مرحبااا بالجميع,,
هنا اتحدث عن قصه حصلت معي مع احد المغزلجيين ,,
والقصه : ( مره من الايام رحت مع امي وعمي زوج امي المهم كنا رايحين الى
مطعم الخلوج تعرفون مطعم الخلوج وقفنا عند المطعم وراح عمي يطلب العشى وكان اخوي الصغير
معنا في السياره انا بصراحه كنت ميته من النوم كنت جالسه وراا وراا امي بالضبط وكان الشباك اللي
جنبي مفتوح والفتحه كاانت مره صغيره صغيره مره كانت مفتوحه علشان الهواء على اساس
السياره مطفيه وبعد كان شباك امي مفتوح المهم انا كنت جالسه وعيوني بالياله افتحهاا من النوم
فجاءه وانا جالسه بالسياره مادريت الا يد تدخل مع الشباك اناا انصدمت مااشوف وجه ولا جسم بسس
يد ويد كبيررررره ابي اصرخ وانادي امي من الخوف عجزت المهم وصلت اليد لحد ماصارت امام عيوني
بالبدايه الصراحه احسبه جني يعني تعرفون مكان المطعم اول افتتاحه كان مظلم ,,المهم
وبعدهاااا رمى الورقه وراح انا وقتهاا ناديت امي والتفت ابشوف الشخص بس للاسف كان اسرع من البرق
ركب السياره وراح طبعا من الخوف مافتحت الورقه وريتهاا امي امي انصدمت قالت انا ماشفت شي
ولا سمعت شي بسم الله من وين جاء وشلون وبنفس الوقت استغربت انا وامي وشلون دارى ان فيه بنت ورااا
من جد غير ان السياره مضلله والشباك مفتوح فتحه صغيره يعني ابىىىى ادري وشلون شاف المهم فتحت
الورقه كاتب الاسم والرقم بصراحه ضحكت انا وامي عليه وعلى صغر عقله مهزله والله امي اخذت الورقه و
قطعتهاا والله لو اني مااخاف اسبب مشاكل وخرابيط لااسلم الرقم للهئيه علشان يعرف وش معنى المغازل جاء
عمي وعلمناه السالفه ضحك وقال وين الرقم خليني العنه قالت امي لااا وشوله خلااص قطعته وبسس )
وش رايكم باالله بمثل هاالاشخاص ؟؟
يعني قلة ادب ووقاحه بنفس الوقت ,, يعني كانه يقول خوذي الرقم اجباري
مثل هاالاشكال انتشروا كثير بكل مكان ويسببون ازعاج للبعض من جد ,,
مره رحنا انا واهلي الى حديقة الاسكان حريم بس الصراحه خفنا نجلس اكثرر من تصرفات بعض المغزلجين
لدرجة انهم يمرون من عند الفرشات ويسون حركات مال ابوهاا داعي وبعد شهر قلنا بنطلع للحديقه بس مانبي
الاسكان لانهاا فوضى نبي الحضاري بسس انصدمناا يوم رحناا نفس اللي شفناه بالاسكان شفناه بالحضاري
كنت اقول ان هاالمغزلجين مايتابعون الا البنات اللي عبايه ع الكتف والا عيونهاا ع الاخر مفتوحه والا مكياج
والا اصوات الضحك العالي من البنات بس لا والله صاروا حتى المعجبات يلاحقونهم ولا بعد حتى اللي معهاا اطفالهاا
من جد امي كانت بالحديقه تمشي مع اخواني الصغار ماتروكوها بحالهااا يعني وصلوا لقمه من الحقاره بمثل هالتصرفات ,,
البعض يقول انهاا مجرد تسليه هل مثل هالاشياء اللي تخل بالخلاق تعتبر من التسليه؟؟
و وش يستفيدون بافعالهم اللي كذااا ؟؟
تحيتي لكم,,,