المرأه .. والليموزين !!!!!

[شموع تحت المطر]

ذكرتووووني بموقف
ركبت انا واختي مع ليموزين ويوم ركبنا وتواسينا وأثــرررهـ يماني<<هججج
عادي ابن الحلاااال ماجاب خبرنا يوم قعدنا شوي الا اشوووفه مطلعن كيسه ويخرفش ويحط بلاء بفمه<<مو مشكله
ويبدأ يكلم بالجوااااال واشووووف خده منتفخ وعرفت ان الدعوى قاااااااات ...
وأسكت واختي راكبه وراه ماتشوووف ولو بقوووله<<هي خوافه كان تطب بوسط الدائري<<تسويها

ويوم نزلنا بيتنا قلت له تشوفين هالخشه<< ترااو مخززززن وتبدأ تلطم حاله هههه تقول اشوا ماذبحنا

[هلاوين]

ياخي اجزم انها متعووووووووودة وليست لحاجة وتعاني من نقص ما


والا الرجل العاقل يخاف يركب بالليل مع مجهوووووول مابالك بالمرأة

[عجوز سمنسي]

اقتباس:  المشاركة الأصلية كتبت بواسطة فديكا بريده     اركب ليموزين لحالي وبالليل لا مستحيله لو امشي رجل الله لا يحدنا انشالله... لكن لاصار مع سواق لناااا موب مشكله لحدت الظروووف يعني الله يستر على المسلمين...

لو هو انا اللي كاتب الموضوع كان دخلت فديكا وقالت وين الحرية

اركب معه ويغض البصر

[أسيل محمد]

اقتباس:  المشاركة الأصلية كتبت بواسطة تركي 22     مساكم الله بالخير [align=justify]احييك على طرح مثل هذا الموضوع .. كما احييك على وطنيتك وخوفك وغيرتك وتحمسك لبنات وطنك ورأئي بركوبي في الليموزين وبدون محرم انا لن اركب معه بأي حال من الأاحوال فليس هناك مايجبرني لأن اعرض نفسي للخطر .. ولن احتاج ذلك بإذن الله حتى وإن كان سعودي لان الشيطان سيكون هو الثالث سواءً في ركوبي مع السعودي او غيره والانسان ايا كان امام الشهوات والمغريات ضعيف جدا .. والطلعة للسوق والله ماهي ضرورة تبيح انها تركب في الليموزين بدون محرم او حتى تسوق .. قال الرسول صلى الله عليه وسلم (( ماخلى رجل بأمرأة إلا وكان الشيطان ثالثهما ) وهذا ماجاء به نبينا وعقلناه من علماؤنا [/align] شدني موقف عندما كنت بمشوار في سوق ورأيت ارتال من سيارات الليموزين متوقفه امام بوابةهذا السوق وكلهم سعوديين واشكالهم تجيب الرده وعندما تخرج اي امرأه او عائله تجدهم يتسابقون لها والذي لفت نظري ان هناك فتاة كانت لوحدها وركبت مع احدهم وكانت الساعه تشير ل 1 صباحا هل هذه الفتاة لا يوجد لها ولي امر ؟؟؟ ربما لا يوجد وربما يكون وليها اصلا يحتاج هو ايضا لولاية عليه وهل يعلم ولي امرها انها بالسوق الفلاني الى هذا الوقت ؟؟؟ لو كان اصلاً يهمه امرها لخرج معها لو كان يهمه امرها لما جعلها لهذا الوقت المتأخر من الليل لقمه لكل جائع .. اسئله راودتني كثيره ولكن قلت في نفسي ان أحسن النيه ولكن هل وقوف هؤلاء امام بوابات المولات والاسواق بالساعات للظفر بمشوار ب 10 ريال ؟؟؟؟ كلن ونيته ام هناك شيء يخفى ؟؟؟؟؟ لا تقولو ضروره ....... هل الخروج للسوق الى وقت متأخر ولوحدها ضروره ؟؟ وهل ركوبها لوحدها مع هذا الاجنبي يجيز لها ؟؟؟ انتظر رأيكم من الجنسيين ؟؟؟؟؟؟ تحيتي 0

في موضوعك هذا سيفرح كل من ينادي بقيادة السيارة .. ويقولون لو انها كانت تقود لما اضطرت لذلك لكنني اقولها واكرر ..
السوق ليس بضروره .. انا لا امانع بأن تتعلم المرأة القياده لكن لاتفكر بأنها ستقودها ..
الأخطار المترتبه على قيادتها كثيره لايمكنني حصرها..


