كاشيره ولاخادمه في البيوت....!!!

[العالميه]

سلااام للجميع

الجميع قرأ ومن لم يقرأ سمع بقرب عمل السعوديات في وظائف كاشييرات في المتاجر الكبرى وأسواق التجزئه.....
الخبر كان له أصداء واسعه ...معارضه وه ومطالبه بالرفض وإلغاء هذا القرار....فهو بدايه الإختلاط وشرارة فساد...
شيء غريب ...أين الإختلاط وهي ستمارس عملها بحجابها وبينها
وبين الرجال مسافه..(الإختلاط لما أوقف أحاسب قدامي رجال وخلفي رجال)عاااادي
أين الفساد ؟؟وهي تعمل أمام أعين الناس لايختلف عن عمل موظفة
إستقبال في المستوصفات والمستشفيات .أوفي أي مكان
الفساد
موجودفي كل مكان ولاعلاقه للعمل به..



تعمل كاشيره ووظيفه حلال ...(وناس كثير بحاجه )أفضل من جلوسها في البيت أو عمل غير شريف...

وظيفه شريفه + حجاب شرعي + حاجة = مافيها شي وحلال

للنقاش الجاد والبعد عن الإستهزاء والتجريح
حياكم

[الخيال العالمي]

[align=center]هذه من المسائل الكبار ولايتكلم فيها إلا أهل الحل والعقد
تقبل مروري[/align]

[العالميه]

اقتباس:  المشاركة الأصلية كتبت بواسطة الخيال العالمي     [align=center]هذه من المسائل الكبار ولايتكلم فيها إلا أهل الحل والعقد [/align][align=center] تقبل مروري[/align]

عمل المرأه كاشيره كاعملها موظفة إستقبال
أو بائعه على رصيف . وفي المهرجانات لها نصيب لافرق
الكاشيره تدخل ضمن المسائل الكبار والباقي ؟؟؟؟

حياك ربي وشكرآ عالمرور

[Qassimy]

كلهن غلط
في الصورة الاولى أين محرمها ؟!
وفي الثانية هذا اللي ناقص !!
الدنيا من بعد وفاة ابن عثيمين وابن باز والجميع ماخذ حريته للآخر
بكرا بينادوا للبارات داخل بلدنا وبيجيبوا صورة لأحد عيالنا بالخارج ومعه
كأس خام أقرب جدار وصورة لنفس الشخص في بار في شارع الخبيب !!

سبحان الله الحريم معززات مكرمات هنا وبنات الغرب والشرق كل يوم يجدن أهانات ومضايقات من قبل من يخالطنه في العمل أو في الشارع .

[العالميه]

اقتباس:  المشاركة الأصلية كتبت بواسطة البرتقالـــي     كلهن غلط في الصورة الاولى أين محرمها ؟! وفي الثانية هذا اللي ناقص !! الدنيا من بعد وفاة ابن عثيمين وابن باز والجميع ماخذ حريته للآخر بكرا بينادوا للبارات داخل بلدنا وبيجيبوا صورة لأحد عيالنا بالخارج ومعه كأس خام أقرب جدار وصورة لنفس الشخص في بار في شارع الخبيب !! سبحان الله الحريم معززات مكرمات هنا وبنات الغرب والشرق كل يوم يجدن أهانات ومضايقات من قبل من يخالطنه في العمل أو في الشارع .

محرم في السوبر ماركت؟؟؟مسافره هي ؟؟؟
مشكله في كل مكان نأخذمحرم..
المحرم في الأشياء الضروريهاالتي تستدعي وجوده

وبعدين وش دخل الباراات في الموضوع ؟؟خايف نشرب
وأجي أقول لكم حلال مثلآ؟؟؟

حياك يالبرتقالي وأشكرك عالمرور

[أسيل محمد]

**

عزيزتي العالمية /

الاصل في الاشياء الاباحة لكن تصرفاتنا.. واستخدامنا لها هي التي تجعل من الحلال حراماً

ودي لكِ

[العالميه]

اقتباس:  المشاركة الأصلية كتبت بواسطة gondwana     ** عزيزتي العالمية / الاصل في الاشياء الاباحة لكن تصرفاتنا.. واستخدامنا لها هي التي تجعل من الحلال حراماً ودي لكِ

