بالأمس رحت أنا والأهل عشان نشوف مخيم صيف أرامكو 2011 الواقع في الظهران . . وسبب روحتنا إن واحد من الأقارب مدح لي صيف أرامكو بالرياض وتوقعت إن الوضع راح يكون نفس ماذكر لي لكن الصدمه يوم رحت وليتني مارحت . .
قلنا بسم الله ونزلنا من السيارة ( طبعاً رطوبه الله لايوريكم ) عاد أول مادخلنا من البوابه شفنا الوضع FREE العزاب والعوايل يدخلون مع بعض ( أجل ليش حاطين سكيورتي ) . . المهم دخلنا وشفنا الوضع مش ولابد , حاطين سماعات ضخمه ومنتشره في الطرقات ومشغلين موسيقى ( مين قال لكم حرام ) وغصب تسمع عشان يحلو الجو ( إبتسم فأنت في أرامكو الأمريكية ) المهم دخلنا وعلطووول على أول خيمه عاليسار تهتم بالصور الفوتغرافيه والحمد لله راح الصوت وقعدنا نفرفر بالخيمه ونشوف الصور المقتبسه من قناة NATIONAL GEOGRPHIC وكان الحضور قليل جداً بهالخيمه ( يعدون بالأصابع ) لكن المشكله تكمن في وجود مرشدات ( تشرح الصور ) كاشفات الوجوه وبعضهن متنقبات وفيه واحد معهم مرشد . . المهم طلعنا من الخيمه في غضون دقائق معدوده ويالله عالخيمه اللي بجنبها ( بسرعه ) ^_^ تهتم بالتراث الحساوي والدمامي << حلوه الدمامي . . . بعدها جينا لخيمة ( عالم المعرفه ) عاد هي اللي فيها الطامه الكبرى . . من غزل وترقيم وكأن الخيمه مدونه في الأعلى بعبارة " نظره فـ إبتسامه فـ موعد فـ لقاء " فالقائمين على هذا المخيم أغلب العاملين فيها من النساء كاشفات الوجوه ( وكأنه شرط لقبول العمل في المخيم ) وهناك قله قليله من المنقبات ويبدو لي أنهم من الروافض . . المهم هناك ثلاث أو أربع نساء وكل وحده معها لاب توب يستقبلون الناس بإستفساراتهم والشرح عن برامج معينه ولا مانع من إستقبال الشباب وتبادل الضحكات . . هناك أيضاً خيمه للمسرح لكن ما أمدانا عليها سكرو ( عاد الله أعلم إيش كان فيها ) وبجانبها خيمه للأطفال دخلناها وحصلنا الشباب هناك بقصاتهم وكدشهم وحصلنا السعودي يسولف مع زميلته في العمل ( عادي متوظفين عند أرامكو ) . .
يعني زبدة الكلام ماخذين الوضع كله على بعضه free والهيئه ليس لها مكان شاغر هناك لأن ولله الحمد مافيه منكرات فليش يجيبونهم أو يوزعون عليهم منشورات تخرب أفكارهم . .
الرحله على بعضها لم تأخذ منا ربع ساعه فقط وخرجنا بأسرع وقت من غير رجعه قبل أن يخسف الله بنا . .
قد يكون الوضع في الرياض غيييير والله أعلم . .
هذا مالدي والله المستعان
العرض العادي
