[align=center]السلام عليكم ورحمة الله وبركاته
كيفكم صبايا وشباب
يالله اول شئ أهني نفسي عضوة جديدة في هذا المجتمع وهذا أول موضوع لي بينكم .. وإن شاء الله تستفيدون منه ..زي مااستفدت أنا منه ..
و اكيد كثير يبغى يطور لغته الإنجليزيه بس مو لاقي الوقت ونحن مجتمع الصبايا كثير نلاقي الوقت بس مانلاقي اللي يوصل ويرجع فعشان كذا حبيت أحط هالمعهد بين يدينكم وبنقوم بجوله داخل المعهد ..
ها مستعدين للجوله ..
أول شئ نبدأ
بالتسجيل في المعهد ..
متطلبات التسجيل فقط لا تحتاج غير فيزا أو ماستر كارد
الرسوم 250 تقريبا في الشهر
التجربه : أسبوع
بعد الأسبوع إذا ماكنسلت طلبك يتم السحب من الفيزا
( ملاحظة السحب أوتوماتيك كل شهر بس إذا تبغى توقف لازم تنكسل قبل لا يبدأ الشهر الثاني او بمعنى قبل لا يتم السحب )
إختبار المستوى
الحين أكيد تحتاج إختبار مستوى ليحطونك في المستوى المناسب
طبعا بعد إتمام تسجيل في المعهد يتم إختبار مستواك أو بإمكانك إختيار الليفيل اللي تحسه مناسب لك من غير إختبار
ملاحظة ( لو إخترت مستوى وحسيت إنه سهل أو صعب بإمكانك تغيير المستوى بسهولة )
الحين خلاص إخترت المستوى لازم
تحديد الهدف من الدراسه ..
كيف نحدد الهدف ايش سبب دراستك وكذا الساعات اللي تبغى تدرسها ووغيرها ..
نجي
للمدرسين ..
المدرسين لغتهم الأصل الإنجليزيه يعني أمريكي او بريطاني أو كندا ...
كيفية الدروس
تسوي لك جدول بالأوقات اللي تناسبك يعني تنظم وقتك على حسب راحتك
وهذا جدولي هنا ..
شوفوا معاي ..هنا .
1 واحد هذا المستوى اللي ابتدأت فيه انا واخترته
2 الهدف او المستوى اللي أبي أوصله
3 معدل دراستي اليومية
4 زي ماتشوفون الجدول تقدرون تضيفون وتعدلون وتحذفون على كيفكم
الدراسه في المعهد ينقسم نوعين ..
ذاتيه والثانية تعتمد على مدرس الصورة تشرح لكم
الحين بفصل أكثر في الثلاث نقاط ..
درس المحادثه ..
أول شئ كان السبب الرئيسي لتسجيلي في المعهد هذا
يوجد فصل إكتروني يتكون من طلاب وأستاذ طبعا هذا الفصل غير عن فصول المدرسه مفتوح 24 ساعة يعني على كيفك تدخل أي وقت تريده ..
وهذه صورة من الكلاس
وطريقته كل يوم ينزلون موضوع
هذه المواضيع تكون موجودة مسبفا في جدول مرتب بالتواريخ لمدة أسبوع وتتحدث المواضيع أسبوعيا يعني اللي تشوفونه في الجدول حق هالأسبوع
شوفوا الصورة ..
ملاحظة :طبعا هذه المحادثه متاحه لك 12 مرة في الشهر ..
وطبعا مافي مجال للأحاديث الجانبيه وهذا اللي يريح أكثر شئ ..
نجي النقطه الثانية اللي هي
الرايتنق ..
يعطونك في كل وحدة موضوع رايتنق تكتب عنه بما يناسب ليفيلك
ويتم تصحيحه والتعليق على كتابتك ووضع درجة لك
النقطه الثالثه
NET TOUR ..
هذه رحلة من الموقع لتذهب فيها إلى خارج الموقع في عالم النت ..
طبعا يعطونك رحله على حسب توبيك وحدتك وأسئلة تجاوب عليها مرة ممتعه وزيادة ثقافه ..
خلاص كذا عطيتكم نظره عامة على الموقع .. والدروس إن شاء الله مااكون نسيت شئ ..
بس الحين بتسألون كيف أعرف مستواي وتقدم الدراسه أنا بقولك في قسم إسمه
my results من هنا تقدر تشوف ثمرة دراستك ..
هنا نتيجة دراستك بشكل عام
هنا تقرير دراستك للوحدة ..
وفي الأخير هنا درجاتك في المحادثه والكتابه وأيضا تعليق المدرسين عليك ..
هنا ملاحظات ..
1- المعهد هذا تبع معهد 
الدولي يوجد له فروع كثير حول العالم والظاهر بعد إنه له فرع في جدة
2- لازم تكون عندك خلفيه لغة لانه الموقع كلش إنجليزي زي ماانتوا شايفين والمدرسين كلهم إنجليزي يعني مافي مجال للعربي أبد لا للإستفسار ولا لأي شئ
في الأخير آسفه على التطويل بس حبيت يكون الموضوع ملم جميع العناصر في المعهد ولا تقولون دعايه خخخ لا بس عن جد إستفدت وحبيت أفيد .. وخصوصا البنات لانه دايم ودهم يدخلون معاهد بس لازم تطلع لهم مشاكل خخخ ياسيارة ياوقت ياشغلات مالها أول ولا تالي ماتقدر تنظم وقتها بين الوقت الرسمي.. وكذا الاولاد ..
وفي النهاية هذا رابط الموقع ..
ادخل من هنا
وأتمنى أكون إني حطيته في المكان المناسب
ودمتم لمن يحبكم ..
المحبه لكم
إذا في اي استفسار مايردكم شئ أكتبوا وانا حاضرة ..[/align]
.. 
العرض العادي
