كيف أتخلص من أحد دون جرحه ؟

[ماهي من البشر]

بسم الله الرحمن الرحيم

الموضوع خاص لمن يحمل مشاعر فياضه , تجعله يحترم الذوق العام

سأدخل في الموضوع مباشرتاً لإنه في الحقيقة وفي هذه اللحظه قد أعجز أ ان اكتب مقدمة طويله عريضه لنفاذ الأكسجين من رأسي كي اصف فيها مشكله قد فشلت مراراً وتكراراً بكيفية التخلص منها

وهي إطالة الحديث عبر الهاتف بداعي او بدون داعي

فمثلاً الكثير من زميلاتي وصديقاتي لا اعلم يحببن مهاتفتي وهذا وآرد بين الأصدقاء ولكن المشكلة في الإطالة والتشعب بالكلام بل حتى بإمور عائلية خاصه تستحي إن تسكت عن تفاصيل الأمور لتخرج منها عارف المستكى واللبان كي يتسنى لك إبداء الرئي العام والخاص
او مثلاً الحديث عن العائلة برمتها
وانا مشكلتي المجامله حيث أني لا استطيع ان اقطع المهاتفه بأي شكل من الأشكال وإن قطعتها مره لن أتواصل بهذا الأسلوب حتى لا احسس الأخرين بتظجري

فاانا هنا اطلب من من خصصتهم في مقدمة موضوعي أن يساعدوني بطريقة تجعلني استطيع تحديد المهاتفه دون جرح المتصل ؟
فكيف لي بذلك

دمتم إخوة

[دِيم]

شوفي يا ست الغنادير ..

اقتباس: فاانا هنا اطلب من من خصصتهم في مقدمة موضوعي أن يساعدوني بطريقة تجعلني استطيع تحديد المهاتفه دون جرح المتصل ؟ فكيف لي بذلك

أي شي سواء جوال أو مسن أو أي شي يجيب التواصل .. لاتكلمين أحد إلا وأنتي بتنامين
وإذا مليتي اسحبي ونامي وخليهم .. > أحسن حل
وهم بكذا بيحسون إنهم مملين وماعاد يضايقونك ..
.
.
أما إذا كنتِ مافيك نوم وماعندك طريقة تصرفينهم ..
من نص المكالمة خلي مامتك تناديك أو أبوكِ .. وتنتهي المشكله ..

^^ وش رايك ؟

[التنين الصيني]

اولا....

يبدو لي انك مستمعة جيدة ... وهذه الصفة قليلة جدا في العالم العربي

ولكن ... من يملك هذه الصفة يحتاج لصفة اخرى وهي " ان لا يكون مجاملا " ...

وهذا ما تفتقديه ....

.....

اعاني من اطالة الحديث في الجوال خاصة ... ولكن اتخلص منهم بقول " عموما "

بعد تلك الكلمة اعطي اقتراحي للمتصل ... ثم اقول له " وعسى الله يعين "

بعدها تلقائيا .... تقف المكالمة

[ماهي من البشر]

اقتباس:  المشاركة الأصلية كتبت بواسطة دِيم     شوفي يا ست الغنادير .. أي شي سواء جوال أو مسن أو أي شي يجيب التواصل .. لاتكلمين أحد إلا وأنتي بتنامين وإذا مليتي اسحبي ونامي وخليهم .. > أحسن حل وهم بكذا بيحسون إنهم مملين وماعاد يضايقونك .. ديم اشكر لك حظورك .. ولكن ليست المشكله أن اكون انا المتصله فاانا هنا قادره بتحديد كل شئ وإختيار الوقت المناسب في المحادثه ولكن المشكله إذا كان أنتي من تلقيتي الإتصال؟؟ ام السحب وشعورهم انهم مملين هذا مااريد تجنبه . . أما إذا كنتِ مافيك نوم وماعندك طريقة تصرفينهم .. من نص المكالمة خلي مامتك تناديك أو أبوكِ .. وتنتهي المشكله .. ^^ وش رايك ؟

بس تهقين لو تكررت هذه الطريقة لن يفهموها ؟؟

[القلم الصريح]

خلاص لا تعبي نفسك مارايح تفيد معك الحلول ولن تطبقيها من شب على شيء شاب عليه
محادثات ماروثونية ونسية ياغير البشر .

[Miss Tala]

قولي مشغوله وانتهى الموضوع ..............................

[القلم الصريح]

اقتباس:  المشاركة الأصلية كتبت بواسطة miss tala     قولي مشغوله وانتهى الموضوع ..............................

هالحين انت تعاند!! اقول ماينفع معها الحلول وتعطيها حل ههههههههههههه
اذا قالت حذام قصدقوها .............................

[دِيم]

..


خوذيها منّي خيتي ..
المجاملات ماتنفع بعلاقاتك ..
اللي ما يقدر ظروفك .. وإنك ماتحبين الحكي .. صارحيه .. إذا تقبل فبها ونعمت
إذا ماتقبل إذاً هذا خلل في شخصيته ..

