لبية يالبدر

[حسن القحطاني]

يطيح نصف الليل واهـز كتفـه

يفز شمع ، وباقي الليـل مطفـي

واحاكي الجدران عن حلم غرفـه

ماتشبه الجدران ويطول وصفـي

وتملني الجدران واظهر لشرفـه

تحت السماء واسكر الباب خلفـي

ليت الشوارع تجمع اثنين صدفـه

لا صار شباك المواعيـد مجفـي

وليت الروابي تشرب دموع وطفه

ويصب لمع بروقها وسط طرفي

ياطاري الغدران ، والعمر رشفه

مع قلّها ، ياليتها اليـوم تصفـي

الصبر واجد مير الأقدار صلفـه

والارض واجد لكن العزم منفـي

الي اعرفه راح مانيـب اعرفـه

ولااظن يذكرني اليا اقلبت مقفـي

ماهو حبيبي مورد القلـب حتفـه

وماهو حبيبي يفرح بوقت ضعفي

تهب ريح وتسكن العظم رجفـه

وتغيب ريح وتسكن اغصان نزفي

مُّر ثمر هالليـل ، وامـر قطفـه

ذقته قبل يلمـس لسانـي بكفـي

هذا وتّو الليـل مـاراح نصفـه

ياليل بعض اللي مضى منك يكفي

__________________

[شوكولاته بنات]

يسلمووووووووو ع الطرح الرائع

[كيبورد]

شكرآ على آلشعر آلجمييل =^^=

[نــَجّــــدَ]

صدقاً كلمات كالشهد بعذوبتها
سلمت على هذا الاختيار وهذا القلم
وبــ انتظار هذه الذائقة الباذخه بــ استمرار
لروحك أعذب الأزهار
تحيتي

[كروومه]

قصيده روووعه يسلموو اخوي حسن

[بنوته كيوووت]

يعجز لســـــــــــــاااني عن التعبير لك بمدى روعتها

تسلم وسلمــــــــــــــــــــت يدااااااااااك

كلام راائع بمعنى الكلمه

[عادل الحبيتر]

دام نبضك
على القصيده الراااائعه
تحيااااتي لك

[حسن القحطاني]

مشكووورين على مروركم الكريم تحياااااااااااااتي

[سلطانة الغيد]

الصبر واجد مير الأقدار صلفـه

والارض واجد لكن العزم منفـي

صح لسانك ويسلم بنانك على روعة الأبياااااااااات
أخي الملهم حسن القحطااااااااااااني............................... .......................سلطانة الغيد