|عندكم كيس ماركـــــــه |

[لسعة شقاوه]

سالخوصه

|بما إن المنتدى الحين كله ذبح وصلخ قلت أمسيكم بالخوص خلكم لاتهاوشتوا تذابحون |
وبعيداً عن الفتايات والفتايين , وكيفية إصطيادهم لبعضهم البعض وكيفية الإيقاع والتغرير ببعضهم البعض (إيقال فيه جهل من ذي الأمور وهم حيايا مخبية , ماعلينا المهم
وعلى حين غرة من العطلة إذا بأمي المصون تخبرني بأن الماركات عليهن تخفيض 70%

وهات ياطردي يالحريم , ذهبت مع أمي لأني أسمع الكلام , (وماقصدي شهوة شراء أبدن أبدن) وأبشركم شريت ثياب العيد , عشان ما أطلع برمضان , (مهذبه) لكن شفت شوفات الحريم يشترون كأنهن بتخلص الملابس بكره لكن
:
هوس الحريم بالماركات يخبل يعني لو يصح لها تشتري عيالها ماركات ماقصرت , لدرجة وحده من رفيقات الــ ... تتصل علي تقول خلي الدحمي يجيب من عندك كيس ماركه ؟
قلت : هاو شدعوة ياحافظ ؟
قالت: أبد أبارسل لجيراننا فستاني وأبي كيس ماركه أحطه فيه ,
أصبروا أبكتم ضحكتي ,, خخ خخ خخ خخ
**
وواحد من الجماعه مستحيل يلبس بناطلين أو تي شيرتات إلا ماركه والود وده يحط سعره على التي شيرت مايشيله ,
الله يشفيهم , لاحد يضحك علينا بس الله يعين المخباة اللي بتدفع ؟

تلقفوا سلامي بس لايطيح على أحد ثمن أبلش يقولون ترقمنا ,

انتبهوا ايقونتي ذي ماركه

[رحّــال]

موضوع رائع رائع جداً جداً


لم اقرأ مثله طوال مسيرتي في الإنترنت


نشكر الكاتبة القديرة


على هذا الجمال والروعة .....

[لسعة شقاوه]

لاداعي لاداعي , أدري

[أســماء]

ههههههههههههههههههااااااااااااااي


ياحبيلتس ! اجل شريتي للعيييييييييييييد :| ماشااء الله علييييييتس قرّمه

خخخخخخ اما كيس ماركه هههههههههههاااااااااي

[سراج اللوذه]

الله يرحمتس ياااجديدتي .. تروح للسوق بشنطه مشّركه <<طبعاً الجذيعات مايعرفنه ..كيسه تقل شبك لونه برتقااالي

الله يخليلنا ثويباتنا .. من خياطة ابو يمن وانتي مااااشيه

[&عبير الشوق&]

سالخوصات لسوووعة الاموووره ..
هالحكي اول يوم الماركة نادرة مثلي
بس الحين صايره الماركات بكل مكان وعالعرب والانقليز لااا وحتى الشغلات صاروا يلبسونها ..
وللأسف أفيش ماركات بحق وحقيقي عندنا كووولوا عمايل بنقلادش ..
دايماً اللبس مو بقيمته ولا بصنعه..
اللبس على حسب لباسه حتى لو مصنوع بالواق واق ناس تحليه وناس تخيسه..
فووتك بعافيه حبيبة ألبي ..

[yousef]

خوص >>آجل يالسعة ...!!

انت كنت متأكدة انك رايحة مع الوالدة الله يحفظها
مو مع بنتك
مشاء الله عليك خوص وسعف

الميمو عندك عالي ..

( على فكرة هناك فصفص ماركة ) !!!

لـــــــــســـعة

ذبحت الماركات ..بني قومك ..

ما بقى الا يقولون هذا الطريق ماركة
خلينا نروح معه ..!

ياحيليك يالسعـــــــــــــة

ماحصلتي على طريقك

( ديرامان ماركــــــة )!!

* نفسي تأتي
دور الإزياء الباريسة
او دور ميلانو

يالله معليش نقول دار تايلدنية او تركية

وتفتح كم دار حتى تنجح الدور وكل الادوار!!!

تصدقين هناك ماركات ممنوعة تأتي الى الشرق
الاوسط ما عدا اسرائيل ..!!

وكل بسبب حماسنا وقبله ناصرنا و حافظنا وياسرنا..!!

(يالله كم المحيط جميل من هنا )
ولكن لهم محيطهم ولنا خليجنا ..!!
والحمدلله ان المحيط ماركته ( هاي كلاس ) بل لايعيش
فيها الا بق ستراي بوس ..!!

يسعد صباحك حبيت نثرثر قليلاَ على نسمات الصبحية
وموسيقى رحبانية مع صوتها هي لاغيرها الذي لايمكن
ان تجاريه اي ماركة لا ست ولاغيرها من ثومة الى نانسي

تحياتي ومودتي

[فتاة المستقبل]

ماااااااااااااااااركه وماااااااااااااااااااااااااااااركه صجوا أذني بقولة ماركة ..

بلوزه قماشه خفيف واخرته بكالقيسه ..كندره عاديه وبلوزه عاديه والسعر طبزه والسبب ماركه

ودي أدري وش الفرق السلعه الماركه عن غير الماركه ..

لا تقولون الجودة ولا الصناعه ولا نوعيته لانهن بالهوى سوى ...

على فكره الماركات من تالي اخس السلع الموجوده بالسوق ..عرفوا هوسنا بالماركات قالوا فكره نمشي البضايع المكدسه ...

