{... عَ ـــــآلمَـــــــي .. golden boy .. - الصفحة 22

الفتـ الذهبي ـى · 19-09-09, 08:39 am

مالـ آلحياهـ ..
[ سلوم بدو وتقاليد ] .. ,
آيامها .. فيها الفرح والمصايب .. ,

تعبت منها .. يوم : ضاقت بي ( البيد ) .. , .. وعن باقي الرحله / عقلت الركايب .. ,

هذا مكاني !!
كن في رجلي القيد ؟
يا جايب الأخبار , ويش انت جايب ؟

يامسافره !
كمـ قلت لك : ماني بعيد .. ,
عن : ( القبور المظلمه ) وَ ( النصايب ) !

شوفي عروقي ؟ كيف ابـ آهداء وابـ آهيد .. , .. مافيه .. عرق الا من الشوق .. [ ذايب ] ,

لو جت لي الدنيا
على مثل ( ما آريد ) ,
حرام / ما أسمع فيك مخطي وصايب !

أبيييييييييييييييييـ ـك ..وآخر ما حسبت ؟ المناقيد .. , .. لو خاطر ٍ يضماك , ماهو بـ طايب !

ورده
وحولك شوك يا شيخة الغيد
الا .. ومن دونك ( كبار النوايب )

الشوف يوصل لك , ماتوصل لك ( الإيد ) .. , .. ويوم اني اقصر عنك ماني بـ هايب !

ما اخشى
على يمناي
( شوك العناقيد ) !!
لكن آحنّك من [ نسيم الهبايب ]

كم قلتها فـ أذنك مرار وتراديد .. , .. , .. يكفيني .. اللي صار لي من عجايب ,

وانتي ..تركتي
لـ الغياب / المقاليد ,
غبتي .. وطيفك معي ماهوب غايب !

تفوح من بين الضلوع :
( التناهيد ) ,
ويبين في وجهي .. وداع الحبايب !

جيتي : مثل ضحكة طفل في ضحى العيد .. , .. ورحتي : مثل دمعه على .. ( خد شايب ) !

الفتـ الذهبي ـى · 20-09-09, 03:03 am

كل عآآآآآآآآآآآم وأنتم بخيــــــــر

ياعسى أيامكم كلها خير

الفتـ الذهبي ـى · 20-09-09, 02:38 pm

.
وأنتهى صباح يوم العيد الأول بكل خيييير

بقووولكم صباحي اليوم

وأنا رآجع من صلاة العيد شفت أصبعي فيه دم وأشوف زين وأثره طابع على ثوبي

>> ودي أدري من وين نزف وليش ماحسيت فيه

بعد صلآه العيد أجتمعوا الأقارب بأحد الأستراحات وسلام وقهوه وحلاو العيد

>> أهم شي

وبعده أنطلق الجميع لأجتماع العائله الشهير بأحدى قصور بريده >> ترا أوب العزيزيه خخخ
المهم سلام على ناس أعرفهم وناس أول مره أشوفهم

وفيه واحد سلًم علي وأكلن بنظراته

قآل أنت فلان الفلان ؟ قلت أيه منهو أنت..؟
قآل نسيتن أنا فلان دارس معك بالأبتدائيه

>> الله يعضم أجرك ههه هذا وهو من عيال عمك ماعرفته خخ

والحمد لله مازال الخير موجود بالناس ومازلت صلة الرحم موجوده

ويالله تلم شمل جميع المسلمين بالخير والتقى والصلاح ..

* متى يجي الليل جايتن هديه طرطعان فراشه ودي أشبه

أخوي الصغير مجنون طرطعان وأكيد مايخلى -->> مخطط عليهن

بسسسسسسسس ويازين العيد

.

الفتـ الذهبي ـى · 21-09-09, 07:48 am

يازيـــــــن من أعلق بهن

الفتـ الذهبي ـى · 22-09-09, 07:11 am

صدقيني العيد نفسـه مـا تغيـر مـن سنيـن

فرحة اطفال وتلاقي..لمّة احباب وقرايـب

والاغاني والكروت وقولـة (مْـن العايديـن)
والتمام الشمل يوم العيد .. وانسـام الهبايـب

والتهانـي والهدايـا وحـب روس الوالـديـن

والمواصل للعمام .. وللخوال .. وللنسايـب

كل حاجه مثل ماهي بس انـا حالـف يميـن

إن لا غبتي باسجّل نفسي في هالعيد غايـب

وارجعي بالذاكـره يابنـت وانتـي تعرفيـن

ليه احس العيد عقبك جيّتـه جيّـة مصايـب

ليه لا طالعت (كرت العيد) اكفكـف دمعتيـن

من ذكرت اعيادنا وأيام كان الوضع طايـب

أذكر اني من (مصلى العيد) وانتـي تذكريـن

كنت اسابق خطوتيني متّجـه يمّـك وذايـب

لجل اكون الشخص الاول لجل مني تسمعيـن

في صباح العيد .. جملة (كل عام احنا حبايب)

