:$...

[دِيم]

,
,



اكتشفت إنّي إنسانة , عجزت تصير كلاس ..
لأن حلاة الإنسان مش بكلاسته .. أبداً ..
بل أجد متعة بإنو أسوي حاجات مش كلاسة البتة ..
,
_ فـ مهما تعددت الأكواب تبع الشاي فـ لنكهة كوب الجبن شي ثاني ..
_ الشوكليت السايح آكله كلّة حتى اللي بالقرطاس .. أجلس أمصمص فيه ساعة .. وأحس إن الطعم هو اللي بالقرطاسة ..
_ الكبسة وما أدراك ما الكبسة , أحب اللي يكون بقاعة القدر .. وتسمّى في رواية حكاكة ..
_ ونفس الحال المهلبية .. تأسرني بقاياها اللي مش في الصحون ..
_ المشروبات الغازية لو تنحط لي بكوب من ذهب ماحب أشربها إلا في علبتها .. حتى لو كانت العلبة عايلة ..أو في كوب جبنة .. سايلة




,

أحس إن كل واحد فينا جواته مسكين , مايشبع ..


فـ مش عارفة مسكيني زي مسكينكم أو لا ..

[قـتـالـه]

وشبلاتس علمتيهم خفايانا ياعزوتي
ياحيي والله مااستطعم بنومتي الا يمني
تلهلمت بشرشف الروز حق الصلاة رغمآ عن مفارش البيت السعودي !

اجل اللبن ينشرب الظهر بقزاز
اذا ماصبيته بطاستي الذهبيه ومعه شوي ثلج مااستمخ:/

ياالعزوه البسطا جواتنا لهم حق الدلال
يمكنهم من المؤلفة قلوبهم
تريهم هم اللي يعاونوننا على الخير هه

[طقاقة بدون مايك]

الكلاس والاتيكيت لهـ أمآكآنهـ:|$



آتخيلن ب كل متســـــآن أصير ع سنقة عشرة ...وإذا جيت اكل الكبسة لآزم أعد 17 رزة في اللقمة الوآحد والا خرب البرستيج مثل م يقولو اصحاب العلم في هيدا المجال:|$





م احلى ان يكون البني ادم في بيته ماخذن راحتهـ وعايشن حياته..كمآ هو ...كمآ هي ...دون ادنى تكلفات ..مع من هم يستآنسون ايضن ب حركاتك التي قد تضيف في اغلب الاحيان والاحوال طابع المرح ايضن:|$



اما امام الملأ ف حبذا لو تكون فري كلاس بآي كلآص:|$



حييتي ديمآ:|$

[هنري]

موضوعك محفز على الكتابة ، لإنه جديد

فحينما نقول أننا نريد أن نكون عصريين، وأن تلك العصرنة جعلتنا نتصرف على نحو معين يجعلنا نقلد العصريين قبلنا ! فهذا سخف في الحقيقة!

لكل إنسان حريته وأشياءة وتصرفاته التي تعجبه مادامت لاتخل في الدين والخلق.

فأحياناً يروق لي أن أذا كنت في أحد المطاعم الراقية أن ألعق ما مايقع في يدي من نقاط العصير أو بعض الحلوى وهذا تصرف خارج عن الرسمية بعض الشيء لكنه عفوي ولابأس به مادامت " يدي "!

وأحيانا في جزئية الشوكولاته ، حيث لها طعمٌ آسر حينما تكون " سائحة " في غلافها!

- ولاأنسى حليب الإبل ( إن وجد في مكانه )فروعته في الإناء الذي تم الحلب فيه، وبعدها نشرب جميعاً من نفس الإناء وهذا شرط ، ولو أنني في الأخير تراجعت عن الشرب من إناء واحد!

حتى في الملابس، فأغلب الناس يحرصون على أن تتطابق الجوارب مع لون الأحذية، وأنا كثيراً ماأخالف هذا الأمر عن قصد لإنه أمر جانبي سخيف أن ننظر إليه ولكن أغلب الناس ينتقدون!؟




وغير ذلك الكثير، والجميل أن نتصرف على مانحب ونشتهي أليس كذلك ؟

شكراً ديم،،،

[ضمير بريدة]

كلاس وش كلاس؟ حرام التلعين ،

فعلا قمة الانبساط بالعفوية والبساطة ، ويازين اللي ذكرتي من تصرفات ، الطعم يكون بالرأس

[فديكا التميمي]

صدقتي مهنا زين العفويه مااطيق التصنع بتات البته ,,

أنا إن مالعطت اللي بالقرطاسه ولخفت حكاكة الرز
ماتسني أكلت شي بس كاس الجبن اللي استغربته حنا مغبينه
للقياس للحلا والمعجنات والا ماخبرت يشرب به الشاهي ,,

[قـتـالـه]

اقتباس:  المشاركة الأصلية كتبت بواسطة هنري     - ولاأنسى حليب الإبل ( إن وجد في مكانه )فروعته في الإناء الذي تم الحلب فيه، وبعدها نشرب جميعاً من نفس الإناء وهذا شرط ، ولو أنني في الأخير تراجعت عن الشرب من إناء واحد!

