الأب يشترط على العريس أخذ راتب ابنته ..

[سيف وفيصل]

ألو هلا أبو فهد

هلا أبو سامي

أبو سامي : أبيك بشغل اليوم متى أمر عليك؟



قلت له : الوقت اللي يريحك

قال : بعد العشاء



قلت : طيب تراي أنتظرك على العشاء؟



قال: لا تعشا أنا أبجيب معي العشاء وأنا جاي وعلم عيالك تراهم محسوبين بالعشاء

قلت : لا يصير بخاري

ضحك وقال : ألا يعجبك بيتزا هات

قلت : بوجهها...



جاء الرجال وجهه مليء بالأسئلة !!



تقهوينا وتعشينا ...



قال : أبشرك فكرت أعرس !!



قلت : ما شاء الله الله يوفق < قلت الرجال يمكن يبي عونيه ومساعدة وأنا ا توني دافع قيمة الشغالة < أهوجس





قلت: هاه خطبت ؟



قال : أبشرك أيه



وبنت ناس وحليوة وشفتها وموظفة في التعليم وعاجبتني



قلت : طيب وين المشكلة ؟



مفترضا بك أن تزغرد لا يشحب لونك ؟



هل تحتاج إلى شيء أساعدك فيه؟

قال : مشكور

بس المشكلة في أبوها "الله يلعنه "

قلت : استغفر وش فيه



قال : راتب البنت لي ولا لك دخل فيه !!



قلت له : مستحيل يقول كذا ؟



قال : وبطاقة صرافتها معه



ولو تبي ريال عطاها نص



وش الحل يا صديقي؟



أعطيته بعض الحلول



وسوف أذكرها في ثنايا الحديث إن لم يسبقني أحد لذكرها

لكني طمعت بسماع حلولكم لعلها تفيده أكثر

[روح لايسعهآ جسـد]

معليش سيف خويك هذا غبي ومايعرف يفكر
وياليت توصل له كلامي بالحرف
المفروض يتزوجها ويتوكل على الله
وبعد الزواج اذا الفلوس للبنت وراح يتكفل الاب بكل شيء يخص البنت يحمد ربه ويشكره
واذا الاب ظالم بنته ويأخذ فلوسها غصب
بكل بساطه تروح البنت للبنك وتلغي بطاقة الصراف واطلع بدل فاقد وبحكم ان الزوج هو ولي الامر لايقدر الاب يفصلها ولا يقدر يسوي لها اي شيء
ولكن انا اعتقد ان الراتب للبنت والاب يقول كذا يبي يجس نبض الرجال يخاف انه داخل على طمع
وفعلا اذا هذا تفكير الاب فهو ماينلام لان بعض الرجال كلاب يأكلون فلوس حريمهم
والحرمه تسكت مسكينه

[جُ ـمُوْحُ ~||]

تذكـــر مسلسل طاش ما طاش
عرضوا نفس المشكله صديقك وحلها ..
ترى حرااااااااااااام التلعين شلون تسكت لصديقك يلعن ~_^
الله يوفقه ويسر له اموره والجميــع ..

شف احسن شي يتزوجها وبعدين تطلع بطاقه ثانيه او تنقل
الراتب لبنكــ ثاني ..وهمن لجاء الشايب يهاوش تقولوا طس
ماعندنا لك شي بيزعل يوم يومين سنه سنتين وبيرضى لجاء يموت ...^_^

[سيف وفيصل]

راجع باذن الله لنكمل اللقاء







واللي عنده فكرة يقولها ترى رفيقنا محتاج نصائح

[" TWIX "]

شكل رفيقك بعد هو داخل على طمع .. هو آخذ البنت على شان إنه معجب
بجمالها وإلا بجمال بطاقة صرافتها ...
خله يتسهل ويتزوج وكله كم سنة وواقف عداد الشايب ثم يبي يجيهم فلوس زوجته
والورث باردة مبردة ..
ياخوي كله واحد :
الفلوس عند بنك الراجحي أو عند هالشويب كلها بالحفظ والصون أو ماناقص ولا مليم..
لا تحرمون هالشويب من ريحتها .. خلوه يشمشم لين تضربه حساسة أو يزكم عليكم ..!!
ترى ما بقى له من زهرة الحياة إلا إنه يصبّح ويمسي بهالفلوس
وإلا كل شيء وصل درجة الصفر عنده ..
المهم .. قله يقول تويكس بيه : يعقلها ويتزوج ..!!

[توتي]

الحين عندي سؤال دايم يقرقع بمخي اذا سمعت هالسوالف

وراه الشيبان يمنون على بناتهم بالتربيه واللي صرفوه عليهن ويتعلثون بهالشي
وهم ياخذون رواتبهن ..!!
دايم اللي ياخذ راتبه يقول انا ابوه وانا اللي مربيه ومدرسه و .. و .. وانا احق بدراهمه من
رجله اللي يمكن يسحب عليه ..

بس ماعمرنا قرينا او سمعنا بشايب ياخذ راتب ولده ويقول انا اللي مربيه وانا اللي شاري له سياره و مزوجه و .. و ..

