اهليييين
نبدأ معكم هذه اليوم بسالفه فيها بعض الحكمه ...
بالاونه الاخيره قبل فترة انا كنت كاشت بمخيم خااااص بأقاربنا ...
تماام,..
وكان معنا بالمخيم (واااالد) قريب لي ..
وكان من قوووم (ايييه بس ولو )
يعني مافيه مجال انه يقتنع باي شيء .
عاااااد الشاهد من كلامي هو ماصار بالليله القضية ..!!!
القصه وما فيها انه ضيع غطاء الرادو الخاص له .. بأحد الخيام ...
وتشوفون العالم كلهم يدورون من بين المساند والمراكي وقلبنا الفرشات كلهن .. ولا لقينا شيء ابد ..
اييييه .. عااااد هو ضاق صدره عشان هذاك الغطاء ..
( عاد معروفين الشيبان اذا ضيعوا شيء تراهم ماينامون الليل وهم ما يهوجسون به)
انا بذاك الوقت .. شغلت ذهانتي اللي هي بغرفه التحكم الخاصه بدميجتي .. وقمت وطرت الى اقرب محطة ( كانت محطة كبيره)
وفيها سوبر ماركت كبيييير بالحيل اللي هو عند دواااار العويضه ..
وشريت واحد جديد بقراطيسه ..
وحبيت اسويها له مفاجئه .. تررراااااا
يوم جيت لمه وقلت تراي جبتلك واحد جديد ازين من حكك الاول ... (وعينك ماتشوف الا النووووووور)
نطبي نطه يعني ( هاشن هوووووش) وقاللي وشوله تشريلي واحد ؟ وانا قايلك اني ابي رادو ؟ وشوله هاللقافه بكم ؟
انا بذيك الساعه بلعتن الارض وبديت ماأسمع احد ( من الفشيله ) لان المخيم مليان ,,, وكلهم يناظرونن .. ويقولون ياحووووول ..
وانا سمعت واحد من بين اللي جالسين يقول للي بجنبه ( انا اقول ان الشايب هالحين يبي يقوم ويسطر فلان)
وانا بصراحه قلت قربت لفعتي ..
واقوم واهج من بينهم ... على اني رحت اغسل ..
عاااااد هذه قصتي ..
الحين الواحد اذا صار له مثل هالموقف .. فاياني واياه انه يتحامق ويبزع مثل مابزعت انا ..!!!
المفروظ اني شريت له رادو وافك الغطاء اللي هو مضيع .. واجيبه له .. واقوله تراي لقيتلك غطاء الرادو حقك ...
بهالطريقه يستانس الشايب انه لقاء شيء ضايع له .. ازين من انك تجيبله واحد جديد ...
الله يخليهم لنا هالشيبان .. ويعيننا على برهم ..