،، يومـاً مع الذكــــرى ،،

[نـدى الـورد]

:

عزيزتي الأكثر ألم هو الأكثر إسترجاعاً

واتمنى لكِ مزيداً من الذكرى المضحكه لا المبكيه

:

همسه..لكِ

انتِ الطعمه الجديده


.

[•°سـرىآ اللـيـل°•]

لم يقف علي أحد فالجميع وقوف على أرجلهم ,,
تعليقي ياعزيزة على الصورة التي وضعها سيبوية ولم أعلق على أي محتوى غيرها ...
فقط على الصورة لاغير ,, أعتقد أني وضعت أسهم عليها ,, وعدم الفهم لاذنب لي به ..
لاداعي للدجل في الرجوع ثانية ولو كان حقيقة لما تأخر ,,

[بنت البدائع]

مراحب ميّاسوووة ....


الذكريات تُعاودنا بحلوها ومرّها .. ولكن تبقى جميلة بجميع الحالات ..


إلا على فكرة :
وش سالفتك مع كثرة الطيحان

ترفقي على نفسك لاتجازفين بعمرك ..
عاد من وين لنا ميّاسة

والدباب ماوراة إلا خلخلة العظام وأنا أختك مايصلح لنا ..

كرِه ... تركبينة يوم ويبقى مفعولة المرضي إسبوع كامل


ميّاسة زيِدنا إبداع ..

دمتِ بوود ..

[صاحي ورايق]

[align=center]ماااااااااااااش يقولون القواله الثالثه ثابته في ياسر !

أولآ :كم كان عمرك يوم تدبين من الدباب ؟
ثانيآ : أحسك من كثر دباتك صار جسمك حجري
ثالثآ : أتوقع إنك تثرثرين علينا من هالقصص وحنا يا حبيلنا بس نصدق
ذكرتيني بمواقف لي حقيقه مثل حقيقتك هنا وبثرثر مثلك !
مره من المراريت كنت أنا بالطيارة رايحن للدعيسه لي موعد مع غرامي وكانت الطيارة على إرتفاع 32000000 قدم وسله بعدين أهتزت الطيارة بقوة وسمعت صوت إحتكاك برى
ناديت المضيفه كانت أمووووره وتلق لق على ما أظن إنها من مليدا الغربيه
سألته عن الموضوع وليش الطياره تعلب شبرا كذا
قالت لي هالماصله : لا مافيه شي بس شطفنا أثله بالمريدسيه حقت مزرعة العمر
أنا بهالحالة هج وجهي من القهر وجلست الحق فيه بهالطياره عجزت أمسكه
بلاقي تفسير لكلام هالماصله ما لقيت إلا أحتمال من هالاحتمالات :
الطيار يستهبل ويشطف الارض وإلا صدق أن فيه أثله نابته بالهواء فوق المريدسيه
وإلا المضيف يهك علينا لاسع أم أمه
وفي كل الحالات أنا شعرت بإحساس غريب يعني كأني شاربن عصير الربيع حار مع مارس حار !

عموما موب ذا موضوعنا
الذكرى لها نكهه خاصه إذا كانت ذكرى تسعد لها النفس وتتمنى لها التكرار
الذكرى السعيده قليل أن تتكرر
فقدنا في هذا الزمن ذكرياتنا التي تطرب لها النفس وتحن
دائمآ ذكرانا للأشياء السيئه ونعيد ذكرها
محسوبك منتالي فقد الذاكره وغابت عنه ذكرياته الحلوه
الكبر شين الله يدفع البدو !



يالله سلاااااااااااامي لك[/align]

[نـدى الـورد]

اقتباس: الكبر شين الله يدفع البدو !

ويش دخل البدو؟

[صاحي ورايق]

[align=center]

اقتباس:  المشاركة الأصلية كتبت بواسطة أريج الحياة     ويش دخل البدو؟

من حبي لهم بديت أكرههم
أحمدي ربك إن مالي سلطه عليهم
وإلا كان نووي إيران الحين مصوب عليهم !
حكومه + بدو + هلال = وااااااااااااااااااااااااااو يا بغضي لهم هالثلاثي البغيض ![/align]

[منصورعبدالله]

حلووه ذكرياتك قسم اني ضحكت
على الرحلة المنتازة وخصوصا يوم
هك عليكم واحتك بالاثلة..
الصراحه انك صاحي ماش مهناش...

اجل الثلاثي البغيض,,, قايل لك ماش مهناش
مكينه..

[الـخنساء]

ذكرتين بطيحتي بالحرم المكي
أول ما دخلت الحرم زلقت من أول الدرج لآخره
قدام الرجال والله ستر ظلت عباتي ساترتن ولله الحمد
فشيله هههه

[ღ ][ وحيدة كالقمر ][ღ]

هلابك مياسة

<<<عجزت تاصلكم من الضحك ع المواقف

ياكرهي لوه هالدباب ماجانا بزود....أذكر مرة طالعين كشتة كبيرة مع خوالي ومن الفجور وبعيد مرررة وكان وقتها مطر...