مانقول الا اللهم لاتجعل الدنيا اكبر همنا والحمد لله والشكر والله يهديهم ولا يبلانا

[توتي]

تذكرت احد الشباب اشترى سياره جديده
يوم شفته قلت ماشاء الله مات ابوك و طلعن الدراهم ..!!؟

قال لا اختي توظفت وتبي تزوج بعد شهرين عاد ابوي اخذ السياره ذي واخذ له قرض من راتب اختي ..!!!؟؟


يامن تقرأون ردي من هالشكليات .. ترا عيآلكم يتمنون موتكم
وهذا شي معايشه مع اكثر من شخص

[التنين الصيني]

بنات الناس واجد ............ مسكت على ذي ...؟؟

بعدين اللي اوله شرط آخره نور ...... يعني ملزم بالشرط اذا البنت موافقه ......

هذا زواج .... تكوين مؤسسة زوجية ,,,, بيت جديد ....

لا زم يقوم على الصراحة ...... وليس الغش والخداع ........

شكرا لك ..... والله يوفق صديقك للخير اينما كان .....

[نبض قلب]

مشكله والله

اخوي قول لصديقك لازم خطيبته تكلم ابوها بهدوء وتقول له :: يابيي ترى وضعي الآن يختلف

انا على وشك زواج وشباب اليوم يالله يالله يكفي راتبه 00

اتمنى له التوفيق 00

[آخر الوادي]

[align=center][/align]الله يعين .. اغلب مشاكل الازواج في طرفها معلمة
لو انا مكانه وافقت وبعد الزواج استرجع الصرافة والراتب بطريقة نظامية
لو اضطر للمحاكم .. مالم يكتب في العقد

[شموخـ إمرأهـ]

الباب اللي يجيك من ريج سده واستريح

فيه كثاار موظفات يروح ويدور غيره

>>مايحتاج يتمشكل مع ابوها عشان كم الف

[شموخـ إمرأهـ]

اقتباس:  المشاركة الأصلية كتبت بواسطة توتي     الحين عندي سؤال دايم يقرقع بمخي اذا سمعت هالسوالف وراه الشيبان يمنون على بناتهم بالتربيه واللي صرفوه عليهن ويتعلثون بهالشي وهم ياخذون رواتبهن ..!! دايم اللي ياخذ راتبه يقول انا ابوه وانا اللي مربيه ومدرسه و .. و .. وانا احق بدراهمه من رجله اللي يمكن يسحب عليه .. بس ماعمرنا قرينا او سمعنا بشايب ياخذ راتب ولده ويقول انا اللي مربيه وانا اللي شاري له سياره و مزوجه و .. و .. مانقول الا اللهم لاتجعل الدنيا اكبر همنا والحمد لله والشكر والله يهديهم ولا يبلانا

القروش بيد الحرمة تنفق ليه مادري
ابوها وامها واخوها عمها زوجها كلكم يبيون من راتبها

[قرنااس الشمال]

[align=center]السلام عليكم ورحمه الله وبركاته

هلابك أخوي حقيقه قريت كل ردود الأعضاء واحد واحد فيهم الي رده حلو وفيهم الي رده شاطح عن الموضوع وفيهم الي رده ماقدم ولا اخر .....

يمكن انا أكون واحد من هالثلاثه الله أعلم .... لكن بقولك الي ممكن أنا أسويه لو حصلي نفس هالموقف..

أول شي بتوكل على الله وبتزوجه لأني الحمد لله مادخلت على طمع براتبه الحمد لله لو ماعطيته ماراح اخذ منه بأذن الله .. الشي المهم بعد الزواج راح يتغير أمور كثيره لما يكون بينهم الفه وموده تقدر يتكلم هو وزجته ويروح لأبوه ويقوله ياخالي هذي زوجتي والراتب من حقه مهوب من حقي ولا حقك أنت لك حق ياخالي عليه مانختلف لكن ماياخد بالقوه هي ياخالي تبي تعطيك بمزاجه هي حره .... وبعدين وانا أخوك هذا أبوه لو تشوف أنه محتاج ومستحق انه تسعده خل تساعده بجزأ من راتبه ولا وش فايده الأب بس يربي وبعده ينسى حقه ... هذا رأيي الشخصي [/align]

[ليليان الصقعبي]

اقتباس:  المشاركة الأصلية كتبت بواسطة روح لايسعهآ جسـد     معليش سيف خويك هذا غبي ومايعرف يفكر وياليت توصل له كلامي بالحرف المفروض يتزوجها ويتوكل على الله وبعد الزواج اذا الفلوس للبنت وراح يتكفل الاب بكل شيء يخص البنت يحمد ربه ويشكره واذا الاب ظالم بنته ويأخذ فلوسها غصب بكل بساطه تروح البنت للبنك وتلغي بطاقة الصراف واطلع بدل فاقد وبحكم ان الزوج هو ولي الامر لايقدر الاب يفصلها ولا يقدر يسوي لها اي شيء ولكن انا اعتقد ان الراتب للبنت والاب يقول كذا يبي يجس نبض الرجال يخاف انه داخل على طمع وفعلا اذا هذا تفكير الاب فهو ماينلام لان بعض الرجال كلاب يأكلون فلوس حريمهم والحرمه تسكت مسكينه

كلام سليم
كفيت ووفيت

[ليليان الصقعبي]

اقتباس:  المشاركة الأصلية كتبت بواسطة آخر الوادي     [align=center][/align]الله يعين .. اغلب مشاكل الازواج في طرفها معلمة لو انا مكانه وافقت وبعد الزواج استرجع الصرافة والراتب بطريقة نظامية لو اضطر للمحاكم .. مالم يكتب في العقد

يحب المشاكل !!!
يمه منكم ياالرجال