لجل نكتب خلف (كرت العيد) ذيـك الكلمتيـن

كنت اجيك بقلب طفل وطيش شاب وثقل شايب

كنت انا اعايد وحالي حـال باقـي العاشقيـن

وما معاي الا خفوقي وذي عيوني لك وهايب

وإنتي في اجمل ثيابك كاشخه والزيـن زيـن

تثبتين إنك عجيبة غير عـن كـل العجايـب

فرحة العيد .. بلقانا كانـت اصـلاً فرحتيـن

مثل ضحكات الورود ومثل زخّات السحايب

ما ليوم العيد طعم وما لهـا الذكـرى حنيـن

وكل منّا في مكان وكل واحد لـه طلايـب

الرجاء في عيد الفطر يمكن انـك ترجعيـن
ما اقول إلا عسى الله يجازي من كان السبايب

وإن رجعتي وشفتيَ إني فـي عـداد الميّتيـن

ذا انا باوصيك حاجة قبل تنحـط النصايـب

طالبك في كل عيدٍ .. بعد موتـي .. تكتبيـن

خلف (كرت العيد) جملة كل عام احنا حبايب

الفتـ الذهبي ـى · 23-09-09, 05:57 pm

[align=center]

الشكوى لله طحت مـن عينـك اليـوم
كني مسـوي مـع جنابـك خطيـه
ظنيت فيني ويـعـلـم الله مـظـلـوم
ويا شين ظن دون عــلم او دريــه
اصبحت انا عندك من الصدق معدوم
والغـش والنـكـران كـلـه علـيًـه
اليـوم مـا سويـت يـا زين مقسـوم
لـو هـو تأخـر يـوم عـاتبت بيًه
لا تحسـب الايـام زينـه علـى الــدوم
لو طـال صافـيهـا تلتهـا الشقيـه
خذهـا نصيحـه ابعـد الـشـك واللوم
يا حيف من تتعب شكوكــه خويـه
محروم من يفقد هل الطيـب محـروم
يا كبرهـا عنـد المـلا مـن جنيـه
جمـيـع حب سـاده الـشـك مهدوم
ينهـار لـو كانـت عروقـه قويـه

[/align]

الفتـ الذهبي ـى · 24-09-09, 11:55 am

سَعآدتِيْ مَآهِي بقربكْ دقِيقَه !
سَعآدتِي .. نبقَى سَوا مآ نتفآرق
هَذا هُو احسَاسِيْ بصدقْ و حَقِيقَه
لِينْ الغرُوب يصِير / سآآس المشآرقْ

الفتـ الذهبي ـى · 25-09-09, 08:34 pm

اذا صرت تبي حنان وحضن لاتنام بالحديقة وتفشل عمرك

الفتـ الذهبي ـى · 25-09-09, 08:36 pm

الفتـ الذهبي ـى · 25-09-09, 08:39 pm

الحياة هموم في ... عين الفقيـر
والحياة أفراح في .... عين الغني

و إلا أنا / لاني فقير و لا أميـر
شخص عنده حلم : عيّا ينبنـي :

طالبك حقق لي ( الحلم الكبيـر )
حطّني في وسط قلبك و إنسنـي

الفتـ الذهبي ـى · 25-09-09, 08:42 pm

حــاولت أفـلـت من ذكـــرى أعـادتـني
لنصــــر مجــــد ٍ .. بأيــدينا أضعـــناه

لكــنها عصـــفت كالريـــح مرســــلة
فجــئت أبحـث عن ( نصر ٍ ) فقدناه

ما حيــلتي و زمــان النصـر يســكننا
و طــائف الأمــس يــترى لو نسـيناه

يا عاشــق النصر إني جئت من ولـه ٍ
تعـــال نـــبني ســـويا ..ً ما هــدمـناه

النصــر في الأرض عنـوان لزينـتها
لو لم نجــده عليها .. لـ .. أخترعـناه

الفتـ الذهبي ـى · 26-09-09, 07:31 am

<< اليوم بيتووتي .. ماطلعت من البيت ابد

يازين النوم بدري .. ويازين الهدوووء ,, تقوم مرووق ومصحصح

الفتـ الذهبي ـى · 26-09-09, 09:11 am

الفتـ الذهبي ـى · 26-09-09, 09:20 am

[align=center]

اقتباس:


	الذين يشاهدون محتوى الموضوع الآن : 2 ( الأعضاء 2 والزوار 0) ‏الفتـ الذهبي ـى , ‏جيفـارآ

حياك جيفارا منوور الحته ياعم [/align]

الفتـ الذهبي ـى · 27-09-09, 06:36 am

إن ضحكنا يوم .. عشر أيام زفت
وإن رقدنا ليل .. ما نمنا [ .. شهر ..
.. لآ تلومني لو بعد قوه .. ضعفت
ولآ تلوم القلب .. ماقلبي صخر
رآس مالي من ورا الدنيا عرفت ..
إني مخلوق لجل أشبع قهر ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

يتصفح الموضوع حالياً : 1 (0 عضو و 1 ضيف)