أنت طيّب .. وغير هذا ما يهــــم ...!!

[باسم الثغر]

مهب كل طيب غبي
والله من طيب وطيب ، ماتقدر تآخذ منه ولا مليم ، وحقه يآخذه على أحسن شي

والمشكلة
باستغلال راعي الطيبة استغلال بشع

خل الناس
يشوفون منك شدة وقوة
وعلشان تبين طيبتك خلها إذا صرت بمكان قوة

[قلم وردي]

...

الضعيف هو من اوجد هذا الخلط بين الطيبه و( الغباء + الضعف ) ..
لان الانسان الطيب هو من يحتسب عند الله طيبته وتجاوزة بكل رضا عن اخطاء الناس ..
هو يعرف ان فلان اغتابه .. وذاك تجاوز حدوده ..
لكنه بغض الطرف بكل قوة قلب .. لله فقط ..
لكن الضعيف ( الغبي ) يملك قلب اسود حقود .. وده يفجر العالم لكنه ضعيف لا يستطيع اخذ حقه ..
فيرتدي لباس الطيبه وهو من الداخل قلب حاسد حاقد يتوسط جسد جبان ..

الله يرزقنا وانا اختك ..

...

[أسيل محمد]

الشيء اللي يقهرك انه لما تكون طيب وحبوب معهم ..يبدون يدوسون على قلبك .. ولاشافوك متسامح وتغفر لهم الزله تمادوا .. ولاشافوك ترضى بسرعه داسوا على مشاعرك .. بعدين انت لاغسلت يدك منهم وتغيرت من ناحيتهم جوووك عاد يبونك تصير مثل اول معهم تصير بنفس الطيبه والسماحه .. يبونك تصير عجينه بين يديهم يشكلونه على اللي يبون ..

ياما وياما احسنا وقوبلنا بالنكران لكن والله ثم والله ماحسيت نفسي يوم من الايام اني غبيه .. يمكن اللي حولنا حسوا بس مو مهم نظرتهم لي كثر نظرتي لنفسي .. ورضاي عنها .. فالطيبه بشكل عام صفه طيبه لاتدل على ضعف في الشخصيه .. وانما الضعف عندما اكون خاتم او ريموت بيد الناس يحركونن على اللي يبون .؟؟
خلهم يقولون اللي يبون غبيه مغفله ساذجه .....الخ
مستحيل اغير من نفسي للسيء مشان اتكيف معهم ..
عن نفسي اتمنى ان المجتمع يتغير للأفضل .. عشان كذا ليش اصير انا مثلهم بالشين ..

ربما اني شطحت شوي بس ميخالف ههههه

[بورش]

في السابق كانت الطيبة ميزه يتميز بها الإنسان تعتمد على مدى حسن خلقه ومنبع تربيته والبيئة المحاط بها
أما الآن أجدها تحولت الى ميزه سلبيه بنظر البعض
وأصبح من يمتلكها في وقتنا هذا مطمعا لكل مستغل وضال ومسخره لضعاف القلوب
قال الله تعالى : (( الخَبِيثَاتُ لِلْخَبِيثِينَ وَالخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ ))
طيبه القلب صفه إنسانيه نبيله بل هي جبله ومنحه إلهيه عظيمه لايمنحها الله الا لمن يستحقها إذ هي أحد أبرز صفات المصطفين الاخيار
اذا وزنت بميزان الشريعه فلا افراط ولا تفريط
..

وافر تقديري ..

[Miss Tala]

من يقدر الطيبه وصاحبها اقل شي يقولون على نياته = نص لفه
واذا على نياته وقلبه ابيض وش فيها
الناس يخذونها مذمه ..

[بسومة بريده]

الطيبه طبيعة بالشخص ومستحيل تصنعها اوتغييرها....

لكن مشكلتها الوحيده انك تظن كل الناس طيبين مثلك ...

[ونة خفية]

اقتباس: ربما من أطلق هذه العبارة

وربما من اطلق هذه العبارة من فئة الصقور إللي تبي تبيد فئة حمامات السلام < صايرين من البيت الأبيض


عموما الطيبة ماترد الواحد في ندامة أو خسارة
لأن للطيبة ثمرات وحصاد دنيوي وأخروي

[زين نجد]

Twix

الطيب إنسانا على سليقته الخُلقية .. يعامل وينظر إلى الناس على حسب نيته وعلى ميزانه الخلقي
وعلى وجهه الحقيقي

أي وربي فقد صدقت بهذا.

نسي تعدد الأقنعة وجمالياتها الخداعة وكان تعامله بهذه الطبيعة ووجد الألقاب الموجعة بحقه

ولذلك تجده مرتاح الضمير لا يجمل كرهاً ولا حقداً لأحد ناهيك أنه ينام مرتاحاً.