صدقتي والله ياغاليه....كلامك درر

فديت طلتك

[قـتـالـه]

يالباااا الكاشيرات بعد ..
وينهن يفكننا من البصبصه والواحد يطلع صرافته من بوكه وهو مرتاح مو يحس ان فيه احد يعد اصابع يدينه !
قبل ايام كنت اتأكد من وجود عدد نوع من الخضاربالكيس قبل مااحاسب
واسمع ابو سماره يقول ست ياختي ..
قاط بعشانا

[التنين الصيني]

لا.... وما يبون الحريم يبيعن على الحريم

بملابسهن الداخلية..... يبون السوري واللبناني... احسن

[العالميه]

اقتباس:  المشاركة الأصلية كتبت بواسطة التنين الصيني     لا.... وما يبون الحريم يبيعن على الحريم بملابسهن الداخلية..... يبون السوري واللبناني... احسن

مع توظيف الكاشيرات راح تنحل هالمشكله..

حياك ربي التنين الصيني

[العالميه]

اقتباس:  المشاركة الأصلية كتبت بواسطة قـتـالـه     يالباااا الكاشيرات بعد .. وينهن يفكننا من البصبصه والواحد يطلع صرافته من بوكه وهو مرتاح مو يحس ان فيه احد يعد اصابع يدينه ! قبل ايام كنت اتأكد من وجود عدد نوع من الخضاربالكيس قبل مااحاسب واسمع ابو سماره يقول ست ياختي .. قاط بعشانا

صادقه قتاله...في كارفور أو بنده إذا جيت أحاسب
أدور المحاسب الأجبني مع إن لبسهم موحد
لكني أعرف ربعنا
وحده من زميلاتي فتحت محفظتها وفيها صوره ولد صغير
قال لها المحاسب(سعودي)ماشاء الله ولدك؟؟؟
الأخ يبي يسولف...
حياكي ربي قتاله القتاتيل

[ع ـروووبة]

والله الكلام يطول في هذه المسأله

كلنا نريد البعد عن الفتن وبوابات الشر

ولكن الشر يحفنا في كل إتجاه

فسواء عملت المرأة كاشيره أو لم تعمل فالشر

محيط بها ونرى ذلك في الاسواق والمنتزهات

ولكن !!!‏

أرى أن عمل المرأه كاشيره إهانه لها

فأعين الناس تطالعها من كل جانب!!‏

فيه إختلاط ولكن الإختلاط في كل مكان

وأللي حافظ على نفسه مايجيه شر

بس مافيه إلا كاشيره سوبر ماركت كبيره

بحق السعوديات

السعوديه تفتخر بتربيه أبناءها وعملها في مجالها

المخصص لها ‏‏‏~‏

ياليت يخلون المحاسبه للرجال أللي قاعدين

ببيوتهم مو لاقين شي يعطونه أهلهم وعيالهم


والمرأه تعمل بس بمراكز خاصه مافيها

شي بس مو كاشيره !!‏


هذه وجهه نظري لاغير ..

وتبقى المسأله لها عده أوجه ‏‏~‏‏~‏

[العالميه]

اقتباس:  المشاركة الأصلية كتبت بواسطة عروووبة     والله الكلام يطول في هذه المسأله كلنا نريد البعد عن الفتن وبوابات الشر ولكن الشر يحفنا في كل إتجاه فسواء عملت المرأة كاشيره أو لم تعمل فالشر محيط بها ونرى ذلك في الاسواق والمنتزهات ولكن !!!‏ أرى أن عمل المرأه كاشيره إهانه لها فأعين الناس تطالعها من كل جانب!!‏ فيه إختلاط ولكن الإختلاط في كل مكان وأللي حافظ على نفسه مايجيه شر بس مافيه إلا كاشيره سوبر ماركت كبيره بحق السعوديات السعوديه تفتخر بتربيه أبناءها وعملها في مجالها المخصص لها ‏‏‏~‏ ياليت يخلون المحاسبه للرجال أللي قاعدين ببيوتهم مو لاقين شي يعطونه أهلهم وعيالهم والمرأه تعمل بس بمراكز خاصه مافيها شي بس مو كاشيره !!‏ هذه وجهه نظري لاغير .. وتبقى المسأله لها عده أوجه ‏‏~‏‏~‏

حياك عروووبه
العمل الشريف بضوابط إسلاميه أفضل من التسول
أو طرق أبواب غير مشروعه...

