الملك عبدالله :)

[قلب الأسد]

تخيلت عند الاشاره اللوحات حقات الترشيح تسذا





هههههههههه والله من شين الدبره هههه ..

عاد الله يوفقهن .. مع انهن مالهن بأمور البلديات بس يمكن يسون شي .. !!

ينفع ان شاءالله

[محارهـ]

* مرحباً
قرارات متوقعة نتيجة للضغوطات الخارجية تحت مظلة الحريات وحقوق الأنسان
وكان من المفترض أن تدخل المرأة في عملية الأنتخاب للمجلس البلدي هذه السنة وقد تم أجراء تغيير على خطة أو زمن فترة الأنتحابات بعد انطلاق الدورة الثانية ولكن الوقت لم يسعفهم في أعداد لوائح تنظيميه لمشاركة المرأة في أنتخابات المجلس البلدي
* *
قرارات الملك عبدالله حفظه الله ...
هي قرارات رائـعــة وتحت كلمة رائعة مائة خط !!

حيث لا تكتمل روعتها إلا عقب عدة أمور ومنها

1 / قلب مجلس الشورى رأساً على عقب
بحيث تمر نصف كراسيه بمرحلة ترشيح وأنتخاب من قبل الشعب وليس كما يحدث الأن

2 / تحقيق مبدأ الديمقراطية الحقيقيه عبر التفعيل الحقيقي لصناعة القرارات سواء في مجلس الشورى أو في ذاك المجلس " الغبي " المجلس البلدي الذي ليس من ورائه سوى صورة أعلامية خارجية !!
وطبعا لا يقارن مجلس الشوى بالمجلس البلدي الغبوي !!
فــ هناك في مجلس الشورى توجد صناعة على أستحياء للقرارات

3 / نظرة المجتمع ... لو كانت نظرة المجتمع سليمة تجاه من سوف ترشح نفسها .. لوجدتم هنالك من بنات جلدتكم في طريقهن للترشيح !!
ولكن المجتمع ترسخت في ذهنه صورة نمطية عن أي أمرأة تدخل مضمار الحريات والرأي والمطالبات ..
وتلك الصورة تتلخص في كونهن وسائل لتمرير ونشر أفكار علمانية تحت مظلة حقوق المرأة السعودية المسلوبة ولا نسمع من تلك الحقوق سوى أمر واحد وهو
" قيادة السيارة "
ولا ألوم المجتمع فــ هو مسكين لأن الميديا هي من زرعت تلك الفكرة فــ حرمت النساء الآخريات من المبادرة

4 / أقتران مع رقم " 3 " ...
بدلاً من رفض تلك القرارات والبعد كل البعد عن الخوض أو المساهمة فيها لكونها وسيلة ونفق مرور وترك سيدات لا يمثلن السواد الأعظم من المجتمع للدخول هذا المعترك الجديد حتى وإن لم يفعل ولم يكن له دور ...
بدلاً من فعل ذلك دون جدوى ..
من المفترض أن تدخل المرأة في شكلها الملتزم وأفكارها الوسطية وتوجهاته الإصلاحية الخالية من أي اجندة
ولن يتحقق ذلك طالما أن المجتمع يثير الأستفهامات حول من تفكر مجرد التفكير في ذلك !!


* *

عموماً ...
النساء اللواتي سوف يصبحن من أعضاء مجلس الشورى
هن معروفات ولن يخرجن عن عوائل محدده !!

طيب .. الحين الي تبي ترشح نفسها للمجلس البلدي ..
لازم تجيب أثبات سكن وموافقة ولي أمرها !!
لاني ناويه أترزز
ولا تنسوني من أصواتكم إذا شفتم الصورة التاليه بدوار النهضة




تذكروا أنها " أنا " الي أكلت معكم في المنتدى حرف
فـــ لا تنسوني



ختاماً ... مبارك علينا هذا القرار حتى وإن جلس سنوات من أجل رسم خارطة طريق له

شكراً *

[طايرتن بوهته]

اقتباس:  المشاركة الأصلية كتبت بواسطة مَطْلِع الْشَّمْس     * لا أنكر حقوق المرأه ... لكن أن يكون الخطاب التالي لـ يوم وطني ... *

