| يوميات أعضاء المجلس الرمضانية |

[التنين الصيني]

ايه .... !

ان ساعدناهن !

صارت تريقه ....

وان سهجنا علقن علينا " سروال وفنيلة "

يالله الخيرة

[دِيم]

اقتباس:  المشاركة الأصلية كتبت بواسطة مهندس الكلمات     اولا كل عام والجميع بخير ثانياً مسموح أدش بالموضوع << سؤال ذكي صح بسم الله نبدأ أول شي صليت الفجر وبعد صلاة الفجر جلست بالمسجد لقراءة القرآن والدعاء والاستغفار الى طلوع الشمس وبعدها صليت ركعتين وانصرفت للبيت لان اجر الجلوس بالمسجد للذكر وقراءة القرآن حتى طلوع الشمس والصلاة ركعتين بعدها تعدل عمرة او حجة تامة تامة في مامعنى الحديث بس من جد كانت الجلسه بالمسجد فوووق الخيال يعني تقدرون تقولون مثل اجواء صلاة العيد المهم انصرفت للبيت ونمت الى الظهر وبعدها صحيت لصلاة الظهر ورجعت للبيت جلست ساعة اقلب بالنت اتابع الاخبار الرياضيه والسياسة اما الاقتصادية مالي ومالها >> الله يجيب الوظيفة السنعه وبعدها كملت نومي الى العصر وبعد العصر صليت ورجعت للبيت وجلست اتابعالبرامج الدينيه على التلفزيون اعجبني برنامج عائض القرني وبرنامج خواطر وبرنامج يجي على القناة الاولى لواحد نسيت اسمه المهم عايلتهم يقالها الخراز المهم منا ومنا مره اساعد اهلي بالمطبخ انزل مره الفرن ومره اطلع لهم الصحون من المخزن اما الطبخ مالي وماله اذن المغرب والفطور ماجهز الا بالوقت بدل الضائع وبعدها صليت المغرب وجلست اتابع طاش ومسلسل على القناة الاولى نسيت اسمه وبعدها صليت العشاء والتراويح ورجعت اتابع التلفزيون بس على خفيف سامح لنفسي بمسلسين بعد الصلاة يكفي سيئات طول السنه اما الحبين جالس على النت أطقطق وأشوف اخبار العالم بس اهم شي بالنسبه لي الجلسه بالبيت وبدونها الواحد مايحس بطعم رمضان اما اذاالواحد بطلع يمين ويسار ويسير على فلان وعلان ماراح يحس بطعم رمضان

ممتاز ..
يوم مثالي من جد ..


+ الملون ب الأحمر .. ماش عجزت أصدّق إنكم تخشون وتصلحون اللي قلتوا

،
هو أحلى شي الجلسسة بالبيت .. مع كاس شاي بالنعناع وريحة عود مامثلها هالحزة ..


شرفت يالمهندس ..

[تَمَرّدْ]

تخيلوا بنات ابو الشباب يدخل يساعدن بالمطبخ ويحط السمبوسه بالفرن >للأسف ماحصلت فيس يصلح للهرج هذا

,’

[نـدى الـورد]

*

شوفي ديمو برنامجي اليوم

*

سهرت لحد الساعه 7 على تويتر

ماجاني نوم بصراحه

ولما بدأ يتسلل هذا الفارس لعيوني

نزلت للمطبخ اعجن واجهز الحشوات للفطور

طلعت فوق وانا مغمضه عين ومفتحه عين ورميت نفسي على السرير

مالقيت الا الأنوار مولعه الساعه 10 وبديت اعصب واغضب الا ابو العيال يجهز

للدوام المسكين...

استحيت ورجعت اكمل نومي..

وماقمت الا على الساعه 1 الظهر

واروح اصلي الظهر...

وارجع مره ثانيه انام.... لما اذان العصر

عاد استحيت قلت اقوم اسوي فطور

لقيت سي سيد يبتسم لي ابتسامه عريضه

قلت ايش الحكايه يا ابو عيالي ابتسامتك وانت صايم وراها إنا

قال... عليك نور

بيفطر اثنين من زملاي عزابيه

يلا ياست بهيه ادخلي المطبخ وسوي لنا احلى صنيه وفطاير محشيه

*

نتفت شعراتي من العصبيه وقلت كيف ..ومتى ... و...!

دخلت المطبخ والحمد لله ان عندي خدامه فلبينيه تربد السبد

وحسنا حسنا

لما خلصنا من فطورنا وفطرنا الشباب

واخذنا اجرهم ولله الحمد

عقبها صليت المغرب... ورحت اتفرج على برامج التي في

*

وصلينا التراويح ولبسنا عبايتنا ورحنا لإكسترا اخذ شغله من عندهم

وهذا انا توني راده

واقرأ ردود الشباب في لف السمبوسه

ومتعجبه ليش ابو الشباب مايلف معي مثلهم..!!


*

وبرنامجي بكره بنزل للخبر وبيكون فطوري في فندق مرديان

,

[دِيم]

اقتباس:  المشاركة الأصلية كتبت بواسطة يوسف ناصر     هالسنه قررت ..