حلو الموضوع افش خلقي فيه<<<توه شاريه كومة ملابس ماركه ومنقهره

[الرأي الحر]

اقتباس:  المشاركة الأصلية كتبت بواسطة لسعة شقاوه     سالخوصه |بما إن المنتدى الحين كله ذبح وصلخ قلت أمسيكم بالخوص خلكم لاتهاوشتوا تذابحون | وبعيداً عن الفتايات والفتايين , وكيفية إصطيادهم لبعضهم البعض وكيفية الإيقاع والتغرير ببعضهم البعض (إيقال فيه جهل من ذي الأمور وهم حيايا مخبية , ماعلينا المهم وعلى حين غرة من العطلة إذا بأمي المصون تخبرني بأن الماركات عليهن تخفيض 70% وهات ياطردي يالحريم , ذهبت مع أمي لأني أسمع الكلام , (وماقصدي شهوة شراء أبدن أبدن) وأبشركم شريت ثياب العيد , عشان ما أطلع برمضان , (مهذبه) لكن شفت شوفات الحريم يشترون كأنهن بتخلص الملابس بكره لكن : هوس الحريم بالماركات يخبل يعني لو يصح لها تشتري عيالها ماركات ماقصرت , لدرجة وحده من رفيقات الــ ... تتصل علي تقول خلي الدحمي يجيب من عندك كيس ماركه ؟ قلت : هاو شدعوة ياحافظ ؟ قالت: أبد أبارسل لجيراننا فستاني وأبي كيس ماركه أحطه فيه , أصبروا أبكتم ضحكتي ,, خخ خخ خخ خخ ** وواحد من الجماعه مستحيل يلبس بناطلين أو تي شيرتات إلا ماركه والود وده يحط سعره على التي شيرت مايشيله , الله يشفيهم , لاحد يضحك علينا بس الله يعين المخباة اللي بتدفع ؟ تلقفوا سلامي بس لايطيح على أحد ثمن أبلش يقولون ترقمنا , انتبهوا ايقونتي ذي ماركه

موضوعك يبي تزبيط حوسه الله يبعدنا عن الحوسه

[نهر المحبة]

[align=center]التقليد الأعمى وحب الناس للتنازع على أمرو الدنيا

يجعلهم يتصرفون بعيد عن العقلانية

ويتناسون الهدف الرئيسي الذي من أجله نشتري حاجاتنا

لكني من هذا المنطلق وبعد إذنك يا الغالية

أحب تذكير الجميع بضرورة ما تحمله شعارات بعض الماركات
والتي فيها دعوه لمذاهب يهودية وهدامه

مثل الإيمو والكابلا وعبدة الشيطان وبلاي بوي

والتحري والتقصي في ذلك فالشيطان فشل أن يُعبد في جزيرة العرب
لكنه أسرج خيله لإيقاعهم في الشرك

نوّر الله بصائرنا وعن كل طريق سوء أبعدنا

تقبلي شكري غاليتي


أختك نهر المحبة[/align]

[فركي]

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

[العباس الشنقيطي]

هي شفتي كيف عقولكم ..!!
أول شيء خذي أي قطعة وشوفي بلد المنشأة حتحصليه صنع في الصين بينما الماركة موجوده فباريس ، ثاني شيء مافيه لا تخفيض ولا هم يحزنون كل القصة ان الربح قل بس يعني بدل ما تربح في القطعة 50 ريال نزل الربح لـ 40 ريال ويقولك تخفيضات 70% الشيء الثالث وهو الأهم الحريم إذا دخلوا محل وحصلوا قطعة بـ 50 ريال مثلاً قالوا لا هذ القطعة مو اصلية..!! وإذا راحوا عند محل ثاني وحصلوا نفس القطعة وسألوا العامل بكم ..!! وقالهم انها بـ 150 ريال قالوا ايييييييه هذ اصلية وتبدأ المكاسرةوزيدك من الشعر بيت إذا بغيتي تقضي للعيد قضي بنص الشهر لأن غالبية المحلات تحاول انها تتخلص من بضايعها القديمة ببداية رمضان ..وكلك حركات يا لسوعة.

[غيـوم]

اقتباس: |عندكم كيس ماركـــــــه |

لا ماعندنا مالقيتي غيرنا !!!
واذا صار عندنا ماحنا معطينكم ندسها للمجهول عاجزين عن انفسنا تجون انتم بعد

روحي أقحشي من ما ثقل وزنه وقل سعره من الهرم وماشابهه من اللي يمشي الحال
العيالين ينمطّون أسرع من الدود على الارض مايمدينا نشريلهم ملابس إلا وهي قاصرتن عليهم ولا متسحله
وخلي الماركات اللي مهيب خرونق ومهيب غاليه بعد للمناسبات المهمه ولا تكثرين الشرا
ولا تكثرين البربره .

< حمتسة .. اللي يقول عني شي ابا أبطه بذي
قرمبا زألانه اليوم تدور مناقر

[الرأي الحر]

المشكله يقول راعي المحل هاذي اخر حبه خلااااااااااص تشتريه المراه لو ما عجبها.........لووووووووول

[aĻŖeem]

لسعه وش فيها طيب الماركهَ مو أحسن من تشتري شيء رخيص وبعد كم يوم تلقاه منتف ولآ الوانه تقلب من الاحمر لـ الرمادي ومن الآزرق لـ الاصفر ...

أنا أيد وبقوه الماركه بس مو معناته اني احتفظ بالسعر ع الملآبس ولآ أحتفظ بالكيس .؟؟


حتىآ اقول ياناس تعالوا شوفوا أنا مشتريهَ ماركهَ ؟؟

وراه اللهم ياكافي هههه

واصلآ تبين ان هي ماركه أو لآ من اللبس !



وترىآ مافيهاش حاقه ازا دلعناا نفسناا حبتين ولبسنا شي حلو ومرتب

ومافيش زي الماركه أبد ..أبحثي عن الجودهَ وبس