اخويـ لا تلومني اذا قلت : >>>عساه مر بك انت واخوياكـ

اصوات متطاير ....
تنبثق من نافذة كل فتاة:حبسوني بدون اية تهمه.....




ايه الرجال .....

اتعلمون ما سبب انحراف فتياتنا والعياذ بالله.....

هو حبسها في كنف بيتها وعدم التنزه بها.....


ايه الرجال.....

اتعلمون ما سبب هروب بعض فتياتنا

هو سجنها بين اسوار بيتها .....


ايه الرجال....

لا يخفيكمـ امر العنوسه في مجتمعنا
فهو في حالة ازدياد مستمر اتعلمون ما سببه؟؟
>>>هو اجبار الفتاة على الالتساق في البيت دون الخروج منه..



لا أعلم اهو مكلف لهذه الدرجه التنزه بي انا والفتاياة الاخرياة؟؟؟؟



ام تضيق بك الدنيا بما رحبت عندما تلامس اناملي مراتب سيارتك؟؟


فإن كنت كذلك فأعلم اني اسعد كثيراً عندما تلامس اناملي المكواه منهمكتاً في كوي ملابسكــ.....

:::::::::::::::::
::::::::::
:::
:
الآنـ...

انا من اشد المؤييدين لقيادة المرأه للسياره .......
يوم ان كنت من اشد معارضيه......


بل ورسمت احلامي الورديه على سيارة المستقبل....


7
7
7
7


انا مو فتاة منحرفه او داشره عشان اقول هالكلام


لا ولله الحمد انا فتاة محافضه من عائله محافضه

لكنـ الوضع اللي تعيشه الفتاة السعوديه هو اللي خلاني افكر
بل واطرح موضوع زي كذا....



وحتى ليت البنت تحبس في بيت اهلها ويوفر لها سبل الراحه

بل بالعكس
تكرف
وتشطف
وتسبع
وتكوي
وتغسل>>>ماتسن عندنا شغاله ههههه

>>بس اتكلم بشكل عاااام


ولا بعد واذا تأخرت شوي ع النت غسلو شراعه او يمكن حرامان لمدة يوم كاااامل>>>مجربه هههه

وحتى السهر ودهم يمنعوننا منه بس ما يقدرون>>>قاويتهم


:::::::::::::::::::::::::::
::::::::::::::::
::::::
::


قبل يومين تقريباً كنت مشتهيه اطلع للبر مع هالجو الرهييب

وكنت اتفلسف ع روحي واقول >>>ههاااااه وين اروح لمخطط الرواف ولا للدائري ولا للعريق>>>>تحلم

المهم جا اخوي وقطع حبل افكاري الجميله وقال لي روحي صلحي لي شاهي منعنش>>>نعناع

المهم رحت وقعت اصلحه >>وانا منهمكه بالتصليح

سمعته يكلم احد اخوياه ويقوله:ههاه وش رايكم؟؟

نروح لمخطط الرواف ولا للعريق؟؟؟

انا من رايي نخربه ونروح للصماااان....

عااااااااااد انا شهقت من صماصيم قلبي وقلت الا الصمان


عاد يبدو ان خوي اخوي>>>متعوب عليه هههه

ايه يبدو انه وافق ع الفكره>>غصبن عليه

عاد جبت الشاهي لاخوي وانا مكسوفه...

بل و قعدت اناظره بعيون حااااره وقلت:


لا تلموني اخوي اذا قلت عساه مر بك انت واخوياك..






::::::::::::::::::::
::::::::
::::::
::::::::::
:::::
::
::::::::::::::::::
:::
:
::


كلـ فتاة ل اخوها...

جُل وقتك تقضيه في الملاعب....

وانا في البيت لا ادري من أُلاعب...


وبسراحه في حكمه طلعناها انا وخواتي

رهيبه رهيبه رهيبه

وطالعه من كل قلب فتاة سعوديه

اللي هيـ::
مكهـ بلد الحريه للفتاة السعوديه..لكن، بمراقبه ذاتيه



انا بسراحه ما يخلونن اهلي ع راحتي >>اروح متى ما ابي واجي متى ما ابي الا في مكه....

