لو تغيب سنين ما ينقص غلاك
دام وسط القلب لك قدر وغلا
ما جحدك الحب لو تقفي وراك
ولا نستك الروح ياريم الفلا
وياعديل الروح قلي وش بلاك
ماتشوف اللي بحبك مبتلا
ان سكت اخاف يذبحني جفاك
وان هرجت احس في هرجي بلا
كيف اوضحها عسى الله يهداك
انت تفهم منت من ناس جهلا
وان بغيت اشهود محور وفاك
مستعد اجيب شاهد واكفلا
ان سألت الروح عن صافي هواك
عانقتك الروح من بد الملا
وناظر عيوني وتعرف مستواك
يوم عنها غبت ما فيها حلا
وان ذكرتك راحت اشواقي معاك
بين خلق الله وكني في خلا
لا توردني على درب الهلاك
كني المظلوم في قص اقتلا
جازني بالحب يوم الله عطاك
ولا تحسب القلب عن حبك سلا
وكان تبغى الصدق لو تزعل عداك
في خفوق الروح لك قدر وولا
العرض العادي
