نبداها من يوم شرينا الخروف
طبعا كنا صيام ..يوم عرفه يعني !!<<مااااجبتي جديد :P
ورحنا للحراج
طبعنا انا ماعندي سالفه بروحتي بس ابي اطلع من البيت ;p
المهم ماما واخوي قدام وانا ورا
ورحنا للحراج
ياإني شفت اشكال غريبه ….
عمركم شفتوا خروف بقره....
انجنيت عليه وأسأل أخوي ايش هذا
قال خروف سوداني...ما أدري يمزح ولا صادق
وانا ماغير فاتحه فمي واناظر يمين ويسار
وسوري ماقدرت اصور المناظر..لايجيني كف من ..برذر مي
المهم وشرينا الخروف
وسعره كان 1750\
والمشكله مو هنا....
المشكله بيحطون الخرووووووف وراااااااااي
ياااااماما
وجا أخوي وفتح الباب الخلفي للجمس ونزل المرتبه الاخيره للجمس حتى تصير واسعه
ويقول : كيس الجمس غير يتقطع تهئ تهئ وداعا ياايها الكيس تهئ تهئ
انا ماقدرت اسكت شايله هم هالخروف وخايفه منه
وأخوي خايف على كيس الجمس انه يتقطع من الخروف
المهم وحطوه
من الخوف صار راسي جنب راس امي ..قدمت لأخر شي وأخوي بس يقول فشلتينا ارررجعي
ليتنا ماخذيناك...ومن هالكلام وطبعا ماشلت همه خل يقول اللي يقول
أنا والطوفان من بعدي
وانا جالسه وعيني ماشلتها عن الخروف
وهو طبعا مربوط ومجلسينه
ووقفنا عند اشاره
فجأه قااام وقام لي...ياااناس صدق اشوفه متجه لي
واااصرخ ذيك الصرخخخخخخه
ياااااااامااااااااماااااا
وأشوف الناس اللي حولي تلتفت
أصلاً انا من طريقة جلستي غريبه ولا ااابعد اصرخ
إلا واخوي يناظر لي بنظره اول مره ماأخاف منها لان معي الحق
ويقول لي بصوت مفتشل وعاض على سنونه..اسكتي وارجعي
قلت له شوووف الخرووووف
رجع وقال
اسكتي وارجعي
مو مسوي بك شي
وسكت لاكن مارجعت..اللي ببالي اسويه هع
قال اخوي لي: شفتي ريحة هالخروف..ان شاء الله تصير ريحتك مثله طول العمر
دريت انه متضايق من هالريحه ولان جمسه الغالي توسخ
رديت عليه
شفت ريحة هالخروف هذي..ان شاء الله ماتروح من جمسك ابد..
هو تغير وجهه...إلا الجمس لا أحد يدعي عليه
قام والتفت لي وقال
لاااا ..ان شاء الله انها ماتبقى
انا:هههههههههههههههههههههه<<ضحكة انتصار
ودرى اخوي اني انتصرت وقام طلع معطر السياره ويرش في السياره خلص العلبه وهو يرش
دريت انه خااايف بالحيل على هالجمس
وقام وفتح الشبابيك وولع المكيف عشان تطلع الريحه على طول هههههه
وكل ماتحرك الخروف قام وقال : له له ..الكيييس
انتهت المغامره لما وصلنا للبيت
وقبل ما يوقف السياره اخوي الا وانا فاتحه الباب ونازله وبرمشة عين وصلت للباب
أخوووي مااات ضحك
خخخخخخخخخ ههههههههههه هاااااااااااا عههههههههههههههههه
أحسبك تبالغين لما كنتي منخرعه
..انا ...لاوالله ...لا ياشيخ...امزح هاه
والف وجهي عنه ..يقال اني زعلت عليه
المهم راح يفتح الباب الخلفي للجمس ويناظر لي ويقول
تعالي ساعديني بشيله ..