تغريني رغوة حليب البل وهي تاركه بعضها على شنبات الرجال
احب المحها قبل مايمسحونها بسرعه وبنفس الطريقه
مااذكر اني كرعت برغوة حليب النياق
احس الناقه تزعل
تراها كما الحرمه تحب توفر حليبها لولدها بس

[دِيم]

اقتباس:  المشاركة الأصلية كتبت بواسطة قـتـالـه     وشبلاتس علمتيهم خفايانا ياعزوتي ياحيي والله مااستطعم بنومتي الا يمني تلهلمت بشرشف الروز حق الصلاة رغمآ عن مفارش البيت السعودي ! اجل اللبن ينشرب الظهر بقزاز اذا ماصبيته بطاستي الذهبيه ومعه شوي ثلج مااستمخ:/ ياالعزوه البسطا جواتنا لهم حق الدلال يمكنهم من المؤلفة قلوبهم تريهم هم اللي يعاونوننا على الخير هه

مو خفايانا لوحدنا ..
كل الناس داخلهم هالبسيط ..
لكن بعضهم يذبحه بالشمع اللي يصلبخه على حاله ..

/
المهم خلّي عنّك الروز لبى الروز اللي تعرفين ..
وهاتِ علوم المرأة و الجارية داخلها ..
تحسين إنّها مـع اللي تحبه ماتحب تكون عزيزة أبد ..؟
إلّا وتصحي الجارية داخلها ..

[دِيم]

اقتباس:  المشاركة الأصلية كتبت بواسطة طقاقة بدون مايك     الكلاس والاتيكيت لهـ أمآكآنهـ:|$ آتخيلن ب كل متســـــآن أصير ع سنقة عشرة ...وإذا جيت اكل الكبسة لآزم أعد 17 رزة في اللقمة الوآحد والا خرب البرستيج مثل م يقولو اصحاب العلم في هيدا المجال:|$ م احلى ان يكون البني ادم في بيته ماخذن راحتهـ وعايشن حياته..كمآ هو ...كمآ هي ...دون ادنى تكلفات ..مع من هم يستآنسون ايضن ب حركاتك التي قد تضيف في اغلب الاحيان والاحوال طابع المرح ايضن:|$ اما امام الملأ ف حبذا لو تكون فري كلاس بآي كلآص:|$ حييتي ديمآ:|$

هه مجنوونه ..

شلون سبع طعش رزّة بسس ..؟
^^ضحكت عليها .

**

لا ياستي أنا أبي أتصرف برا البيت وجوا البيت مثل بعض ..
خلّي عنّك هياط المختصين ..
أذكر مرّة رحت مـع بنت عمو لعزيمة المجتمع المخملي ..
كأنّي مربطة طول العزيمة .. بـ سلاسل ..
ما أكلت زين حلى .. وأنا أحس إنّه حرام .. ودي إنه ينوكل .. + وش جايبينه له ..
وتجي شاشة فوق راسي وتطلع بنيات عمّي .. آح تمنيت إنهن معي ..
المهم راح الوقت والضحة بوقت والسالفة بوقت .. كأننا نشتغل بريموت ..
وأنا أسوي زيهن ..
أشوف لي كم امرأة (باعتبار انهن كلاس ) كل ماشربت قهوة مسحت فمّها بمنديل .. بالرغم من إنه ماتملّى ..
ويروح الوقت تقل بمعتقل ..
وجا البوفيه .. وجاني الموت .. لازم نوقف بأدب .. وكل وحده تاخذ الصحن بعد الثانية .. مافيه خطمات .. ( وتطلع الشاشة هذيك حقة بنات عمي , وأتذكر أشكالنا بالبوفيه كله مذابح ) نمشي خطوة ونوقف .. دقيقة وهكذا .. إلى أن غرفت لي ورق عنب .. ورز .. هه يقالي تكلفت ..

ثم جاني الموت الثاني ..
لازم ناكل على ماصة .. أقصد طاولة ...
وأنا ودي أجلس على الدّرج اللي عند البوفيه وآكل ..
إلى أن لقيت لي ملاك يمشي على الأرض ..
بنت شكلها زيي .. تاكل على الأرض .. وماهمها أطلق شنب موجود .. هه
وأجي عندها وأخبط بالأرض وناكل ونسولف .. ونحش بالمخمل اللي قدامنا .. يامال الضعفه


وبس يوم قمنا والوجه من الوجه فوشي ..
ونطقها سوالف وضحك على مرأي ومسمع من هذولي النرجسيات مادري المخمليات ..
هه



^^ عاد كذا عداني العيب قسم .. شرحت لتس وجهة نظري

[عاشق ديرتي بريده]

يازين الموضوع يصلحلي ويصلح لخراصياتي بالحياة

بس المشكله الموضوع يبي روقان

اذا شفت روحي رايق جيت وكبيت عفشي بذا

[قلب الأسد]

ديـم .. انا مسكيني به ملاحق لاخر الايسكريمه اللي به علك ههه

احس بلذته واحلت الملعقه من زين الطعم ..

