يـــارب وش الدبــــــــــــــــــــــــره؟؟

[طائر الأشجان]

والله مشكله
أنا مشكلتي عكس ..
.قلت لنفسي قبل اتقدم لأي عروسه يجب ان تكون ايدي مليانه فأبدا بمشكلة الشقه وتأثيثها
ونجحت أخيرا ........صارت الشقه ومن سنه بدأت أجمع المهر ...وكل ما اقول خلاص جمعت مبلغ المهر
وراح ادور على عروسه يقوولون....هههههههههه يا ولدي البنات طلع سعرهم..مبلغك مايكفي
عجيب ..تقول البنات صارت اسهم
مع ان العروسه لسى في عالم المجهول .والى الان ماوصلت للنهايه...وشكلها مالها نهايه...مثل خط الاستواء...( عكسك تماما شقه بس مافي عروسه...
اللي يبي يشري سياره أنصحه يشري المفتاح أول وبعدين الكفرات وشوي شوي حتى تكتمل

الحل مافي غير حل واحد للجميع ,.,,هو اللي ببيحل مشكلة الزواج للأبد.....
هــــــــــــــــــو :::الــــــــــــــــــــزواج بالتــــــــــــــــــــقســــــــــــــيط؟؟
بالله ما تعرفون حد يزوجنا بالتقسيط...أو شركة تزوجنا وتقسط علينا
ولو ما سددناها .......تأخذ الاولاد رهائن حتى نسدد...
والله مشكله.....والله ما اقول هذا إلا من غلبي
تحياتي للجميع والله يفرج عن الجميع

[رايق دايم]

اقتباس:  المشاركة الأصلية كتبت بواسطة طوفريه     الله يرررزقك أخوووي ويكووون في عووونك ان شاءالله ياااااااااارب ويجعل التوفيق فالك أخوووي لاتحط بالك انه انت الوحيد اللي يعاني من هالمشكله فييه غيررك كثيير وفيه ناس اردى من وضعك ومن شاف مصيبة غيره هانت عليه مصيبته وربي بيفرجه لك ان شاءالله أهم شي ماتيأس تقبل طلتي ..:

امين يارب العالمين وكل شاب مثلي انك تيسر امره وتهون عليه امور دنياه ..وادري ان فيه شباب كثارين مثلي بس وش الحل؟ وين العلماء ووين كبارية البلد ليش مايحلون مشاكلنا ..فيه شيء اهم من الشباب ..هماهم يقولون الشباب هم عماد الامه أو بس يخرطون ويكذبون علينا بهالشعارات الخرطي...الرازق هو الله.مشكور طوفريه

[رايق دايم]

اقتباس:  المشاركة الأصلية كتبت بواسطة فـــــريق الصيانة     والله مشكله أنا مشكلتي عكس .. .قلت لنفسي قبل اتقدم لأي عروسه يجب ان تكون ايدي مليانه فأبدا بمشكلة الشقه وتأثيثها ونجحت أخيرا ........صارت الشقه ومن سنه بدأت أجمع المهر ...وكل ما اقول خلاص جمعت مبلغ المهر وراح ادور على عروسه يقوولون....هههههههههه يا ولدي البنات طلع سعرهم..مبلغك مايكفي عجيب ..تقول البنات صارت اسهم مع ان العروسه لسى في عالم المجهول .والى الان ماوصلت للنهايه...وشكلها مالها نهايه...مثل خط الاستواء...( عكسك تماما شقه بس مافي عروسه... اللي يبي يشري سياره أنصحه يشري المفتاح أول وبعدين الكفرات وشوي شوي حتى تكتمل الحل مافي غير حل واحد للجميع ,.,,هو اللي ببيحل مشكلة الزواج للأبد..... هــــــــــــــــــو :::الــــــــــــــــــــزواج بالتــــــــــــــــــــقســــــــــــــيط؟؟ بالله ما تعرفون حد يزوجنا بالتقسيط...أو شركة تزوجنا وتقسط علينا ولو ما سددناها .......تأخذ الاولاد رهائن حتى نسدد... والله مشكله.....والله ما اقول هذا إلا من غلبي تحياتي للجميع والله يفرج عن الجميع

هههه تصدق ضحكت كثير والله مشكله ياناس ..عاد تصدق فكرت بزواج التقسيط والله فكره ومستعد اكتب كمبيالات على عيالي اللي مابعد جو للدنيا وارهنهم لهم ..ياخوي منول نضحك على المصريين وهالحين صرنا اردى منهم ..تصدق بديت افكر اني ادور بنت واتزوجها واشرط على ابوها اني اسكن معهم بالبيت ..هذا شكله اخر حل عندي وربك كريم

[عجوز سمنسي]

شف كلك البنات

والله يا انتن كلاكات

لو يجي احد من الطفرانين يبي ياخذك ويقول يكفيك عشرين الف

قلتي لا والله يعني فلانة احسن مني لابسة الثوب لافلاني بعرسها وماخذة القصر الفلنتاني

