مـذكــرات بــريــداوي عــاصــر جــيلـيــــن !!

[راشد الصليحان]

اقتباس:  المشاركة الأصلية كتبت بواسطة بنت بريده2     ياسلام واصل ياراشد تراني متابعه معك

الأخت بنت بريدة2

مرحبا بحضورك ومتابعتك ... !

شكرا لك

[راشد الصليحان]

اقتباس:  المشاركة الأصلية كتبت بواسطة لمبة شارع     ياجماعة لا تفرطون في راشد مادام فتح هذا المجال لهذا السرد الممتع.... ياجماعة ترى اعرف اخوي راشد تمام المعرفة ولا اقول كلامي هذا كنوع من الدعاية..هذا راشد من امهر من التقيت بهم في حياتي في فن الرواية والتوثيق التاريخي وسرد اخبار بريدة واماكنها وعادات سكانها...وهو راوية ونسـّابة لايستهان به وكثيرا مارجعت اليه في اي خلاف يحدث لي مع احد فهو الحجة والبرهان في هذه الامور...لكن يعاب عليه انه لايحفظ الاشعار المتوافقة مع القصة او المشهد... اعصروه ياجماعة وخوذوا غريفه...

هلاابك يالمبة

أشكرك على رأيك ..رغم اني لا أستحق هذا الإطراء ..!

انتظرك تفجر مخزونك المعلوماتي ...الداعم للسرد ..!


شكرا لمـبة

[راشد الصليحان]

اقتباس:  المشاركة الأصلية كتبت بواسطة Oo ManaL oO     ماشاء الله عليك أخي راشد .... الله يعطيك العافية . ومع أن المذكرات بريداوية و لكن لا مانع لدي من المتابعة و المعرفة و أخذ البعض من الخلفيه .

اهلاا بأهل مكة ...مرحبا بك اختي منــال

شكرا لإهتمامك ...ادرك انك ستواجهين صعوبة بسبب اللهجة البريداوية ...لكن بإمكانك التغلب على هذا الأمر بالسؤال ..


شكرا منال ..

[راشد الصليحان]

اقتباس:  المشاركة الأصلية كتبت بواسطة فـهد العضيب     اخي الكريم راشد ممتع والله ممتع ياراشد لقد شدني سردك احدث واقعنا الماضي وهوواقع نقي بري لايشغل الناس فيه عن بعضهم شاغل تسودهم حكمتهم المشهورة الناس بالناس وكلهم لله وعلى الله بالفعل اثر في روعة عرضك وقوة طرحك وسمرني عند الشاشة حتى اكملت قرائة المكتوب من المذكرات وهي مذكرات صادقة تحكي واقع بسيط اهله بسطاء وناسه صادقين وفي الحقيقة انت عظيم ياراشد في ذاكرتك واستذكارك للأحداث فقد رجعت بي الى الوراء وذكرتني زمن عشته وعايشته فأنا ياراشد لا أقول نقلا عن ابي ورواية عن جدي وجدتي بل أنا من عايش هذ الواقع ولولا انك بدأت بداية رائعة ونقلت نقلا موفقا وعرضت عرضا صادقا لشاركتك بعض الوقائع ولكني لا اجيد مثلك فن الرواية واضنك ياراشد قد الجمت من يحاول التحدث بعدك ليتك ياراشد تكمل لنا حتى ولوثقلنا على الوالد والوالدة فمنهم مخزون عرضك نحن بالانتظار ياراشد لك تحياتي

الأخ الغالي ابوعبد العزيز .....

لاتعرف مدى سروري الكبير في حضورك هنا ونثر سطورك المشعة بالتشجيع والتحفيز لشخصي ..!
لاخلا ولاعدم مانستغني عن خبرتك ...وإضافتك وتوجيهاتك ..!
اتمنى ان يتاح لك الوقت مرة أخرى لتعطينا بعض الملاح والمظاهر التي عشتها أيام شبابك
وان تذكرني بأمور قد اكون تجاوزتها بحكم تركيزي على بعض الأمور الخاصة بحياتي الشخصية ..!


