الشبــكة وماأدراك ××× بنات تفضلوا كي نستفيد

[الجوري الأحمر]

السلام عليكم ورحمة الله وبركاته
حياكن الله أخواتي العزيزات

بإختصار موضوعي
هل تؤيدون مايسمى بـ إحتفال يوم الشبكة قبل الزواج ؟
أم هي غير ضروريه

اكيد للكل عادة ماشي عليها
فبعض الناس مايعترف فيها
والبعض الآخر يعدها من اساسيات الزواج

احكوا لنا تجاربكم كي نستفيد من بعض

واتشرف فيكم
يا هـــــــلا ,

[ذات]

الشبكه ..يعني حفلة الملكه ...ضروريه جداً ..بلعكس ..
بنسبه لنا ايه نسويها واحيانا نحجز قاعات لها ...
وسوقها بسوق العرس تماماً ...يعني مثل الزواج بس على شكل مصغر ....وفيها تصوير وتقطيع كيك وحركات واجد...ولازم العرووس ترقص عندنا يعني مع اخواتها وتستانس .....وفيه ناس اختياري لانها بتكون عائليه ....واحيانا يكون العريس موجود ....(يعني جونا فله ...(:
يعني وقت الزواج او ليلة الدخله مااحد فاضي لهذا كله ...لانه بتكون زواج رسمي ..مافيه وقت ولا شيء ...لكن الشبكه ...من اجمل اللحظات ...وخصوصا للإثنين ...

أسعد الله الجميع ورزق جميع بنات المسلمين الازواج الصالحين ....
مودتي ...(:

[أسيل محمد]

حنا كمان الشبكة هي حفلة الملكه
والله وناسه مرررررررررره .. وتكون فخمه وتعزم العروسه كل اللي يعزون عليها اقاربها وصديقاتها ... بس اللي يكونون قريبين منها .. ويصير عدد الناس قليل مررره عشان تكون العزومه على سنع .. واهم شيء ممنوع اصطحاب الأطفال ..

ويكون فيه حركاااااات جوناااااان ...وبذاك اليوم كلن يقدم للعروسين الهدايا ...
بصراحة الشبكه احسن من يوم الزواج ... وهي من اجمل اللحظات اللي ماراح ينساها العروسين ..

[≈ Śķőőŋ »]

عندنا شبكات ودبتسه

بس انا احس احسن تصير عائليه اهله واهلتس انتي بس ماله داعي تكبر
هي الغرض انه يجلس العريس مع العروس ويعيشون لحظاتهم وتصوير وحركات ..الخ
و زي ماقالت ذات مااحد فاضي لهذا كله بيوم الزواج لانه بيكون زواج رسمي مافيه وقت

بس ماله داعي المبالغه كأنه زواج سويها في البيت مولازم قاعات وفنادق

بالتوفيق

[سموه بديني]

بصراحه الشبكه يوم ما ينسى ابد
واصبح عاده عند الأهل
وصدق ذكراه مره حلوه لكن مكلف مكلف الى ابعد الحدود
فيه احد اذا حط الشبكه ما يحط زواج
بس صراحه احس ماله داعي
.
.

[بطلة العالم]

تبن الصراحه ماعندنا الا ملكه ورجال بعد كل مجتمعي اللي انا اعرفه كيذا

وفيه قليل يوم الملكه تحط حفله صغيره هي واهله وبس،،،

يعني مافيه اي شي قبل يوم العرس،،

[[رآآح اللي رآآح ]]

[align=center]
احس مآله دااعي الا اذا كان مافيه عرس يعني يكون((عائلي)) يتشاوفون اهل الزوجه واهل الزوج اما شبكه وزواج صعبه شوي وفيه بعض الناس ظروفهم الماديه ماتساعد ..

وهذا احسه طبع عند بعض العوايل ..[/align]

[SAGA]

حبيبتي الشبكة عادة عند عوائل وعوائل لا
ومعروفين العوائل بمنطقتنا اللي عندهم الشبكة عادة وضرورية بعد
بالنسبة لي حنا مانسويها

[~خالتنا موضي~]

عوايل تسويها وعوايل لا ببريده

[نواره]

كانت اول
منتشره اكثر من الحين
بس مازالت موجوده
وانا مأايدها
لانها زود مصاريف على الشاب
واهل البنت

[رواسي]

اقتباس:  المشاركة الأصلية كتبت بواسطة نواره     كانت اول منتشره اكثر من الحين بس مازالت موجوده وانا مأايدها لانها زود مصاريف على الشاب واهل البنت

مين قلك يآقلبي مصآريف على الشآب( العريس)
العريس في الملكهـ زي العروسهـ بالزوآج
يجي كآشخ بسسسسسسسس
الميز أو المفطحآت والقصر أو الإسترآحهـ والتقديم والكوشهـ كلهـ على العروسهـ
هي تتحكم بكل شيء فرتحهآ هذآك اليوم
الزوج مآلهـ دخل ولآ عليهـ مصآيف يوم الملكهـ

الزوآج مصآريفهـ على الزوج


بالنسبهـ لنآ شيء أسآسي زيهـ زي الزوآج

[بنت البدائع]

الشبكة تعتبر أساسية لـ مناسباتنا
و تكون مختصرة وغير متكلفه بشكل كبيرأفضل
لأن البعض تجيب ماوراها ودونها ولا تفرقين بينها وبين الزواج الرسمي ,,

والدموع أربع أربع << هذا حالنا فيها نقلب اليوم مناحه
وبعد ماتعدي الحفلة نضحك على سوايانا

[المديره]

<<<<< تشارك بطله العالم على رايه
حتى حنا ماعندنا شبكه ولاشي هي ملكه رجال بعد مختصره على الابو والاخوان

[برنسيسة]

انا افضل الشبكة اذا حطيتي حطي شبكة على اعلى مستوى وحطي زواج عائلي ويعني حطي كل ماعنك بالشبكة والا العكس يعني مو لازم شبكة وحطي زواج

[دموع الورد]

اهم شي الزواج هواللي امر الله ورسوله فيه علشان الكل يدري فلان اقترن بفلانه واهم شي

التوفيق ومازاد احسه من الاسراف المهم تدوم السعاده بينهم بعد الزواج وياماوياما سوو ولاتم

التوفيق يمكن والله اعلم بسبب الاسراف