وعدتك يالعنووود ...وأحساس أذا وعد ما يخلف...أدخلو يا شباب!! < < < < < <

[عبدالله القيعاني]

*
**
***
**
*

بعطيكم بعض المعلوات عن البنات


شوفوا يا طوال العمر
البنات نوعين من ناحية الاسماء ...
فيه اسماء ما اواطنها بس تراهم دلع تتعب وانت تقول حنان زايد فيهم ....
النوع الاول اللي اساميهم كنك تاكل علك وانت تقولها ... مثل ديمه ودلال وهنادي وافراح وتهاني ..المهم هذولا اثقل عليهم يجونك ركض .... بس العله في النوع اليابس ( الخماسي المرح ) ... ( نوره ... ساره ... الجوهره ... منيره ... حصه ) هذا النوع صعب انك تحتك فيهم يبيلك قوه فيسولوجيه
اما النوع الاول مايحتاج منك قوه فيسلوجيه يعني ( تحتاج للنوع الاول فسلوج صغير مع شوي نصب مقلم بالضحك تستحوذ على ذا النوع ) ....
والنوع الثاني شي واحد يمديك تستحوذ عليهم فيه ... انك تدلعهم لان اسمائهم مغبره شوي واذا دلعتهم يحسون انهم في عالم ثاني ... وينجذبون للنوع الاول ويصير سهل عليك الاستحواذ
نرجع للخماسي المرح اللي هو ( نوره ... ساره ... الجوهره ... منيره ... حصه ) .... الملاحظ على جمال هذه الاسماء انها تنتهي بتاء التأنيث ....
وبالنسبه للدلع حق اسماء الخماسي المرح هو : .. (( نوير .. سوير .. جهير .. منير .. حصير) .... الملاحظ على جمال هذا التدليع انه ينتهي ( براء التدليع الساكته ) ...
نوع من البنات تجيك ( رسميه ) يعني لو بتقولها وش اخبارك ... بتقول لك احترم نفسك قلي كيف الحال لاتسالني عن اخباري هذي حياتي الخاصه انت مالك دخل ... يعني بتعطيك محاضره عنوانها ( لاتقل وش اخبارك ) ..
ومن زود الرسميه اللي فيها بعض الاحيان لين قلت لها اهلين قالت انا مو اصغر عيالك قلي هلا وبس اهلين مانعرفها وفيها شبهه ... ( وش الشبهه يرحم امك تبين نقولك اهلين يااختاه ) .... المهم هذا نوع وخلصنا منه
فيه نوع ثاني ... (المصلحجيه ) .... هذي مهيب تسلم عليك الا فالشهر مره ( واجد فالشهر مره ) ... او بالاصح اذا عندها موضوع كاتبته بالمنتدى وتبيك ترد عليه ... بتجيك وتقول فلان حبيبي .. اقولها هلا والله عاش من شافك وين الناااس من زمان عنك .... بتقول والله اختبارات وغثا خلها على ربك ياحياتي .... ( ياحياتي وين اصرفها) .. عاد انا متعود على هالحركات اطقها في وجها اقولها ... اها اخلصي وش عندك وش جايه تبين ..... مايمديني اقول لها هالكلمه الا صاكه اللنك في وجهي .... واللي احلى من هذا .. تقول تصدق اني كاتبه الموضوع فيك ( ياروحي من التمساح ..صرت ريكي مارتن ... بس انا احلى منه ... تقاطيع وجهي أحلى ... قل ايه بس ) ... والزبده كلها رد على موضوعي وبس ........ وهذا نوع هالحين خلصنا من الرسميه والمصلحجيه ....
فيه نوع رهيب يعجبني اللي هو( المهويه ).. تجيك وحده فاقده ... حاطه عقلها في شنطة الجامعه وجايتك .... وهذي لو اشرح لك ماوفيك حقها
وفيه نوع ( العاقله ) ... من زود ركادة العقل فيها لين ضحكت تضحك كذا ههههههههه . تحط نقطه في اخر ضحكتها ( يعني مجرد موقف ضحكت عليه لاتحسب اني مستانسه على سواليفك ) .... ولين قالت شكرا مو مثلنا نقول شكرن لا هي تحط التنوين الطامره فوق الحرف مثل كذا ..( شكراً ) ....
وفيه نوع ( الدببه ) هالنوع يابو الشباب.. ماتدخل فالشهر الا مره ... وكل سواليفها وشلون امك عساها طيبه .. وتسولف معك وبرايفتها الثاني شغال
وفيه نوع ( مدري وش تبي من الدنيا ) ... تستهبل وتلعب بمشاعر واحاسيس الشباب واخر شي.. (انا كنت امزح وربي امزح )
اذا كانت البنت ما ترد .... اعرف انها تكد شعرها ولا انها تهاوشت مع اختها من اللي يلبس البكله الخضرا اليوم ....
أو حطت الغدا وقاعده تلهم...( وتقولك والله أنا أكلي خفيف) وهي لا مخليه أخضر ولا يابس ((جازورا)) 0




أحســـــــــــــــــــــاس غــــــــــــــــــــــير





*** (( م ن ق و ل )) ***