واضن ان باقي الفتياة زيي

ترا الموضوع مهم جداً
وسيحل معضم مشاكل المجتمع



ارجو التفاعل وعدم التغافل...


بـ أنامل (فتـــــــاة آلمـــــتتها الحــــــياة),,,

[برزخ]

[align=center]في البداية أخذتني العاطفة وكدت أبكي ..فأنتن مأسورات مكبوتات عليكن تقوض الرجال بكل ما أوتوا من قوى وأوصدوا الأبواب دون سلواكن واللعب ..[/align][align=center]
إلى أن فطنت للون الزهري فهزتني إليك المضاجع .. يال هذا الخط الزهري المؤلم .. ويال الوردي على الخدان والأحمر على الشفتين .. متى أراكن في مخطط الرواف كالأنعام تسرحن ؟
يا أمة الله عليك ببلع العافية حتى تنسي .. وإن لم تنسي فتذكري الغبار والبرد والجوع والألم .. تذكري الأنياب عليها لعاب الأسد .. ومخالب ملؤها الزعاف سم يشل ولا يقتلِ ..[/align]

اقتباس:  المشاركة الأصلية كتبت بواسطة برزخ     [align=center]في البداية أخذتني العاطفة وكدت أبكي ..فأنتن مأسورات مكبوتات عليكن تقوض الرجال بكل ما أوتوا من قوى وأوصدوا الأبواب دون سلواكن واللعب ..[/align][align=center] إلى أن فطنت للون الزهري فهزتني إليك المضاجع .. يال هذا الخط الزهري المؤلم .. ويال الوردي على الخدان والأحمر على الشفتين .. متى أراكن في مخطط الرواف كالأنعام تسرحن ؟ يا أمة الله عليك ببلع العافية حتى تنسي .. وإن لم تنسي فتذكري الغبار والبرد والجوع والألم .. تذكري الأنياب عليها لعاب الأسد .. ومخالب ملؤها الزعاف سم يشل ولا يقتلِ ..[/align]

اخي برزخ نحن لم نطلب المستحيل بل طلبنا حقوقنا

اخي بزخ لقد فرحت كثيراً بما قلته في بداية كلامكـ
ولكن خذلك الاسلوب عندما تدفقت الكلمات من اناملك الخشنه

اريد التنويه:سبحان الله ما يعوقكم شي ايه الرجال غير لبس الثوب ولا غبار ما غبار برد مابرد ابداً ابداً ولا شي يعوقكم غير لبس الثوب ودق سلف للصمان...

[نجداوي]

[align=center][align=center]ماتوقع للدرجه

واذا فعلا فيه سلوك استفرادي من بعض العقليات الهمجيه

هذا شاذ منطقيآ ويجب محآسبته

وبوقتنا الحالي طلعات الحريم اكثر من الرجال !!

واماكن كثيره مفتوحه لهم والمجال اوسع من قبل بمراحل

اتمنى يكون الموضوع مطروح بالمنتديات من سنوات ومنقول بصيغه ترويجيه لتذكر مخلفات الماضي العتيق !!

احترامي .[/align][/align]

اقتباس:  المشاركة الأصلية كتبت بواسطة نجد1وي     [align=center][align=center]ماتوقع للدرجه [/align][align=center] واذا فعلا فيه سلوك استفرادي من بعض العقليات الهمجيه هذا شاذ منطقيآ ويجب محآسبته وبوقتنا الحالي طلعات الحريم اكثر من الرجال !! واماكن كثيره مفتوحه لهم والمجال اوسع من قبل بمراحل اتمنى يكون الموضوع مطروح بالمنتديات من سنوات ومنقول بصيغه ترويجيه لتذكر مخلفات الماضي العتيق !! احترامي .[/align][/align]

احترم ردكـ اخي الكريم.....


فلولا الاذواق لبارت السلع.....

لكنـ البنت اذا ارادت ان تخرج فهي تُذل وتطلع بمررره .....

وربما هنالك شروط قبل الخروج.....

اشياء كثيره...
وربما قد تُلغى الطلعه عند الاخلاء بأي شرط من الشروط...

انا لم اتكلم بلساني بل بلسان كل فتاة سعوديه...

اما عن قولك انه ربما الفتاة تطلع اكثر من الرجل فهذا شيئ لا يستوعبه العقل البشري بل وربما في خارج المملكه.....


