بسبوسه بطبقه الكاسترد ....بدون مبالغه ((رهيبه))

!!نوف!! · 15-10-06, 04:37 pm

السلام عليكم ورحمة الله.....
بصراحه انا عملت بسبوسه جناااااان ورائعه....كلمة رائعه عليها شويه...
حبيت تاخذون مقاديرها وتجربونها...وانشاء الله تحوز على رضاكم..

المقادير...

علبة قيمر نستله او التاج اوبوك...اللي متوفر..
باقي المقاديرتقيسيها بنفس علبة القيمر الفارغه...(فهمتوني او لا)
1 سميد , 1 جوزهند,1زيت, 1 سكر,2 بيضات، ملعقه كبيره بيكنج باودر...
تخلطي جميع المقادير السابقه بالخلاط...حتى تتجانس...
تحضري القالب بدهنه بقليل من الزيت...ثم تضعي نصف المقدار السابق في القالب وتدخليه الفرن
من تحت فقط حتى يتماسك ثم تخرجيه من الفرن...علشان تحطي عليه الحشوه..والتي تتكون من..

الحشوه:

1كوب حليب سائل2 علبة قيمر، 3ملاعق كاستر، 2ملعقه سكر...
توضع جميع مقادير الحشوه على النار حتى تتجانس وتثخن...
ثم توضع علىطبقة البسبوسه....انتظري 3 دقائق حتى تتماسك طبقة الكاستر علشان لما تصبي باقي البسبوسه ما تختلط.....لما تحسي ان طبقة الكاستر تماسكت صبي باقي مقدار البسبوسه اللي بقي في الخلاط...واذا كان جمد شوي اضيفي قليل جدا من الماء...
بعد ذلك ادخليها الفرن على نار هادئه من الأعلى...حتى تتحمر...
وقطعيها وقدميها بعد ان تصبح بارده ولأفضل نتيجه ادخليها الثلاجه قبل التقديم....
صدقوني طريقتها سهله ولا تستصعبيها...وراح تبهرك بطعمها الرائع.....والأحلى انك راح تفتخرين امام ضيوفك..... ( طبعا حنا البنات او الحريم اهم شئ كلام الضيوف عن شغلنا)
المهم ردوا لي خبر اذا جربتوها.....
وتقبلوا تحياتي...بنوته...نت

سيدة الحور · 15-10-06, 07:36 pm

تسلم يديك شكله رووووووعه

مشكوره يالغلا اتحفينا بالمزيد

الوردة · 15-10-06, 09:47 pm

مشكوره يابنوته.نت ........شكلها لذيذه مره.

!!نوف!! · 15-10-06, 10:13 pm

العفو مشرفتي الغاليه

نورتي موضوعي بردك الرائع

تقبلي تحياتي وفائق احترامي

!!نوف!! · 15-10-06, 10:15 pm

هلا وغلا بحبيبتي الورده

العفوووووووووو

تحياتي يالغاليه

أنوار المدينة · 15-10-06, 10:36 pm

[align=center]السلام عليكم و رحمة الله و بركاته

إن شاء الله راح أسويها

باجر بعد الدوام بخطف أشتري اللوازم

شهيتينا عليها تسلم الأيادي

شكرا جزيلا[/align]