وهنا يقولن متعاطفين معك

اخوي : انت ماعاقك الا الاجار بس ؟ تراها باذن الله سهله

[طائر الأشجان]

يا اخوي مشكلة الاخ اللي كتب والله هانت مابقي إلا البيت تراها بتتسهل وصلت للنهايه

الاخ بصمة قلم ...مين اللي بيرضى تسكن معاه..أفرض ياخوي واحد عنده ثمان بنات وكل اللي خطبوهم سكنو معا أهل البنات بالبيت ...راح يصير البيت مجمع دراسي ...كل واحد له فصل
والله راح تحس انك ماطلعت من الثانويه...أو بتحس انك أن في جيان...للتسوق...
واحد داخل وواحد خارج

شكل الاب بيأخذ سريره وبيطلع ينام فوق السطووووووووووووووح

الحل ندور على شركات تزوجنا وتقسط علينا....ونكتب بالاولاد كمبيالات ولو ما سددنا
يأخذو كل سنه ولد على كل تأخير..........

الحل الثاني...أن القادرين وغير القادرين يضربون عن الزواج..والقادر يتعاطف مع اللي مش قادر...ونعمل اضراب عن الزواج ....ساعتها البنات راح يعملو حل
ويتنازلو عن الاسعار وبعض الشروووط

بس ياويله يا سواد ليله اللي بيتزوج من ورانا....
بالله اللي عنده حل يشاركنا

[yousef]

اخي عجوز ان اغلبهن كاذبات
لااريد ان ادخل في نقاش بيزنطي
لاطائل منه..
ولكن اغلب نسائنا غريبات لهم بالكاد
ايجابيات وتكثر منهن السبيات وكفى.!

[ملاك الحبر]

اقتباس:  المشاركة الأصلية كتبت بواسطة عجوز سمنسي     انتن كلاكات

صدقت

بس هذا بتأثير الأهل

يعني لو تقنعها أمها أن الحياة صعبة والرجال ينشرى كان يمكن تقتنع !

لكن آخر المستجدات أن وحده سمعتها تقول : مرسلين 50 الله يحوم كبدهم وش يسون ... (أُم)



لكن المشكلة الاساسية في البطالة والعطالة والغلاء المعيشي

أما البنات بيني وبينك غاليات جداً ،، والتجربة بالنسبة للبنت لهــا ثمن معروف منذ زمن ...



تحيتي //

[رايق دايم]

اقتباس:  المشاركة الأصلية كتبت بواسطة عجوز سمنسي     شف كلك البنات والله يا انتن كلاكات لو يجي احد من الطفرانين يبي ياخذك ويقول يكفيك عشرين الف قلتي لا والله يعني فلانة احسن مني لابسة الثوب لافلاني بعرسها وماخذة القصر الفلنتاني وهنا يقولن متعاطفين معك اخوي : انت ماعاقك الا الاجار بس ؟ تراها باذن الله سهله

هلا باعجوز وانا قاعد من اليوم اسب بالشيبان .سامحني ياشايب .ياخوي البنت ماتنلام من حقها تفرح وتستانس مثله مثل غيره بس يخففون طلباتهم شوي ..تصدق الام تبي حقها واخوها يبي وكلن يبي ..تحلف انهم مجوزين قزاز او العويضه مادريوا ان الشباب منتفين وحالتهم حاله زيكفي اننا نبي نستر على بناتهم بدل مهب محمضات عندهم ..اليوم وانا من اللهده اقرا الجريده قريت خبر قسم بالله انها دمعت عيني .الهيئه تقبض على شاب وفتاة في خلوه بسياره في الرياض وهم في وضع مزري .طيب لو هالولد وهالبنت لقوا التيسير مايعرسون ويمارسون حياتهم بالحلال ..الله يكفينا الشر ويقولون هالشيبان ليش الزنا منتشر وكل شايب صافطن اربع حريم ومايدري عن حالة هالشباب والبنات ..بس لهم الله .شكرا يالعجوز

[*عجوز قريح*]

[align=center]

اقتباس:  المشاركة الأصلية كتبت بواسطة عجوز سمنسي     شف كلك البنات والله يا انتن كلاكات لو يجي احد من الطفرانين يبي ياخذك ويقول يكفيك عشرين الف قلتي لا والله يعني فلانة احسن مني لابسة الثوب لافلاني بعرسها وماخذة القصر الفلنتاني وهنا يقولن متعاطفين معك اخوي : انت ماعاقك الا الاجار بس ؟ تراها باذن الله سهله

8

8

الله يعافيك لاتحكم على كل البنات

فيه ناس تدور الستر ومايهمه لا قصر ولافستان ولاهم يحزنون

بس مهب معناته عاد مهر 20 الف اوكي قلنا مانبي قصور وتكلف

بس عاد لاتخسف بالمهر << تقل تغيرت هرجته هههههههههه[/align]