اتمنى ان يكون تفكيركـ اخي الكريم اوسع مما هو عليه...


فالحلول لمثل هذه المشكله وخاصه انه بأنامل مراهقه

ليس من الافضل حله بالطريقه هذه....

[قـتـالـه]

يالبا المحجوره اللي اقصى طموحها العريق!
اجل موضوعتس بيحل مشاكل المجتمع ؟
ياحيي ترا مشاكلي تطق لمشاكل المجتمع بأصبع وهي بعدد نقط حروف اسمي
اغدي موضوعك يحلها لي واكون لك ممنونه ..
اجل البنات عنسن من (الالتساق) بالبيت !
والفهر بيطلعن وينحرفن بس علشان لقن احد يمشيهن ويوسع صدورهن؟
اسمعيني ياعين ابوي انتي مو بحاجه للعريق قد حاجتك لأخوك ابو شاهيي منعنش
يقرب منك ويسولف عليك وبطفح معك الشاهي اللي صلحتيه وتلعبون كيرم
حيي .. حنا بحاجة ابواننا واخواننا وخوالنا يقربون اكثر < مالها خلق العمومه !
مادري ليه لو يحط اخوي يده على يدي كوش جلدي وقرفت ..
ومستحيل اجلس بنفس الكنبه اللي هو جالس عليها ؟!
حدنا من ابونا رشخة طرف عقاله !
انتي بحاجه للإهتمام بتفاصيل الرجل واشباع هالنقطه فيك من خلال محارمك ..
تهتمين بالاشياء اللي يحبونها .. يحسسون عليك ويطبطبون
تعشقين عطرهم قبل جلستهم وماتبينهم يغادرون المكان اللي انتي فيه .. فهمتيني؟

[مشقاص]

اقتباس:  المشاركة الأصلية كتبت بواسطة قـتـالـه     يالبا المحجوره اللي اقصى طموحها العريق! اجل موضوعتس بيحل مشاكل المجتمع ؟ ياحيي ترا مشاكلي تطق لمشاكل المجتمع بأصبع وهي بعدد نقط حروف اسمي اغدي موضوعك يحلها لي واكون لك ممنونه .. اجل البنات عنسن من (الالتساق) بالبيت ! والفهر بيطلعن وينحرفن بس علشان لقن احد يمشيهن ويوسع صدورهن؟ اسمعيني ياعين ابوي انتي مو بحاجه للعريق قد حاجتك لأخوك ابو شاهيي منعنش يقرب منك ويسولف عليك وبطفح معك الشاهي اللي صلحتيه وتلعبون كيرم حيي .. حنا بحاجة ابواننا واخواننا وخوالنا يقربون اكثر < مالها خلق العمومه ! مادري ليه لو يحط اخوي يده على يدي كوش جلدي وقرفت .. ومستحيل اجلس بنفس الكنبه اللي هو جالس عليها ؟! حدنا من ابونا رشخة طرف عقاله ! انتي بحاجه للإهتمام بتفاصيل الرجل واشباع هالنقطه فيك من خلال محارمك .. تهتمين بالاشياء اللي يحبونها .. يحسسون عليك ويطبطبون تعشقين عطرهم قبل جلستهم وماتبينهم يغادرون المكان اللي انتي فيه .. فهمتيني؟

قتاله

أجل يلعبون كيرم !!

ياقدمك ياقتاله قولي يلعبون بلاي ستيشن ولا اي بد .

طلع غبار مدري بودره مع الكيرم ...

[قـتـالـه]

اقتباس:  المشاركة الأصلية كتبت بواسطة مشقاص     قتاله أجل يلعبون كيرم !! ياقدمك ياقتاله قولي يلعبون بلاي ستيشن ولا اي بد . طلع غبار مدري بودره مع الكيرم ...

