حلا *كوين بريدة* احلى حلا لايفوتكم ..

[تلميذة الحياة]

المقادير :
بسكوت اولكر
حليب سائل
ظرف دريم ويب
ظرف كريم كراميل
علبة قشطة
اصبعين تويكس
ملعقة شوكولا نسكويك
ملعقة صغيرة مره نسكافيه


الطريقة :

اول شي بسكويت شاي اولكر او اي نوع اخر من البسكويت تغمسينة بموية وحليب وتصفينه بالصينيه

بعدين تحطين بالخلاط ( ظرف دريم ويب + ظرف كريم كراميل + علبة قشطة + اصبعين تويكس + ملعقة شوكولا نسكويك + ملعقة صغيرة مره نسكافيه )
وتخلطينهم جميع
وتصبينهم على البسكويت وتحطينها بالثلاج تتماسك بعدين تقطعينها بس مو صغار كبار
زي حلا العشا ينوكل بالملعقه

بعدين تاكلينه وهني وعافية على قلبك

ماراح تشبعين منه متأكده


جربيه وقولي لي

[Queen of buraydh]

يؤ يؤ يؤ


دنونتي فاجأتيني

ياحبيل قلبتس وبس ,, ان شاءالله يعجبكم ترا طعمه لذييييذ مره

اللي تجربة تقول لي شو رايها

[•°سـرىآ اللـيـل°•]

وأنا أشهد .,

ياشيخة تو أدور حلى مليت من اللي بدفتري .,

بس سويت حلى متكرر العوض ولاالقطيعة .,

بكرا إن شاء بسوي حلى كوين بإذن الله .,

لزوم يومياً حلى يالله لاهنتن أبي كل يوم حلى جديد من إختراعكن


أهذب تاهيه’

[تلميذة الحياة]

اقتباس:  المشاركة الأصلية كتبت بواسطة Queen of buraydh     يؤ يؤ يؤ دنونتي فاجأتيني ياحبيل قلبتس وبس ,, ان شاءالله يعجبكم ترا طعمه لذييييذ مره اللي تجربة تقول لي شو رايها

كيكتي
يوم تقولين لي الوصفه , وانا عارفه نفسي اني ابنساها
ففكرت اضرب عصفورين بحجر .. اكتبها على شكل موضوع وأسميه بإسمك
وعشان ماأنساها ابد وتكون من ضمن مواضيعي

[ابتسامهـ فرح]

شكلها حلووووو
مادام من كوووين

بجربها

يعطيك العافية دنووووووووو

[عسوله]

واووووو شكلة لذيذ وسهل

تسلمي دانة وكوين على الحلا ..

[تلميذة الحياة]

اقتباس:  المشاركة الأصلية كتبت بواسطة •°سـرىآ اللـيـل°•     وأنا أشهد ., ياشيخة تو أدور حلى مليت من اللي بدفتري ., بس سويت حلى متكرر العوض ولاالقطيعة ., بكرا إن شاء بسوي حلى كوين بإذن الله ., لزوم يومياً حلى يالله لاهنتن أبي كل يوم حلى جديد من إختراعكن أهذب تاهيه’

أهلاً بالشيخه سرى ..
تصدقين الحلا البارد ألذ وأشهى وأطعم من الحلى اللي يدخل بالفرن
وزعبله ومدري ايش ..
وزين ان شاء الله تآمرين امر نحط لك وصفة حلى بس عاد مو كل يوم قولي كل شهر ..

بس ماقلتي وش عندك بالحلا يومياً لايكون مشروع سمنه ؟!

نورتي

[بندر الحمر]

اللهم اني صائم

وين الصور

[بنت البدائع]

^^^

صايم وعزوبي كملت هه

..

نجرب الحلى ومبين إنه روعه تسلم دياتك دانوووو




دمتِ بخير







؛

[بندر الحمر]

اقتباس:  المشاركة الأصلية كتبت بواسطة بنت البدائع     ^^^ صايم وعزوبي كملت هه .. نجرب الحلى ومبين إنه روعه تسلم دياتك دانوووو دمتِ بخير ؛

العين بصيره واليد قصيره

بس عشان اشوف هي إللي شفته اليوم >>بمخيم افطار صائم وإلا لا >>مع البنقاليه

[•°سـرىآ اللـيـل°•]

[align=center]

اقتباس:  المشاركة الأصلية كتبت بواسطة دانـة بريدة     أهلاً بالشيخه سرى .. تصدقين الحلا البارد ألذ وأشهى وأطعم من الحلى اللي يدخل بالفرن وزعبله ومدري ايش .. وزين ان شاء الله تآمرين امر نحط لك وصفة حلى بس عاد مو كل يوم قولي كل شهر .. بس ماقلتي وش عندك بالحلا يومياً لايكون مشروع سمنه ؟! نورتي

بالمهلي شيختي .,

لزوم حلى كل يوم يامع الفطور يابعده والشكوى لله خلصت الأنواع عندي .,

بس بجد الحلى البارد ألذ خاصة إن الوقت حر بحيث يصير أقرب للأيس كريم وأسهل منه .,

مثل هقوتك مشروع تسمين وإن شاء نستعيد الكيلوات المفقودة .,


ألفا شكراً آنسة وأوافيك اليوم عن حلى ملكة .,


أهذب تاهيه’[/align]

[memebo]

يؤ احب الحالي اللي كذا
تسلم الايدي خيتوو

لاهنتي
تحياتي
ميمي

[Queen of buraydh]

يؤ


وش بنقاليته الله يصلحك >> تحطيم


المهم سويته وعلى دربي اخذت صورة لكم .. واهدي هالقطعة لكل من دخل الموضوع >> حشا مفطح

[بنت البدائع]

اقتباس:  المشاركة الأصلية كتبت بواسطة Queen of buraydh     يؤ وش بنقاليته الله يصلحك >> تحطيم المهم سويته وعلى دربي اخذت صورة لكم .. واهدي هالقطعة لكل من دخل الموضوع >> حشا مفطح

ههه ياكوين
أظن بندر يقصد بقولته البنقاليه .. إنه صاير رفيقهم هالأيام بحكم العزوبية والمرمطه اللي جته ومفطر معهم << هذا اللي فهمته


..

حلاك شؤ عم بيجننننن .. بصراحه شكله حلو بس على الله يهدين وأزبط شي من دخلة رمضان وأنا أطب على السفره جاهزة أوجسي مستحيه من أهلي
بس يالله للظروف أحكام <<< اللي على خبرك




دمتِ بخير



؛

[تلميذة الحياة]

اقتباس:  المشاركة الأصلية كتبت بواسطة جوري السعودية     شكلها حلووووو مادام من كوووين بجربها يعطيك العافية دنووووووووو

هلا بجوري السعودية ,,
ايه حلوه كتييييير

جربيها وقولي لي

منورة