عاد ماشاء الله عيال خوالي ياويلي شويين قووووة(تتطنز) المهم جازفت وركبت الدباب ويابعدنا عنهم بعيدين

جيتك ياحبيلي أمشي ترليون إيقالي مخربته بالسواقة وومير يلف الدباب ع عباتي وأروح بخبر كان وأخواتها وبنات عمه



وفيه موقف ثاني قبل نتغطى يوم حنا بزارين شوي خخخخخ...كنا بقصر خوالي ونلعب بالسياكل بالحوش عاد حنا 4 بنات والعيال كل شوي زايد واحد ماشاء الله من شويِهم...<<لاتتطنزين


عاد فيه لفّة قشراء أبغضها بغض إبليس....تصابخت أنا وولد خالي فيها (حادّينا بعض من شين السواقة)

لاتسألينن وش سويت....أنواع الصعارير وجلست ساعة أهوشه...وصحت ورحت عند إمي...




صدق يازين الذكرى...لها طعم خاص<<<إختكم في الله من عشاق حفظ الذكريات لو هي قرطاسة



تسلمين

[جبل عمر]

اقتباس:  المشاركة الأصلية كتبت بواسطة ^جبل عمر^     سأعوووووووود مع علمي أني لن أضيف للحلا سكر

[align=center]إذا كان هناك ذكرى فهي كثيرة بين الموافق المضحكة والكدمات والبرزعات وما أكثرها وبما إننا بالطيحات والدبابات

مرة وكالمارت استاجرنا دباب جديد بقراطيسه ابن الذين ياهو قوي متعودين على الدبابات الي مكروفات الله بالخير المهم ^جبل عمر^ أول واحد ركب وأنطلزبه وأبمشي على كفرين على بالي زي الأولات أثره قوي ويتسفي بي وأجب على خشتي نظفت الأرض المهم من الفرحة قمت ولا أدري وش الي جان وأدوس ووصلت عند التوزيع لأن الي بعدي يصرخ قضى وقت ولا وش يشوفون خارين على قميس بني وسروال أبيض وبقدرة قادر الدنيا حمرا أثره من الطيحه منفقعة ركبتي ودمامين الله لا يوركم وبعدها المستشفى وسبع غرز بوسط الركبه يوم طلعنا ويتوعدن أبوي يا ويلي لو اركب الدباب لكن شياطين ما طعتوه ركبت والحمد لله ستر ربي

ولا تزال أثر تلك الطيحة إلى هالحين أذكر يوم كنت بسادس يعني لها اليحن 11 سنه >> حلوة ولا تزال تقل برنامج يكملونه الحلقة القادمة

[/align]

[نـدى الـورد]

صدقت ياجبل عمر

الواحدمنا حتى لوماتذكر ماضيه الشقي

بمجرد انه مايطالع راسه ولا كراعينه يتذكر غضب

الدليل معك... معك

[مياسة]

اقتباس:  المشاركة الأصلية كتبت بواسطة الرأي الأول     الاكثر حضوراً في ذاكرتنا هو الاكثر وقعاً على النفس بالمواقف تكتب اهم الذكريات تحيتي لك

المواقف الطريفة أو الجميلة منها فقط,, اما الحزينة .. تكتب على الرمال افضل ,,
اهلاً بك اخي الكريم

[مياسة]

اقتباس:  المشاركة الأصلية كتبت بواسطة فيصل...........     مياسة ان اجمل مابالحياة هو اكتسابها من مخزون ذكريات الماضي الذي لن يعود تحيتي لك

ربما جمال الذكريات لانها لا تعود.. حتى نتشبع من انواع الذكريات المختلفة ..
رغم حبي لـ ايام الماضي بحلاوتها,, إلا اني لا ارغب في عودتها
بل أتأمل في مستقبل اجمل

فيصل ... دُمت كريمــــاً ..

[مياسة]

اقتباس:  المشاركة الأصلية كتبت بواسطة عبدالله الحلوه     مياسه اتمنى ان تكون الذكرى عالقه ليس بسبب الألم وانما بسبب الندم تحياتي

عفوا اخي عبدالله .. اي ندم تقصد ؟

[جبل عمر]

اقتباس:  المشاركة الأصلية كتبت بواسطة أريج الحياة     صدقت ياجبل عمر الواحدمنا حتى لوماتذكر ماضيه الشقي بمجرد انه مايطالع راسه ولا كراعينه يتذكر غضب الدليل معك... معك

[align=center]صدقتي إذا شاف الواحد راسه لازم يتذكر

مسكين أنا مالي كرااعين زيك يا أريج على شان أتذكر
كلها ركبة وسيزان بس [/align]