$$$$ . . . . . واقع المرأة . . بدون رتوش . . حكايات ووصايا . . . . . $$$$

[أشعة في بلقع]

[align=center]حياكم الله و حياهن

أنا أفترض أن جميع القراء هنا من البالغين

لذلك لن يكون هناك أسرار

ولن يكون خفض صوت




ما يكتب هنا سيكون بعد وقت كتابا يُهدى لك عروس

ولن يخلو منه بيت

فهو يلامس الأخطاء في بيوتنا ويذكر العلاج

سيكون هذا الكتاب صيدلية في كل بيت ولكن للأمراض والجروح المعنوية






ليكن شعارك أخي أختي وأنت تقرأ

قبول الحق ممن جاء به

الاستفادة من أخطاء الأخرين




أشعة في بلقع يتمنى لكم الفائدة والمتعة[/align]

[أشعة في بلقع]

$$$ . . . . . حريمنا والكذب . . . . . $$$$


نعم

هو كما قرأت في الموضوع

تبي مثال . . . طيب خذ :

يقولن : تشقير

وهذا كذب و مخادعة للواقع

لأنهن يحسبن إنهن شقراوات

لكن الواقع إنهن من سمراء إلى سمراء إلا شوي



شقراء تسوّي تشقير للحواجب

سمراء تسوّي تسمير للحواجب


إذن النتيجة :

يقولن ودنا نسوّي تسمير مو تشقير


أرجو وضحت الرسالة

[أشعة في بلقع]

$$$$ . . . . . زوجتي لعبت علي . . . . . $$$$





(للمعلومية :أنا لا زلت أبحث عن زوجة ثـ . . .)

أخبرني من أثق به فقال :

لقد أزعجتني العام المنصرم بكثرة الذهاب للسوق في رمضان ( يقصد زوجته )

لكن هذه السنة قلت خلينا كويسين و نحل المشكلة من بدري

شاورت بعض الرجال شرواكم حول الحل للمشكلة

فنصحوني بأن نشتري أغراض العيد في شعبان

وفعلا ذهبنا للسوق واشترينا وقلت الحمد لله سنرتاح هذا العام من السوق

لكن في أول يوم في رمضان قالت زوجتي : بقي نعال للبنت و ما أدري إيش و طولت الكلام ...

قلت لنفسي : خلينا نوديها هالحين قبل الزحمة . . . وديتها

وبعد أربعة أيام قالت لي : ترا ثوب البنت يبغى له تطويل شوي فلازم نشتري قماش و نخيطه على الثوب لأنه قصير ، يالله ودني للسوق . قلت بنفسي ثوب البنت قصير ما يصير !! . . .لأ . . . لازم نطوووله علشان حنا ما نصير قدوة لغيرنا بتقصير الثياب . و رحنا للسوق

بعد أيام قالت لي : الشيخ المنجد الله يجزاه خير أرسل رسالة بالجوال يقول فيها : إنه أحسن الوحده تقضي أشغالها قبل دخول العشر . فااااا ... وش رايك ؟البلوزة حقت البنت ما تناسب للبنطلون وودي أشوف شيء يناسب و إن أختي نورة تقول إنها شافت بلوزه تهبببببل بستي ماكس ... فاا وديت المره للسوق

دخلت العشر المباركة . . . أنا عندي طاري روحة للعمرة .
قالت شف قبل ما تروح للعمرة ، لازم نروح نودي القماش لشهيرة علشان يسوي له تكسير ثم نخيطه على التنورة . . . رحنا

بعد يومين ... زوجتي : ترا القماش قضى ... رح لشهيرة و دور خياط يصلحه ويطلع قبل العيد

و . . شف الله يعافيك تراي عندي قماش يصلح تنورة لبلوزة عندي ودي ألبسهن يوم العيد باليل . إذا جيت تروح للخياط خذه معك لا تنساه

أعوذ بالله . . . ليلة العيد عندي أربعة مشاوير اثنين منهن لخياطين والثالث لمحل نعال و الرابع لزكاة الفطر

بعد هذا كله . . . اكتشفت إن زوجتي لعبت علي

والله يا أنا كمخه

لكن هين الوعد السنة الجايه نبي نشري الأغراض بشهر رجب و نرجع و نبدل بشهر شعبان . انتهت القصة