انا : مفهيه ..ايــــــــــــــــــــــــــــش
رجع ويضحك
هههههههههههههههههههههههههههههههههههههههههههههههههه ههههههههههههههههه
دريت انه يتمسخر وارجع الف وجهي عنه استناه يفتح الباب
إلا وهو شايل الخروف وجاي لي عشان يفتح الباب
انا..ياااااااااااااويلي...سألتك بالله تبعد
يناظر لي مستغرب:وكييف تبغيني افتح الباب
انا:عادي ارمي المفتاح علي
اخوي:لا ياعمري غيري مايفتح الباب>>>ياااااانذل
وانا على اعصابي واناظر له بنظرة رأفه ورحمه >>وربي احزن
إلا ويرجع يضحك ههههههههههه<<ماأدري يمكن يحسبني اقول نكته ..يمكن والله
ويرمي المفتاح واحاول افتح من الربكه ماقدرت افتحه تدرون ليش
لانه وراي يقول افتحي وإلا ..ويدز الخروف علي ومشكلة الخروف حتى هو خايف
كل مادزه علي قال مااااااااء وانا أقول ماااامااااااا
طبعا ماما جنبي ولا خافت ولا حركت ساكن....حتى ماخافت ...ماما تراها قويه..من جنبها هع
حتى هي شابكه معي وتقول والله موبحسن لك
والله بضربك
والله بتشوف وش اسوي بك
ولااا بعد انتظر منها الفزعه هع
المهم واخيرا فتحت الباب وركض انا وامي لداخل
واخوي النذل من فتحنا الباب قام زم الخروف وركض ورانا...وربي وانا اكتب احس اني خفت..عايشه الجو
وركض انا وماما ضحك وحنا ندخل البيت والحمد لله انه مادخل الخروف داخل البيت معنا
المهم وحطه بالحوش وحطوا مويه عنده وحطينا طعامه
المهم قالت ماما موزين انك تحطه بحوش الرجال والله مايصلح حطه بالحوش الثاني
ورح وحطه بالحوش الثاني
وهذي صورة الخروف
وربي انه رززززه
بقول لكم سالفتي
بغيت اشوف خروفنا بعد ماعزمناه بالبيت خخخخ
المهم فتحت باب الدرج شوووي شووووي
واطلع راسي من الباب واناظر يمين وأقول بصوت وااطي
خرووووفي
خرووووفي
ولفيت يسار
خروووو.....!!!!! وااااااااااااااااااااااااااااااااااااااااااااااء
إلا والخروف عند وجهي
يناظر كأنه مستغرب وش بهالخبله تنادي...احم احم امزح
وارجع لأختي واااااااااااااااء ياااااااماما واضحك وارقص وياااااماااااماااااا
أختي:وش بك ....خير لجيتينا
انا:ياماما رحت ابي اشوف خروفي و.......كريت لها السالفه مثل ماقلت لكم
المهم
أختي ماااتت ضحك وقالت وش رايك نغامر فيه
انا:يلا
ورحنا انا ويا اختي وقاعدين نضحك ضحك وماشين عاملين فيها عربجيه.. وجت اختي عند الباب وناظرت لي
ووقفت انا عند الباب وناظرت لها
!!!!!!!!!!!!!!!!!
انا :يلا حبيبتي ..يلا بعد روحي افتحي الباب
اختي:لا والله ...هذا اللي باقي .. تبين يطلع بوجهي
>>ووووين الشجاعه اللي قبل شوووي...!!؟؟
المهم قمت وفتحت الباب واحس لو اني افتح الباب بيكمل هو وبيحوس بي الارض حووووس
<<اما افكار
وافتح الباب شوووي وارجع اقفله من الخوف واضحك
أختي:يلا افتحيه وخلصينا
وفتحته بمقدار اربع اصابع<<<هع
واحط عيني واتفرج
أختي هاه في احد
انا: لا
واناظر لها يعني اني قويه وافتح الباب على كبره<<العن..
