بلا تبويس وتمطيخ ...! أليس السلام والمصافحه باليد تكفي ...؟

[فور يو]

اقتباس:  المشاركة الأصلية كتبت بواسطة ~ مي ~     انا مرة سلمت على حريم وهن جالسات ماقعدت الا ظهري متشهد >> طبعا اكثرهن كبار طبعا بسلم مصافحة للي ماعرفه لكن احد اعرفه لاااااا كان مافتك من لسانهم وش هالغروووور اللي جايه ههههههههههه دايم ملصقينبي هالتهمة ......

ماعليكِ منهن خلهن يقولن الا يقولن , مادام الواحد واثق من نفسه ماعليه من احد ...

لسلامة ظهرك مره اخرى سلمي مصافحه وخلي اللي يقول يقول ...

شكرا اخت مي على المرور الكريم .

[فور يو]

الأخ العزيز البـــbaderـــدر B.d.q

الأخ العزيز عبدالله الغريب

الأخ العزيز اسمر ومملوح

الأخ العزيز فارس القصيم

الأخ العزيز طموح

الأخ العزيز عتال

الأخ العزيز بريداوي 9

الأخ العزيز نجم النعايم

الأخ العزيز القاع البارد

شرفتموني واكرمتموني بمروركم , لا عدمتكم ...

كل تعقيب منكم يستحق صفحه مستقله , المعذره من الجميع والعتب على الوقت ...

مسائكم احلى من العسل .

[ظبي الأصيل]

هذا اللي مشغلكم ..!!!؟؟؟ الحمد لله..

[خالد القحطاني]

اقتباس:  المشاركة الأصلية كتبت بواسطة for you     اسعد الله اوقات الجميع بالخير والمسرات ... رجل يدخل على مجلس في مناسبه ممتلىء بالرجال يستلمهم من اولهم إلى آخرهم تبويس وتمطيخ أثناء السلام ...! اخواني أخواتي ألا ترون معي ان السلام والمصافحه باليد تكفي ..؟ _______ تقديري واحترامي للكل .

تريد كلام علمي أو تريد كلام نص ,,نص ؟

كلام علمي ... ثبت في علم النفس وفي عيادتي أن التبويس يعطي أريحيه بين المسلمين ويرفع من الروح الوثابه المسلمه
ويبعد الكدر والهم والوساوس الخبيثه...

كلام نص,,نص ماأحلى من التوبيس وخل عنك ابليس .

[عيون الصقر]

بعضهم عليه براطم بعير تخربش تحت اذنك حتى تعتريك القشعريرة

[بدر722]

الحمد لله والشكر ...



الناس وصلت سطح القمر وأنتم بلشين بالتمطيخ أي واحد ماوده أحد يبوسه يمد ايده من بعيد وأن جره واحد ما جره الباقين وكلن عقله براسه ويعرف خلاصه ..

وتخيل أي واحد منكم أن فيه شخص من زمان ما شافه قريب أو صديق أو جار وسلم عليك مصافح وتفهم أنه مبعد وجهه عنك ما وده يمطخك وش يكون تفكيرك لا أحد يطلعلي ويقول أنا واثق من نفسي والا أنا ماهمون الناس وكلامهم ما يهمن ...


فيه مواضيع أحيانآ تطرح والله اني أتأكد من الموقع أستغرب من طرحه ....



واللي يكره ريحت الغنم ترى العيد قرب ينام ولا يطلع من بيتهم واذا خلص العيد تبداء الدوامات ياخذ اجازه علشان ما أحد يمطخه وأحسن شي يقدم استقالته ويجلس بالبيت عند أمه وخواته علشان ما يوجعه وجهه...



حسبنا الله ونعم الوكيل ...

[فور يو]

اقتباس:  المشاركة الأصلية كتبت بواسطة ظبي الأصيل     هذا اللي مشغلكم ..!!!؟؟؟ الحمد لله..

نعم الحمدلله والشكر ...

لا ادري لماذا بعض المعرفات تطالب بشيء ولا تفعله ...؟! هل هوا تناقض ام جهل ...؟! ام كتابة اي شيء ...؟!

اقتباس:  المشاركة الأصلية كتبت بواسطة ظبي الأصيل     ليس لدي كلام طويل ولكن أحب أن يشارك الكل برأيه سوء في الرأي أو العلاج أو لأي تعليق تجاه الموضوع لماذا دائما ننقد الاخرين في أي شئ

ظبي الأصيل شكرا على رفع الموضوع ...

[فور يو]

اقتباس:  المشاركة الأصلية كتبت بواسطة خالد القحطاني     تريد كلام علمي أو تريد كلام نص ,,نص ؟ كلام علمي ... ثبت في علم النفس وفي عيادتي أن التبويس يعطي أريحيه بين المسلمين ويرفع من الروح الوثابه المسلمه ويبعد الكدر والهم والوساوس الخبيثه... كلام نص,,نص ماأحلى من التوبيس وخل عنك ابليس .