في الختام . . . قال تعالى عن الشيطان ( إن كيد الشيطان كان ضعيفا )

وقال عن النساء ( إن كيدكن عظيم )

[أشعة في بلقع]

[align=center]$$$$ . . . . . عندما يكون الزوج : حرّاق .. مسكينة أيتها الزوجة . . . . . $$$$[/align]




[align=right]سبق وعرفتوا من العنوان إن الزوج من النوع ( الحرّاق ) يعني حارررر

تفاهم مع زوجته منذ مدة طويلة أن الغدا يكون جاهز بعد صلاة الظهر مباشرة


مشوا على هالطريقة على مايرام لكن في يوم من الايام


الحراق ... عفوا أقصد الزواج دخل البيت ... وجد زوجته صافتن تصلي فالتفت الى المطبخ .. لقى الغدا فوق النار ( ما قضى )

مباشرتن ذهب الزوج إلى المطبخ
قعد يدوّوّوّر ( يبحث ) عن البيز ... لا ما يكفي ... لازم بيز ثاني

طفا النار

شال غطى القدر

شال القدر بالبيزه

وذهب إلى . . .





لن أطلب منكم اكمال القصة

لأنها فعلا حدثت ولا داعي للتوقع والتأليف

راح للصالة وزوجته تصلي

قام و كب الغدا قدام زوجته فوق السجادة وهي تصلي

.................................................. ......
عندما سألنا الزوجه : وش سويتي ؟
قالت : ابعدت عن الغدا المكبوب و كملت صلاتي .. ثم حشيت الرز اللي فوق وتغديت منه انا وعيالي ...ولم اتكلم له بأي شيء

القصة لا تحتاج الى تعليق
تحية للزوجة
و عتاب للزوج[/align]

[أشعة في بلقع]

[align=center]$$$$ . . . . . لوبي نسائي يلعب بعقل ستين رجّال . . . . . $$$$[/align]



[align=right]حنا ورا الحريم وراهن لمين يمشن صح
اكتشف مكتب الاستخبارات التابع (لأشعة في بلقع) أن كثير من الرجال ملعوبن عليه لمين الدفنه وهو المسيكين ما يدري باللي صاير . ..... . .
-
الحريم احيانا يسون لوبي (يعني يجتمعن على فكرة معينة) ضد الرجل سواءن ابوهن او اخوهن او زوجهن !!!!!!!!
لاتستغربون .... والله انها قصة صايرة صز يقولون هاك الرجل له زوجتين واتفقن يلعبن عليه ... خوينا راح للي اليوم يومها فقالت ابوفلان ؟! حياك الله بس ترا اليوم يوم فلانه . فقال هاه اجل انا نسيت وراح للثانية فقالت له مثل ذيك فرجع للاوله فاعادت نفس الكلام فخرج ووقف بالشارع ومسك راسه وبدا يعد اصابعه زي افلام كرتون وناظر عيونه بالمرايه ... كل شي تمام ............ اجل وش اللي جرى ... اكتشف انها لعبه ..فقال اوريك بهن حريم قريح ...واثره خابرن واحدن من الحارة عنده بنت فقال اروح اخطبه واعرس عليه اليوم ..... الخ

قصة ثانية : هذولي خوات ويلعبن على اخوتهن .... وشلون؟ ... يصيرن يبن شي ويخافن مايوافقون .. فيكلمن على احد الاخوة ويقولن له الموضوع و ترانا جاحدين على فلان (الاخو الثاني) لو يدري والله ان يشهّر بنا ويفضحنا .. لكن نبيك انت تزيّن الموضوع ولا يدري فلان . ... والمسكين يبدا يواسي شماغه كأنه رجل فاهم وياكل المقلب



وقائع يومية تحدث في كل بيت و لكن ليس هناك من يعي ويفطن للعبه

هالحين تشوف الرجل مالين ثيابه لكن اذا دققت لقيت ان الحريم لاعباتن عليه وهو ياغافل لك الله ..

