الخدم وماادراك مالخدم

[اميرة الابتسامه]

السلام عليكم ورحمة الله وبركاته
شحالكم شعلومكم

الموضوع ياطويليين العمر ((الخدم ))
الحين الخدم صارو بكل بيت وهذا موعيب
بس القهر انهن صارن هن الراس المدبر بالبيت وصارن ينافخن علينا بدال ماحنا ننافخ عليهن
يدرون بعلوم البيت واسراره ويتجسسن على اهل البيت ويسألن عن كل صغيره وكبيره
ويترقصن عند اخواننا ويترززن الله يأخذهن
ومع هذا نجيبهن

السؤال:
الى متى وحنا متكلين عليهن عطاهن المر اللي يبحطهن؟
الى متى وحنا نجيبهن؟

[امرؤ القيس]

اقتباس:  المشاركة الأصلية كتبت بواسطة س ص الحلوه ماتنصاااد     السلام عليكم ورحمة الله وبركاته شحالكم شعلومكم الموضوع ياطويليين العمر ((الخدم )) الحين الخدم صارو بكل بيت وهذا موعيب بس القهر انهن صارن هن الراس المدبر بالبيت وصارن ينافخن علينا بدال ماحنا ننافخ عليهن يدرون بعلوم البيت واسراره ويتجسسن على اهل البيت ويسألن عن كل صغيره وكبيره ويترقصن عند اخواننا ويترززن الله يأخذهن ومع هذا نجيبهن السؤال: الى متى وحنا متكلين عليهن عطاهن المر اللي يبحطهن؟ الى متى وحنا نجيبهن؟

لما ترجع الكلمة لرجل البيت ويصير صوته كزئير الاسد هكا الساعة ممكن نستغني


لكن لاصارت الكلمة بيد الحرمة رايح نشوف العن من كذا

[الحبيبـــة]

الى متى ؟؟؟

اذا زال الكسل والعجز وعدم الاتكالية راح نستغني
اذا حست المرأة بقيمته وانه سنعة راح نستغتي
اذا حست بخطورة الخدم خاصة اللي عندهم مراهقين راح نستغني
اذا حست انه هي المدبرة وانه هي المرة الصح راح نستغني

[قلب السكر]

الجواب انكن تدورن الراحه عشان تسذا
لا وبعدك ماسمعتي بخرابيطهن
الله يستر علينا وعلى بناتنا

[قـتـالـه]

ياحيي الله لايحرمنا منهن ومن خدمتهن ..,
لو تروح شغالتكم يوم لخالتتس او عمتتس عضيتي الارض من فقدها :/
بعدين الحين البيوت والنفرات مو زي اول حدهم تبسي الرز والقدر!
بيوتنا على دورين واكثر وحوشه وملاحق ..
وكل يوم الناس تسبح وتترك ملابسها رجوم ..,
وداخل وطالع وغدا وعشا وقهاوي ماياقفن !
مواعين الغدا لحالها تقل عزيمه
هذا غير الزيارات الفجائيه ماتدرين الا والرجال بالمجلس !
والا النفاسات البنات يدجن ببيوت اهلهن بالنفاس
استغرب من اللي يقول ملينا من الخدم او ضقنابهم
،
،
يالبا اندونيسيا والفلبين وياحيالله نسلهم وانسالهم
والله اكبر يااسرار البنتاقون اللي هم بينقلون !
اقصاها قمصان من الحسون مصرورات بكيسه هه

[أمير الشباب]

الخدمات اسم على مسمى
لكن يجب ان يـُحسن اختيارها

حتى تخدم الزوجة بكل شيء

[آبو بتال]

المفروض نكلمهن بكلام راقي واقناعه
أنها ماتدخل أمور الخاص أهل البيت
الاسم على المسمى خادم

[الحب اكبر ذنوبي]

اسمحولي اشارككم واضم صوتي لاختي قتاله... الله لا يخلينا من الخدم والحمد لله انه انعم علينا بأن نكون مخدومين لا خادمين... هذي نعمه عظيمه... وبعدين الزوجه وش تبدي الله يرحم حاله ما احد يعذره على ابسط تقصير... انا بالنسبه لي منذ ولدت وانا اتعايش معهم والله لا يحرمني من نعمته ويكفيني شره.. وبعدين اللي بيحط للخدم حد بيلتزمون فيه عشان يحافظون على رزقهم.... ونتعامل معهم بصفه رسميه عشان كل واحد يعرف قدره والاتكال على الله مع بذل الاسباب امر واجب الاخذ به.

[ام الزعيم]

يجب عدم الاعتماد عليهن فى جميع الامور وتحديد مهامهن فى التنظيف

والغسل وعدم السماح لهن بتجاوز ذلك اما من يترك لهن الحبل على الغارب

فيتحمل ما يجيه لانهن سوف يصبحن هن ربات البيوت وفى بعض البيوت سرقنا

الازواج من الزوجات

[ريداويهـ]

اقتباس:  المشاركة الأصلية كتبت بواسطة س ص الحلوه ماتنصاااد     السلام عليكم ورحمة الله وبركاته شحالكم شعلومكم الموضوع ياطويليين العمر ((الخدم )) الحين الخدم صارو بكل بيت وهذا موعيب بس القهر انهن صارن هن الراس المدبر بالبيت وصارن ينافخن علينا بدال ماحنا ننافخ عليهن يدرون بعلوم البيت واسراره ويتجسسن على اهل البيت ويسألن عن كل صغيره وكبيره ويترقصن عند اخواننا ويترززن الله يأخذهن ومع هذا نجيبهن السؤال: الى متى وحنا متكلين عليهن عطاهن المر اللي يبحطهن؟ الى متى وحنا نجيبهن؟

هن جايّات يترزّقن الله أكيـد
لكـن ليـه تدعين عليهن اللحين ؟! , جزاك الله خير لاتجيبينهن ولا تعدعين عليـهن

.....................

••
Ridawyia
Buraydh.com

[ع ـروووبة]

والله هن شر لابد منه ..!!

تعودناا عليهن وصار وجودهن شي اساسي بالبيت ..

بس إذا تعاملنا معهن بالوسط والشي الطيب والتفاهم قد مانقدر

عشان نتقي شرهن ...

وإلا هن يبطن القلب قاضين منه ...


شكرآ لك س ص على هالطرح المميز ..

تقبلي تحيتي لك ..

[الفتى السمنسي]

الخدامات يشتغلن شغلتين : تنظيف البيت وخلافه.... والشغلة الثانية ممارسة الجنس مع كفيلها أو عياله الجحلط .
وهذا هو اللي حاصل في البيوت .

[مجرد إنسانه]

خير الامور اوسطها مع الخدم ومع غيرهم

اقتباس: السؤال: الى متى وحنا متكلين عليهن عطاهن المر اللي يبحطهن؟

الجواب
لاتجيبونهن ولاتدعين عليهم (الله يخليهم لعين ترجيهم )
ناس حدهم الفقر والحاجه والا هو مستانسين على فراق اطفالهم واهاليهم
الله لايجيب ذاك اليوم الي تصير زيهم