ابوعبد العزيز مستقبلا سوف اتحدث عن الجردة ...وشارع الصناعة وكيف كان حال الصنانيع والنجاجيرودكاكين العلف والبسطات والوسعة وقبة رشيد والصباخ والحشرة وشارع الخبيب وخزان وحجري بريدة...والدحديرا التي فيها دكان (صالح السليم ) مصلح السياكل رحمه الله
وطلعة شارع الملك فيصل وحارة الهلال وملعب الرائــد ذو السور الطيني العريق وجفر الحمد وجوانب أخرى ستأتي تباعاَ خلال السرد ..!

لاتبخل علينا ابو عبدالعزيز وانت الخبير المتمكن ....

شكرا لمرورك الطيب ولاتخلينا ..

[@ ابتسام @]

امتعني سردك يا راشد من اجمل ما قرأت لك .

اطلب كثيرا من امي وابي ان يصفوا لي حياتهم وكيف كانوا يقضون ايامهم ’

كانوا يصفون بساطتها ومتعتهم بها وكنت اتعجب كيف يستمتعون بها رغم افتقارها الى وسائل الرفاهية في وقتنا .

وكيف كانت جدتي تقطع المسافات الطوال مع ماشيتها ’ وبقرتهم التي اسموها ليلى ههه

وسفر والد جدي للعراق او هجرته بمعنى اصح فقد ذهب ولم يعد فقد دفن في الزبير ’

وكيف كان جدي يعمل واجرته فقط ان يتناول طعام الغداء فقط عند صاحب العمل واليوم هو من الاثرياء .. سبحان مغير الاحوال

تابع يا اخ راشد فانت كمن يرسم الماضي في خيالنا رسما ممتعا

[راشد الصليحان]

اقتباس:  المشاركة الأصلية كتبت بواسطة @بسووومه@     امتعني سردك يا راشد من اجمل ما قرأت لك . اطلب كثيرا من امي وابي ان يصفوا لي حياتهم وكيف كانوا يقضون ايامهم ’ كانوا يصفون بساطتها ومتعتهم بها وكنت اتعجب كيف يستمتعون بها رغم افتقارها الى وسائل الرفاهية في وقتنا . وكيف كانت جدتي تقطع المسافات الطوال مع ماشيتها ’ وبقرتهم التي اسموها ليلى ههه وسفر والد جدي للعراق او هجرته بمعنى اصح فقد ذهب ولم يعد فقد دفن في الزبير ’ وكيف كان جدي يعمل واجرته فقط ان يتناول طعام الغداء فقط عند صاحب العمل واليوم هو من الاثرياء .. سبحان مغير الاحوال : تابع يا اخ راشد فانت كمن يرسم الماضي في خيالنا رسما ممتعا

هلاابك بسووومة

زين اللي عجبك سردي ... اعرفك ماكل شيء يدخل مزاجك ..!

اشكرك على حضورك ..!
انا اعرف رجل من عائلة مشهورة جدا سافر للعراق عشان يهجو رجل بالزبير بشطر بيت من الشعر ومات هناك لايكون جدك ؟؟؟؟

[the-moon]

اقتباس:  المشاركة الأصلية كتبت بواسطة راشد الصليحان     الحــلـقـــة الـثــالثــة ...... ولأن جدتي رحمه الله كانت مشغولة بمهام كثيرة بالمنزل لأنه تحلب وتخض اللبن ..وتسوي القرصان اوالمطازيز والجريش بكل يوم طبخة!..فهي لاتجد وقت إلاللصلاة ويساعدها بذلك عمتي رحمها الله ..وام الجيران ..! وكل ما اجي ابكي عندها تقول رح عند الباب يمكن يجون الحجاج .!

