مكه زحمه ..نساء ورجال والله صعبه!!!!

[shahd2007]

مقبـــول السعي الله يقبــل ..منا ومنكم صالح الاعمال

مكه بكل وقت زحمه .. لكن الافضل ان الحرمه ماتدخل الحرم لحاله ..

لان البعض شيطان مايفرق بحرمه المكان ..

لكن اذا صار معك رجال صدقيني محد يتجرأ يمر من عندك .

<<عن تجربه مآدخل للحرم الا ومتمسكه بأبوي ماعاد الا اصلي بقسم الرجال

[| ~ ســمــو ~ |]

يوووووووووووووووه انا توي جايه من مكه

صراحه اني اخشع بتراويح مسجدنا اكثر من الحرم
زحمه غير معقوووله ..


مشكـــــــــــوره ومقبول السعي ..

[أحب نفسي]

ماشاء الله
ربي يتقبل منك ..

ماكد جربت العمره برمضآن بس يقولون أنه هوايل .!!!
بس صدق والله حلو إقترآحك
الدور العلوي للحرمّآ
والتحتي للرجآل ....

[كل همي ضحكت امي]

تقبل الله منا ومنك والله اشويه زحمه وقتنا يوم الخميس كل اهل جده فيه
حنا اخذنا العمره ورحنا لطائف خياااال جوها

[الهندباء]

.








.والله أنا اعتمرت قبل العـآم ......

وحــــــرمت أروح لمكهـ برمضــآآن ...

العمرهـ موووووووت وزحمه .وبالطــواف النـآس متلاحمين مــآتدرين الي وـراتس رجل او مره .....

والتــراويح .يـآله يـآله كــود تجــين من العععععصر .!

وتسجدين على رجلين الي قدــآمتس ....

همن تزملين ..

يعني تصلين مششكله وتقعدين بالشششقه 3 مششاكل ...!!!

.....,,,,,,,,,,,,,,,,


قـآقضبي أرضتس ...

والرسسول صلى الله عليه وسلم قـآل ..

(من صلى الفجر في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة قال: قال رسول الله صلى الله عليه وسلم: تامة تامة تامة)

..........وعسى الله أن يتقبل من الجميع ....

[اعقل خبله]

[align=right]تقبل الله منا ومنكم
صراحه مكه هالسنه زحمه من قبل رمضان
شلون عاد بهالشهر الفضيل الله يعين
[/align]

[جمان البحر]

ياعيوني الزحمة لأن هالسنة الزيارة من الخارج مفتوحة ..

حسب ما قيل لي إنه سنة يفتحون الزيارة بشكل كبير وسنة لا يكون محدد بأعداد بسيطة ..

حنا رحنا بشهر 4 يمكن ووالله الزحمة مب طبيعية كأننا برمضان من كثر الخلق ..

وحاولي بالعمرة تكونين مع رجال من محارمك وخليك قدامه وهو ماسك بعباتك من وراء علشان ماتفترقون ولا تضيعون ولا تتضايقين من التصاق البعض فيك ..
وأتحدى ابن أبوه يقرب لك ..

ولو ماحصل خليك مطرفة
يعني طوفي على الطرف وابتعدي عن الزحمة ..

[وضوح]

اقتباس:  المشاركة الأصلية كتبت بواسطة لحن المشاعر     من خاف سلم وانتي تقولين لاتخافين وحتى من غيرهم بعد فـ هو اساسا اجنبي بالنسبه لك ان لم يكن محرم لكي لكن للاسف فعلا وصل للاطمئنان بهذا الشكل ! فـ لا اعلم سبب هذا الكلام ! الله يستر عليك وبس

آمين ..مشكور على الدعوهـ
ما أقصده هو أن الأجنبي اعتاد على الإختلاط مع النساء في بلاده فلايعني له شيء
أن يكون ملاصق لإمرأة في الطواف أو يمشي بمحاذاتها أو حتى يصطدم بها
لكن السعودي لم يعتد على ذلك وهذا شرف له ولنا ولكن حين يكون بهذا المكان
يجب أن تحذر لأن هناك مرضى يتعمدون الدخول في الزحام لأغراض دنيئة .ولا أعمم طبعاً ،؛
لكن ..شيء مشاهد وشعور واقعي حين يصطدمني أجنبي لا يلتفت لأن هدفه الوصول الى المكان المتجه له !
لكن لو تصطدم بالسعودي الكل سيقف محرجاً ولايمكن.. أن يُنسى هذا الموقف .،
لذا أقول الأجنبي مثل الجدار في الحرم لأن همه يحجز مكان او يوصل للحجر الأسود قبلك
شاهدت مايستحق أن أقول هذا الكلام للأسف من راشدين وشباب من بلدنا .
الله يصلح الحال .،؛

