مــــــــقـــــــــــولـــــــــــة الــــــــعـــــــــالــــــمــــــــيــــــــــة

[الهلال الزعيم]

[ العالمية .. صعبة قوية ]

منذ متى اصبح التاهل لكاس العالم ( للاندية ) انجازا عظيما تتفاخر به الاجيال !
ما يعرفه العاقل والمشجع الحقيقي لناديه وفريقه ان تفاخره بناديه هو ببطولاته وانتصاراته وانجازاته وليس بـ المشاركة في بطولة !

واذا نظرنا للجانب المحلي والخليجي :
ف الاتحاد السعودي والوحدة الاماراتي تاهلوا لهذه البطولة .. ولكن لم نرى هذا التقديس والتفخيم لهذه البطولة
.. والسبب ان جمهور هذا النادي وذاك طموحهم البطولات والاستمرار عليها .. وليس مجرد مشاركة !

وحتى لو ذهبنا لاوروبا .. هل سمعتم بنادٍ يرى ان مشاركته في بطولة العالم للاندية انجازا كبيرا يفخر به تاريخه !
اطلاقا .. فالاندية دائما لا يهمها سوى تحقيق البطولات وليس المشاركة في مثل هذه المحافل !
ميلان : يفخر بانه النادي الاكثرر تتويجا بالبطولات بالعالم
الريال : يفتخر برقمة القياسي بعدد بطولاته بدوري الابطال
البرسا : يفتخر بسداسيته التاريخية الاعجازية

ولكن للاسف هذا هو الحاصل لدينا .. او بمعنى اخر حاصل لجمهور نادي معين ( النصر ) !
ف عقلية جماهيره .. جعلت من هذه المشاركة الافضل والاقوى بتاريخه !

.. ولسبب آخر ايضآ
كون غريمه بالعاصمة لم يحظى بهذه المشاركة .. وبذلك اصبح عنصر تفوقه الوحيده على غريمه !

آخيرآ ..
رسالتي للجمهور الهلالي .. لا تجعلوا ذو العقول الصغيره يغيضوكم
ولا تجعلوا مما يفتخرون به هدفا لكم

طموحنا وآمالنا كلها .. بان يعود الهلال زعيما وبطلا لهذه القارة من جديد
هذا هو الهدف الحقيقي الذي يسعى له كل هلالي

دمتم

[موهوب القصيم]

هم مثل الغرقان اللي يبحث عن القشه

فريق ملحط 18 سنه بدون بطولات وكل سنه يلقمه الزعيم بالثلاثات والاربعات والخمسات وش تتوقع منهم

رغم ان الاتحاد تأهل من الملعب وحقق نتائج مشرفه بكاس العالم الا اننا لانراهم يُرددونها

اتحدث عن الاتحاديين الاصل وليس المسياريين اللي تحولو من النصر بعد الجفاف للأتحاد

[بدرالوابلي]

العالميه نقمه على النصر
وعقده للهلال

[الحر الآقشر]

قالها هتلر كثيرا اذا اردت ان تعذب خصمك اعطه الأمل بالعيش حتى آخرلحظه واجعله يرى النور من اصغر منظورلرؤيته بعدها اقتله قتلا يجعله يكره انه رأى منظور الحياة وان تكون موتته اشد واسوأ موته.
تستاااهل يا اولسان انت الذي اهااان المحلي وتفنن في مسخرته انواع الفنون الكورية السلسة الممتعة "
ويستمر مسلسل التفحيط قرووون وقروون وقرووون وخن بط اربعة اولسان ؟

[الهلال الزعيم]

اقتباس:  المشاركة الأصلية كتبت بواسطة الحر الآقشر     قالها هتلر كثيرا اذا اردت ان تعذب خصمك اعطه الأمل بالعيش حتى آخرلحظه واجعله يرى النور من اصغر منظورلرؤيته بعدها اقتله قتلا يجعله يكره انه رأى منظور الحياة وان تكون موتته اشد واسوأ موته. تستاااهل يا اولسان انت الذي اهااان المحلي وتفنن في مسخرته انواع الفنون الكورية السلسة الممتعة " ويستمر مسلسل التفحيط قرووون وقروون وقرووون وخن بط اربعة اولسان ؟

وتستمر مسخرتكم داخليا وخارجيا

اجل يطرد اثنين من الشباب وماتفوزون
صدق انكم مسسسسسسخخخخخخررررررة

وتستمر عقدة الحصول على كاس عصير قرووون وقرووون وقرووون

[اتحادي مووووت]

طآلما انك تقول بأن بطولة العآلم غير مهمة للاندية الاوربية
ابيك تفسر لي سبب بكاء غوارديولا بعد تحقيق البآرسسا
للقب بطولة اندية العآلم ...؟؟

[الهلال الزعيم]

اقتباس:  المشاركة الأصلية كتبت بواسطة اتحادي مووووت     طآلما انك تقول بأن بطولة العآلم غير مهمة للاندية الاوربية ابيك تفسر لي سبب بكاء غوارديولا بعد تحقيق البآرسسا للقب بطولة اندية العآلم ...؟؟

هذاك قلتها
بكى لانه حقق بطولة اندية العالم وليس شارك

[رولكس]

..



ياسيدي الكريم .. على الأقل خلنا نقول ان الوصول إنجاز .. عطفاً على مقولة البعض اننا لم نهبط للريفي وهاذا يعتبر إنجاز ..