وشلون جازن لهم الا بهاليوم على كذا صار ماصار

وبدل مايصير البهرجه على اليوم الوطني السنه الجايه

تبي تصير البهرجه على تحرير المرءاه وتوحيد المملكه وهات الهز اللي على اصوله

وابن ابوك تحتسي

[قـتـالـه]

لباوه أبو متعب ولبى خواله
من الحين اعلمكن ايتها السحا
دوار النهضه لي :|
ودوار الاماره لعذبه :|
واللي ماذلت توطوط هناك
متى بس يشيلون الشيبان صورهم نحط حديدنا ومرابيعنا
ترا انتخاباتي بخيمه زهريه ورابطه قدامها ذلول زهري علامه
وينتس يامحاره تصممين لي بنر
قتاله بنت الطنايا وبس
وكثرلي الورد الاحمر تكفين ولاتنسين سواطيري بس خليهن مو باينات قوه خل نشوف اعمارنا اللي راحت بمصالى السحا
بلا فايده
مايحتاج اوصف لكم موقعي ريحة الهيل بتجيبكم من اللسيب
وماجاورها :|
مكتب عذبه للتزويج بيفتح خدماته مجانآ بجنب خيمتي
طيلة التصويت
عطن صوتك واعطيك سحاة

[شوق المشاعر]

الله يعطي الف العافيه

[قلب الأسد]

اقتباس:  المشاركة الأصلية كتبت بواسطة قـتـالـه     لباوه أبو متعب ولبى خواله من الحين اعلمكن ايتها السحا دوار النهضه لي :| ودوار الاماره لعذبه :| واللي ماذلت توطوط هناك متى بس يشيلون الشيبان صورهم نحط حديدنا ومرابيعنا ترا انتخاباتي بخيمه زهريه ورابطه قدامها ذلول زهري علامه وينتس يامحاره تصممين لي بنر قتاله بنت الطنايا وبس وكثرلي الورد الاحمر تكفين ولاتنسين سواطيري بس خليهن مو باينات قوه خل نشوف اعمارنا اللي راحت بمصالى السحا بلا فايده مايحتاج اوصف لكم موقعي ريحة الهيل بتجيبكم من اللسيب وماجاورها :| مكتب عذبه للتزويج بيفتح خدماته مجانآ بجنب خيمتي طيلة التصويت عطن صوتك واعطيك سحاة

قتاله ههههههههه اجل عند دوار النهضه ههههههه

لا وخيمه زهريه ههه لاتكوني مثل واحد مرشح نفسه

شفته امس عند الاشاره كاتب على لوحته

(( لايعرف كلمة لا )) ههههههه يحسبه تسذا ههه

قتاله الله الله بس بالحدايق والاشجار ...

يالله ياقتاله انا اول من يصوت لك بالترشيح علشان

نشوف هالذلول هههه

[شغب المشاعر]

اقتباس:  المشاركة الأصلية كتبت بواسطة مَطْلِع الْشَّمْس     1 - مشاركة المرأه في مجلس الشورى ,,, و أن تكون عضوة به .. 2- يحق للمرأه ان ترشح نفسها لـ المجالس البلديه .... 3 - و يحق لها المشاركه في الإنتخابات ,,,

ياسلام يعني يمكن يجي يوم ارشح نفسي
صررراحه اطئمن قلبي
انا داخله قسم انظمه وقانون <حقوق < يعني ان شاء الله لي مستقبل

[رادار 99]

اعلان هاااااام

جميع الشوارع والدوارات للمرشحين الذكور
داخل اسواق الوشاح وقبه رشيد للمشحات الاناث

لانجي بكرى عند اشاره العثيم نلقى ام سعد رازه النقااب والاميل

[حبر جاف]

اول المرشحات امي وخالتي تهاوشن بالبيبي
كل وحده تقول رشحون طلعن فضايح ومعايير بعض عشان الترشيح هههههههه

[قـتـالـه]

اقتباس:  المشاركة الأصلية كتبت بواسطة قلب الأسد     قتاله الله الله بس بالحدايق والاشجار ... يالله ياقتاله انا اول من يصوت لك بالترشيح علشان نشوف هالذلول هههه