حفظك الباري ..

[تركـي]

اقتباس:  المشاركة الأصلية كتبت بواسطة بنت الهولندية     لازم يخلونا نسوووووووووووووووووووووووق عشاااااااااان منركب لليموزين من غير محرم

بنت الهولنديه

واذا ماخلوكم تسوقون طيب ؟؟؟

لازم الركوب مع ابو خلق بالليموزين

اين ولي امر المرأه ؟؟


مشكور على المداخله 0

[تركـي]

اقتباس:  المشاركة الأصلية كتبت بواسطة عاشق الخير     في ظل انشغال الرجال والشباب عن الأهل ... او ظروف بعض البيوت .. اصبحت المرأة مضطره لمثل هذه الخدمات .. لكن التساهل في الركوب لوحدها او في اوقات متأخره قد يوقعها في احراجات .. في هذا الوقت لا ارى افضل من حل اصحاب النقل الخاص مع المحرم ... تستطيع المراه البحث عن شخص محترم وخلوق وتتعامل معه دائما ... شكرا اخوي تركي .. موضوع لامس واقع قد تسب في الكثير من المصائب ..

عاشق الخير

فعلا وجهة نظر سديده
بالاستعانه بالسائقين الخاصيين
للي عندهم ظروف تحتم عليهم التنقل
وخاصة بوجود محرم السائق


مشكور على وجهة نظرك 0

[تركـي]

اقتباس:  المشاركة الأصلية كتبت بواسطة نوره الجمعه     السلام عليكم ورحمه الله وبركاته هذا لا يحتاج نقاش بل يحتاج عقل واعي ومدرك لو لا غياب الرجل وتخليه عن مسئوليته لما احتاجت المرأة للبديل والخافي أعظم وأدهى وأمر من هذا فكثيراً من النساء تتعرض لموقف ماء حتى وأن سلمت منه فهيا لا تخبر وليها خوفاً من منعها فهيا مضطرة فلم يجعل لها سبيل أو خيار وهذا ليس بعذر لها طبعاً ولكنه نتاج تخلي الرجل عن مسئوليته تجاه أهله في زمن كثرت فيه الفتن والعياذ بالله فل تتقوا الله بنسائكم وأهلكم من ناراً تحترقون فيها بالدنيا قبل الآخرة تحياتي نوره الجمعه

الاخت / نورة الجمعه

بارك الله فيكي
وكثر الله من امثالك
نعم في ظل انشغال الولي عن اهله للآسف
رأينا العجب !!!!

الله يستر على نساء المسلمين من كل شر 0

[تركـي]

اقتباس:  المشاركة الأصلية كتبت بواسطة كنعان الرياض     شاهد ماشفش حاجة والله يستر على بنات المسلمين واياكم والقذف

آآمين الله يستر على بنات المسلمين 0

[تركـي]

اقتباس:  المشاركة الأصلية كتبت بواسطة الرأي الحر     طيب انت تراقب ليه كل هذا شك و ريبة الله يهديك ولا كله خوف على بنات المسلمين تحياتي

الله يهدي الجميع ... قل آآمين

اي شك وأي ريبه ...

انت معجبك وضع البنت بالوقت هذا تركب مع الليموزين ؟؟؟

[تركـي]

اقتباس:  المشاركة الأصلية كتبت بواسطة ورد مديني     لدي زميله تذهب لعملها في الساعه ((3)) فجرا مع السواق وبمفردها وهيا من تصرف على والديها واخويها الشابين واتنين من اخواتها ممن يدرسو بالمدارس ربما تكون هذه الفتاه بمفدرها ليس لها ولي امر وخرجت للضروره ولو انها تأخرت قليلا لكن نقول ربما ان هناك اسباب دفعتها للتأخر وربما يكون لديها ولي امر لكنه عاجز عن خدماتها اممم تركي من الآخر انا ضد قيادة المرأه للسياره يوووه علينا صرنا نقول ربما وربما وندخل بنيات العالم ونحلل المواقف على كيفنا حتى يأتي الوقت الذي نستشعر به بالذنب استغفرالله واتوب اليه تحيتي [/center]

المشرفه الغاليه ورد

الظروف والحالات المستثناة لها عذرها

وخاصة اذا كان المشوار لطلب الرزق
او أي حاجه ضروريه ....

