر لي إلا في منتدى بريدة بس ؟!
هذي أولاً ..
ثانياً أنا لي أسبوع مانقلت شي من الجوال إلى كمبيوتري ..
تتوقع أن الأسبوع هو مدة حضانة الفايروس * << يازينك ساكته بس

ثالثاً : مافيه أي أسباب أخرى ؟!
تعرف أنا طايحة بالتعليم الذاتي عرض وأبي أستفيد من معاليكم ..




[align=right]* ياشين اللي توه طالع من منتدى صحي .. !! [/align] [/align]

[العندليب]

فتحيه ترى مامن خبرة لا يوهقكــ توقيعي

والله ما أدري لكن هذا اللي أعرفه ولكن قد يكون ها الفايروس جني مايبي إلا منتدانا ..

لا بجد قد حصل معاي مثل هذه المشكلة وحليتها مؤقت بعد ما سويت فورمات لأنه بأمانة ناشب نشب الله يكرهه

وتجيني نفس المشكلة وأذكرها صارت مع أخونا بريداوي 9

هذا والله أعلم ..