[To Be]

اقتباس:  المشاركة الأصلية كتبت بواسطة وضوح     آمين ..مشكور على الدعوهـ ما أقصده هو أن الأجنبي اعتاد على الإختلاط مع النساء في بلاده فلايعني له شيء أن يكون ملاصق لإمرأة في الطواف أو يمشي بمحاذاتها أو حتى يصطدم بها لكن السعودي لم يعتد على ذلك وهذا شرف له ولنا ولكن حين يكون بهذا المكان يجب أن تحذر لأن هناك مرضى يتعمدون الدخول في الزحام لأغراض دنيئة .ولا أعمم طبعاً ،؛ لكن ..شيء مشاهد وشعور واقعي حين يصطدمني أجنبي لا يلتفت لأن هدفه الوصول الى المكان المتجه له ! لكن لو تصطدم بالسعودي الكل سيقف محرجاً ولايمكن.. أن يُنسى هذا الموقف .، لذا أقول الأجنبي مثل الجدار في الحرم لأن همه يحجز مكان او يوصل للحجر الأسود قبلك شاهدت مايستحق أن أقول هذا الكلام للأسف من راشدين وشباب من بلدنا . الله يصلح الحال .،؛

وضوح

احساس في المبالغه هنا لا من جانب السعودي ولا الاجنبي

تمنيت التراجع في ذلك

اما من ناحية احتكاك السعودي بالمرأه وما ينشأ عنه من حساسية فوق اللازم

فذلك سببه التربية الي غرسها المجتمع في المرأه في كيفية تعاملها مع السعودي
والتي نراها مع
سائق الليموزين السعودي
والبائع السعودي
والموظف السعودي
والطبيب السعودي
والمهندس السعودي

يعني المشكله في المرأه لا الرجل

والا لماذا تفسرالمرأه

احتكاك رجلاً بها عن حسن نية
ورجل آخر عن سوء نيه

الا بسبب تراكمات سابقه

مقبول السعي العالمية

وتقبل الله الصيام من الجميع

[عاشق ديرتي بريده]

اختي اهل بريده اخذوا طرقتين للعمره

الأوله مايرحون لمكه الا بأخر شهر واحد الى قبل بداية شهر ثلاثه بالوقت هذا تكون فيزة الزياره للأجانب موقفه ولا فيه الا سعوديين يعني تمطخين الحجر الأسود على كيف كيفك

والثانيه يسافرون بالأجازه وينبسطون بأخر شهر ثمانيه ويكونون بالطائف اخر الشهر واذا قالوا بكرا رمضان نزلوا لمكه واخذوا عمره وصلوا التراويح وبعده وينك يابريده ويصر ضربوا عصفورين بحجر سفر ووناسه وعمره برمضان .

<<< من الحين حاجز لعمره بشهر 2

عموماً اختي كل ماتعبتي واحتسبتي زاد لك الأجر ومقبول السعي

[عاشق ديرتي بريده]

[align=center]

اقتباس: لاتخافين من الاجانب أمشي واطمئني الخوف من غيرهم ...حقيقة !!

وضوح وشلون تفرق بين الأجنبي وغيره وكلهم محرمين

انا اذا لبست احرام اصير مصري يعني مامني خوف !

ابليس مايعرف اجنبي والا سعودي ![/align]

[فـــارس]

ان شاء الله على أجر
يوم فكرت امشي نزلتي الموضوع (خلاص هونت الحيــن

الله يحمى بناتنا وبنات المسلمين من كل مكروه

[وضوح]

اقتباس:  المشاركة الأصلية كتبت بواسطة to be     وضوح احساس في المبالغه هنا لا من جانب السعودي ولا الاجنبي تمنيت التراجع في ذلك

قد يكون هناك مبالغة.. لكن للأسف أن نظرتي لم تتغير
أتمنى أن تتغير قريباً .،؛

اقتباس: اما من ناحية احتكاك السعودي بالمرأه وما ينشأ عنه من حساسية فوق اللازم فذلك سببه التربية الي غرسها المجتمع في المرأه في كيفية تعاملها مع السعودي والتي نراها مع سائق الليموزين السعودي والبائع السعودي والموظف السعودي والطبيب السعودي والمهندس السعودي يعني المشكله في المرأه لا الرجل

مشكلتكم تفهمون انه تهجم على جنس الرجل

وهو في الأساس جزء من ثمرات تربيتكم للمرأة !
فمن يمنع المرأة من الركوب مع سائق سعودي هي أم ولي أمرها..سابقاَ ؟!
ومن يمنعها من الكلام في حضرة السعودي ..هو أم هي ؟!
من يرفض الطبيب السعودي لو خُيّر بينه وبين الأجنبي دون حل آخر ؟!
ومن يمنعها من كشف وجهها أمام السعودي بينما في الخارج لابأس بحضرة اجنبي !
أو كشف العينين وتغطيتها في حضرة سعودي وأخص معارف له .،؛

ومع ذلك فنظرتي في الحرم ( خاصة ) ..!!

