ابو سرهد بفيينا

[ابو سرهد]

أمسي عليكم اخواني وأخواتي الأعضاء


أنا الحين أكتب الموضوع بساحة ستيفنز ( شارع المشاة ) بفيينا بالنمسا

والجو روعه ومليان خليجين وعروض حلوة وحضارة وطبيعه ويالله من فضلك

اللي عنده سؤال أو إستفسار أنا حاضر


تحياتي لكم من بلد العشق والرومنسية والطبيعة الخلابة

[بندر الحمر]

الحمد لله على السلامه

لا تنسانا بالصور عطنا صور خل نحجز لكم

إلا أبسألكم عن الأمطار بشر

ولا تنسى تمثل بلدك أحسن تمثيل >>متأثر بطاش ما طاش

[صدى الصوت]

يااااااااااااااااحظك

هجيت عن الحر

لاتنسنا بالصور ترانا نتحراك

[هدوء في ضجيج الصمت]

وناسه مو مثلنا...

[engel]

ولفحة النار في أرض نشأتَ بها>>> أحب للنفس من بعـدٍ بجنات

يموت أهل الهوى بالشوق إن ظعنوا >>>وإن أبيتَ فهم أنصاف أموات

[ابو الشلاليم]

ارسل لنا شوي هواء بارد بالايميل بسرعه تراي ميت حر..................

[عذراء متهورة]

يا زين التربيعه بقبة رشيد امسيان الظعيف با فيينا بلا هم

[سيميــآء \=]

الله يهنيك

ولاتنسانا بالصور خلنا نتعرف على فيينا......

[ابو سرهد]

انا آسف على التاأخير بالرد
الصور إبشروا والنمسا رووووعه

وانا الحين طلعت من فيين لسالزبورغ وجلس عند نهر السالزاك والجو وناسه وحصة السليمان تقول قبة رشيد هههههه عندي ورد ونهر
وأنتي عندك زعفران وعجز

تحياتي لكم جميعاً ولاتنسوني بالدعاء

[عالمي]

طيب كم كلفتك الرحله من تذاكر ابغى الاجمالي اذا كان معك زوجتك فقط

[ابو سرهد]

اقتباس:  المشاركة الأصلية كتبت بواسطة عالمي     طيب كم كلفتك الرحله من تذاكر ابغى الاجمالي اذا كان معك زوجتك فقط

هلا أخوي أهنيك على إختيار النمسا
بالنسبة للتكاليف أنا كلفتني شاملة التذاكر على الإماراتية الرحلة لمدة 20 يوم
يوم قبل وبعد بدبي
وفيينا 5 أيام وسالزبورغ 3
وزيلامسي 7

وميونيخ يومين

كل شي كل شي 38 ألف مع زوجتي وبنتي عمره أربع سنوات
وإذا عندك أي إستفسار أنا حاضر أخوي

دمــــت بود
أبو شوق

[عالمي]

طيب كم سعر التذاكر والرحله عن طريق مكتب او حجز من عندك....... والفيزا كيف استخراجها شاكر ومقدر...... وهل 10 ايام مناسبه لاني ود اسافر والميزانيه يالله بالجمعيات.... وزين 20 يوم تكلف 38 يعني انا ما ابغى ملاهي ولا شئ ابغى طبيعه وتسوق فقط.... وانا لا املك لغه

[ابو سرهد]

اللغة عادي أنا أعرف إنجليزي بس يعني أمشي روحي
ولو ماتعرف شي عادي شعب متساعد وودود

والتذاكر في أغسطس 4000 للشخص والحين ماأدري يمكن أقل ويمكن أكثر
وأصلاً الطبيعة خلابة
وأنت مجبر تروح للمنتزهات لأنه متعة بما فيها جبال وثلج وشلالات وزحليقة وبحيرات وقوارب وناسة بصراحة
وأنا حجزت عن طريق مكتب بس ماله داعي بس لأني أول مرة
وإذا تبغى أضبطلك كل شي أنا حاضر

ونصيحتي خلها 3 أيام فيينا و 5 زيلامسي ويومين ميونيخ لأن كلها أسواق
والفنادق تتراوح مابين 900 و1000 ل4 نجوم

شاكراً لك

[عالمي]

طيب ...... اللع يجزاك خير......... رحت ل بحيرة اتريسي وجبال الالب.....وشلون ما يحتاج مكتب ممكن تكون التكاليف اقل...... والفيزا لقيت صعوبه با استخراجها

[ابو سرهد]

الفيزا لازم تقدمها قبل شهر أو أكثر

وجبال الألب رحت له هي اللي فيها الثلج على إرتفاع 3000 متر

وبحيرة زيلامسي هي اللي أعرفه

بإمكاني أخلص لك كل شي عن طريق النت مو لازم مكتب
والفيزا لازم أنت تقدمه