اولاً البنات :
اول ما يرن جرس الفسحة
- تشوف شلة بنات داشين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوتا في اخوها الصغير امس وطبعا لاتنسون سوالفهم السخيفه الي تتكلم عن نفسها شنها قمر ومافي غيرها بالدنيا شو صار فيها بالسوق وان كل الشباب متخبلين عليها وكل شذب بشذب والي اتقول كيف عذبت حبيبها وكل وحده تخرط على الثانيه وطايحين مديح بعض وناسين المثل الي اقول مداح نفسه يبه رفسه
- وطبعا عاد لاننسى الامتان كل وحده تمشي وفمخباها كافي ( شكولاته ) غير الي قاعده تاكله واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترد البيت على طول تسوي تليفون للدكان اللي على الشارع
عاد كله كوم والبنات العبقريات كل وحده منهم شايله قشها ورايحه عند ابلتها وتسالها ولا كان هالمدرسه انسانه حاله من حالها تبي تترتاح وياويلها اذا ما ردت على سؤالها تفضحها بين البنات
عاد الي صدق نكته هالبنات الي اتشوفهم متحذفين ورا اللوكر يحلون واجب الرياضيات اللي ماحلوه في البيت
اما الاهم .. تشوف بعض البنات يستأذنون من الحصة قبل البريك بثلاث دقايق ويركظون الكافتيريا –يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع خربان
واخطر شي هالموضوعه الي طالعه الحين البنات المسترجلات اتشوفهم كل وحده امسويه نفسها شاب وهالمشيه السخيفه ويلاحقن البنات ورقمونهم وي ويهم شباب مب بنات
والعن البنات الي فيهم الشذوذ وتتمشى هي وحبيبتها كانهم واحد وحده وياويلها اذا فكرت الثانيه انه اتكلم احد راح تروح فيها من حبيبتها
عافانا الله
خلونا من البنات وانروح انشوف شيسووون الشباب في الفسحة ..
عاد الشباب وياويلي من الشباب والله اتضحك اشكالهم . اشكالهم كانهم ما يعلارفون وين الله حاطنهم طبعا هذا قبل الفسحه وبس ايدق جرس شوف البلاوي
- تحصل واحد منهم راقد طول الحصة واول مايرن الجرس يدعي على اليوم اللي دش فيه المدرسة ( لان حلمه انقطع بسببهم )
واثنين من الصبيان ينطرون متى يروح المدير اللي صار له واقف ساعة جدام الصف واول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم دكان في طريجهم وبعد نص ساعة يرجعون المدرسة ..
وشلة تروح وره المدرسة ويتمون يدخنون لين ما يقولون بس وما امداهم يشفطونها الا واحد كشخة حاب اسوي فيهم حركة نذاله رايح يفتن عند المدير وما يوعون الا المدير حابسهم في غرفة الاحتجاز ويسوي تليفون حق ابهاتهم . وكل واحد منهم يالس على اعصابه مب عارف شو راح اسوي فيه اوبوه مساكيييييييييين راح احصلون ضرب هههههههههه
اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويلعب سوني وقاعد اكلم حبيبته )
عاد الي صدق اضحكون الفتوات شله شذيه اتشوفهم اتقول داشين حلبة مصارعه ومب مدرسه وقومون يتحدون شله ثانيه من مدرسه ثانيه علشان يتضاربون وشوف امنو اقوى
لاحول ولاقوة الا بالله ما اعرف امنو قصد عليهم وقال شذيه راح اكونون ريايل
وشله تخريب وطفيش اتشوفهم قاعدين اخططون كيف اخربون الحصة واخلون استاذ يكره عمره ويلعن الساعه الي فكر اكون مدرس
هههههههههههههههههه مساكين اساتذه
اتمنى يعجبكم الموضوع ولا احد يزعل تراه هالواقع الي قاعد اصير ابمدارسنا او مدارس الكويتيين
شرايكم .. تبون تعرفون شيسوون البنات والشباب اذا رن جرس الفسحة ..
العرض العادي