الأخ خالد القجطاني شكرا على المرور والله يبعد عنا ابليس والتبويس ...

[فور يو]

اقتباس:  المشاركة الأصلية كتبت بواسطة عيون الصقر     بعضهم عليه براطم بعير تخربش تحت اذنك حتى تعتريك القشعريرة

ويرافق القشعريره قرف وجفاشه , بعض الناس اذا بغى يسلم يتلك خطر يجيك ملع ...!

شكرا اخي عيون الصقر على المرور الكريم .

[فور يو]

اقتباس:  المشاركة الأصلية كتبت بواسطة بدر722     الحمد لله والشكر ... الناس وصلت سطح القمر وأنتم بلشين بالتمطيخ أي واحد ماوده أحد يبوسه يمد ايده من بعيد وأن جره واحد ما جره الباقين وكلن عقله براسه ويعرف خلاصه .. وتخيل أي واحد منكم أن فيه شخص من زمان ما شافه قريب أو صديق أو جار وسلم عليك مصافح وتفهم أنه مبعد وجهه عنك ما وده يمطخك وش يكون تفكيرك لا أحد يطلعلي ويقول أنا واثق من نفسي والا أنا ماهمون الناس وكلامهم ما يهمن ... فيه مواضيع أحيانآ تطرح والله اني أتأكد من الموقع أستغرب من طرحه .... واللي يكره ريحت الغنم ترى العيد قرب ينام ولا يطلع من بيتهم واذا خلص العيد تبداء الدوامات ياخذ اجازه علشان ما أحد يمطخه وأحسن شي يقدم استقالته ويجلس بالبيت عند أمه وخواته علشان ما يوجعه وجهه... حسبنا الله ونعم الوكيل ...

العيب الوحيد في النت ان كل من هب ودب بإمكانه ان يكتب ...

فيه ردود احيانا تطرح مثيره للضحك ...

بدر شكرا على رفع الموضوع ...

[بدر722]

اقتباس:  المشاركة الأصلية كتبت بواسطة for you     العيب الوحيد في النت ان كل من هب ودب بإمكانه ان يكتب ... فيه ردود احينا تطرح مثيره للضحك ... بدر شكرا على رفع الموضوع ...

الحمد لله ان فيه مواضيع تخلي الناس يضحكون ...

[الحصان الأسود]

يا اخوان حضرت زواج والهرجه مثل ماقلتوا تبويس وتمطيخ وجاء واحد تقل ثور ومن قوه السلام طاح عقالي طبعآضحكوا العيال عليه .....وبعده كل ماجاء واحد حطيت شماغي على وجهي ومعه ابتسامه قويه ههههههههه مزكوم سلم من بعيد.....البعض منهم يصدق والبعض يدري وش السالفه ويحس ويروح مبتسم ....
ياشيخ كذا ولا يمليك سعابيل ويطيح عقالك قدام الناس....

[ابوعمر]

المشكلة انك اذا اكتفيت بالمصافحة يفسرها البعض بتكبر منك

[فور يو]

اقتباس:  المشاركة الأصلية كتبت بواسطة بدر722     الحمد لله ان فيه مواضيع تخلي الناس يضحكون

سبحان الذي سخر لي بعض المعرفات لرفع الموضوع ...

[بترولي]

تحياتي للأخ ( for you ) على موضوعه الشيق

الذي هول البعض في خطورته وكأننا نسلم على شخص مصاب ب ( الإيدز ) !!

فالسلام أو التقبيل عاده إجتماعيه متوارثه وتختلف من بيئه لبيئه ومن مجتمع إلى مجتمع

مع العلم بأني ضد التعامل بهل بها وكأنها مقرر رسمي

حتى أصبحنا نعرف البعض ماذا أكل من خلال ريحته

فلا أنسى أحد الأشخاص وبعد التقبيل قلت له ( أنت متعشي عدس ؟؟ )

قال : أشدراك

قلت : شميت ريحة العدس !!

يجب أن تكون الطريقه مقننه أي ( لا إفراط ولا تفريط )

فالإعتدال مطلوب في كل حاجه

ذكر الأخ ( فارس القصيم ) ... أما الكويتيين (الله بالخير) وترد عليه انت بمثلها (الله بالخير)


لايعمم هذا الكلام على جميع الكويتين فأنا في بيئه ( يومياً ) يكون طريقة السلام بيننا بالقبل ( خد أو خشم )

وهي طريقه سيئه بلا شك ومزعجه كذلك .

ألف شكر للجميع