@ خادمة تعذب طفل برئ اثناء الاستحمام - مشهد فيديو مؤلم@

[فـــارس]

خادمة تعذب طفل برئ اثناء الاستحمام - مشهد فيديو مؤلم

انتشر مشهد فيديو مؤلم جدا عبر الايميلات لخادمة تقوم بتعذيب طفل اثناء الاستحمام , فكل ما يحدث من مشاهد مؤلمة و معاملة اجرامية من بعض الخادمات للأطفال التي شاهدها الجميع عبر مقاطع الفيديو هي ما تم تصويره بالصدفه عبر كميرات مراقبه!!

فكيف بوجود اطفال بين ايدي خادمات بدون مراقبه من الأسرة !!

ماذا تتوقع ان يحدث اثناء غياب الرقيب ولاحول ولا قوة الا بالله .. فما ذنب هذا الطفل ان يلقى هذا المصير من وحشية الخادمة .. شاهد كيف تستمتع الخادمة بتعذيب الطفل !!

[shahd2007]

حسبي الله عليه المجرمه
استغرب ثقه بعض الامهات بالخدم باأطفالهم
لدرجه انها تروشه او تأكله الخدم للتنظيف فقط
بالله وش عقابه مثل هاذي الخادمه ...!!
ماعندك استعداد تهتمين باأطفالك لاتجيبين اطفال لمين تستعدين لهم
موب تعطينهم مجرمين يربونهم

[شميساوي]

.


تبي الصدق أخوي فارس ,,,

ما شفت المقطع و لا ودي أشوفه علشان أقتنع ان العماله مجرمين ,,,

أنا أكثر ما يغثني و يرفع ضغطي بعض الأهالي اللي يحطون أطفالهم مع الشغاله

إذا قلنا أن بعضهم عندهم أشغال ضروريه ...

نقول الشكوى لله ,,,

بس الباقي ...!!!!

ما همها الا المطاير في العزايم و الكشتات ...

و الروحات و الجيات ...

و تترك الطفل مع الخدامه ,,,

و أيش علثتها ,,,

(( الجو بارد و أخاف على عيالي من البرد ..!!!! ))

نصب عيني عينك ...

تخاف و الله تبتلش فيهم و تعابلهم ...

تبي الفكه منهم ,,

ودامك تبين الفكه منهم ...

ليش تجيبينهم ...!!!!

قريب لي كانت زوجته معلمه ,, و هو أيضاً معلم ...

أضطروا لـ إستقدام شغاله ,,, لـ تربية طفلهم الوحيد

و مع مرور الأيام كبر الطفل و هو يسمي الشغاله بـ مــامــا ..!!!

و إذا جت أمه تبيه ما يرضى ,, يقعد يبكي ألين تآخذه أمه الشغاله ..!!!!

الله يخلف بس ,,,

في الأخير ,,, الأم غصبا ً عنها أخذت إجازة ...

حتى يتأقلم الطفل عليها ,,,

قبل أن تحصل فاجعه سفر الشغاله الى أهلها ...!!!

تخلف و ربي ..


,

[صقر بني خالد]

المفروض هاذي الخادمةتمسك وتخلط خلط

[فـــارس]

اقتباس:المشاركة الأصلية كتبت بواسطة shahd2007

حسبي الله عليه المجرمه

استغرب ثقه بعض الامهات بالخدم باأطفالهم
لدرجه انها تروشه او تأكله الخدم للتنظيف فقط
بالله وش عقابه مثل هاذي الخادمه ...!!
ماعندك استعداد تهتمين باأطفالك لاتجيبين اطفال لمين تستعدين لهم
موب تعطينهم مجرمين يربونهم

يابنت الحلال بعض الامهات تكون نايمه وماتقوم الا بصلاة الظهر
والبعض بالدوامات
ولا يدرن الاصلا وش الي يدور بالبيت بغيابهن ..

اعتقد عقابه انه يفعله بها مثل ماسوت بالطفل واشد ....
ثم تحال الى الشرطه ...

[ماهي من البشر]

هذي مهب خدآمه ,,

هذي مرتك الثانيه شف وش تسوي بعيالك من الأوله وكوده تطلع قلوبكم ؟؟<<<<<<<<<<<هذا العضو منهار

[زين الصبايا]

ربي يكفينا كل من فيه شر

[جلوي العتيبي]

مشهد مؤلم


لكن الكاميرا على مايبدو تتحرك لذلك هي ليست كاميرا مراقبه


ترك الأطفال الرضع بين أيدي الخادمات جريمه بحد ذاتها

شكراً لك فارس

[عمر العايد]

يالله شوفو
لا طرت عليهم قالو نبي شغاله

[زفرات سنين]

:

وشو الحمام الغريب هذا

مدري احس ان لها علاقة ب الطفل

يكن امه ومريضه نفسياً

المكان ليس مكان حماماتنا المتعارف عليه

اتصور انها دوله اخرى ولها علاقة به بشكل او بآخر

.

[هنؤؤنه]

حسبي الله ونعم الوكيل فيها
ماعندها احساس ابد

مقطع يقطع القلب
والله ماعاد فيه ثقه بالخدم
متى تتوب الناس وتتعظ؟
اقولهم كيف تخلوا اطفالكم بالبيت مع الخدامه
معقوله انت واثقه فيها؟؟ضامنتها؟؟
تقول ايه عادي
وينامون معها بعد..
لاحول ولاقوة الا بالله




شكرا لك اخ فارس

[جراحة قلب]

ربي يكفينا كل من فيه شر

[عاشق ديرتي بريده]

احسن انه مركب بالفوتوشوب

<<<< يسمع بالفوتوشوب ولايدري وشو خخخخخخخخخخخ

لا صحيح المقطع احس انه ماله علاقه بالسعوديين فالطفل افنس مثل امه

ودورة المياه لكم الكرامه من العصر الجاهالي

هذي باندنوسيا اللي الى الحين يسبحون بطاسه خخخخخخخخخخخخخخخ

[رمز الحياة]

للاسف اليوم الخادمه اداة للكشخه
يعني صايره مثل الاثاث والديكور شكل فقط
طبعاً هذا عند الاغلبيه حتى لانعمم

[مٌـجـرد إحـسَـآس ♪]

..~

الله يغنينا عن الخدامات يآآآآآآآآآآآآآآآآآرب
قسم بالله ماوراهم الأ البلآ والجلآ
مع اني ماشفت المقطع ولاابي اشوفه
أدري ابنغث وابتنكد!
بس والله عندي تعب جسدي ولاتعب نفسي
والي يقهر الحين صارت الخدامه اساسيه عند كثير من العوائل
مع انه بيته صغير ومعه طفل واحد وربه منزل بالله وشوله جايبتها !!!
يعني لو هي موظفه نقول ماتنلآم ماتقدر تلحق !!

..~