لعيونك والله لأحط جنب خيمتي شبك نياق الوان الطيف
فوشي وصنقي ودموي وجحي وجروي وطماطي

< عنوان حملتها خضره ونياق بأسعار اقل
ياحزني وش ابي بالحدايق ياعلهن يعلقن
مايطبهن الا كرازب مصاريه وسودانيين
انا همي همكم اللي داخل قلوبكم وعقولكم وبطونكم وجنوبكم
سأحارب الغلا حتى تخسأ باغات بنده
سألقن قزاز كاميرات ساهر درسآ لن ينساه
سأكافح الحمى الشوكيه والجدري المائي
وحتى القمل من المدارس
وسأ . . سأ . سأ بس انتم طرفوا اصواتكم دامي أسآآسي :|

[شغب المشاعر]

اقتباس:  المشاركة الأصلية كتبت بواسطة رادار 99     اعلان هاااااام جميع الشوارع والدوارات للمرشحين الذكور داخل اسواق الوشاح وقبه رشيد للمشحات الاناث لانجي بكرى عند اشاره العثيم نلقى ام سعد رازه النقااب والاميل

ههههههههههههههههههههههههه اجل تسذا
ياسعد البنات المسترجلات <البويات < بيحطن اسماءهن بالدورات والشوارع والاسواق
ذذذذ
على العموم انا مابي ارشح نفسي للخرابيط
انا ابي اكون عضوه بمجلس الشورى
لانه لو ارشح نفسي للبلديه من الحين اقولكم لاحد يرشحن
تراه بيستاذم<<ذذذ
ترى ابقلب بريده راس على عقب

[طايرتن بوهته]

اقتباس:  المشاركة الأصلية كتبت بواسطة النبراسكية     ههههههههههههههه لا صيري متمصلخه عشااان تفزين

تفزين وين تفزله الحمد لله والشكر والله من زين الترشيح

[عاشق الخير]

جميل ان تحصر جميع مطالب النساء وحقوهن في هذين المنصبين ..

والمستفيد هن نساء الطبقة المخملية فقط ...
والاخريات يغردن فرحا برجوع حقوقهن المسلوبه ..

هنيئا لكل مرشحه قادمة ..

الم يان الأوان للالتفاف قليلا لهموم و مطالب الشباب !!

[طايرتن بوهته]

اقتباس:  المشاركة الأصلية كتبت بواسطة قـتـالـه     لعيونك والله لأحط جنب خيمتي شبك نياق الوان الطيف فوشي وصنقي ودموي وجحي وجروي وطماطي < عنوان حملتها خضره ونياق بأسعار اقل ياحزني وش ابي بالحدايق ياعلهن يعلقن مايطبهن الا كرازب مصاريه وسودانيين انا همي همكم اللي داخل قلوبكم وعقولكم وبطونكم وجنوبكم سأحارب الغلا حتى تخسأ باغات بنده سألقن قزاز كاميرات ساهر درسآ لن ينساه سأكافح الحمى الشوكيه والجدري المائي وحتى القمل من المدارس وسأ . . سأ . سأ بس انتم طرفوا اصواتكم دامي أسآآسي :|

قتاله حرآم عليتس ارفقي علينا وعلى رجالنا على طول فوشيه على الاقل بيت شعر ومتسني اطنابه

والله لاارشحتس باللي تبين

ايه ولاتنسين نبي ناقه ماتوفرت عندك بلون زهمي

[إيثــــار]

اشوف عضوهـ مطوعه هنا قبل كانت من المعارضين للفكرهـ وبعد مااقرها الملك عبدالله
صارت من المؤيدين
لاو بتشرح نفسها بعد
حلو ان الانسان يعرف قدر نفسه
يعني اذا تكلموا الكبار
الصغار وش يسوووون ؟

اقتباس:  المشاركة الأصلية كتبت بواسطة عاشق الخير     = الم يان الأوان للالتفاف قليلا لهموم و مطالب الشباب !!

اي حقوق ؟
انتم مالكم حقوق غير القوامه والعصمه
وبسسسسسسسسسسس

السلام عليكم