لكـن تجد نفسك مجبوراً في الايتيكيت في مواضع كثيـره ..

تجبرك على التكلف بعيداً عن اللذه والطعم ..

ديم اسلوب ممتع بالطرح قلم يجبرك على الاستمتاع بالقراءه ..تحياتي

[قـتـالـه]

اقتباس:  المشاركة الأصلية كتبت بواسطة دِيم     وهاتِ علوم المرأة و الجارية داخلها .. تحسين إنّها مـع اللي تحبه ماتحب تكون عزيزة أبد ..؟ إلّا وتصحي الجارية داخلها ..

ياويلييييه يالديم
تكفين لاتحرثيني .. على جريف والله
اعجب وتطير عيوني من اللي يتمنعن ويتكبرن على قلوبهن
قمة انوثتي يمني وسدته مبسط الخمس برقبتي
وقلت هاك رقبة بنات الحمايل تراها بيمناك

اجل هو ليه اسمه القلب .. هاه !
هيه انتي يالطربه الثانيه تعالي اسمعي حكيي
اكتبه هنا ابيك تقرينه ..,

ياحيي وربي اني اتطعم بضلعه الاعوج اللي انخلقت منه
كل مالمست ضلوعي واقول بنفسي يالبا بس !
الوحده منا ماعندها اغلى من قلبها وكيدها
تهديهن للي سكنها ..
تعرفين وشلون اهديه كيدي !
يعني معه هو بالذات اصير طفله مااعرف للدنيا
انشده هو صدق الذيب ياكل الشاة
اقوله افريقيا اللي يحكون عنها هي بالوطن العربي
تعرفين الطفله يمنها فهت وصارت ترمش بعيونها تنشد
وتلتغ بحرفها وتسكب غباء فطري لذيذ ..
بحضرته بس !

البارح رحت للعثيم واشوف الرجال لابسين نقابات يالديم
مرجلتهم كلهم صرت اشوفها فيه !
لاممثل ولامفكر ولا مغني ولا حتى احمد الطنايا رجل بنت خالتي
الاطخم المزيون يجون ربع ظفره !
شفتي الحرمه اذا سكن قلبها انسي ان احد يغويها
هنا تختبر النساء بمن سكنوا قلوبهن
ياعين ابوي وامي
وياعين حيي وحياني
وياطربة زماني لمين تقال هاه

[To Be]

ديم ذكرتيني في موقف ايام الكليه
كنت أنا وزميلا لي نائمين بالسيارة في مواقف الكلية بانتظار المحاضرة
فجاء احد الزملاء وضرب سقف السيارة لاخافتنا ، فجاه من اللعان ما جاه وهو يضحك
أراد الله لنا بعد يومين ان نراه عند الاشارة ظهرا :/
وأي إشارة إشارة مخرج ١٤ وما إدراك ما الزحمه

وهو منغمس في لحس قرطاس شوكلاته
نزل زميلي وذهب حتي وصل زجاجة خوينا راعي الشوكلاته
وضرب زجاج سيارته بقوة ومن قوة فزعته مسح قرطاس الشوكولاته في وجهة
فارتاح بالنا
يبدو لي النكهة الحقيقية تبقى في الغلاف
لي عوده

[shahd2007]

اقوولك شي ماتضحكين علي ديــم

مسكيني امنيته من يوم انا صغيره اني احط الساندوتش
وانا بالابتدائي بالكيس حقت الخبز يعني ابغى شعار المخبز ع الكيس
البنات يسوون كذا وانا امي تغلفها بــكلاد
واذا قلت لها ابي كيس تخانقني تقول مايصلح
قبل كم يوم نتكلم عن هالشي وقلت لاأمي ليه ماتسوين لي مثل البنات وقسم كنت انقهر منهم
افرح اروح عند خوالي الخميس يأكلون بصحن واحد وبايديهم
ودي اسوي مثلهم ..
مسكيني يحقق بعض امنياته اللحين بعد التمرد ع القوانين الغبيه
ومافي شي مايصلح بالبيت كل شي يصلح ..

اقتباس: الشوكليت السايح آكله كلّة حتى اللي بالقرطاس

الذ شي اللي بالقرطااس وخااصه اذا ذوبتيه ع الدفايه بالبرد
او تويكس وشفطتيه بفنجان القهوه
شكــرا ديــم .

[كااااجو]

الحاجات اللي مو كلاس ممتعه ..عود التويكس اذا تم قنمه من الطرفين ثم شفط القهوه به يكون طعمه غيييير ... لعق قرطاسة الشكولا له طعم بس في مناسبة مليئة بالحضور الغرباء نقول للكلاس تعال الله لايهينك .. تذكرت سندوتشتي تحطه لي امي بباغة السلمان حق الخبز امي مهب كلاس ابد ياحبيل قليبه بس