ووجد نكران الجميل .. هذا الطيب إنسانا يعيش ما يجب أن نكون عليه جميعا ..
يعيش على طبيعته التي لم تصبغها ألوان الطيف الزائفة ..!!
يازينهم والله ولو كل الناس مثلهم لأغلقت المحاكم.

عزيزي تويكس..

والله اني كنت ناوي أكتب لي مقال بهذا الخصوص لكن سبقتني وكفيت عن اللي راح أقوله.

عموماً لا يجب علينا أن نتنازل عن طيبتنا وخدمتنا للناس بمجرد سماعنا لأولئك النكرة الذين وصفتهم بلابسي الأقنعة أصحاب الكر والفر.

وليعلم الجميع أن الطيب بعيد كل البعد عن مصطلح السذاجه والغباء.

تقبل مروري،،،

[بنت ذاكـ الأمير]

موضوعكـ حلو ياتويكس,,,

بس الطيبه شي جميل واللي تحسه يفسرها انها غباء ولا اي شي من الالفاض اللي ذكروها قبلي,,
اعتبره هو الانسان الغبي ,,

لأنه ما عاش الطيبه واستانس فيها....


بالعكس انا افتخر اذا وصفوني الناس بطيبتي ,,لأنه محد واصفني بها الا اللي يعزني...

[" TWIX "]

فديكا بريده..

اقتباس: صدقت اللحين لاقلت لحد قلبك طاهر انهبل تسنك تقول مهناااش

طاهر زمخشري وإلا الأحسائي ..
لا أعلم ليه يعصب..؟!!
الرجال جالس يمدح فيه ومطنقر معاه ..
المفروض لا قال طاهر وعصب قالوه قلبك أنجس من زغولة التسلب أرتحت ..!!
الواحد عقله براسه ويعرف اصدقاه ويعرف نواياهم من خلال العشرة اللي بينهم ويعرف
كان هذا يقصد مقصد آخر وإلا صادق في كل كلمة .. مشكلة بعض الناس شايل عقله
معه ولا يستخدمه إلا بالإزمات .. يمكن خايق يخلص المخمخة اللي فيه بعدها يصير هو
واللي طاهر قلبه سيم سيم ..

[" TWIX "]

حور سعود ..

اقتباس: الله يخلي لنا أمي ويطول بعمره جذبه قوي .. وجذبة العائله الكريمه بالطيبه : ) < عندنا زحمة طيبه بالبيت

وهذا هو الأصل الطيبة مع الجميع وعدم التفرقه هذا نعيفه وإلا لا
فالرسول صلى الله عليه وسلم كان طيب الخلق مع الجميع على أختلاف أجناسهم وأشكالهم وألوانهم ولغاتهم وحتى دياناتهم ..
حور..
اطرحوا الطيبة اللي عندكم أكتتاب ..
إن تصير أمكم هامور أد الدنيا .. ربي يخليها لك .

[" TWIX "]

>ريانه<

اقتباس: الطيبه شينه ماتنفع الايام الحين الطيب يسمى نفسيه او دبشه

بصراحة بعض الناس ما تصلح إلا العين الحمرا معاهم
أما الكلام اللين مايجيب نتيجة ..!!
فالمعاملة بالمثل هي الانسب معاهم .

اقتباس: <<هذا اللي يغثن

وأنا هذا اللي باط تسبدي ..

[" TWIX "]

اقتباس:  المشاركة الأصلية كتبت بواسطة غـــدي     شرآسة الحيآآة آكلت آخلاق البشر.... لاتـــتجمل بتوآضع اللإبتسآم كي تنجو من مسمى ..نص لفه.....!!

لا أرى في هذه الحياة شراسة فلله الحمد لا نرى بيننا من يموت جوعا
أو لا يجد مأوى وما نسمعه لا يعتبر ظاهرة بعكس زمن سبق كان الجوع يضرب أطنابه داخل المجتمع ونرى أخلاقهم تسمو عاليا .

[شعاع الكون]

الطيبه ماتنفع مع الناس الرديه
الطيبه تنفع مع الناس الطيبه اللي تعرف قيمة الطيبه ومعناته
وترا مايسميك ادبشه الا الشخص اللي مابه من الطيبه ذره

[" TWIX "]

بنت منيرة ..

اقتباس: الطيب ساذج؟؟ لو فكرنا لو قليلا راح تلقى العكس الطيب عايش مرتاح ومغمض او متغيفل عن الكثير من الاشياء اللي حوله بعكس الخبيث مشقى نفسه ومحملها الكثير والكثير وعايش في شقى

كلامك هو الواقع..
الطيب عايش مرتاح ومرضي ربه أما ذلك الشقي متعب قلبه ومغضب ربه

اقتباس: مين الساذج ذا الحين؟؟ هو هل الطيب المرتاح ؟؟ او هو ذلك الخبيث الشقى؟؟ لو فكرنا قليلا تلقى مقوله خطاء بـ نسبه 100%

عند الناس الساذج هو ذلك الطيب .. هذا المجتمع ونظرته ..!!