ما اقتنعت بزوجتي !!!

[لبيه]

اذا تزوجت ورضيت بالزوجه وجبت منها ولد ولدين طلع الخيار من يدك بتسجيلها وقف لانها صارت ام العيال لها مكانه خاصه واحترام وتقدير ورحمه مستحيل تطلق مستحيل في راس صاحبك حب لسى ما انطحن يروح يجرب يتزوج مره ثانية لكن يلغي ام العيال قل له يحذر وشعور صاحبك طبيعي لان صاحبك لم يتفهم هذا الشعور وهو ان الزوجه ام العيال ليست عشيقة هي حاضنة للعيال وتقضي حاجة الزوج ما استطاعت

[مشروع فيلسوفة]

ياناس ليه مكبرين الموضوع ..
الله شرع الطلاق لحكمه ..
والرسول صلى الله عليه وسلم لما جاءته مرأة ثابت ابن قيس تشكو أنها لا تحب زوجها؛ فقال:
أتردين عليه حديقته، قالت: نعم، وأزيد قال: أما الزيادة فلا، ردي عليه الحديقة،

بكل بساطه ( ردي عليه حديقته ) ما قال لها لاااا حرام والاطفال ومدري وشو ..!!

اذا ما في راحه واستلطاف خلااااص .. ولا تقولون كيف جاب اطفال اجل ..
لا نقعد نضحك على بعض ونجيب مبررات ..!

[" TWIX "]

مثل ما قالت علشانك بس في ردها
أن الواحد لا حس بالمسؤولية أبتلش وشاف الامر جد وبدا كل يوم طالع
بسالفة يبي يتخلص منها بأي طريقة ..!!
حتى بعضهم يقول أنا منفوس ويروح يقرأ وهو يدري ما فيه بلاء وتشوف بس ينقط من الزيوت المقري فيها لكي يجيب
سبب مقنع ليهرب من مسؤولية التربية ومصولة البزراين ..

قل لرفيقك .. أرض ببنت الحلال ومع الوقت بتشوف
الألفة بينكم والمحبة .. ترى هذه حالة تجي وتروح

[كلي اجراح]

اولا اخوي يجب على صاحبك ان يرضى بزوجته لان الذي قدرها له الله سبحانه

وثانيا يقول انه ماشاف منها شئ ليش يفكر بالزواج اكيد يبحث عن شئ معين لم يجده فيها

انا اشوف انه يجلس معها جلسة مصارحه ويفضفض باللي عنده ويقول كل شئ يبغاه منها

ويشوف النتيجه وممكن ان يمر على احد المشايخ للقراءه عليه ..

هذه وجهة نظر ولكم كل الود والاحترام....نتمنى لهم كل السعاده في الدنيا والاخره..

[سلطان نجد]

اقتباس:  المشاركة الأصلية كتبت بواسطة شمس الصباح     يتذمر الكثير من سوء ألإختيار وإتخاذ القرار وهو بنفسة من سمح بهذة الخطوة وبألأخير يلوم نفسه وزجته ويبحث عن بديل سوءإتخاذك القرار ثم ألإختيار هو أساس مشكلتك فتحمل باقي المشكلة ومن المعلوم كنت ستوفر العناء والتعب والشقاء وتعب غيرك لو انك قلت كلمة (لا)

كلامك صحيح الى حد ما

واضافه جميله ياشمس ,,


اشكـــرك

[سلطان نجد]

اقتباس:  المشاركة الأصلية كتبت بواسطة علشانك بس     مافي شي جديد على الأزواج ,, اذا راحت الطفّه وجاب أول ولد من زوجته وحس بالمسؤولية جد بدا يتهرب ويقول ماحبيتها وماارتحت ,, من شان يطلقها ويرجع لأيام العزوبية ويتخلى من أي مسؤولية ,, حتى الطفل بعد الطلاق مايعترف فيه يجدعه على أمه ولا يسأل فيه ,, شبابنا ماعندهم حس بالمسؤولية أبدا ,, وياما حتشوفون يابنات ,,