.
+

حطي لك رقمين رقم للدراسة والجامعة .. ورقم للبيت ولأهلك وافتكي ..

^^^ أحس إني متحمسة ودي أساعدك هه

[البحرسي]

شوفي وانا اخوك
فيه طريقه دبلوماسيه
بين الحين والآخر حاولي ترسلين رسايل تبينين فيها الاحاديث التي تحرم الغيبه والنميمه وبين كل رساله والثانيه رساله عن بعض الاحكام اللتي تخص المراءه عشان ما يشكون..
بالطريقه هذي تكونين كسبتي اجر في نفسك وفيهم, ونبيتيهم بطريقه دبلوماسيه...

انا جربت الطريقه هذي في بعض المجالس والتي يكثر فيها الحديث عن شؤون الناس الخاصه...
تذكري دائما قول المصطفى ( وهل يكب الناس على وجوههم او قال مناخرهم الا حصائد السنتهم )
من يرضي الخالق يرضى عنه المخلوق

تقبلي تحيتي

[قـتـالـه]

صدقيني ماجوا لتس من الباب للطاقه !
انتي اللي مبلطه لهم البحر وعطيتيهم الضوء الاخضر بطريقة مآ
مااعتقد اني ابكلم خويتي واهمق عليها بمشاكلي وضواري ايامي
الا انها معطيتني جوي .. فليش تجين هنا وتقول كيف اصدهم ولا اجرحهم !
البلا فيك انتي غيري طريقتك مع السحا وتعالي افلقين ان كلمنتس يبن يهمقن !

[دِيم]

^^^ ياويلها ويلاه هه

قتلتل .. طيب هذاني عندتس ... سويكته ما أقول شي مايدرن صديقاتي من أنا بنته وبأي حي ساكنة
وش أًصلي وعلى ذا تقل مكتوب على وجهي فضفضة ..


,

بلتسن هي تحب تسمع ..؟
ترا الصبايا على قولتك يموتن على اللي يسمع لهن .. هه

[قـتـالـه]

اقتباس:  المشاركة الأصلية كتبت بواسطة دِيم     ^^^ ياويلها ويلاه هه قتلتل .. طيب هذاني عندتس ... سويكته ما أقول شي مايدرن صديقاتي من أنا بنته وبأي حي ساكنة وش أًصلي وعلى ذا تقل مكتوب على وجهي فضفضة .. , بلتسن هي تحب تسمع ..؟ ترا الصبايا على قولتك يموتن على اللي يسمع لهن .. هه

ياملحها بلتسن من واحد قالها هالايام
بعذرهن صباياتس اذا جن يهمقن عليتس انا ودي اجي اهمق وانا مااعرفتس
ياحيي الصبايا يحبن الانصات من الرجل مو من سحاة مثلهن !
وع وش ابي بإنصات سحاتن مثلي كلامي عندها زيه ولايحرك قوافل نجد عندها

[هنري]

نادي المتصل بإسمه وبنبره لطيفة ، مقاطعة حديثةوقولي:آنا آسفة ولك مني إتصال خاص "طيب"

وبذلك سوف تنتهي المكالمة

(الطريقة قد جُربت من قبل)

[دِيم]

اقتباس:  المشاركة الأصلية كتبت بواسطة قـتـالـه     ياملحها بلتسن من واحد قالها هالايام بعذرهن صباياتس اذا جن يهمقن عليتس انا ودي اجي اهمق وانا مااعرفتس ياحيي الصبايا يحبن الانصات من الرجل مو من سحاة مثلهن ! وع وش ابي بإنصات سحاتن مثلي كلامي عندها زيه ولايحرك قوافل نجد عندها

اي تعالي بجوّي جو همق .. عند مدفأتي وجهازي وعصير تفاح وكروسان يحبهن قلبتس الأبيّض > لاحظي الشدة ..

,

هص يامالا الصلاح لاتجيبين طاري الرجل والفضفضة تريهن يصدقن .. خليهن علي أنا وهالمصلحة راعية هالموضوع ..
على الأقل إحن نسمع مانستغل ..

+

تعلمي يامال الصلاح فن الإنصات كملي زينتس .. بس الله يعينتس على الضغط عقبه

[التنين الصيني]

اقتباس:  المشاركة الأصلية كتبت بواسطة دِيم     اي تعالي بجوّي جو همق .. عند مدفأتي وجهازي وعصير تفاح وكروسان يحبهن قلبتس الأبيّض > لاحظي الشدة .. , هص يامالا الصلاح لاتجيبين طاري الرجل والفضفضة تريهن يصدقن .. خليهن علي أنا وهالمصلحة راعية هالموضوع .. على الأقل إحن نسمع مانستغل .. + تعلمي يامال الصلاح فن الإنصات كملي زينتس .. بس الله يعينتس على الضغط عقبه

وش .... هالفطور ....!

والله من المر ..

........

بعدين فن الانصات .... هو هو فن القراءة بالمنتديات .....