كورتنا .. ومعيار البطولات والإنجازات عندنا غير (:





ممكن يجيك واحد ويقول ان التعاون فاز على برشلونه بالبلاي ستيشن وهاذا انجاز (:

[صــ م ــت شاعر]

اقتباس: هم مثل الغرقان اللي يبحث عن القشه فريق ملحط 18 سنه بدون بطولات وكل سنه يلقمه الزعيم بالثلاثات والاربعات والخمسات وش تتوقع منهم رغم ان الاتحاد تأهل من الملعب وحقق نتائج مشرفه بكاس العالم الا اننا لانراهم يُرددونها اتحدث عن الاتحاديين الاصل وليس المسياريين اللي تحولو من النصر بعد الجفاف للأتحاد

آلآليت بعض نآس يقرون آللي بآلخط آلآحمر بس

[صــ م ــت شاعر]

اقتباس: طآلما انك تقول بأن بطولة العآلم غير مهمة للاندية الاوربية ابيك تفسر لي سبب بكاء غوارديولا بعد تحقيق البآرسسا للقب بطولة اندية العآلم ...؟؟

يآليت تزودنآ بلقطة بكآء غردويلآ

[الحر الآقشر]

الهلال لدية قوى نافذة في الرعاية الفاسدة..لديه القدرة على التاجيل وطرد رؤساء الاندية المنافسة..واستقبال الحكام في المطار واستضافتهم واكرامهم وتهديدهم..وتحويل مسار المباريات والبطولات..وضم اللاعبين واغرائهم بالانضمام للمنتخب..وهذة القوى فاعلة منذ زمن طويل ولكنها كانت تصطدم بقوى موازية لها في القوة..كشخصية فيصل بن فهد القوية ..وشخصية عبدالرحمن بن سعود..المرعبة لهم..ولكن هذة القوى ليس لديها سلطة خارجية فغاب عن البطولات الخارجية اكثر من عشر سنوات..وسيغيب اكثر لان الاتحاد ا لاسيوي لا يقبل الرشوة وفرض الوصاية كالاتحاد الماليزي المرتشي سىء الذكر الذي منح ست بطولات اسيوية غير شرعية..اغلبها من مباراتين ذهاب واياب ولو كان على هرم الاتحاد الاسيوي حتى الان..لوصل لكاس العالم للاندية..حتى يصبح نادي عالمي مثل النصر والاتحاد.
باااااي

[شاعر الاماكن]

اخوي الصغير عمره 8 سنوات يسألني يقول وش ( عالمي ) قلت مسلسل قديم كان يعرض قبل تجي على الدنيا قال ماله جزء ثاني قلت ياخوي المسلسلات القديمه مالها اعاده ولا اجزاء ثانيه لان الممثلين اللي كانوا بالمسلسل اعتزلوا التمثيل ..

اقسم بالله العظيم من كثر مااسمع ( العالمي ) اقول كأس بطوله واستقبال حافل مثل استقبال كأس اسياء 84 او 88 او استقبال منتخب الناشئين بطل كأس العالم 89 واخرتها مشاركه ومركز قبل الاخير ..

ياجمهور النصر كلامي واندفاعي مو متضايق او مقهور منكم لا وربي بس اتمنى توقفون مع ناديكم وقفه صادقه مثل باقي الانديه اللي وقفت مع انديتها عشان تحقيق بطولات .. بالله عليكم كتاباتكم راضين فيها ؟ وكلمة العالمي اللي من 12 سنه ترددونها الى الان وهل المشاركه حلم وتحقق ؟ الطموح وقف عندكم ؟ طيب اقل شي وقفوا مع ناديكم وادفعوه انه يواصل ويتأهل مره ثانيه وثالثه ورابعه فكونا من هالمسلسل اللي صار سامج من كثر ترديده ..

حدكم للاسف الشديد في اي نقاش ( العالمي ) او ( العالميه صعبه قويه ) احنا اقل شي مانقول وصلنا مثلكم بس جالسين نعمل وواقفين مع نادينا بالتشجيع وننقد النقد الهادف ونحاسب المقصرين بكتاباتنا مو مع الخيل يا شقراء نردد مثل الببغاء اللي يحفظ الكلمه ولا يفهم معناها ..

( العالمي ) انتم واحنا ( العالميه صعبه قويه ) بس حققوا شي وغيروا المسلسل لان الناس ملت من كثر الاعاده واقل شي غيروا ابطال المسلسل خلونا نشوف قصة جديده وابطال جدد مو اعاده وعلى كل القنوات الفضائيه ترى الشي اذا زاد عن حده انقلب ضده ..

وربي اني اقول هالكلام من غيرتي عليكم لان الناس صاروا يتكلمون عنكم وصايرين اضحوكه لمن هب ودب ...

[اتحادي مووووت]

اقتباس:  المشاركة الأصلية كتبت بواسطة الهلال الزعيم     هذاك قلتها بكى لانه حقق بطولة اندية العالم وليس شارك

طيب جيل 94 لماذا احتفلت بهم كل الجماهير السعودية
مع انهم لم يحققوا كأس العالم بل تأهلوا للدور 16
ما ادري ايش نسمي من احتفل بهذا الانجاز ..؟؟







سسي يو

[اتحادي مووووت]

اقتباس:  المشاركة الأصلية كتبت بواسطة صــ م ــت شاعر     يآليت تزودنآ بلقطة بكآء غردويلآ

هذي هي اللقطة احتفظ بها في جهازكك

[الهلال الزعيم]

اقتباس:  المشاركة الأصلية كتبت بواسطة اتحادي مووووت     طيب جيل 94 لماذا احتفلت بهم كل الجماهير السعودية مع انهم لم يحققوا كأس العالم بل تأهلوا للدور 16 ما ادري ايش نسمي من احتفل بهذا الانجاز ..؟؟ سسي يو

صحيح احتفلووووا ولكنهم لم يقفوا على هذا الاحتفال ويرددونه لمدة 12 سنه وكانهم حققوا مالم يحققه احد