[طائر الأشجان]

أخوي يوسف المسأله والمشكله ليست في تقييم البنت ...المشكله بالزواج وطرق الوصول اليه
زمــــــــــان كانت كل الطرق تؤدي إلى مالطا...وكل اللي يتزوج..يجيبها في يوم....اليوم كل الطرق تؤدي الى طريق مسدود.....البنات لهم ذنب صحيح في عقليتهم وطريقة تفكيرهم ...اقسط فعلا البنت ماديه بتفكيرها ..وهذا سبب ...والاب جزء من المشكله...والمجتمع جزء ...والصامت جزء من المشكله

لكن السؤال كيف الطريق الى جنة العرسان؟؟ التحيليل والحل؟؟ في لب المشكله
؟؟
لا تزعلون البنات ترا بيرفعوا الاسعار..وأحنا ما احنا ناقصين ؟؟ خلو المناقشه بيننا؟
تحياتي

[ملاك الحبر]

اقتباس:  المشاركة الأصلية كتبت بواسطة بصمة قلم     .الهيئه تقبض على شاب وفتاة في خلوه بسياره

فعلاً ،، الامن الاجتماعي المهزوز احد اسبابه بُعد الفرصه والاقتراب الى الاختناق وسط هذه الحياة الصعبه

لاتكاد تمر دقيقة الا ونسمع بقصة مؤلمة//

[رايق دايم]

اقتباس:  المشاركة الأصلية كتبت بواسطة فـــــريق الصيانة     يا اخوي مشكلة الاخ اللي كتب والله هانت مابقي إلا البيت تراها بتتسهل وصلت للنهايه الاخ بصمة قلم ...مين اللي بيرضى تسكن معاه..أفرض ياخوي واحد عنده ثمان بنات وكل اللي خطبوهم سكنو معا أهل البنات بالبيت ...راح يصير البيت مجمع دراسي ...كل واحد له فصل والله راح تحس انك ماطلعت من الثانويه...أو بتحس انك أن في جيان...للتسوق... واحد داخل وواحد خارج شكل الاب بيأخذ سريره وبيطلع ينام فوق السطووووووووووووووح الحل ندور على شركات تزوجنا وتقسط علينا....ونكتب بالاولاد كمبيالات ولو ما سددنا يأخذو كل سنه ولد على كل تأخير.......... الحل الثاني...أن القادرين وغير القادرين يضربون عن الزواج..والقادر يتعاطف مع اللي مش قادر...ونعمل اضراب عن الزواج ....ساعتها البنات راح يعملو حل ويتنازلو عن الاسعار وبعض الشروووط بس ياويله يا سواد ليله اللي بيتزوج من ورانا.... بالله اللي عنده حل يشاركنا

تصدق تذكرت فبلم لعادل امام يوم يخطب اسعاد يونس وهو يرسم على شقة ابوها وامها علشان يسكن معهم ويوم جاء يخطب واثر الشقه مالك ماطات رجل تحلف انك بحراج ابن قاسم ومع ذلك رضي يسكن معهم ويزيد الطين بله ....تصدق الاضراب زين بس ماراح تجيب نتيجه يجونك هالشيبان المليانين ويضفون الغنادير وحنا عيوننا طايره ....يعني خربانه خربانه ومسبوح بقربتها ...اللي عنده حل يجيبه والله لاادعي له بمكه

[@ الجفولة @]

فيه ناس ودهم يولعون النار يا بنات خلكن ثقيلات ,

إيه أحنا كلاكات وش عليكم ؟!

[رايق دايم]

اقتباس:  المشاركة الأصلية كتبت بواسطة عايشة لوحدي     فعلاً ،، الامن الاجتماعي المهزوز احد اسبابه بُعد الفرصه والاقتراب الى الاختناق وسط هذه الحياة الصعبه لاتكاد تمر دقيقة الا ونسمع بقصة مؤلمة//

اختي عايشه والله ماودنا ننحرف .ودنا الشيء يتم بالحلال لاننا نخاف من ربنا .بس اذا استمر الوضع كذا اتوقع نسمع ونشوف اشياء تهز جبال ولازم الدوله ورجال الدين يشوفون حل لهالمشكله ..سالت اليمنيين والبنجلاديشيين والصوماليين قلت لهم عندكم مثلنا غلا ومشاكل بالزواج قالوا ماعندنا مشكله اطلاقا ..شكرا لك

[رايق دايم]

اقتباس:  المشاركة الأصلية كتبت بواسطة @ الجفولة @     فيه ناس ودهم يولعون النار يا بنات خلكن ثقيلات , إيه أحنا كلاكات وش عليكم ؟!

من تقصدين الله يسلمك اذا علي انا تراي منغث ومالي ومال المشاكل ..بس ودي اعيش بسلام مع من حبيتها .