اقتباس: والا لماذا تفسرالمرأه احتكاك رجلاً بها عن حسن نية ورجل آخر عن سوء نيه الا بسبب تراكمات سابقه

والله ياتو بي الواقع يحتم علينا ذلك ..،
التراكمات بإزدياد
والمشاهد مؤسفه ومايحصل من البعض في مكه يجبرنا على هذه النظره
رأيته محرماً.. وليس بمُحرم
ووقفت على أمور يندى لها الجبين ..،
يزعج بنات الخليج المحجبات وهو أمام الكعبة ومقابل لها تماماً

ويتأمل في كل امرأة تمر من أمامه وهو جالس أمام الكعبة !

آخر ..يركب الطائرة متجهاً الى بيت الله وفي رمضان وليس بيده سوى اللاب توب
والكثير أحرموا الا هو وأمثاله !!
وقذر ..يدخل المصعد بكل وقاحة وقة أدب
مع دخول تلك الفتاة الخليجية الغافلة التي تسارعت خطاها خوفاَ منه..ولم تسلّم !

مواقف تجبرنا على الحكم عليهم في مكه اكثر من أي مكان في المملكة
لا ألوم الرجل المحافظ ممن يعارضني ويخالفني الرأي
لأنه يحاول الابتعاد عن أماكن الشبهات
ولأن النساء تخفي الكثير من المواقف في مكه مجبرةً
لخوفها من أن يكون الموقف في غير صالحها مستقبلاً .



..

تقارن مصري يدفشك حتى يحجز ( للحقه ) مكان
بسعودي مايعرف زوجته ولا أهله بالحرم ويلفت انتباهه اللون الأسود
عن بُعد .. !!
المواقف وارده لكن تختلف أهدافها
ومستحيييل أقول ان كلامي عااااام لأن هناك من هو تاج رآسي
ولايمكن أن اسمح لنفسي بالحكم عليه لكن له
طريق خاص ويعرف وين يتواجد ومتى .. !

واعتذر لكم .،

[وضوح]

اقتباس:  المشاركة الأصلية كتبت بواسطة عاشق ديرتي بريده     [align=center] وضوح وشلون تفرق بين الأجنبي وغيره وكلهم محرمين انا اذا لبست احرام اصير مصري يعني مامني خوف !

اقتباس:  المشاركة الأصلية كتبت بواسطة عاشق ديرتي بريده     ابليس مايعرف اجنبي والا سعودي ! [/align]

وجه الشبه الصلعه بس ..!
والا غيره يخلف الله


الفرق واضح مايحتاج مطّوع ..،
ابليس مايعترف فيهم بمكه ومتفرغ لغيرهم ..

لأنهم جايين للعبادة ولطلب الرزق من غير تعب
و الحريم ماتعني لهم شيء
وأبشرك ..مااعجبناهم يقول أحدهم
ليه السعوديات رفيّعات همّا مابيكلوش ؟!

قلت في نفسي ..
البعض ماحصلوا رقاله يريحوهم والغالبية مابيكلوش
بط و وِز وفراخ محشي وأرانب ...،؛

السؤال ..ليه قال كذا ؟
لأنه بسرعه يعرف زوجته بدون تعب
والا ماله نظر ..، < تعذر له

[العالميه]

اقتباس:  المشاركة الأصلية كتبت بواسطة جبل السكر     اخ بس الله يسامح من اقترح بأن تكون الزياره مفتوحه طوال العام افتكر العام برمضان الناس تتعبد واحد الشباب (مع العلم مش سعودي) يطردنا من مكان لمكان حتى بعد خروجنا من الحرم ورانا المصيبه هالأشكال هيا سبب الزحام الله يخزيهم ويكشف حالهم كل سنه وانتي طيبه عالميه وعمره مقبوله يارب تحيتي

هلا بجبل السكر..وأنتِ بخير ياست الكل
صادقه والله ...ياليت مثل ما قضوا على
(التكرن) الشحاتين واللي يبيعون
ياليت يقضون على هالأشكال...
إحمدي ربك اللي يطاردكم ناوي على الشنط
تقبل الله طاعتكم