اقتباس:  المشاركة الأصلية كتبت بواسطة يوسف ناصر     الف مع اهلي سمبوسه وبدأت المهمه .. بتوجيهات من اختي العزيزه صلحت وحده .. وثنتين .. وأظني وصلت للعدد عشره حتى قطعت مشواري .. أختي وقالت وش رايك يوسف .. حنا نلف وأنت تحطهن بالكيس .. علشان مانتعبك معنا .. تتوقعون .. قالت لي هالكلام .. لانها فعلاً ماتبي تتعبني او علشان لفي .. كلاك .. << حساس رمى الطرايق وقب .. باقي اليوم .. مافيه أحداث مهمه كان عادي .. بس رائحة الرواحانيه فايحه .. نوعاً ما .

الزلام شغالين الليلة .. ب الإبداعات .. *_*


حلو شغلك ب السمبوسة
من ناحية الروحانية .. فـ معك حق ..



شرفت يوسف ..

[تركـي]

اللحين هذا ... جزآآ
الشباب يساعدون ويطبخون .. < هذاا اللي يجيك منهن .. هع

المفروض تشجعونهم ..
حتى ماتدري الآ كم فرن قابع بالبيوت ههههه ..

عااد لقن فرصه ...
وهن ماغير متسدحاات والشغالات يكرفن ههههه ...


ديم ..
آنتبهي من ندى الورد
شكله ماأقتنعت أن الشباب أحسن طبخ لو رجعنا للأصل ههههههه

[دِيم]

اقتباس:  المشاركة الأصلية كتبت بواسطة ضمير بريدة     رمضان بين ما يذكر وما لا يذكر ، ومالا يذكر لا فائدة أن يذكر !! وما يذكر الأصل أن لا يذكر !!!!

ليه بس ..؟
بقولك شغلة ..

كل الأعضاء إن شالله فيهم خير وبركة ..
كلنا صلينا التراويح .. وقرأنا قرآن .. وسبحنا واستغفرنا .. وساعدنا بعض ب المطبخ ..
والعهدة على زلام المنتدى *_*


يعني مافيه شي اسمه رياء ..

[نـدى الـورد]

طيب يا التنين علمني كيف تنلف السمبوسه

,

[SAGA]

اقتباس:  المشاركة الأصلية كتبت بواسطة تَمَرّدْ     تخيلوا بنات ابو الشباب يدخل يساعدن بالمطبخ ويحط السمبوسه بالفرن >للأسف ماحصلت فيس يصلح للهرج هذا ,’

بالجنـــــــــــــــــــــــه إن شاءالله ياتمرد

[دِيم]

اقتباس:  المشاركة الأصلية كتبت بواسطة to be     وانا توني راجع من زيارة ابو عدي وابشركم حاله يسر الجميع ولا يستغني عن دعاؤكم نسال الله ان يمن عليه وابنه الصحة والسلامة وان لا يريكم مكروهاً

الحمدلله .. الذي بنعمته تتم الصالحات ..

أبد الله ماراح يخيب دعانا له ..


سلم عليه : وخبره إن قلوبنا معه ..



أجر وعافية ..

[التنين الصيني]

اقتباس:  المشاركة الأصلية كتبت بواسطة نـدى الـورد     طيب يا التنين علمني كيف تنلف السمبوسه ,

ما له داعي الإحراجات ....
....

بس تجيبين العجينه كذا وتحطين الحشوة وتلفين الطرف هيك

و تلحسين آخر العجينة عشان تمسك ببعضه

[خارج النصـ]

اقتباس:  المشاركة الأصلية كتبت بواسطة تَمَرّدْ     تخيلوا بنات ابو الشباب يدخل يساعدن بالمطبخ ويحط السمبوسه بالفرن >للأسف ماحصلت فيس يصلح للهرج هذا ,’

بشرط يكون أجنبي ويبلس بالبيت بجامه

[دِيم]

اقتباس:  المشاركة الأصلية كتبت بواسطة احمد النجم     رمضان هذ العام خلا من اهم الامور التي كنت أعملها في مواسم سابقه وحمل اليوم الاول ذكرى أصابتي بالاسى .. والحمدلله على كل حال

ماعليه أخوي أحمد .. هذي حال الدنيا ..

ودامك حمدت الله فـ أكيد نفسك راضية على أقدار الله المؤلمة ..

رمضانك كريم .. وانبسط على كل حال ..

[نـدى الـورد]

اقتباس: بس تجيبين العجينه كذا وتحطين الحشوة وتلفين الطرف هيك و تلحسين آخر العجينة عشان تمسك ببعضه

لابصراحه صدقتك

انت متمكن كثير بلف السمبوسه

خصوصاً في المرحله دي

اقتباس: و تلحسين آخر العجينة عشان تمسك ببعضه

[يوسف ناصر]

اقتباس:  المشاركة الأصلية كتبت بواسطة نـدى الـورد     موش لقافه كثر ماهي تعجب بتغير الحال في طريقت التعامل مع الطرف الأخر ,

قد تكون محاولة أكتشاف قدرات ..
أكثر من كونها مساعده
او تغيّر حال ..
يحدد ذلك .. الاستمراريه من عدمها