ولكن الخروج والسعسقه بالاسواق الى وقت متأخر
وبدون ولي الامر ولا حتى معه
والرجوع مع سائق اجنبي وخلوه ..

هل تعتقدين انه صح ؟؟؟

وبالنسبه لقيادة المرأه
ان تقود سياره بمفردها افضل من ان تركب الليموزين ..


مشكور على مرورك الرائع 0

[تركـي]

اقتباس:  المشاركة الأصلية كتبت بواسطة درر مضيئة     أحياناً يضطر الواحد يركب ليموزين حتى لوكان الراكبات مجموعة وليست واحدة فإنهن سيتعرضن للخطر ليس من الليموزين فقط ولكن من السيارات المجاورة خاصة الشباب بس إذا كان فيه أحد الأبناء لو 13 يعطي هيبة هذي المواقف مجربة لازم ولد .

المضطر ما قلنا شيء بعذره ....

وعاد مسألة السيارات المجاوره هذي يبي لها موضوع بكبره

وفعلا صدقتي لو كان معها احد الابناء او الاخوان وحتى لو عمره 10 سنوات
سيكون درعا واقي لها من الشرور ..

مشكور درر على مرورك 0

[تركـي]

اقتباس:  المشاركة الأصلية كتبت بواسطة عذبـــــة     ترى هالبنت اللي ركبت مع الليموزين في ساعة متأخرة اكيد ان عندها ظروف جعلتها تركب ليموزين في ساعة متأخرة ولوحدها انا حصل لي موقف مرة جعلني أركب الليموزين لأول مرة في حياتي ولحالي بعد! كنت في الرياض وطلبت اطلع للسوق وبما ان اللي معي مايواطن السوق قالي بحطك بالسوق وبنام بالفندق واذا خللصتي دقي علي اصحى واجي اخذك قلت زين نوم العوافي نزلت للسوق وتسوقت لين دخت فجأة تغير الجو من غيوم لأمطار ورعود وبروق وخفت مرة الكل بدا يطلع من السوق تقريبا الساعه 12 وانا ادق وادق وادق على الشاب المزيون وهو بسابع نومة وجواله اكيد على وضع الصامت لانه مااااااااااايرد ماتشوفون الا دموعي من الخوف مااتعودت ادق عليه ولا يرد قلت الحين الساعه 12 الشوارع فيها حركه لكن بعد ساعه بس كل شي بيخمد وخاصة عند الاسواق والشاب المزيون مهب اكيد يصحى من اتصالاتي لانه اكيد حاط جواله صامت يوم وصلت حدي من الخوف وعرفت ان الرجل ماعنده نية قومة الا الصبح قلت وين الليموزين مع اني بحياتي ماقد ركبته بس هالمرة حاجتي اكبر من خوفي واللي شجعن ان الحريم عادي يركبون ليموزينات بالرياض وقفت عند باب الاسواق بعز المطر سبحت سباحة وانا برا تدرون وش كنت اسوي؟ كنت اختار هندي وجهه بريئ عشان اركب معه لاني خايفه وكنت مستبعده السعودي مره لاني استحي منه واخاف بعد بس الهندي احس انه يهابن اخترت واحد وركبت معه وانا ارتجف من الخوف والبرد وعبايتي تنقط ماء <<تنرحم اول ماوصلت الفندق بغيت احب راس الهندي لانه ماهج بي ولا سوابي شي قسم بالله عطيته اكثر من حقه لانه حافظ علي << دفتر مهب بنت المهم خللصت من معاناة الليموزين وبدت معانات شلون بقول للشاب المزيون اني جاية مع ليموزين ادري انه بيطلقن بيطلقن لامحاله بس الطلاق اهون من جلستي بالاسواق لنص الليل لحالي ماعندي الا السكيورتي همن يهج بي يوم دخلت الغرفة وصحيته وشافن شهق شهقه حسبت قلبه يوقف بعده يوم شفته شهق قعدت اصيح اخاف يهوشن وانا مااتحمل وغير هذا انا مظلومه <<تقابل الصياح بالصياح ( بقطع لكم الارسال منب قايلة لكم وش حصل بعده ) بس الحمد لله طلع هو رحوم ولا طلقن بس زعل علي يالله يالله راضيته والى هالحين اذا غلطت قال ايه ماعقب الليمزوين شي عيى ينسى ولأن اللي سويته غلط والله ان اهلي مادروا باللي سويته اكتفين بزعلة الشاب المزيون والصياح والنياح اللي حصل لاني ادري لو بيدرون اهلي بما انهم قصمان بيقطعون راسي ويسندونه عند الباب وبيخلونن عبره لمن لايعتبر بس الزبدة من قصتي الطويلة هي انكم تعرفون ان الظروف مرات تحكم على الشخص انه يسوي شي ماكان يفكر ولا مجرد تفكير انه يسويه وهو يعرف ايضا انه سيترتب على هذا الفعل امور كثيرة قد تضر فيه لكن الضرورة احيانا تبيح المحرمات