بس بصراحه احس اني تورطت مأدري ليش
واناظر للخروف
ياااهمي والله انه خرييييش وحنا عاااملين له الف حساب
واناظر له واختي الله يهديها تحسبني امها تتعلق فيني<<يعني تحتمي فيني انا<<هع
وقعدنا نسولف معه ونضحك ضحك هستيري
من سوالفنا كانت
انا:ياااقلبي بكره نبي نذبحك(واسوي بيدي على رقبتي مثل السكين واطلع صوت اني مت)
وههههههههههههههههههههههههههه
أختي:ولا مت لاتنساني من الكلاوي تراي اموت فيهن
هههههههههههههههههههههههههههههه
انا:ياحليله راز عمره هالكووووشخه
هههههههههههههههههههههههههههههه
اختي: اخوانك باعوك وقالو لك روح والقلب داعيلك...نفس هالصوره هذي
تذكرت الصوره
وهههههههههههههههههههههههههههههههههههههه
انا:حرام ليكون يعرف ايش نقول وينام اليوم مهموم
ههههههههههههههههههههههههههههههههههههههه
اختي:خلاص ياخبل يارزه ياااكووووشخه قو دباي لقاؤنا غدا بإذن الله وتسوي بيدها مثل السكين وتطلع لسانها وصوت واحد يموت
شكلها وقتها يضحك
وكلنا ههههههههههههههههههههههههههههههههههههههههههههههههه
وقامت اختي تصوره
وهو يناظر وكأنه يقول هالمهبل وش بلاهم
ودخلنا داخل وضحك ضحك فضيع
ودخلنا داخل وعلى طول على لابتوباتنا
ومن منتدى لمنتدى
وجت ماما
-بنات متى تنامون ترى بكره عيد
ياماما الحين الساعه عشره لسى بدري
ماما:بس بكره بتقومون بدري
يلا الحين نقوم...ماشاء الله مطيعين<<هع
وقمنا وانا عن نفسي على طول نمت
ومادريت عن حالي إلا وانا صاحيه بدري ....غريبه لحالي صحيت ...ولا ومصحصحه بعد....؟؟؟
وقمت لقيت ماما صاحيه قبلي
واجي لها ماما اذن الفجر ولا لسى
ماما:ايوه اذن له نص ساعه
وظليت واقفه عندها وبس اناظر لها
وتاظر لي ماما:هيه..وش عندك واقفه ومفهيه
انا:هههههه ....ماأدري والله
ماما:قومي تحممي وصلي واستشوري شعرك واخلصي
ورحت تحممت
وغسلت وجهي اند اسناني
وصليت وبديت بشعري ولفيت اطرافه بالسيراميك
وهذي صور لعدة الشعر هههه
واتمكيجت ..بدري صح هههههه
ورحت اشيك على الاوضاع تحت
وطبعا كل عيد ماناكل باليوم كله غير حلا ...ماأدري ليش
وتجهزنا ورحنا لصلاة العيد....
يالله كانت الاجواء رووووووووعه
تدرون اني اكتشفت اكتشاف خطير
اني احب اصور الغيوووم
خخخخخخخخخخخخخخخ..مدري وش احس به
ورجعنا للبيت وحطيت لبسي قدامي وكان زي القبطان
احترت ماأدري وين المكان الانسب لهم
وحست حوسه مره يمين ومره يسار ومره فوق ومره تحت لين لقيت الوضع المثالي له
وشريت سماعات عجبتني حيل وطريقتها مرتبه جدا
بس ما انصح فيها الصوت فيها مو زين
ورحت ابي اشحن جوالي
وادور الشاحن ...ما أدري
اسأل ماما..ما أدري
أسأل اختي ..ماأدري
أسأل الشغاله ..مايدري
ياربي اجل مين يبي يدري
إلا واسمع اخوي ينادي
يابنات تعالوا
انا :يلا بس بدور شاحن واجيك
ورحت إلا واسمع ذيك الصرخه
تعاااااالي الحييييين
انا يااااامااااماااا وربي صوته يخوف
وجيته
إلا والوجه معصب حده
(طبعا بالعاده ذبح الذبيحه تكون بالمزرعه يروحون رجال عيلتنا هناك ويذبحوها وبس يجبونها لنا
اما هالمره سمعت انو زين اهل البيت يشوفون الذبيحه وقالت هالمره نبي تذبحهها بالبيت عشان نشوفها..وعاد شوفوا الفرق بين اللي صار
اول رجال ويساعدوا بعض في مسك الخروف وذبحه ورفعه وسلخه
والحين ..ولد وبنتين يساعدونه!!!!!!!!!!!!!!!!!!!!)
وين وصلنا
ايوه وجيته وهو معصب
ويقول لي امسكي الخروف
بهالوقت هو موفاضي لي لو اقول له لا انا ابيـ....... كف وبرااااااااااااااااااااااااا
المهم حاولت اصرف الموضوع واقول له يوه الخروف كبير لازم ثنتين تمسكه
قال روحي نادي اختك
واروح انادي الشغاله واقول لها تعالي وراي
ورحت لماما وقلت لها ماما قولي لأخوي ترى مابي فايده سواء مسكتها ولا لأ مايتغير شي
والشغاله مستمعه وماتدري ش السالفه
وتناظر لي ماما وقالت..لاحول ...الحين من يبي يمسكه
واناظر للشغاله واقول..راميني تمسكه
بهالوقت بوصف لكم شكلها
كانت واقفه
فجأه ارتجت
وارجعت ورى
وتضحك وتكشر وترفع يدها وتنزلها كل هالشي صار بثانيه من هول الصدمه اللي جبتها لها
قالت راميني..كيف انا يمسك
قلت ..كيف يعني ..امسكيها بيديكي
راميني:انا موشكلا
انا:لا ان شاء الله مو مشكله
وامشي وهي وراي وتصبر على حالها بصوت واطي
:انا كيف يمسك
هادا كابير
انا في كووووف
ورحت لخوي وقلت :بصراحه انا ماأقدر امسك..جبت لك سبير تووووحفه
المهم وجهزت اختي الكاميره تصور وكانت الشغاله تمثل اني ما اقدر امسك
واخوي متضايق من هاللي نسويه
وقام يناظر للشغاله وهي تمسكه ومو قادره<<نصابه عيني عينك
وقام صرخ عليها وقال امسكيـــــــــــــــــه زيـــــــــــن..