المشكله انه ما طف فيها

ومن البدايه وهو كذا ,,,

وبرضو ما يدور اعذار عشان يطلقها

هو يدري انها ما تستحق الطلاق

وهذي هي مشكلته

وبرضو حاط مصير ابنه قدام عينه


,,,

ولا انكر نوعية اللي ذكرتيهم متواجدين وكثر


,,


شكرا على ابداء رائيك

[سلطان نجد]

اقتباس:  المشاركة الأصلية كتبت بواسطة شميساوي     [align=center] وبـ النسبــه لموضوعك أخوي : سلطان نجد .. أنا أشوف أن فيه شئ يحصل عندهـ بـ البيت مخليـــه ما يطيق زوجتــه ... يمكن طريقة تعـــاملها معــــه ,,,, أو كثيرة الطلبـــات اللي ما تخلص ... يعني لازم يكون فيه سبب .... وعـــادة تكون المرأهـ هي ورا هـ المشكلــــــه ... فلازم يشوف وين مسببات المشكلـــه ويحلهـــا ويشوف التغيـيـر بـ أذن الله ...*[/align]

قد تكون الاسباب اللي ذكرتها صحيحه


بسس اللي يظهرلي النا

ان المشكله مثل ما يقولون من الله


يعني الارواح جند مجنده ما توافق منها ااتلف وما تنافر منها اختلف كما قال عمر بن الخطاب ,,,

,,

اشكرك لابداء رائيك يا شميساوي

[سلطان نجد]

اقتباس:  المشاركة الأصلية كتبت بواسطة عاشق الكلمة     مثل ماقالوا الشباب نسبة كبيرة من الأزواج مابينهم الحب المجنون بل اللي بينهم نوع من الحب البسيط وكذلك المودة والرحمة .. وكثير منهم لو أصاب زوجته مرض خفيف لتكدر خاطره ، وضاق صدره .. أعرف شخصا لم يحب زوجته إلا بعد أربع سنوات من زواجهما وماقبل ذلك لم يحب ولم يكره وهو أقرب إلى عدم الرضا وجبرا لخاطرالزوجة لم تعرف منه ذلك خلال تلك الفترة .. بالنسبة لصاحبك هو أدرى بحاله ولكن أنصحه بالتريث وليبتعد عنها قليلا كل فترة ، فسيشعر بالاشتياق لها .. عليه أن يأخذ إجازة زوجية ..

تصدق ياعاشق الكلمه انه يستانس اذا سافر

ولا اذا سافرت مع اهلها

المهم اذا كانت مب عنده ...!


فالبعد ما صار حل

[سلطان نجد]

اقتباس:  المشاركة الأصلية كتبت بواسطة ثمن الساعة     نصيحة لاتطلقها قد تندم وهذا الشعور طبيعي في بداية الحياة الزوجيه عليك اخي ان ترقي نفسك اولا واسرتك ثانيا ولو تأخذ اجازة وتبتعد انت عن الأسرة قليلا حتى تهدى النفوس وشوف الزواج من الثانيه ليس فيه اي جديد اتمنى لك حياة اسريه سعيدة شكرا لك

اشكرك على ابداء رائيك


والمشكله ليست معي فأنا الى الان انعم بحياة العزوبيه



ولكنها لصديقي




وكما ذكرت يا ثمن الساعه اسعد اوقاته عندما يخلو بنفسه بعيداً عنها ,,


ولا ادري هل تنفع الرقيه الشرعيه معه ام لا

ولكن لعلها ان تفيد

[سلطان نجد]

اقتباس:  المشاركة الأصلية كتبت بواسطة مجـاديــفـ الأملـ     اخطأ صاحبك خطأ فادحا عندما صارحها بعدم الارتياح معها .. لو وجهت هي السؤال له اليس له حق ان يغضب لكنها لم تبدي اي تذمر بل ابدت رأيها فيه ... جمع الله شملهما ..