الاخت / عذبه

فعلا مغامرتك درس للنساء وزين صفت على هالهندي ...

ولكن لماذا لم تكتبي تحت..
حقوق الرد محفوظه >>> هع

بكرا تجدينها بمسلسل خليجي
والمزيون بسابع نومه ........


اشكرك على مرورك الرائع 0

[تركـي]

اقتباس:  المشاركة الأصلية كتبت بواسطة درر مضيئة     أختي عذبة في جدة الساعة الثالثة فجراً إخواني ومن معهم راحوا بليموزين وحنا انتظرنا ليموزين معنا نساء ثانيات كان عددنا حوالي 6 ومرت إحدى النساء الكبيرات في السن (محتاجة) وأعطيناها المقسوم الغريبة أن الجميع أعطاها وكأنها دفعة بلاء قالت الله يستر عليكم وأمي قالت لها قولي الله يعافيكم قالت لا يابنتي الستر أهم المهم وقفت سيارة خاصة وكان مظهره غير محترم ثم ركبنا ليموزين هندي السيارة الخاصة كانت تمشي ورى الليموزين وكان يؤشر بإشارات فيها تهديد والمسافة كانت بعيدة في إحدى الحواري كانت سيارة الشرطة تلحق نزلونا بالشارع وبعدين نزل الجميع والشرطي كانت عيونه حمر فخفنا منه نزل الهندي وأثاريه عملاق والشرطي قام يهاوش وين رايحين هالوقت الهندي هذا سارق الليموزين وعندنا بلاغ عليكم( يمكن أن صاحب السيارة الخاصة هو اللي بلّغ ) طلب لنا الشرطي ليموزين وقال ماتركبون غيره وصلنا وحنا نفهم معنى كلمة ستر ومعنى كلمة ولد إذا كان فيه ولد مايكون فيه شبهه بعد أربع أيام لقينا صاحب الليموزين عند أحد الأسواق سأله أخي رد عليه صاحب الليموزين أنه بعد ما مشينا مشى على طول ملاحظة : لو كنا في القسم الحين وش كان الاتهامات والكلام ومن ذاك اليوم ماعاد نطلع إلا بولد حتى لو معنا نساء كبيرات.<<معليش قلبنا الموضوع قصص.

وهذه بعض القصص الواقعيه
التي حدثت للعضوات
مع اصحاب الليموزين

ولازالت قصة عذبه بالمقدمه من حيث الآخراج والصياغه >>> هع


شكرا لكي درر على القصه 00

[تركـي]

[quote=ورد مديني;3343340]

وي صارو اصحاب المشاوير الخاصه
اامن من شركات الليموزينات!!!
لو قولت سواق العيله الخاص كان اقتنعنا
اما مشاوير خاصه فين عايش إنت ماسمعت
قصصهم وبلاويهم

انا أقصد اذا كان معروف مو حي الله أي واحد وبوجود محرمه معه ويفضل كبير بالسن
مو اللي يركبون اندونيسيات ويقولون محرم ...
وداخل البلد يفضل
وقصص الليموزينات والتكاسي هي اللي فيها بلاوي

ورد لاتهولي المسأله ..

شكرا لكي مرة أخرى 0

[فديكا التميمي]

اقتباس:  المشاركة الأصلية كتبت بواسطة عجوز سمنسي     لو هو انا اللي كاتب الموضوع كان دخلت فديكا وقالت وين الحرية اركب معه ويغض البصر

لا والله اخر اهتمامي كاتب الموضوووع بالنسبه للمكتوب
بس انت بحياتك حطيت شي واقعي وان حطيت من الواقعي
بالغت وبهرت وعممت ....
اما الليموزين لا والله اخاف على نفسي كلش ولا ذي بسم الله علينا الله لايحدنااا...