فياخوان انتبهوا لما يدبر لكم وانتبهوا من هالحريم الشريرات
و توجسوا الشر عند كل كلمه تسمعونها لأن الأصل الخمال[/align]

[أشعة في بلقع]

[align=center]$$$$ . . . . . مصاريف الحمل والولادة والماجب . . . . . $$$$[/align]

[align=right]
(((مبروك المدام حامل)))
المرأة المسكينة تسمع هذه البشارة بفرح وتوجس من المستقبل وهو الألم ( متعوبن عليه)

بل المسكين أنت أيها الزوج !!!

لا أدري كيف أبدأ ... ولكن .... بسم الله بديت :


بدون شك ولا ريبة (متعوبن عليه) أن هناك مصاريف للحمل ومايتعلق به
لكن أنا أقصد المصاريف اللي ما لها داعي ... إذ اصبح موضوع الحمل والماجب يشكل كابوس للازواج كيف لا وهو سينفق النفقات الضخمه باسم الفشخره و حنا محنب اقل من غيرنا (كله من راس الزوجه)

أمثلة للمصاريف اللي اقصدها
1-العشاء من برا في الأشهر الأخيرة لأن المدام تعبانه
2-غسل الثياب وكويهن عند المغسلة
3-تغيير فرشة البيت وأحيانا تبليط المدخل و الغرفة اللي يبي يشوفونها الزوار(ببيت أهلها)
4-الضنايه تكون بمستشفى الفريح
5-لا بد من استأجار خدامه ( مثلي مثل خواتك )
6-حلا يواجه ويكون في سلة فخمة لأن زميلتي فلانه تبي تزورن بالماجب
7-أبي مفرش من الأصليات يكون كروهات ولونه بين البني والسكري أو جنزي أو عنابي
8-اطلاعه ( مبلغ وقدره .... )
9-أحيانا النوم عند أهلك كل مدة الماجب (هذي ما لها دخل)
و و و

انا ما اعمم
نعم هناك حريم ماشاء الله تبارك الله ..........يراعن الظروف المعيشيه والغلا
هذولي الله يجزاهن خير ويكثر من امثالهن


اللهم هون على حريمنا الضنايه و اكتب لهن الاجر يارب [/align]


للرد على الموضوع أو المناقشة اضغط هنا

[أشعة في بلقع]

[align=center]$$$$ . . . . . إذا ودك تعذب الحريم : تعال أعلمك . . . . . $$$$[/align]

[align=right]

طالبهن بالتحديد الدقيق ... لن تجد اجابة .
سيعرق جبينها وستشيح بوجهها و ستصرف مسار الحديث

أمثلة :

اطلب منها أن تحدد لك وقت بالتحديد للذهاب إلى أهلك ( يعني : الساعة كم )

جوابها : سيكون بالجملة لا لبيع التجزئة مثل : عقب العصر



عندما تسوي لك طبخه زينه . اطلب منها المقادير بالتحديد
ستقول لك شوي سكر و شوي خميرة ... بدون تحديد
لذلك ممكن تستمتع بالبسبوسه اليوم لكن لا تغامر و تطلب منها مرة أخرى لأصدقائك . تبي تفشلك

أنا إلى هالحين ما ذقت خلية نحل بنفس الطعم مرتين ورا بعض والسبب ( شوي طحين وشوي زيت بدون تحديد )


النكته : اذا قالت خل الخياط يوسع الثوب شوي ( معروف أن حريمنا براميل ، لكن أغلى من البترول)
اذا سألتها : يعني كم بالتحديد ؟ قالت : اصبع منا و اصبع مناك خخخخخ

هالحين لهن عشر سنين يسوون شاهي . طييب قل لهن كم بالتحديد السكر بتلك الزمزمية ؟
تبي تقول لك فنجالين و شوي ( لذلك نعرف سبب طعم الشاهي اللي يجيبونه الشباب من أهلهم .. وأنه خراص ) لذلك بعض الشباب اذا رجع لأهله يقوم بكب الشاهي بالشارع ويقول لاهله والله ياهو رهيب .


اسأل اختك عن مقدار الماء الذي يوضع على الرز بالكاتم ؟
ج: فوق الرز بشوي .


