ما معنى هذه الكلمة القصيمية ؟

[zα7мт мαšнα3я]

اخ الرامي انت تسأل عن طريقة نطق حرف التاء مع السين ..وهي جاوبت عليك وحده نسبيته لكن نفس طريقة نطق الواتس أب <<يعني تدمج الحرفين ..

ووو"أحياناً" بالقصيم نطق الكلمه اذا كان به حرف الكاف مثل (كلمه) ينطق حرف الكاف "تس " وتكون (تسلمه ) ..

88 هذا بالنسبه لحرف الكاف ..
نجي لحرف القاف ..
"طبعا قلت بعض الكلمات مو كلهن " طريقة نطق حرف القاف(دز) مثل كلمة (صدق) نقوله صدز <<إدمج الحرفين ..

ان شاء الله يكون واضح الشرح <<أصلح معلمه صح؟؟ ذذذذ ..
وكلام القصيم احس انه وااضح ..مثل "تويدز" (تويق أو تناظر من فتحه صغيره او ما شابهها ذذذ)يضحكن صديقاتي على يقولن من اي مصطلح جبتيه ..
تح ـيااتي ..

[مايا]

اقتباس:  المشاركة الأصلية كتبت بواسطة بدرالوابلي     اغرب واطرف كلمه عندنا ببريدة هي (لق)؟؟ تصدر من التصاق طرف اللسان مع الجزءالواقع بين اللهاة واللثه الفوقيه وتشبه الصوت الصادر من الزواحف لتنبيه شريكاتها من خطر محتمل ؟ هي تعني -نعم- او -ايه -اشاره الى الموافقه ! لاحظت على ان اكثر من يستعملها البنات من عمر 6 سنوات الى حوالي 13 سنه...وبعدها تختفي نهائيا ؟؟؟ بعض الاولاد ينطقونها وتستمر معهم الى مراحل عمريه متقدمه وهؤلاء في الغالب تكون لهم خوات كثار او مثلا يكونون تربوا مع امهم وليس مع والدهم ؟ لأنه سبحان الله كلام الشخص وطريقة نطقه واستعماله للمفردات يبين حالته الأجتماعيه ؟؟ هل هو يعيش مع والدته او عاش مع والده او مع والديه جميعا او افتقد احدهما نتيجة لطلاق او ترمل اوفقدانه لكلاهما <مثلي ؟

ايه هذيك اللي لصرنا مالنا خلق نتكلم هههههه
يوم حطيت الطريقة أمر أفهمه

[الحية الرقطى]

إذا جينا نتكلم بجد خوذوا هذه الملعلومات:

كان للعرب قديما لهجات عديدة..

منها على سبيل المثال :

لهجة الكسكسة : وهي قلب الكاف سين لنقول : أبوس .أخوس

أيضا لهجة الكشكشة: وهي قلب الكاف شين مثل لهجات أهل

الجنوب أبوش .. أخوش

كذلك لهجة الطنطنة .. والجعجعة وياليت أحد يبحث لنا عن أمثلة من

تلك اللهجات لأنني بصراحة لا أتذكرها فقد درستها وقرأتها قديماً


كذلك نستغرب حين يحول كبار السن حرف الهمزة إلى عين فمثلاً

يقولون "هيعة" بدلاً من "هيئة"

وهذه اللهجة موجودة عند العرب قديماً وهي فلب الهمزة عين

ايضاً كلمة " أيش" يعتقد البعض أنها كلمة عامية والصحيح أنها لهجة

عربية فصحى كقول أحدهم : أيش عثمانيين؟

أتمنى أن أكون قد أفدتكم رغم أنها معلومات بسيطة أتمنى الرجوع

والتأكد منها والإستفادة وذلك بمنهج اسمه: معجم اللغة العربية

[أقــــــــدار]

كل شي بالقصيم له نكهه , حتى لهجتهم
اما على الكلمات , ماقصروا معك الاعضاء

[بدرالوابلي]

مالغ - ماله طعم ؟
خانس- مابوه ملح عند الطبخ
مابوه ملح - مايعطى وجه !
الشترا-الغبيه
زحزه-المارجه

[بدرالوابلي]

اقتباس:  المشاركة الأصلية كتبت بواسطة مايا     ايه هذيك اللي لصرنا مالنا خلق نتكلم هههههه يوم حطيت الطريقة أمر أفهمه

ماشاءلله عليك -ذكيه ولماحه

[بدرالوابلي]

اقتباس:  المشاركة الأصلية كتبت بواسطة شكولاتا بيضاء     اللهجه القصيميه لازم تروح للقصيم وتاخذ كورس موب بالساهل تعلمه تـــــويز <<<يعني تطل دنق <<<نزل راسك اوجس <<<اشعر ماتبي توت <<مافيه امل احج <<<توقع افطن <<انتبه ابنافس الوابلي على الكلمات القصيميه

مابوه امل انه احد ينافسن ؟ قصيمي بريداوي شد بلد !

[كاردكس]

موضوع جميل

[مباراة المطر]

اقتباس:  المشاركة الأصلية كتبت بواسطة جبل السكر     اكره هالمواقف تحرجك كتير لإني ياما مريت فيها مع اهل حائل إلا ايش يعني (يهج اثمه)

ترى تعلم اللهجات مهم وانا اخوتس
ماتدرين عن الظروف
يمكن يبلاك الله برجل قصيمي او حايلي ثم عاد تبلشين
الا اذا كنتي ناويه تشترطين عليه شغاله ومترجم
فهذا شي ثاني

(يهج اثمه) يعني (يفتح فمه وهو مندهش)

[كاردكس]

كلمة الزوج لزوجته ( ياهييييش ) وهى لمنادات الزوجه فلايذكر اسمها بل يناديها ياهيييش

[بدرالوابلي]

ياهيش اظنها استحقار للمرأه عند من يبتغون حكم الجاهليه والعياذبالله .

[شوكولاته بنات]

وهيييييييه بعد دايم ينادوننا الرجاال بهييه
ولاسئلت اخواني يقولوون نخااف الجيران يعرفوون اسمك الله واكبرر ووش دعوى