يالبا بودرة الكيرم ويازين طعمها ..
يمكن سبب تكويش جلدي من اخوي هو البلاي ستيشن !
والحين صارت هالاجهزه لاسلكيه يعني كل واحد من الاخوان
يزبن له جدار ويلعب مع اخته وعلى الصامت حتى مايلتفتلها!
يعني وين التقارب والاعتياد ؟
الانثى كنها بس ربوه تحب الملازز واللمس من اللي حولها ,
اماالكيرم اتحداك تلعب بدون ملازز ركب وهوش على المضرب والخمسين وغطاها !
وتحط عينك بعين خصمك وهو منشن على الخمسين

منتهى التفاعل ياحيي .. جربوه وربي شي

[عـــــســـــولــي]

أجل سواقة السيارة تبي تحل مشاكلتس .خخخخخخخ
خدعوكي يامغفله .
مافلحتن بسواقة الدباب وشوفي اللي طالعتن مع صديقها قيس منكسرتن رقبتها وآخر الأخبار عنها (نزيف في المخ وكسر بالفقرة الخامسة وإصابتها بشلل نصفي) .
خليتس ببيتك أحسن وترى عيون الذئاب الجائعة تترصد خروجك .

[رمز الحياة]

فعلا ماقلتيه هو الحاصل للاسف
الفتيات في الغالب مكبوتات داخل البيت لذلك لاغرابه ان نسمع بين الحين والاخر حالات الاستفزاز التي تحصل نتيجة الثقة المفرطة من الفتاة تجاه الشاب لانها باختصار وجدت من يسمع لها ويشاركها همومها
عموما لو ما ادخلتي قضية قيادة المرأة للسيارة و الحرية المفرطه لكان الموضوع اكثر من مميز

[فديكا التميمي]

لا كهكه وطلعااات مع اخوياااهم يروووح وخشته من هنا للطايف لو هم باخر الدنياااا امااا اهله
ياااااثقل مشااويرهم لو هي جنب البيت
اعنبوهم ماادري متى بيعرفون قدر اهلهم ماهمهم الا وناستهم وبس
هذا اكبر همهم وبالباقي بقريح وبزنه اللحين وش بيضركم يوم بالاسبوع اقل شي تطلع باهلك
وتعشيهم والا تغديهم باي مكان لو بالدائري مومهم المكان قد ماتهم الجمعه وحتى الغداااء خوذوه
من البيت بس خلهم اقله يشمون اشوي هواااء
انا اعرف عائله ورب البيت اشمئز من عيالهم مايعرفون يهارجون خواتهم الا بالتطنز يكرهونه
تنطق الكلمه مافيه اي نقاااش يدور بينهم اصلا ماينزل نفسه يهااارج مره مثله مثل النعال عنده
الله يكرمكم ورب البيت قرف الله يعين اللي بتاخذهم ...

[قـتـالـه]

اقتباس:  المشاركة الأصلية كتبت بواسطة عـــــســـــولــي     خليتس ببيتك أحسن وترى عيون الذئاب الجائعة تترصد خروجك .

وقسم اني احس اني بطريف من كثر مايخوفنا هالرجال بالذيابه !
الحين وين الذيابه اللي انت تقول ماعمري شفتهم ؟
تو خلص الجبن الكيري وكبعت عباتي لبقالتنا واثر مامعي الا عشره
وادكها للصرافه .. وكل هالمسافه ماشفت ولا دجاجه !
انت متأكد انك معنا ببريده يعني مو بلوس انجلوس ؟

[تذكار العمر]

لا حولا الله يااااااارب فلفلتو البنت لين عرفتو وش اللي صابها الواحد مايفرح بمصيبه غيره ويقول الله يقومه بالسلامه ولعلى وعسى تكون عبرة لغيره .....

وموضوع الاخت فعلا جيد يكفي الاغلاق عليه والتحجر ................

[فديكا التميمي]

الصدز عيالنااا يبيلهم إعادة تهيئه الا ماقل ....

[هلاوين]

انا اشوف عكس ماتشوفين اغلب البنات الان طلعات وروحات وجيات بل فارضات رايهن على الاهل

بعكس الولد المسكين الذي سلبت حقوقه واغتصبت مقتنياته من اجل شقيقته ههههه


لكن مع وجود ماقلتي تبقى البنت ملكة في بيتها عزيزة اهلها مهما يكن من توقع الفتاة لهم

والادل على ذلك حرصهم عليها .

وعلى طاري مكه صراحه حلووووه اذا بغيتوا تروحون علمووووون ههههه



اتمنى لك التوفيق والسعادة والزوج اللي يرفعك الى هنا الزوجيه .