الخلاصة : لا تعذبون حريمكم بطلب التحديد الدقيق للوقت والمقادير و المساحات

و الشيء اللي يكسبه القارئ لهذا الموضوع : هو معرفة تفاوت مذاق الطبخ عند أهله
مرة الرز مريس و مرة حب .. والشاهي مرة دبس و مرة مر مثل ماء النقع .. والمكرونة وااو مطاريس تكرم النعمه .

السبب : الحريم خراص خراص خراص ثلاث مرات ( متأثر بالمصاريا أنتي طالأ طالأ طالأ )


[/align]

[أشعة في بلقع]

[align=center]$$$$ . . . . . أنا أفرح إذا شفت الحريم . . . . . $$$$[/align]



[align=right]
وش دعوى ، تقول هالحستي ولا تستحي ...
والله العظيم انها الحقيقة ، عندما اشوف الحريم اللي يشحذن عند بيبان المساجد استانس و احس ببالأمان على نعالي وانهن ما رايح ينطلن

لقد تأذيت من اللي ينطلون النعال عند المساجد واحيانا بالشهر ينطل لك ثلاثة زهب

مرة من المرات يوم طلعت من المسجد شفت واحد يدوور نعال ولده . وبالصدفة كان فيه مره من اللي يشحذن فقالت: تراهن هناك ورا الزبالة . العيال الصغارين حلتوهن هناك ، فقام الرجل و واخرج نعال ولده وشكر للمرأه خدمتها له و اعطاها صدقه


ايضا .. افرح اذا شفتهن علشان ما اروح ادورهن و اعطيهن الصدقة يعني : قطعن العنوه ، هن اللي جن لمي .


[/align]

[أشعة في بلقع]

[align=center]$$$$ . . . . . بلوزة سترتش . . . . . $$$$[/align]


[align=right]

كلووش

أبه

كرته

ونحوها

لقد تعودنا سنين واجد من جداتنا وامهاتنا على هالاسامي والمسميات

لكن طلع علينا منتالي اسامي ماادري وشلون قايله

وكل يوم نسمع اسم .
انا ما ادري منهو اللي يطلع هالاسامي . والغريب ان الحريم ينطقنه بشكل رهيب
لو هي بمادة القلينزي كان ما نطقنه بهالشكل الرهيب
ميك أب .. سترتش .. سانديور .. بوتاتوز .. ميكرو جب .. ميكروفون !!
يعني اسامي انقلش في انقلش
والله يستر من تاليها



[/align]

[أشعة في بلقع]

[align=center]$$$$ . . . . . كيف تعرف أن هذا البيت فيه خادمه أم لا . . . . . $$$$[/align]

[align=right]

حياالله الشباب
اندونوسيا لها بقلوبنا حب عظيم !!!!!!

وش رايكم نتزوج اندنوسيات ؟

س:كيف نعرف هالبيت به شغاله او لا ؟
ج:من خلال خطوات كثيرة نذكر بعضها بعد القصة

واحد من الشباب كان يلزززم علي بالدخول لبيته وكنت اعتذر ... مرة من المرات لزززم وما قويت ارفظ طلبه واتفقنا بااكر القهوة عنده ... يوم جاء باكر ودخلت مجلسه ..أثر المجلس مغببررر وهاذيك القزاز اللي يحطون عليها فنجال القهوة والشاهي ما كأنها قزاز
راحت الايام ودريت انه جاب شغاله ... يوم دخلت عنده واثر المجلس يلمع وبحكم الميانه بيننا قمت وكلمته بالموضوع وقال لي : والله يا اشعة في بلقع الخافي اعظم ، اثرنا ضايعين

من خطوات التي نعرف بها البيت اللي به شغاله :
1- اذا قمت من النوم ورحت للصالة وشفت كل شي حوسه من البارح ... تعرف ان البيت به بنات او زوجه لكن مافيه شغاله

2- اذا جيت من الصلاة العصر ودخلت المطبخ تشرب ماء .. وشفت معاميل الفطور مع مواعين الغداء فوق بعض وحالتهن حاله والمجلى ما تشوفه ... تعرف ان البيت ما به شغاله وبه بناتنا الله يحفظهن

3- اذا دخلت غرفة التلفزيون ولقيت اقلام التلوينه الخشبية ماليتن الارض و حجرات الريموت ضايعن حداهن و شوي زبادي على الكنب ... تعرف ان البيت ..ايش ؟ مابه شغاله