[align=center]الله أكبر ياحريم منول
ورجال منول بعد علشان محد يزعل
مو مثل هاللحين تسدح وشغالة وخله على ربك بس
كمل ياشيخ والله شيء ولو إن به بعض السواليف أحسهن قبل التسعينات لكن ماشي هع
ياراشد كم كان عمرك يوم يحجون أهلك ؟
هل الكتاتيب كانت موجوده ولا ما أمداك عليه وهل أنت دخلت به ؟
الأخوان اللي منول وش سالفتهم نبي منهن تكفى
ولا تنسى تحدثنا عن خلاقينكم منول الثوب الصيني وثياب الحريم
وياليت تذكر لنا أسماء الأواني الغرش والمدري وشو عطنا إياهن تكفى
ومشكور يا ألبي[/align]

[راشد الصليحان]

اقتباس:  المشاركة الأصلية كتبت بواسطة the-moon     [align=center]الله أكبر ياحريم منول ورجال منول بعد علشان محد يزعل مو مثل هاللحين تسدح وشغالة وخله على ربك بس كمل ياشيخ والله شيء ولو إن به بعض السواليف أحسهن قبل التسعينات لكن ماشي هع ياراشد كم كان عمرك يوم يحجون أهلك ؟ هل الكتاتيب كانت موجوده ولا ما أمداك عليه وهل أنت دخلت به ؟ الأخوان اللي منول وش سالفتهم نبي منهن تكفى ولا تنسى تحدثنا عن خلاقينكم منول الثوب الصيني وثياب الحريم وياليت تذكر لنا أسماء الأواني الغرش والمدري وشو عطنا إياهن تكفى ومشكور يا ألبي[/align]

ياناس وياعالم وياهوووه ...قولوا ألـــthe-moon يركد ويخلين بحالي !! هالرجل يبي يحطمن ويخلين
اخفي عليكم أشياء اعرفها .. يادب أعقل واثقل وعلى قولت الشيبان... ياشين جز

[the-moon]

اقتباس:  المشاركة الأصلية كتبت بواسطة راشد الصليحان     ياناس وباعالم وباهوووه ...قولوا ألـــthe-moon يركد ويخلين بحالي !! هالرجل يبي يحطمن ويخلين اخفي عليكم أشياء اعرفها .. يادب أعقل واثقل

[align=center]هلا رشودي >> لو إنه ماتجي عقب هالعمر هع
حبيب البي من اللي حطمك بس أفا الله يهديك
هذا من حماسي مع السالفة ولا أنا شعرتي حمرا
الله يهديك بس

أقول يا ألبي لا تخفي شيء ماعقب الشيب شين يخفّى عادي قول يا البي قول[/align]

[the-moon]

اقتباس: ياشين جز

معليش هذي ما أمدان عليه لظروف التحرير هع

[راشد الصليحان]

طيب ياقمر ...صد عن أشوي تكفى اولااااااااااه !

كل الناس يدرون .. رح أقرموضوع الأخت الزين نجدي عندنا بالإجتماعي ..عن التغابي وحاول تطبقه

خلك مثل الآخرين ..تراهم عارفين الحقيقة بس راحمينن ...!!

[the-moon]

ياخي رح أنت لهاك الموضوع
وأنا ماعلي من الآخرين أنا أطيح عاللي يعجبن
تدري عاد أشين شيء إذا رحموك الناس هع لا وبعد أنت جايزن لك
حبيب ألبي لا تحوس الموضوع بنفسك همن تقولون أنا إشهدوا ياجماعة ماطلعت عن الموضوع
ياخي أنا اسأل وأبحث بهالسالفة وأشياء عن الماضي وراك انت مسلطن علي
عاملن زي أي عضوة بالمنتدى هع أمزح لا هالحين يحذفون ردي


ياحول يا أنا

[جورينا]

