بصراحه انا مدمن شاشه
قالو الوساده فيها بركه
قلت الوساده مخرومه
قالو نام بدون وساده
قلت مااقدر اخالف العاده
قالو شوف سوق العقار
قلت اه لاتذكر من باع الدار
قالو روح الاستراحه
اسق النخل ولقح الفراخه
قص الشجر ورش البراحه
نظف بيت الشعر وشل رماده
احلق الثيل وكبه بالبراحه
قلت طيب مين يقعد عند الشاشه
مين يرتفع ضغطه وكربه في زياده
مين يطلب الشاهي وممكن يولع زقاره
مين يفرح لحضه ويفرح اعياله
ومين ينكتم ساعات ويسب المجاعه
مين ينقهر او ينصدم ويكسر الشاشه
مين ينتظر ويتشفق ربع ارياله
مين يوجه عقله كامل للشاشه
ماهي عباده بس ادمان شاشه
قالو طيب سوي لك زياره
قريب والا صديق حقه طال انتظاره
والا صلح كهرب البيت والا السباكه
او انزل السوق وكمل اغراض طال انتظاره
قلت صدقوني انا ماقدر عن الشاشه
انا متداول كل يحسب حسابه
قالو طيب حيرتنا يارعي الشاشه
ممكن تعايش الواقع وماهي محاله
هذا فراغ غالي يصعب ادخاره
الوقت من عمرك ربح و خساره
افتح المصحف ولا تنسى الطهاره
واقرا ايات قبل تستحيل القرايه
[/align]
العرض العادي