تعالوا شوفوها كيف صارت بعدها
والله ان الخروف ماتحرك سانتي واحد هههههه<<ناس ماتيجي إلا بالعين الحمرااااااا
وذبحه وخلص وهذا هو بعد ماذبحناه
يحززززززززززن
وقام اخوي وقال حطو سفره ع الجدار عشان مايمتلي
وجيبوا طاسه نحط اللحم فيه
ورحت انا جبت السفره ورتبت الوضع
واختي جابت طاسه
والمشكله اللي هي؟؟؟؟؟؟؟؟؟؟؟؟؟؟؟؟؟؟؟؟
يبينا نرفعه
كنت انا واختي عنده نحط السفره ونثبتها على الجدار والشغاله تتابع
إلا وصوته يقول يلا بنات ارقعوها معي
وييييين نتهررررب مااااافي مجال
كلنا موجودين واناظر لاختي بحزن وترد بنظراتها بحزن إلا وهو يقول يلااااااااااااا
وجينا ونحن نجر الخطا <<اوووف عالعربي
وجينا عنده ومافي مجال
قلت له ابي اروح اجيب قفازات...عاااد الرجااال مايحبون سوالف الحريم إلا وهو يصرخ يلااااا
وش اسوي...ماباليد حيله وتعال ياخروف مسكته بيدي وعععععععععععععععععععععععع
ورفعته معه
واصبر عمري انا واختي واقول تعالي ياحيوانه ليش تخوفينا امس واااااااااااااااااااااااااااااا
والله اني اضحك والدمعه بعيني..
ومن وقت ماعلقه اخوي وطيران انا واختي للمغسله ونشم ريحة يديننا وععععععععععععع
مليون مره غسلناها مافي فايده
ورجعنا للمطبخ وامنت عمري ب3 جوز قفازات واختي بعد
ولبسنا القفازات
ورجعنا كملنا شغلنا
لكن اللي زاد الطين بله السكين
شوفوها
هذي اللي ذبحنا بها الخروف
عاد امس مريت من عند سوق لقيتهم يبيعون سكاكين كبييييره واقول مين يشتريها
واتذكر بيت خالتي انه فيه واقول ياويله من ربي زوجها يخليه تطبخ الذبيحه عندها وهي اللي تقطع اللحم بالسكين الكبيرر
الحين عرفت انه له لزمه
اخوي تنرفز من السكين ماقدر يقطع فيها غير الضلوع وقام يتصل ع خوالي ابي مقطاعه
وككل خوالي مشغولين بالوقت هذا
وقام اخوي وقال وش اسوي انا الحين
ومن ورى اقتراحاتنا فاز اقتراحي قلت له
جيب من سوبرماركت
مع انه سخيف الا انه نجح هههههههه
وقال اخوي طيراااان انا رايح اتحمم والبس واروح للسوبر ماركت وراح ورجع
وهو كأنه لاقي له كنز ذهب
وقام قطع الخروف وبكل سهووووله<<اعلان هع
وقلت له زين في سوبر ماركت فاتح الحين
اخوي:ايه
انا:وش قلت لهم لما دخلت
اخوي:قلت لهم كل عام وانتم عندكم مقطاعه
وكلنا هههههههههههههههههههههههههههههههههههههههههههههههههه ههه
وشوفو الفرق بين القطاعه الاولى والثانيه
وقلت ليش مانشوي
قالت اختي يلا
وراحت تطلع الحطب من المستودع اللي تحت الدرج
اثري ست الحسن والدلال كابه الدهان وشافته وعادي ومشت
وانا عند اخوي إلا واشوف الدهان مختلط مع دم الخروف
دريت ان من اختي لانها من النوع المفههي
ورحت انادي الشغاله وقلت لها امسحي الدهان
اثري هالشغاله طلعت مفهيه اكثر<<يقال اني سنعه هع
قامت تشطف وماشالت الكراتين اللي في المستودع
وجات ماما وشافت المنظر
وقفت ساعه تناظر لنا كأنها تبي تاكلنا
وقومي ع الشغاله : انتي الحين ليش ماتشيلين الكراتين
ليش تشطفين كذا