بناتنا الله يصلحهن .... يبن ... نوم .. فيشار دوريتوز وتسالي وجلكسي وو .. انترنت ... طلعات للسوق .. ثم يرجعن للنوم

يعني .. بالله .. شغل البيت نخليه لمين . . ومن يقوم به ؟

الظاهر واضح ليش اقول : تبون نتزوج اندنوسيات ... لأنه يكفيها نوم خمس ساعات .. وكرف بالبيت ولا تقول تعبت .. ولا يمرضن .. ولا روحه للسوق .. ولا اكل من المطاعم .. ولا تبي شغاله [/align]

[أشعة في بلقع]

[align=center]$$$$ . . . . . أيتها الأنثى : أنتِ مخلوق رائع ، فليحفظك الرب . . . . . $$$$[/align]


الأنثى لما تصير أماً ...... تصبر على الحمل والولادة وتصبر على الرضيع ومشقة رعايته ... تصلح له الحليب تنظف ثيابه تبكي لبكائه وتضحك اذا ضحك تحاول بكل ما تستطيع ان يكون وليدها هو الأجمل والأحسن خلقا وعلما بين اصدقاؤه

الأنثى عندما تكون فتاة ..... تنظف البيت و تصلح الأكل وتساعد امها في شؤن البيت ... هي هادئة ولطيفة وناعمة تحب الترتيب وتعشق الجمال ... تحاول بما تستطيع ان تُرضي كل من حولها ... تسارع في تنفيذ ما يريده والداها .. دفاترها منظمة وثيابها نظيفة أغراضها مرتبة .. تحب الهدوء و مليئة بالرحمة فهي رقيقة لذا ترى دموعها في كل موقف محزن


الأنثى عندما تصير زوجة ...... تعيش مع زوجها في حال الفقر والغنى تصبر على مشاكل الحمولة ، تقرأ وتتابع كل شيء يهتم بالزينة والجمال حتى تبدو أمام زوجها جميلة .... تقوم من الصباح الباكر فتنظف البيت و تسعى بتجهيز الأكل .... هي طباخة ماهرة و ملكة جمال و معلمة صبورة .... كم مرة ارتفع ضغطها ؟ كم مرة لم تنم من المرض ؟ كم مرة تعبت ليرضى زوجها؟ كم و كم .. انها مرات كثيرة

يا رب احفظ لنا أمهاتنا و بناتنا وزوجاتنا وأعظم لهن الأجر
اللهم احفظهن من أهل الشر
اللهم ارزقهن القوة والعافية
اللهم ارزقهن بر ابنائهن و عطف ابائهن و رحمة ازواجهن
قولوا : أمين

[أشعة في بلقع]

[align=center]
$$$$ . . . . . (جارتنا) لسانها طويل . . . . . $$$$[/align]


الحمد لله والشكر
اللهم عافهم ولاتبلانا
دائما اتمنى ان تكون زوجتي هادئة
ويزداد دعائي لله بأن يرزقني تلك الزوجه بهذه الصفة في كل مرة اسمع صوت جارتنا وهي تلج و تهوش عيالها ... هي كثيرا تهاوش حتى اننا تعودنا على سماع صوتها ،

احيانا عندما اشوف زوجها بالشارع تجين حاله بالضحك من موقف هواش سمعته واحيانا تهوشه هو ، فأرحمه و أدعي له ان الله يخلف عليه ويعوضه خيرا من اللي عنده (ام لسان)

مرة من المرات سمعتها تهاوش بنته وبعد تركيز عرفت ان القصة أن البنت أخذت قلم أختها وضيعته بالمدرسة
ومرة عجزت انام الظهر من هواشها على بناتها : أيهن اللي تغسل مواعين الغدا ؟

من كثر هواشها تعودوا عيالها و بناتها على رفع الصوت ولو انهم بجنب بعض لأني في احدى المرات سمعت ثنتين من بناتها يتهاوشن بنفس درجة الصوت حقت امهن

أخيرا .......... أيتها المرأة العاقلة الرزينة أنتِ بهذه الطريقة تمزقين بيتك و تفسدين الود فلا تستغربي إذا شاهدت تغيراً في معاملة زوجك لكِ ، أو جاءك خبر زواجه من أخرى ، لأنه بإختصار يريد بيتاً يرتاح فيه من ضجيج العمل والشارع ، بارك الله فيك و زادك حرصاً على سلامة عشك الزوجي