راشد الصليحان ؛؛

تحيه لك استاذي الكريم ؛؛

اشكر لك هذا السرد الممتع ؛؛ ومع ذلك ماادخل الا بعد مرور كم يوم ابي استمتع اكثر بالحلقات مااحب القطاره ؛؛

مساء يوم الجمعه اسولف على امي بموضوعك قلت له عطين من علومكم قبل بدعم به موضوع راشد ؛؛

قالت لي سالفه صدز الاولين بهم جهل غريب ؛؛ ترا امي صغيرة تقعد الحين تفضحن ؛؛

عاد تعرف الحريم كل سنه مشاء الله عليهن يصغرن مايكبرن ابد ؛؛ المهم وانا اختك

قالت لي سالفته مع القبر ؛؛

تقول انه يوم انه صغيره عندهم ببلدة * الشقه*تقع شمال بريدة للي مايعرفه ؛؛

تقول كان به قبر طويل ويقولون انه قبر امنا *حواء * تقول كل يوم نروح نتفرج عليه ومبسوطين

ماادري من هاك عليهم بسالفة هالقبر؛؛ تقول كانه فرض صلاة هالقبر لازم كل يوم نمره ونقعد عنده

اكمل اخي راشد وحنا مستمتعين بهذا السرد القصصي الرائع ،،

[@ ابتسام @]

اقتباس:  المشاركة الأصلية كتبت بواسطة راشد الصليحان     هلاابك بسووومة زين اللي عجبك سردي ... اعرفك ماكل شيء يدخل مزاجك ..! اشكرك على حضورك ..! انا اعرف رجل من عائلة مشهورة جدا سافر للعراق عشان يهجو رجل بالزبير بشطر بيت من الشعر ومات هناك لايكون جدك ؟؟؟؟

لا ماهو هو لاننا مالنا في الشعر . ليته شاعر حتى يورثني هالصفه يقولون ان (موهبة الشعر تورث )

حتى اهجي ناس ٍ براسي الحين .

[راشد الصليحان]

اقتباس:  المشاركة الأصلية كتبت بواسطة فراشة نجد     راشد الصليحان ؛؛ تحيه لك استاذي الكريم ؛؛ اشكر لك هذا السرد الممتع ؛؛ ومع ذلك ماادخل الا بعد مرور كم يوم ابي استمتع اكثر بالحلقات مااحب القطاره ؛؛ مساء يوم الجمعه اسولف على امي بموضوعك قلت له عطين من علومكم قبل بدعم به موضوع راشد ؛؛ قالت لي سالفه صدز الاولين بهم جهل غريب ؛؛ ترا امي صغيرة تقعد الحين تفضحن ؛؛ عاد تعرف الحريم كل سنه مشاء الله عليهن يصغرن مايكبرن ابد ؛؛ المهم وانا اختك قالت لي سالفته مع القبر ؛؛ تقول انه يوم انه صغيره عندهم ببلدة * الشقه*تقع شمال بريدة للي مايعرفه ؛؛ تقول كان به قبر طويل ويقولون انه قبر امنا *حواء * تقول كل يوم نروح نتفرج عليه ومبسوطين ماادري من هاك عليهم بسالفة هالقبر؛؛ تقول كانه فرض صلاة هالقبر لازم كل يوم نمره ونقعد عنده اكمل اخي راشد وحنا مستمتعين بهذا السرد القصصي الرائع ،،

هلابك أختنا الفراشة النجدية ...!

تكفين زودينا بالعلوم ..من والدتك الله يحفظها ..ودي نشوف سويلفات الحريم ..أقصصهن رهيبة واكثرمايحبن الخرافة ..! وسالفة قبر امنا حواء خير شاهد على هالشيء ..!

شكل القبر اللي بالشقة ..(فروش ملح مدفونات ) وقالوا لأهل الشقة هذا قبر امنا حواء

ولايهمك يافراشة بيكون السرد الجاي أروع بإذن الله

شاكر لك حضورك وتشجيعك ..