وانتن يالبنات يالسنعات وليش كذا
ماتستحن
هاتي ياراميني
وانتي..اللي هي انا..روحي جيبي مويه
وقامت تشطف...ايه هذا الشغل ولا بلاش
وخلصنا وشوينا الكبده والكلاوي
وكليناها
وما ادري احس اني اشتهيت اشوي لحم قلت لاخوي ياربي اني مشتهيه لحم
قال اخوي يلا روحي جيبي لحم
امي كانها تضايقت ..يعني الحين اخوي تعبان ومو نايم زين وتتفلسفين تبغين لحم..قالت لا مولازم لحم
قال اخوي والله غير تجيبين
ورحت جبت ظلوع
وتبلها اخوي وشواها ورحن مشوار وجيت للغرفه اللي على طول عند امي واخوي
واسمع امي تقول
يعطيك العافيه بس اذا كنت تعبان مو كل شي لازم يقولن تسويه
!!!!!!!!!!!!!!!!!!!!!
يابنت هذولا يتكلمون عليكي....واقرب للشباك
واسمع اخوي يقول : لا والله تعبهن راحه حرام انا شفتهن مشتهيات قلت دام النار والعه ابي اسويها
وامي تقول لا مره ثانيه راحتك اهم
واقرب من عند الشباك واطلع راسي واقول
:تحشون فيني هااااه
امي وقتها اقتلب وجهها
وقام اخوي يضحك بأعلى صوته ويقول ورررررررط ورررررط
ههههههههههههههههههههههههههههههههههههه
المهم جيت عندهم ماده بوزي وهم ميتين ضحك
واجلس
وساااكته
وهم
هههههههههههههههههههههههههههههههههههههههههههههه
قالت امي هالحين هاللحم من ياكله
هههههههههههههههههههههههههههههههههههههههههههههههههه ههههههههههههههههههه
قلت عادي انا اكله ولا احد يطلب منه شي ..
وهم ههههههههههههههههههههههههههههههههههههههه
واعطاني اخوي اللحم وهم يراقبوني وانا اكل وهم هههههههههههههههههههههههههههههههه
وفعلا زي ماقلت اكلتها كلها
وبعده رحت وحممت جسمي من ريحة هالنار وكملت لبسي
وجا بعدها خوالي كل ماجا واحد
دق لي تحيه
عشان لبسي قبطان
ويسألوني من وين جبتي البروشات اللي بإسمي
قلت سويتها انا وطبعته بالمكتبه
الكل مستغرب
وانا
هههههههههههههههههههههههههههههههه
وهذا مقتطفات من لبسي وكشخة العيد
وكانت جمعتنا مره رووووووووعه
ورحنا للمزرعه
واجتمعت العائله كلها هناك وجبنا طراطيع العيد
وهذي طراطيعي
ولكن اللي رفع ضغطي ان ماأحد قال لي ان لبسي عباره عن قبطان
البعض قال طيار
والبعض قال شرطي
والاخر صار يخوف عياله ويأشر علينا ويقول ترى هذي شرطة الاطفال_تذكرونها_
ترى ياويلكم منها
والمشكل ان الاطفال صدقوا كل ماسمعوا لجه قالوا شرطة الاطفاااااال
وبرمشة عين يهدأ الجو
ههههههههههههههههههههههههههههه
ومايمدي جا المغرب إلا وخلاص طفيت ابي انام واأشر لماما اني ابي اروح للبيت
وهي ترفع حواجبها انه لا
ومرررره على مرررره لين اقتنعت
ورحنا للبيت وعلى طول لفراشي ونوووووووم
وانتهى يومي العيد بسلاااااااام
يلعن ام الصرقعه صار العيد صواع ورواع موب معقول بس والله انتس بنت رجال اجل ذبحتي مع اخيتس وقطعتي اللحمه ولا بعد وفكرت السوبر ماركت والله انتس كفووو الصراحه
بس اقول يا عريف اول قبطان سواق تقريرتس مره روعه وفطسن من الضحك
عيــ،،ــدنـــآآآآ غـــــيـــــــر...(مشاركه)
….
العرض العادي