[أشعة في بلقع]

$$$$ . . . . . افتحوا لأبوكم . . . . . $$$$

رجل تزوج بامرأة
هو يملك بيتا و بعض الأغنام
أحيانا يجيب معه للبيت علف (برسيم) للغنم

في أيام العرس الأولى .....
الزوجة هي اللي تقوم وتفتح الباب لزوجها و تستقبله وتدعي له بالقوة و السلامة

وبعد مدة ........
الزوجة هي اللي تفتح الباب لكن بدون ترحيب كالمعتاد

وبعد مدة ..........
الزوجة تقول لعيالها : قوموا افتحوا لأبوكم

ثم ....
الزوجة تقول لعيالها : قوموا افتحوا للعلف

أخي الزوج أختي الزوجة
مع الوقت يحصل بعض الصدأ على علاقتكما ببعض ، ولكي تستمر علاقتكم ببعض قوية فحبذا لو قمتم بصيانة العلاقة من وقت لأخر بـ .. بتنويع الكلام المتبادل بينكم ( المدح و التغزل )
أو الهدايا المتبادلة
أو المفاجآت الحلوة
أو ..

أدام الله أيامكم سعادة وأبعد عنكم النكد وأيامه

[أشعة في بلقع]

$$$$ . . . . . اللي يبينا عيت النفس تبغيه ،،، واللي نبي عيا البخت لا يجيبه . . . . . $$$$



الشاعرة نورة الحوشان قالت بعد أن طلقها زوجها وكانت تحبه

ياعين هِلِّي صَافي الدمـع هِلِّيـه .. وإلْيَا انتهى صافِيْه هَاتي سِرِيْبِـه
وفي البيت الأخير قالت بيتها المشهور :
اللي يبينا عيت النفس تبغيه ،،،، واللي نبي عيا البخت لا يجيبه

وهي بذلك تقارن بين زوجها السابق الذي تريده وبين الرجال الذين خطبوها وهي لا تريدهم


أنا هنا سأقلب القصة واجعل نهايتها هي البداية
كثير من فتياتنا العزيزات رسمت في خيالها زوجا له مواصفات خاصة
قد يصعب أن تجده فضلا عن ان يأتي ويخطبها
تظل المسكينة ترفض الخطّاب بانتظار ذلك الزوج الخيالي ، فيمضي عمرها ويفوت عليها القطار

واذا ارادت ان تتنازل عن بعض شروطها ، تأتي بعضهن وتقول لها : ترى فلانة قعدت ما تزوجت وصارت اكبر منك بكثير حتى جاءها الزوج الذي تريد . فتستمر المسكينة على شروطها حتى يذهب بها الزمن .

وتردد هذا البيت :
اللي يبينا عيت النفس تبغيه ،،،، واللي نبي عيا البخت لا يجيبه


يا كل بنت و يا كل أخت : تنازلي قليلا عن شروطك فالشباب تمضي زهرته
فإياك واحذري أن يذهب ولم تستمتعي به

وقد قالوا : كل شيء زهاه تمامه .
وعندما تكونين في سن الـ 19 و 20 فهذا هو السن المرغوب فلا تتأخري وترفضي الخطّاب ، لأنه بعد هذا السن سيقل عدد الخطاب و لا يأتي إلا من لا ترضيك مواصفاتهم



كل الدعاء والأمنتيات لكل بناتنا بأن يرزقهن الزوج الذي يسعدها ويملأ حياتها بالأنس والفرح . آمين يارب العالمين

[أشعة في بلقع]

حياكم الله


ها أنا أعود لكم بعد انقطاع طويل

إن شاء الله ستجدون ما يسركم بعد قليل

.
.
.
.

أشكر كل قرائي الكرام الذين يحرصون على أوقاتهم فلا يشغلونها إلا فيما ينفع

ويعلم الله لو أني ما أحترمكم ، كان تشوفون كل يوم موضوع




قد تلاحظون قلة ما أكتبه والسبب : احتراما لعقولكم وأوقاتكم


انتظرونا