القـصــمـان مــاعـندهــم كــرم ..حـضــارم نــجـــد !!

[فور يو]

اخي اسماعيل البعيجان

اكرر ماقاله زهير بن ابي سلمى في قومه واهديها الى بني قومي في القصيم :

وفيهـمْ مقامـاتٌ، حسـانٌ وجوههـا .... وأنديـة ٌ، ينتابهـا القـولُ، والفعـلُ

وإنْ جئتهـم ألفيـتَ حـولَ بيوتهـم، .... مجَالسَ قد يُشفَـى بأحلامِهـا الجَهـلُ

وإنْ قامَ فيهِـمْ حامِـلٌ قـال قاعِـدٌ: .... رَشَدْتَ فلا غُـرْمٌ عليـكَ وَلا خَـذْلُ

على مكثريهـم حـقُّ مـن يعتريهـمُ .... وعنـدَ المقليـنَ السماحـة ُ، والبـذلُ

سعى بعدهـم قـومٌ، لكـي يدركوهـمُ .... فلَمْ يَفعَلُـوا ولـم يُليمـوا ولـم يألُـوا

فما كـانَ، مـن خيـرٍ، أتـوه فإنَّمـا .... تَوَارَثَـهُـمْ آبَــاءُ آبَائِـهِـمْ قَـبْـلُ

هـل ينبـتُ الخطـيَّ إلاَّ وشيـجـهُ .... وتُغـرَسُ، إلاّ فـي مَنابِتِهـا، النّخْـلُ .

[اسماعيل البعيجان]

أخي فوريو:

هلا والله ..

لا حضر الشعر ..جاء الكذب والنفاق ..

أو على الأقل : القول بلاعمل .. هذه عليك وعليهم خير شاهد ياعزيزي !

[راشد الصليحان]

اقتباس:  المشاركة الأصلية كتبت بواسطة بنت أبو عبد الله     صدقت يا أخوي راشد و الدليل كثير من اللي يبون بيوت جديدة يخلون مجلس الرجال أصغر غرفة بالبيت من حيث المساحة و يتخسرون فيها المساحة لأنه محد داخلها !! تبي سالفة ناس بهالدنيا ألغوا المجلس و حطوه غرفة جدتهم إذا تسأل ليش ؟ يقولون بناتنا و أعرسن و محد جاين يخطب بعد كذا يعني ماله لزمة المجلس قاعدن بس للغبار!!

اختي بنت ابوعبدالله
وانتي الصادقة الغوا المقلط حق الأكل يقولون ماله داع الضيوف ...!
إذا بغينا نعزم احــد بالإستراحات ...!

شكر لك ,,

[راشد الصليحان]

اقتباس:  المشاركة الأصلية كتبت بواسطة المتزن     أخي الكريم / راشد الصليحاني القصمان من أكرم الناس ويحبون الخير ولكن عيونهم وأنفسهم ضيقة مع الأسف !! طبعاً الكلام عن الظاهر وليس عن الكل ولا الأغلب . وتقبل تحياتي 00 المتزن

الغالي المتزن

اعتقد ان ضيق النفس بسبب عدم الكرم ..!
صح ؟ او انا مخطيء

شكرا لتشريفك

[راشد الصليحان]

اقتباس:  المشاركة الأصلية كتبت بواسطة الدمارالشامل     ؛ ؛ ياحبيلك هنا ... هذاك هرجت وعللت والمعروف عنك صراحتك وماتحب المجاملة .. فإيش اللي قلب راسك >>>> شغل شريط بالسيارة لاتذبحك الهواجيس ... ** هو ليس ببخل ... بل كما ذكرت أنت راشد ... القصمان طبعهم مايحبون التكلف والرسميات وتصدق ماعندك أشين من اللي يشغلك بالتلزيم ..وإذا جيت احرجك بالكلافه والدليل هو شروطك اللي شرطتها على صاحبك .. يعني القصمان عندهم إكرام النفس هواها ... ووشوله التلزيم ( الا القهوة عندنا ..) العشاء عندنا ... والا مثل ماهو معروفه بيننا يالقصمان ويعرفها عنا غيرنا ..إن القصيمي مايجي منه قصور على نفسه وأهل بيته وعياله ... يعزهم ويدور كل مايعلي شانهم عن غيرهم .. ** المهم هي طبايع بعض الناس خلوها والبعض خفت عنهم والبعض مازالوا متمسكين فيها بسبب ( توهيقهم ) بالكرم والكرم ياحول لما صار الواحد يتسلف لحتى يذبح ... خير ان شاءالله ..؟! هي طبايع كانت موجوده حتى عند القصمان ولحتى الحين شيبانهم متمسكين فيها ... نظراً للنظرة القديمة ( أيام الجوع ) و( أيام عابر سبيل ) .. أما هالحين يالله لك الحمد الطعام متوفر ومافيه ( مقطعة) ... ولو ناظرنا النفوس تراها تكره اللي ينشب بحلقها بالتلزيم وبالكلافة إذا دخلت بيته ....

هلابك الدمار الشامل ..

اكيد القصيمي يحسبها صح ...!
اللي ويعثر فلوسه ...يسمونه (دروو) !

بالنسبة لمداخلتك ....اعتقد انك اصبت الحقيقة ...
شكرا ياغالي ...

[ناقدوبس]

اخي راشد بعد التحيه
انا معجب بكتباتك الهادفه ونقدك البناء
ولكن مصطلح الحضارم كان موجود في السابق يوم كان عندهم فلوس الحين راحت الفلوس مع افة الاسهم
اخرجوها غصبا عنهم يقولون ليتنا اكلناها (يعني حضارم بدون فلوس) رحمك الله ياصالح السلمان كان
مثال الكرم

[راشد الصليحان]

اقتباس:  المشاركة الأصلية كتبت بواسطة انسان ثاني2     [align=center] أخي الغاالي :راشد طرح موفق كاالعاده اثارالجميع وشدالانتباه لكني اتسأل ماهواالكرم الحقيقي هل باالاستقبال والابتسامة ؟؟؟ ام باالذبح والبذخ ؟؟؟؟ هل الشباب في الوقت الحاالي الاتلك الدرجه قديكون الاوائل فيهم تلك الخصلة لفقرهم اولشدة حبهم للمال اما الان فاالامرفيه من الخيروالرزق وكل المتطلبات متوفره ؟؟فلماذاذن البخل كثيرمن الناس قديستطيع التكلف لكن ماذابعدهذالتكلف الرحيل وعدم العودة!! [/align]

عزيزي الغالي إنسان ثاني

الكرم الحقيقي بذل المستطاع ..بطريقة متوازنة ..مع أريحية صادقة بالكرم والترحيب بالضيف !
ومن يجيد هذا الكرم هو قلة ..!
هناك من يبالغ ويبذخ ويسرف بسبب عادات وتقليد ....وهنا من يقتر ولايعرف معنى للكرم ...!
لأن نفسه ضيقة ..!
وبين هذا وذاك فقدنا معنا الكرم ....الحقيقي

شكرا لك ولحضورك المشرف...