ومثل ماتفضلتي المسأله لها عدة أوجه


تشرفت بـ تواجدك العطر

[رمز الحياة]

فعلا مجتمعنا مجتمع المتناقضات
على سبيل المثال البعض يعارض بيع النساء للملابس النسائية بحجةانه مشروع علماني المقصد منه تحرير المراة والغريب ان البائعات يفترشن الشوارع امام مراى الرجال والنساء ولااحد يتكلم !!
عموما متى ماتركت اي قضية للنقاش والاخذ والرد فاليتاكد الجميع ان القضية ستاخذ اكبر من حجمها
وهذا ماحصل في بيع النساء في المحلات النسائية وايضا في هذه القضية

[بلزاك]

أفاااا
يالله إن الشكوى لك
هالحين ياخيتي الشعب مطفر ومصفر وداجين ماغير نسمع زيادة الميزانية وارتفاع البترول و.. و.. الخ
والأشياء الاعتيادية صارت تتحول لأحلام ..
السيارة .. التعليم .. الزواج .. الوظيفة .. السكن .. السفر ( للمذنب ).. كلها صارت أرقام من ضمن أحلامنا ..
تجين يالعالمية هنا وتفتحي نافذة لشق جيوب الشباب ..
من الأصل و ( المخباة ) صايرة منخل مايبقى فيها شيء فواتير وآجارات و..
وخبرك ربعنا مايبون شيء طال عمرك من أصل ( الترزز ) جبلة فينا الله يخلف ..
والدليل لما يسافر الواحد لبلاد ماوراء النهرين وتبتسم له وحدة يقول ( أبك الملعونة حبتني ) ثم يجلس يطارد وراها يبي يرقمها شغل محلي وكل شوي يلتفت يقول لاتصير الهيئة ورانا
وإذا أعطته وجه قام خرط لها النون وما يعلمون يبدأ من قوله رحمه الله ( أنا والله ابن شيوخ وولد عز وسياراتنا 30000 أرداهن بنوراما معطينها سواق الشغالة حقتنا )
وهي تبوسم لكشرته اللي لاضحك طلعت صفّة أسنان صفر منكسر الوسطي منهن لأن شاة من غنمهم رفسته يوم جاء يحلبها
ثم يخرط لها كل اللي بمخباته المروحة = ( الرائحة الشينة ) ويقول ( آآآه أبك والله إني حبيتك يالطخمة) وهي ترد عليه وتقول ( شو حبيبي شكلك مهضوم )
لعنبو إبليسك شلون مهضوم ومقعده متعرفط من كثر ما مسك خط مع الباص وريحة مروحة وحالته حالة وكله كوم وإذا لبس بنطلون وتي شيرت كوم ثاني تعالي شوفي التنسيق وفتحة الصدر توم كروز على غفلة أو براد بيت ..
أقول يالعالمية مايخفاك ذرابة ربعنا وما يعقبها من فشخرة وانتفاخ وفزعة ( طبعا لله ) خاصة لما يكون الطرف الآخر بنت مزيونة ومخصرة يزود إخلاصه
ومن كثر الإخلاص ماوده طال عمره إن هالكاشيرة تكون أقل وحدة مبيعات فيروح يتسلف ويظف لها 10 عربيات وينثرهن قدام الكاشيرة ماصدق إنه يوقف قدام حرمة وما يخاف من الهيئة
لذا من باب توفير جيوب الشباب فقط لا أكثر ولا أقل أرى عدم دخول الكاشيرات بأي حال من الأحوال ..
حتى نقضي على مصطلح ( الخقة ) من دون سبب والمنتشرة بين الشباب السعودي للأسف ..
لأنها مدعاة للفقر وفي النهاية يبي يستفيد كارفور وهايبر بندة والعثيم إذا لحقهم ..
أجل ماشفتي شلون يخرفن جيوب الشباب بشحن سوا وهو صوت شلون لاشافها قدامه

إيه شلونكم بس