طــــــــــــــرق عـــــــلاج المـــــــــلــــــل عنــــــــد البــــــنــــات !!!!!

[رايق]

طرق علاج المــلل عند البنات


1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة

2- اطلعي الحوش ولا السطح وافرشيلك فرشة وانسدحي على ظهرك وتآملي النجوم واسترخيييي وتاملي؟!؟!؟

3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة

4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..

5-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها)

6-سوي عصير برتقال واشربيه

7- غيرى مكان اثاث غرفتك

8-اقروا مجلة اطفال (ميكي وماجد)

9-البسي ملابس رجال ثوب وشماغ وخرعوا اهلكم !!

10-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم

11-روحوا مواقع بطاقات وكاردات وارسلوا لصديقاتكم ..


12ألفي مسجات نقال ونكات ماسنجر..

13-ادخلي غرفتك وحطي فل ميكأب(مكياج كامل) كأنك رايحة لعرس ولطخي وجهك تلطخ وتصوري نفسك ..حركة صح

14-امسكي دفتر تلوين اطفال واقعدي لوني ...هههه

15-اذا زهقتي افتحي دولاب هدومك واقعدي قيسي ملابسك بدلة ورا الثانية< يمكن يجي الصبح ماخلصتي من كثرهم

16-روحي المطبخ سوي كيكة (هذا وجهي اذا احد اكلها)

17سوي ايميل جديد واقعدي العبي على اللي تعرفينهم ..


18-اركبي السيارة وهي موقفة داخل البيت وكأنك تسوقين

19-اطلعي وانزلي الدرج عشرين مرة .. منها تتمشين ومنها تسوين ريجيم< ذبحتكم القعدة والفراغة

20-اقعدي على الكومبيوتر وحوسيه مثل العادة

21-طلعي الحوش..وصيديلك حشرة لطيفة (صرصور مثلا ) <<<<<< وعععععععععععع وحطيها بعلبة وقعدي راقبيها..بس لا تخلونها وقت طويل عشان ماتتعذب <والله من العطف عندكم يالبنات

22-إخذي مجلات قديمة وقعدي قصقصي صور ولزقيها بكتالوج (بتطلع المواااااهب)

23-طلعوا حوشكم ..ولعبي كرة..وكسري لمبات البيت

24قولي للشغالة سوي غدا وبعدين قوليلها ماتشتهين تاكلين..

الظاهر بعد هالنصايح راح تدعون لي





ترا مالي دخل


هالنصايح من بريدي


يعني لاتزعلن يابنات



تحيــــــــــــــــــاتـــــــــي

[خزامى نجـد]

إقتراحات لطيفه لكن ليست جديده




يعني كل أكثرهم مسوينهم ...

مثلا أنا سويت منهم :-


-------------------------------------

-إخذي مجلات قديمة وقعدي قصقصي صور ولزقيها بكتالوج (بتطلع المواااااهب


- اطلعي الحوش ولا السطح وافرشيلك فرشة وانسدحي على ظهرك وتآملي النجوم واسترخيييي وتاملي؟!؟!؟



6-سوي عصير برتقال واشربيه


7- غيرى مكان اثاث غرفتك



8-اقروا مجلة اطفال (ميكي وماجد)


12ألفي مسجات نقال ونكات ماسنجر..


-ادخلي غرفتك وحطي فل ميكأب(مكياج كامل) كأنك رايحة لعرس ولطخي وجهك تلطخ وتصوري نفسك ..حركة صح


-امسكي دفتر تلوين اطفال واقعدي لوني ...هههه

15-اذا زهقتي افتحي دولاب هدومك واقعدي قيسي ملابسك بدلة ورا الثانية< يمكن يجي الصبح ماخلصتي من كثرهم

16-روحي المطبخ سوي كيكة (هذا وجهي اذا احد اكلها)

------------------------------------

وفيه إختراعات سويناها ما بعد وصلتكم يا الشباب " بس" ما راح اعلم

تحياتي لبريد الرايق المغبر .....

[رايق]

الله يسامحك ياخزامى







الحين متحمس وجايبلكن موضوع وآخرته مغبر


تبين الصراحة ( بس بيني وبينك )

هالنصايح جايبهن لي وللي مثلي من الشباب عنده ملل وطفش


يعني موأنتن بس يالبنات عندكن ملل عندكم وعندنا خيــــــــــــــر


بعدين تعالي علمينا بالإختراعات اللي سويتوها تراني سويت أغلب هالنصايح ومليت منها صراحة


تحياتي لك خزامى وأوعدك بالمواضيع الجديدة اللي تعجبك إنشاءالله


ولاتنسين تعلميني الإختراعات

[رمـــ نجد ــايل]

اخي الطفش اللى تعاني منه هو الفراغ اللي والله قضى على شباب الأمه

وبعدين تجي وحده سفيه وتقرا اللي انت كاتبه وتصدق هلكلام

اما قرأت الاية الكريمه( ومن اعرض عن ذكري فإن له معيشتن ظنكا)

سوا ذكر او انثى

فأرجع الى كتاب الله إذا على قولك((((((((((طفشت)))))))))))

[عنوان الحقيقة]

البنات سر الفراغ


ولولا الفراغ لما سعدة البنات


تصدقةن ان البنات ينتظرن الاجازه علشان

التسكع والروحاات والجيات

والله ان البنات بدون فراغ (( حوسه ))

[الحكي الاكيد]

[c]

السلام عليكم ورحمة الله وبركاته


وش هالكلام يالر ايق ...

هههههههههههه

المفروض هذا بمنتدى السوالف ..!!


وبعدين فيه حاجه نسيتها انت وهي مهمه ...

وهي الاتصال على التوصيل المجاني ..وهات ياهمبرجرويابروستد ..

وعش البلبل ..ورموش الست ..تصدق لوإنها شبعانه ..لازم تطلب مدري وش السرّ....!!

[/c]

[رايق]

الأخت / الدعجاء


مشكورة على مرورك


وجزاك الله خير



الأخ / عنوان الحقيقة


صدقت , بس مو كل البنات تقدر على قولتك تسكع وتروح وتجي



تحياتي لك

[رايق]

الأخ / الحكي الأكيد


وأزيدك من الشعر بيت , إذا جت آخر الإجازة تلقى البنت طــــــــــــــــاقـــــــــــــة


مغير أكل ونوم



<<<<<<<<<<< وش دعوى ياللي ماتاكل ولاتنام ياحــــــــــرام


تحياتي لك