فعلا انا استغربت من هذا الشي

واستغربت اكثر من تمسكهها به بعد هذه الكلمه وردها


لعل الله ان يجمع شملها بسعاده


,,

اشكرك

[سلطان نجد]

اقتباس:  المشاركة الأصلية كتبت بواسطة ماهي من البشر     يبدو أنه يحب المهيفيفة والعاقلة مايدانيها

ويبدو لي انا انه من النوع اللي يحب ويكره

[سلطان نجد]

اقتباس:  المشاركة الأصلية كتبت بواسطة أوطان     مرحبا اخي الكريم انقل لصاحبك جزيل عزائي وربي يبدد غيمة ايامه .. ليته يدرك بأنه ليس الوحيد لتزول كئآبته ويكبح جماح نواياه! الخطأ مشترك بينه وبين عاداتنا الاجتماعيه في الاختيار ,, اجزم وانا لا اعرفه ان من اختار زوجته له شخص اخر ليس له في العير ولا في النفير حيث اكتفت احدى محارمه بوصف شكل البنت له ومدى طيبة امها وسنع ابوها! ويالله اعرس واكمل مشوار حياتك مع مشروع سبرايز لا تدري مابداخله! كان الله في عون الجميع . .

كلامك يفتح نافذه لموضوع اخر يدور في بالي

اود التطرق له

وهو طريقة الزواج عندنا ,,




اشكرك

[سلطان نجد]

اقتباس:  المشاركة الأصلية كتبت بواسطة فتاة نادرة     السلآم عليكم بآين إن الزوآج من البدآيهـ كآن مآفيهـ ملكهـ ولآ جلسآت مع بعض قبل الزوآج عشآن يدرسون بعض في الأخير هذآ ألي صآر بس إذآ بيرتبط مع وحدهـ أخرى لآزم يكون فيهـ فترهـ يجلسون مع بعض قبل الزوآج عشآن مآيصير بعدين زي مآصآر مع زوجتهـ ويفصلون قبل الزوآج أفضل من بعدهـ

فعلا فتره الملكه كانت قليله جدا

وما كان فيه جلسات كان فيه مكالمات بسيطه

لان الوقت كان قليل

وقد يكون هذا من الاسباب


,,,



اشكرك على ابداء رائيك

[سلطان نجد]

اقتباس:  المشاركة الأصلية كتبت بواسطة إنسانة غير     ياا ااااااااااااكثر ماتطلعووووووووووون عن صلب الموضوع وتناقشوووون مواضيع ثانية بعدين ياصاحب الموضوع أستغرب من صديقك هذا هو ماشاف زوجته الشوفه الشرعية أكيد بتقول إلا شافها تصير هذي مشكلته أتوقع صديقك هذا من قبل مايتزوج مو عارف وش يبي ولا عارف أهدافه من الزواج وتبلش فيه من البداية الزواج إستقرار نفسي وإجتماعي من أهم أسباب نجاحة التخطيط السليم ومن ثم الرضى والقناعة أو يمكن يشوف من ومناك ويتندم على عمره ماعنده لا ثقة بنفسه ولا قناعة بزوجته والنوعية هذي مايرضيه شي وبيظل طول عمره خيالي وبعيد كل البعد عن الواقع تحيتي

والله انك صادقه يا كثر ما يطلعون عن الموضوع ..


وانا اقرى الردود احتار ارد على هذا وهذا مو موجه كلامي لي موجه كلامه لرد

وخليها على الله ,,,


ولكن كلامك منطقي جدا ولا عليه غبار ..

بس صدقيني انا مقدر شعوره لان احيانن الواحد من الله كذا ما يرتاح


والشعور هذا مزعج


وقد يتعرض للشعور هذا حتى لو خطط وحدد وش متطلباته وطريقته بالتخطيط

كانت سليمه ,,

تضل هذي اسباب

ويضل هناك عامل مهم وهو التوفيق ,,,


,,

واشكرك لمرورك وطرح رائيك

[سلطان نجد]

اقتباس:  المشاركة الأصلية كتبت بواسطة بنت الهولندية     من راي انهم يبتعدون عن بعض فتررررررة وبعدهاا يقدر يحسم امره

من اسعد اوقاته

عندما يخلو بنفسه بعيدا عنها


وهو يعلم بالشي هذا


بس مو قادر يحسم الموضوع لانه بين نارين ,,

,,

شكرا لطرح رائيك